Lukas 4
4
Setang pung Raja coba biking Yesus bardosa
4:1-13
(Matius 4:1-11; Markus 1:12-13)
1Waktu Yesus bale dari aer Yordan, Allah pung Roh pung kuasa ada deng Antua, la hentar Antua ka padang gurun. 2Antua tinggal di situ ampa pulu hari tare-tare, mar seng makang apapa jadi Antua lapar paskali. Waktu itu, Setang pung Raja coba biking Antua bardosa.
3Setang pung Raja tu bilang par Antua kata, “He, kalo memang Se ni Allah pung Ana, coba parenta batu-batu ni jadi roti.”
4Yesus jawab, “Allah pung Tulisang ada bilang, ‘Manusia hidop bukang cuma dari roti sa.’ ”#Carita Ulang 8:3
5Tarus, Setang pung Raja bawa Yesus ka tampa yang paleng tinggi la dalang waktu yang capat paskali dia kasi lia samua karajaang di dunya par Antua. 6La dia bilang par Antua kata, “Beta nanti kasi samua harta deng kuasa yang ada di dunya ni par Se, tagal samua tu su dapa kasi par beta. Jadi, beta bisa kasi akang par sapa sa iko beta pung mau. 7Kalo Se somba beta, samua tu nanti jadi Se pung.”
8Yesus jawab dia, “Allah pung Tulisang ada bilang, ‘Somba Tuhan, kamong pung Allah, deng dengar-dengarang Antua sa.’ ”#Carita Ulang 6:13
9Abis itu, Setang pung Raja bawa Yesus ka kota Yerusalem la taru Antua di bagiang yang paleng tinggi di Tampa Sombayang Pusat. La dia bilang par Antua kata, “Kalo memang Se ni Allah pung Ana, coba buang diri ka bawa! 10Barang, dalang Allah pung Tulisang tu ada bilang, ‘Allah nanti suru Antua pung malekat-malekat par jaga Se bae-bae, 11deng tada Se biar Se pung kaki seng tatumbu batu.’ ”#Lagu-Lagu 91:11-12
12Yesus jawab dia, “Allah pung Tulisang ada bilang, ‘Jang coba-coba kamong pung Tuhan Allah!’ ”#Carita Ulang 6:16
13Abis Setang pung Raja tu coba Yesus bagitu, dia pi kasi tinggal Antua la tunggu waktu yang bae par bale coba Antua lai.
Yesus bale kombali ka Galilea
4:14-15
(Matius 4:12-17; Markus 1:14-15)
14Abis dari padang gurun, Yesus bale kombali ka propinsi Galilea. Allah pung Roh pung kuasa ada deng Antua. La carita soal Antua tasiar dari mulu ka mulu koliling daera tu. 15Antua kasi balajar orang di orang Yahudi pung tampa-tampa sombayang di situ la samua orang puji Antua.
Orang Nasaret seng tarima Yesus
4:16-30
(Matius 13:53-58; Markus 6:1-6)
16Yesus pi ka kampong Nasaret, tampa Antua basar. Pas orang Yahudi pung hari Barenti Karja, Yesus maso ka tampa sombayang macang deng apa yang Antua biasa biking, la badiri par baca Allah pung Tulisang. 17Dong kasi Antua baca kitab#4:17 Kitab: Waktu itu, orang-orang biasa pake kartas ka binatang pung kuli par tulis. Dong gulung akang di kayo sapanggal, seng sama deng buku yang sakarang. yang Allah pung Juru Bicara Yesaya tulis. Antua buka akang la dapa nats yang bilang kata,
18“Tuhan pung Roh ada dalang Beta,
tagal Antua su angka Beta
par kasi tau kabar bae par orang-orang sangsara.
Antua jua su utus Beta
19par kasi tau par orang-orang yang taika kalo dong mau dapa kasi lapas,
kasi bae orang-orang buta biar dong dapa lia,
kasi lapas orang-orang yang dapa tindis,
deng kasi tau kalo su akang pung oras par Tuhan kasi unju Antua pung hati bae.”#Yesaya 61:1-2
20Abis itu, Yesus tutu kitab tu la kasi akang kombali par orang yang pung tugas la dudu. Samua orang di tampa sombayang tu nganga Antua bae-bae. 21Tarus, Antua mulai kasi balajar dong kata, “Hari ini, waktu kamong dengar Allah pung pasáng yang Beta baru baca tu, oras itu jua, akang su jadi.”
22Samua orang di situ puji-puji Antua deng herang tagal Antua pung ajarang bagus. Dong bilang, “Dia ni cuma Yusuf pung Ana to?”
23Tarus, Yesus bilang par dong kata, “Kamong pasti mau bilang par Beta sama deng apa yang orang biasa bilang kata, ‘Dokter! Kasi bae ale pung diri sandiri do!’ Akang pung arti kamong mau bilang, ‘Katong su dengar Ale biking tanda herang di kota Kapernaum tu, jadi biking akang di sini lai, di ale pung kampong sandiri!’ ”
24Yesus bilang lai kata, “Dengar bae-bae, tagal apa yang Beta bilang ni batul! Orang seng tarima Allah pung juru bicara di dia pung kampong sandiri.#Yohanis 4:44
25Dengar ini lai! Dolo waktu Allah pung Juru Bicara Elia masi ada, janda ada banya di Israel. Waktu itu, ujang seng turung tiga taong anam bulang, jadi susa makanang di antero tana Israel. 26Mar biar kata bagitu, Elia seng dapa utus par dong, mar par janda satu di Sarfat, di tana Sidon, di luar tana Israel.#1 Raja-Raja 17:1, 8-16
27Bagitu lai, waktu jamang Allah pung Juru Bicara Elisa, orang yang saki lepra ada banya di Israel. Mar, seng ada satu orang Israel lai yang dapa kasi bae dari Allah, cuma orang Siria satu yang nama Naaman tu sa.”#2 Raja-Raja 5:1-14
28Pas dengar bagitu, samua orang yang ada dalang tampa sombayang tu pung dara mandidi. 29Tarus, dong badiri la hela Yesus kaluar dari kampong la bawa Antua ka pinggir jurang biar bisa lempar Antua ka bawa. Barang, kampong Nasaret tu ada di atas gunung. 30Mar Antua bajalang di tenga-tenga dong samua la pi kasi tinggal dong.
Yesus user setang dari orang takanal satu
4:31-37
(Markus 1:21-28)
31Abis dari kampong Nasaret, Yesus pi ka kota Kapernaum di propinsi Galilea. Pas orang Yahudi pung hari Barenti Karja, Antua kasi balajar orang di orang Yahudi pung tampa sombayang di situ. 32La dong taherang-herang dengar Antua pung ajarang, tagal Antua kasi balajar dong deng kuasa.#Matius 7:28-29
33Waktu itu, ada orang takanal satu dalang tampa sombayang tu. La setang yang ada dalang dia bataria basar-basar kata, 34“Hoe Yesus orang Nasaret e! Se ada urusang apa deng katong? Se datang par kasi ancor katong ka? Beta tau Se tu sapa! Se tu Orang yang kudus yang Allah su utus!”
35La Yesus hokmat setang tu kata, “Tado! Capat kaluar dari dia!” Tarus, setang tu banting dia ka tana di tenga-tenga orang banya tu la kaluar dari dia, mar seng biking apapa dia.
36Samua orang yang ada di situ taherang-herang la dong laeng bilang par laeng kata, “Bukang maeng! Dia pung kata-kata tu hebat paskali! Deng Dia pung kuasa Dia parenta setang-setang tu par kaluar, la akang kaluar!” 37La carita soal apa yang Yesus biking tu, akang tasiar koliling daera tu.
Yesus kasi bae Simon pung mama mantu deng orang banya
4:38-41
(Matius 8:14-17; Markus 1:29-34)
38Abis kaluar dari tampa sombayang tu, Yesus pi ka Simon pung ruma. Waktu itu, Simon pung mama mantu ada saki damang goyang. Tarus, dong bilang par Yesus kata, “Bapa e! Tolong antua jua.” 39Tarus, Yesus badiri di antua pung pinggir, la user damang tu, la panyaki tu ilang. Oras itu jua, antua bangong la biking makanang par Yesus dong.
40Pas matahari su mau maso,#4:40 Pas matahari su mau maso: Akang pung arti, su abis hari Barenti Karja. Kalo iko orang Yahudi pung atorang agama, dong seng bole bawa orang saki waktu hari Barenti Karja. orang-orang datang bawa samua orang yang saki macang-macang panyaki par Yesus. La Antua taru tangang di dong satu-satu la kasi bae dong. 41Setang-setang jua kaluar lai dari banya orang la bataria kata, “Yesus e! Se ni batul-batul Allah pung Ana!” Mar Antua tagor dong deng suru dong tado, tagal dong tau kalo Antua tu Orang yang Allah su Angka par Kasi Salamat Manusia.
Yesus kasi tau Kabar Bae di kota-kota laeng
4:42-44
(Markus 1:35-39)
42Pas matahari su mau nai, Yesus pi di tampa sunyi satu. Mar orang banya pi cari Antua. Pas baku dapa Antua, dong coba tahang Antua par seng pi kasi tinggal dong.
43Mar Antua bilang par dong kata, “Beta jua musti pi ka kota-kota laeng par kasi tau Kabar Bae soal Allah pegang parenta jadi Raja. Barang, itu tu alasang mangapa sampe Beta dapa utus.”
44Tarus, Antua koliling propinsi Yudea par kasi tau Kabar Bae di orang Yahudi pung tampa-tampa sombayang.
Currently Selected:
Lukas 4: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Lukas 4
4
Setang pung Raja coba biking Yesus bardosa
4:1-13
(Matius 4:1-11; Markus 1:12-13)
1Waktu Yesus bale dari aer Yordan, Allah pung Roh pung kuasa ada deng Antua, la hentar Antua ka padang gurun. 2Antua tinggal di situ ampa pulu hari tare-tare, mar seng makang apapa jadi Antua lapar paskali. Waktu itu, Setang pung Raja coba biking Antua bardosa.
3Setang pung Raja tu bilang par Antua kata, “He, kalo memang Se ni Allah pung Ana, coba parenta batu-batu ni jadi roti.”
4Yesus jawab, “Allah pung Tulisang ada bilang, ‘Manusia hidop bukang cuma dari roti sa.’ ”#Carita Ulang 8:3
5Tarus, Setang pung Raja bawa Yesus ka tampa yang paleng tinggi la dalang waktu yang capat paskali dia kasi lia samua karajaang di dunya par Antua. 6La dia bilang par Antua kata, “Beta nanti kasi samua harta deng kuasa yang ada di dunya ni par Se, tagal samua tu su dapa kasi par beta. Jadi, beta bisa kasi akang par sapa sa iko beta pung mau. 7Kalo Se somba beta, samua tu nanti jadi Se pung.”
8Yesus jawab dia, “Allah pung Tulisang ada bilang, ‘Somba Tuhan, kamong pung Allah, deng dengar-dengarang Antua sa.’ ”#Carita Ulang 6:13
9Abis itu, Setang pung Raja bawa Yesus ka kota Yerusalem la taru Antua di bagiang yang paleng tinggi di Tampa Sombayang Pusat. La dia bilang par Antua kata, “Kalo memang Se ni Allah pung Ana, coba buang diri ka bawa! 10Barang, dalang Allah pung Tulisang tu ada bilang, ‘Allah nanti suru Antua pung malekat-malekat par jaga Se bae-bae, 11deng tada Se biar Se pung kaki seng tatumbu batu.’ ”#Lagu-Lagu 91:11-12
12Yesus jawab dia, “Allah pung Tulisang ada bilang, ‘Jang coba-coba kamong pung Tuhan Allah!’ ”#Carita Ulang 6:16
13Abis Setang pung Raja tu coba Yesus bagitu, dia pi kasi tinggal Antua la tunggu waktu yang bae par bale coba Antua lai.
Yesus bale kombali ka Galilea
4:14-15
(Matius 4:12-17; Markus 1:14-15)
14Abis dari padang gurun, Yesus bale kombali ka propinsi Galilea. Allah pung Roh pung kuasa ada deng Antua. La carita soal Antua tasiar dari mulu ka mulu koliling daera tu. 15Antua kasi balajar orang di orang Yahudi pung tampa-tampa sombayang di situ la samua orang puji Antua.
Orang Nasaret seng tarima Yesus
4:16-30
(Matius 13:53-58; Markus 6:1-6)
16Yesus pi ka kampong Nasaret, tampa Antua basar. Pas orang Yahudi pung hari Barenti Karja, Yesus maso ka tampa sombayang macang deng apa yang Antua biasa biking, la badiri par baca Allah pung Tulisang. 17Dong kasi Antua baca kitab#4:17 Kitab: Waktu itu, orang-orang biasa pake kartas ka binatang pung kuli par tulis. Dong gulung akang di kayo sapanggal, seng sama deng buku yang sakarang. yang Allah pung Juru Bicara Yesaya tulis. Antua buka akang la dapa nats yang bilang kata,
18“Tuhan pung Roh ada dalang Beta,
tagal Antua su angka Beta
par kasi tau kabar bae par orang-orang sangsara.
Antua jua su utus Beta
19par kasi tau par orang-orang yang taika kalo dong mau dapa kasi lapas,
kasi bae orang-orang buta biar dong dapa lia,
kasi lapas orang-orang yang dapa tindis,
deng kasi tau kalo su akang pung oras par Tuhan kasi unju Antua pung hati bae.”#Yesaya 61:1-2
20Abis itu, Yesus tutu kitab tu la kasi akang kombali par orang yang pung tugas la dudu. Samua orang di tampa sombayang tu nganga Antua bae-bae. 21Tarus, Antua mulai kasi balajar dong kata, “Hari ini, waktu kamong dengar Allah pung pasáng yang Beta baru baca tu, oras itu jua, akang su jadi.”
22Samua orang di situ puji-puji Antua deng herang tagal Antua pung ajarang bagus. Dong bilang, “Dia ni cuma Yusuf pung Ana to?”
23Tarus, Yesus bilang par dong kata, “Kamong pasti mau bilang par Beta sama deng apa yang orang biasa bilang kata, ‘Dokter! Kasi bae ale pung diri sandiri do!’ Akang pung arti kamong mau bilang, ‘Katong su dengar Ale biking tanda herang di kota Kapernaum tu, jadi biking akang di sini lai, di ale pung kampong sandiri!’ ”
24Yesus bilang lai kata, “Dengar bae-bae, tagal apa yang Beta bilang ni batul! Orang seng tarima Allah pung juru bicara di dia pung kampong sandiri.#Yohanis 4:44
25Dengar ini lai! Dolo waktu Allah pung Juru Bicara Elia masi ada, janda ada banya di Israel. Waktu itu, ujang seng turung tiga taong anam bulang, jadi susa makanang di antero tana Israel. 26Mar biar kata bagitu, Elia seng dapa utus par dong, mar par janda satu di Sarfat, di tana Sidon, di luar tana Israel.#1 Raja-Raja 17:1, 8-16
27Bagitu lai, waktu jamang Allah pung Juru Bicara Elisa, orang yang saki lepra ada banya di Israel. Mar, seng ada satu orang Israel lai yang dapa kasi bae dari Allah, cuma orang Siria satu yang nama Naaman tu sa.”#2 Raja-Raja 5:1-14
28Pas dengar bagitu, samua orang yang ada dalang tampa sombayang tu pung dara mandidi. 29Tarus, dong badiri la hela Yesus kaluar dari kampong la bawa Antua ka pinggir jurang biar bisa lempar Antua ka bawa. Barang, kampong Nasaret tu ada di atas gunung. 30Mar Antua bajalang di tenga-tenga dong samua la pi kasi tinggal dong.
Yesus user setang dari orang takanal satu
4:31-37
(Markus 1:21-28)
31Abis dari kampong Nasaret, Yesus pi ka kota Kapernaum di propinsi Galilea. Pas orang Yahudi pung hari Barenti Karja, Antua kasi balajar orang di orang Yahudi pung tampa sombayang di situ. 32La dong taherang-herang dengar Antua pung ajarang, tagal Antua kasi balajar dong deng kuasa.#Matius 7:28-29
33Waktu itu, ada orang takanal satu dalang tampa sombayang tu. La setang yang ada dalang dia bataria basar-basar kata, 34“Hoe Yesus orang Nasaret e! Se ada urusang apa deng katong? Se datang par kasi ancor katong ka? Beta tau Se tu sapa! Se tu Orang yang kudus yang Allah su utus!”
35La Yesus hokmat setang tu kata, “Tado! Capat kaluar dari dia!” Tarus, setang tu banting dia ka tana di tenga-tenga orang banya tu la kaluar dari dia, mar seng biking apapa dia.
36Samua orang yang ada di situ taherang-herang la dong laeng bilang par laeng kata, “Bukang maeng! Dia pung kata-kata tu hebat paskali! Deng Dia pung kuasa Dia parenta setang-setang tu par kaluar, la akang kaluar!” 37La carita soal apa yang Yesus biking tu, akang tasiar koliling daera tu.
Yesus kasi bae Simon pung mama mantu deng orang banya
4:38-41
(Matius 8:14-17; Markus 1:29-34)
38Abis kaluar dari tampa sombayang tu, Yesus pi ka Simon pung ruma. Waktu itu, Simon pung mama mantu ada saki damang goyang. Tarus, dong bilang par Yesus kata, “Bapa e! Tolong antua jua.” 39Tarus, Yesus badiri di antua pung pinggir, la user damang tu, la panyaki tu ilang. Oras itu jua, antua bangong la biking makanang par Yesus dong.
40Pas matahari su mau maso,#4:40 Pas matahari su mau maso: Akang pung arti, su abis hari Barenti Karja. Kalo iko orang Yahudi pung atorang agama, dong seng bole bawa orang saki waktu hari Barenti Karja. orang-orang datang bawa samua orang yang saki macang-macang panyaki par Yesus. La Antua taru tangang di dong satu-satu la kasi bae dong. 41Setang-setang jua kaluar lai dari banya orang la bataria kata, “Yesus e! Se ni batul-batul Allah pung Ana!” Mar Antua tagor dong deng suru dong tado, tagal dong tau kalo Antua tu Orang yang Allah su Angka par Kasi Salamat Manusia.
Yesus kasi tau Kabar Bae di kota-kota laeng
4:42-44
(Markus 1:35-39)
42Pas matahari su mau nai, Yesus pi di tampa sunyi satu. Mar orang banya pi cari Antua. Pas baku dapa Antua, dong coba tahang Antua par seng pi kasi tinggal dong.
43Mar Antua bilang par dong kata, “Beta jua musti pi ka kota-kota laeng par kasi tau Kabar Bae soal Allah pegang parenta jadi Raja. Barang, itu tu alasang mangapa sampe Beta dapa utus.”
44Tarus, Antua koliling propinsi Yudea par kasi tau Kabar Bae di orang Yahudi pung tampa-tampa sombayang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku