Sunglat 31
31
Kutthai Bibi Hmoelnah
1BOEIPA loh Moses te a voek tih, 2“Judah koca lamloh Hur capa Uri kah a ca, a ming ah Bezalel ka khue he hmu ne. 3Anih te Pathen mueihla lamloh cueihnah neh, lungcuei neh, mingnah neh bitat cungkuem ka kum sak. 4Sui neh ngun neh rhohum neh a saii te kopoek neh moeh saeh. 5Lungto kutthaibibi neh cung sak ham neh thing kutthaibibi dongah khaw bitat cungkuem dongah saii ham ka khue. 6Kai loh anih neh Dan koca kah Ahisamak capa Oholiab ka tuek coeng he ne. A lungbuei ah lungbuei kah a cueih cungkuem te cueihnah la ka paek tih nang kang uen te boeih saii uh saeh. 7Tingtunnah dap neh olphong thingkawng khaw, a sokah a tlaeng neh dap dongkah hnopai boeih, 8Caboei neh a tubael khaw, hmaitung tang neh a tubael boeih neh bo-ul hmueihtuk, 9Hmueihhlutnah hmueihtuk neh a tubael boeih, baeldung neh a kho khaw, 10Hnithun himbai neh khosoih Aaron kah hmuencim himbai khaw, aka khosoih ham a ca rhoek himbai khaw, 11koelhnah situi neh hmuencim kah bo-ul botui khaw nang kang uen bangla boeih a saii uh bitni,” a ti nah.
Sabbath Tuemnah
12BOEIPA loh Moses te a voek tih, 13“Namah loh Israel ca rhoek te voek lamtah, 'Ka Sabbath he kai laklo neh nang laklo kah miknoek la tuem. Na cadilcahma ham khaw nangmih aka ciim tah YAHWEH kamah ni tila aka ming sak la om saeh. 14Nangmih ham a cim dongah Sabbath te tuem uh. Te te aka poeih tah duek rhoe duek saeh. Te vaengah bitat aka saii boeih khaw a hinglu te a pilnam khui lamloh hnawt pah saeh. 15Hnin rhuk khuiah bitat te saii saeh. Tedae hnin rhih dongah koiyaeh Sabbath tah BOEIPA ham khaw cim saeh. Sabbath hnin ah bitat aka saii boeih tah duek rhoe duek saeh. 16Te dongah Israel ca rhoek loh Sabbath te tuem saeh. Sabbath a saii te a cadilcahma ham khaw kumhal kah paipi la om saeh. 17Kai laklo neh Israel ca rhoek laklo ah kumhal kah miknoek la om ni. BOEIPA loh hnin rhuk ah vaan neh diklai a saii. Tedae hnin rhih dongah a toeng tih tha a sai sak ta,' ti nah,” a ti nah.
Lungto Cabael Panit
18Anih taengah a thui te a khah nen tah Sinai tlang ah Pathen kah kutdawn loh lungto cabael a daek tih olphong cabael panit la Moses taengah a paek.
Currently Selected:
Sunglat 31: MCSB
Highlight
Share
Copy
Want to have your highlights saved across all your devices? Sign up or sign in
Matupi Chin Standard Bible © Batupuei Christian Fellowship (Matupi) 2019.
