মথি 27

পীলাতনি মিকখাংও গিত্তেল যীশু

1ফ্রিংও খামাল দাল·গিবারাং আরো মি·আফারাং দিমদাকান যীশুখো স·ওতে গালনা খু·মংগ্রিকজক। 2বিসং যীশুখো খাএমুং রোমনি দাল·বাৎগিবা শাসন দাকগিবা পীলাতনি জাক্কো হন·জক।

যিহূদানি সিয়া

3যীশুখো বোবিলরাংনি জাক্কো রি·ম্মে হন·গিবা উয়া যিহূদা বিচালও যীশুখো দোসী ইন্নে ফত্তাখো নিক্কে বিয়া গিসিকো দুক মান·জক। বিয়া খামাল দাল·গিবা আরো মি·আফারাংচা রি·য়াংএ রূপানি উয়া থাংখা খলাৎচিখো ফি·ল্লেতি আগানজক, 4“আংআ দোসগ্রিখো স·ওতে গালনা রি·ম্মে হ·ন্নে পাপ দাকজক।”

বিসং আগানজক, “ইনা চিংনি মুয়া হং·আ? না·আন উখো হা·আইজক।”

5উনোন যিহূদা রূপানি উয়া থাংখা খলাৎচিখো রা·এ থরম নক্কোনা গাল্লে রি·য়াংজক আরো গিদ্দকো দুুরি খাএ সিজক।

6খামাল দাল·গিবারাং রূপানি উয়া থাংখারাংখো রা·এ আগানজক, “ইয়া থাংখারাংখো থরম নকনি থাংখা দনচাক্রাও দন্না থিক হং·জা, মুয়ানা ইয়া হান·চিনি দাম হং·আ।” 7জা·মানো বিসং উয়া থাংখাচা সংগিপ্পিননি মান্দিরাংনা গি·সা গোপরামনি গিম্মিন হা·বা ব্রিজক। 8উনি গিম্মিন উয়া হা·বাখো দা·আওবা ‘হান·চিনি হা·বা’ মিংআ। 9ইনি গিম্মিন আগানসোগিবা যিরমিয়নি আগানসোগিবা খাৎথা চু·সকজকঃ “বিসং রূপানি থাংখা খলাৎচিখো রা·জক। ইয়া থাংখা বিনি দাম। ইস্রায়েলীরাং বিনি গিম্মিন ইয়া দামখো থারিয়ামিং। 10গিত্তেল আংনা জেদাক্কে গি·য়েতামিং উয়ানদাক্কেন বিসং কুমারনি হা·বানি গিম্মিন ইয়া থাংখারাংখো হন·জক।”

গিত্তেল যীশুনি বিচাল

11যীশু শাসন দাকগিবা পীলাতনি মিকখাংও চাদেংএ দংআমিং। শাসন দাকগিবা বিখো সিং·জক, “না·আ যিহূদীরাংনি রাজামা?”

যীশু আগানচাকজক, “না·আ খাকখেৎখোন আগানজক।”

12খামাল দাল·গিবারাং আরো মি·আফারাং যীশুখো বাং·এ গ্রোনাংএতজক ইন্দিবা যীশু মামুংখো আগানচাকজাজক। 13উনো পীলাত বিনা আগানজক, “বিসং নাং·খো বাচ্ছিকিন গ্রোনাংএতইংজক উখো না·আ খিন্নানা মান·জাংআমা?” ইন্দিবা যীশু মিংসা খাৎথাখোবা আগানচাকজাজক। 14উনি গিম্মিন উয়া শাসন দাকগিবা নাম্মেন আইয়াও ইনমানজক।

15গিম্মিক ওয়াতচাংআনি সালরাংও দাল·বাৎগিবা শাসন দাকগিবা মান্দিরাংনি নামনিকগিবা সাকসা বন্দিখো ওয়াত্তেতনুয়ামিং। ইয়ান বিনি বেওয়ালমিং। 16উয়া সময়ও বারাববা মিংগিবা সাকসা নামবাৎজাগিবা বন্দি দংআমিং। 17মান্দিরাং আপসান থম·দাকানি জা·মানো পীলাত বিসংচা সিং·জক, “না·সং মুয়াখো হা·ম্মিংআ? না·সংচা আংআ সাখো ওয়াত্তেতনুয়া, বারা্ববাখোমা খ্রীষ্ট মিংগিবা উয়া যীশুখো?” 18মান্দিরাং মিকনেংইন যীশুখো রি·ম্মে হন·জক, পীলাত ইখো হা·আইয়ামিং।

19পীলাত বিচাল দাকনা আসংএ দংমিত্তিংও বিনি জিকগিবা বিনা ইন্দাকে আগানে ওয়াত্তেতজক, “উয়া গ্রোনাংগিজাগিবা মান্দিখো না·আ দা·আ মামুংখো দাক্কা, মুয়ানা দা·আল আংআ জুমাংচা বিনি গিম্মিন নাম্মেন দুক মান·জক।”

20ইন্দিবা খামাল দাল·গিবারাং আরো মি·আফারাং মান্দিরাংখো ইন্দাকে স্খিয়েতজক জেদাক্কে বিসং বারা্ববাখো ওয়াতখানা আরো যীশুখো স·ওতে গালখানা আগানা। 21জা·মানো দাল·বাৎগিবা শাসন দাকগিবা মান্দিরাংচা সিং·জক, “ইয়া সাকগ্মিনি গিসেপো আংআ সাখো না·সংচা ওয়াত্তেতনুয়া?”

বিসং আগানজক, “বারা্ববাখো।”

22উনো পীলাত বিসংনা আগানজক, “ইন্দাকোদে জেখো খ্রীষ্ট মিংআ উয়া যীশুখো আংআ মুয়াখো দাকনুয়া?”

বিসং দিমদাকান আগানজক, “বিখো চিসলো দাৎখাপবো।”

23পীলাত আগানজক, “মুয়ানা, বিয়া মুয়া নামগিজাখো দাকজক?

ইনা বিসং আরোবা বাং·এ চ্রিকে আগান্না হা·বাচেংজক, বিখো চিসলো দাৎখাপবো।”

24পীলাত নিকনা মান·জক বিয়া মামুংখোন দাকনা মান·জাংজক ইন্দিবা আরোবা বাং·এ গোলমাল হং·বাখো নিক্কে বিয়া মান্দিরাংনি মিকখাংও চি রা·এ জাকসুএ আগানজক, “ইয়া মান্দিনি হান·চিনি গিম্মিন আংআ গ্রো নাংজা; না·সংআন উখো হা·আইনুয়া।”

25দিমদাক মান্দিরাং আগানচাকজক, “চিংআ আরো চিংনি বি·সারাং বিনি হান·চিনা গ্রো নাংনুয়া।”

26উনোন পীলাত বারা্ববাখো মান্দিরাংনি জাক্কো ওয়াত্তেতজক, ইন্দিবা যীশুখো নাম্মেদাক্কে চাবুকচা দকখানা আগানে চিসলো দাৎখাপনা হন·জক।

সিপাইরাংনি খা·দিংস্থেকা

27উনো দাল·বাৎগিবা শাসন দাকগিবা পীলাতনি সিপাইরাং যীশুখো রা·এ বিনি নকনিংওনা রি·য়াংজক আরো যীশুখো উইলউইলে গিম্মিক সিপাইরাংখো থম·দাকেতজক। 28বিসং যীশুনি বা·রাখো অক্কেমুং বিনা গিৎচাক ম্রাং বা·রাখো ফাতজক। 29জা·মানো বিসং বুসুনি মুকুটখো থারিয়ে বিনি স্খুও স্থিকেতজক, আরো বিনি জাক্রা জাক্কো গি·সা গল·দিক হন·জক। উনি জা·মানো বিনি মিকখাংও জা·স্খু দে·ম্মে বিখো খাল·স্থাপে আগানজক, “যিহূদীরাংনি রাজা, নাং·খো দেমিৎথেলা!” 30উনো বিনি বে·এনো বিসং খু·চিদাপজক আরো উয়া গল·দিকচা বিনি স্খুও রাং·নিরাং দকজক। 31বিখো খাল·স্থাপানি জা·মানো বিসং উয়া বা·রাখো এংএ রা·জক আরো বিনি বা·রাথাংখো ফাত্তে বিখো চিসলো দাৎখাপনা রিম্মাংজক।

চিসলনি সাক্কাও গিত্তেল যীশু

32উয়োনি হং·খাতমিত্তিংও সিপাইরাং কুরীণী সংজিলমানি শিমোন মিংগিবা সাকসা মান্দিখো নিকনা মান·জক। সিপাইরাং বিখো যীশুনি চিসলখো রিপ্পিএ রা·আংনা হন·জক। 33-34জা·মানো বিসং ‘গল্‌গথা,’ জেখো ফি·ওদে ‘স্খু বিখ্রক’ মিংগিবা হা·দামওনা রি·বাএ যীশুনা খা·আ ব্রিনগিবা বিৎচিখো রিংখানা হন·জক। যীশু উখো থাপ্পে আরবা রিংনা হাম·জাজক।

35যীশুখো চিসলো দাৎখাপানি জা·মানো সিপাইরাং বিনি বা·রাখো লটারি খা·ল্লে আন·থাংথাংনা সুআলে রা·জক। 36জা·মানো বিসং উয়ো আসংএ বিখো নিথিমনা হা·বাচেংজক। 37“ইয়ান যীশু, যিহূদীরাংনি রাজা” ইন্নে গ্রোনাংআনি খাৎথাখো চক্কে বিসং চিসলো যীশুনি স্খু সাক্কাও ফা·থাপজক। 38বিসং সাকগ্মি ডাকাতখোবা যীশুমুং চিসলো দাৎখাপজক, সাকসাখো জাক্রাচা আরো সাকসাখো জাক্কাসিচা দাৎখাপজক। 39উয়া রামা গিত্তা রি·য়াংগিবা মান্দিরাং স্খুখো রকরেকে যীশুখো খাল·স্থাপে আগানজক, 40“না·আনা থরম নকখো ফি·এ দা·আবা সালগিত্থামনি সালো রিকফিলনা মা·ন্না! ইন্দাকোদে দা·আও আন·থাংখো জক্কেৎবো। না·আ ইসলনি দেফান্থি হং·ওদে চিসলনি হং·খাতে রি·বাবো।”

41খামাল দাল·গিবারাং আরো শাস্ত্র স্খিগিবারাং আরো মি·আফারাংবা বিখো খাল·স্থাপে আগানজক, 42“বিয়া গিপ্পিনরাংখো জক্কেৎনা মা·ন্না, আন·থাংখো জক্কেৎনা মান·জা। বিয়াদে ইস্রায়েলরাংনি রাজা হং·আ! দা·আও বিয়া চিসলোনি হং·খাতে রি·বাখানা। উনোদে বিখো চিংআ বিবিরা·নুয়া। 43বিয়া ইসলনি সাক্কাও ফাংচাকা; দা·আও ইসল বিনি সাক্কাও খুসি হং·ওদে বিখো বিয়া জক্কেৎখানা। বিয়াদে আন·থাংখো ইসলনি দেফান্থি ইন্নে আগান্নুয়ামিং।” 44বিমুং চিসলো দাৎখাপা মান·গিবা ডাকাতরাংবা উয়া খাৎথাখোন আগানে বিখো ইনথেকজক।

গিত্তেল যীশুনি সিয়া

45উনিসালো সালজাৎচিও চি·গ্মি বাজিওনি গিত্থাম বাজিওনা দিপ্পাৎ সংগিম্মিক আন্দালে দংজক। 46গিত্থাম গিত্তা বাজিও যীশু গাম·বিয়ে আগানজক, “এলী, এলী, লামা শবক্তানী,” ফি·ওদে “আংনি ইসল, আংনি ইসল, মুয়ানা না·আ আংখো ওয়াতগালজক?”

47উয়ো চাদেংএ দংগিবারাংনি গিসেপো মিত্তামরাং ইখো খিন্নাএ আগানজক, “বিয়া এলিয়খো রিক্কামিংআ।” 48উনোন উরাংনি গিসেপো সাকসা রি·য়াংগাল্লে বিৎচিও সপন্‌জখো সিম·চিম্মে হন·জক আরো গি·সা গল·দিকো উখো সিকসেপে যীশুনা রিংখানা হন·জক। 49সাকগিপ্পিনরাং আগানজক, “নিনা এলিয় বিখো জক্কেৎনা রি·বামা রি·বাজা।”

50যীশু দা·আবা চ্রিকজক আরো উনি জা·মানো জাংগি গালজক। 51উনো থরম নকনি দিমফেংগিবা পর্দা চিতগ্মি দাক্কে সাক্কাওনি খা·মাওনা দ্রাকারিজক; আরো বাংগুরিজক আরো দা·ল্লা দা·ল্লা রং·থিরাং ব্রেতজক। 52মিত্তাম গোপরামরাং বাংবাং হং·জক আরো ইসলনি জে মান্দিরাং সিজকমিং বিসংনি গিসেপো বাং·এন থাংচাফিলজক। 53বিসং গোপরামওনি হং·খাতে রি·বাজক আরো যীশু সিয়ানি থাংচাফিল্লানি জা·মানো বিসং রংথালগিবা সংজিলমাচা রি·য়াংজক। বিসং উয়ো বাং·আরাংনা মিকখাং ফা·জক।

54সুবিদার আরো বিমুং দংফাএ জেরাং যীশুখো রাক্ষিংআমিং বিসং বাংগুরিয়া আরো ইন্দাকে হং·আরাংখো নিক্কে নাম্মেন খেন্নে আগানজক, “বিবিন ইয়া ইসলনি দেফান্থি হং·আমিং।”

55বাং·আ মিচিকরাংবা উনি চে·ল্লাও চাদেংএ দিমদাকখোন নিংআমিং। যীশুনা দাকচাকে হ·ন্না বিসং যীশুমুং গালীলচানি রি·বামিং। 56বিসংনি গিসেপো মগ্‌দলীনী মরিয়ম, যাকোব আরো যোষেফনি মা·গিবা মরিয়ম আরো সিবদিয়নি দেফান্থি যাকোব আরো যোহননি মা·গিবা দংআমিং।

গিত্তেল যীশুখো গপ্পা

57হান·থামানি জা·মানো অরিমাথিয়া সংনি যোষেফ মিংগিবা মা·ন্নে চা·গিবা সাকসা মান্দি উয়োনা রি·বাজক। বিয়া যীশুনি জা·রিকগিবামিং। 58পীলাতচা রি·য়াংএ বিয়া যীশুনি মাংগিসিখো হাম·জক। উনো পীলাত বিনা উয়া মাংগিসিখো হ·ন্না গি·য়েৎজক। 59যোষেফ যীশুনি মাংগিসিখো রা·আংএ চি·রংগিবা বা·রাও ফিনগপজক, 60আরো হা·ব্রিও আন·থাংনা জে গিত্তাল গোপরামখো খিত্তে দন্নামিং উয়োন উয়া বে·এনখো দনজক। জা·মানো উয়া গোপরামনি মিকখাংও গি·সা দা·ল্লা রং·থিখো রমথম্মে দন্নে রি·য়াংজক। 61ইন্দিবা মগ্‌দলীনী মরিয়ম আরো উয়া সাকগিপ্পিন মরিয়ম উয়া গোপরামনি মিকখাংও আসংএ দংজক।

62উনি সালসাও, আগানস্খাওদে থারিয়ানি সালনি সালসাও খামাল দাল·গিবারাং আরো ফরীশীরাং পীলাতচা থম·দাকে রি·য়াংএ আগানজক, 63“গিত্তেল, চিংআ গিসিক রা·জক, উয়া বু·এ চা·গিবা থাংএ দংমিত্তিংও আগানামিং, ‘আংআ সালগিত্থামনি জা·মানো থাংচাফিলনুয়া।’ 64উনি গিম্মিন সালগিত্থামনা দিপ্পাৎ গোপরামখো নিথিমে দংনা গি·য়েৎবো। ইন্দাকজাওদে বিনি জা·রিকগিবারাং রি·বাএ বিনি মাংগিসিখো চা·ওয়ে রা·আংএ মান্দিরাংনা আগান্নুয়া, ‘বিয়া সিয়াওনি থাংচাফিলজক।’ ইন্দাকোদে স্খাংনি বু·আনা বাত্তে জা·মাননি বু·আ নামবাৎজানুয়া।”

65উনোন পীলাত বিসংনা আগানজক, “নিরকখিগিবারাংখো রিম্মাংএ না·সং জেদাক্কে মা·ন্না উয়ানদাক্কে নিরকখিয়েতবো।” 66উনোন বিসং রি·য়াংএ রং·থিনি সাক্কাও সীলমোহর সু·জক আরো নিরকখিগিবারাংখো উয়ো দন্নে গোপরামখো নাম্মেদাক্কে নিরকখানা দনজক।

Currently Selected:

মথি 27: GLNT

Highlight

Copy