Lukas 3:4-6

Apa yang Yohanis biking tu sama deng apa yang Allah pung Juru Bicara Yesaya su tulis dalang dia pung kitab kata, “Nanti ada orang yang tabaos di padang gurun kata, ‘He orang-orang e! Kasi siap jalang par Tuhan! Kasi barsi jalang par Antua langgar! Tambong tana la tutu akang pung alor-alor tu. Kasi rata gunung samua, kasi lurus jalang yang bengko-bengko, la kasi licing jalang yang kasar-kasar tu lai. La samua orang nanti lia bagemana Allah kasi salamat orang-orang dari dosa.’ ”