Lukas 5
5
Yesus panggel Antua pung murid-murid yang partama
5:1-11
(Matius 4:18-22; Markus 1:16-20)
1Satu kali bagini, waktu Yesus ada badiri di pinggir dano Galilea,#5:1 Dano Galilea: Teks bahasa Yunani bilang, “dano Genesaret”. Itu akang pung nama laeng. Dalang Janji Lama, orang bilang akang dano Kineret (Orang Israel di Padang Gurun 34:11), ka dano Kinerot (Yosua 12:3). orang paleng banya urung Antua. Barang, dong mau dengar Antua pung ajarang soal Allah. 2Yesus lia bagini, ada dua parau di pinggir pante. Orang-orang buang jareng su turung dari parau tu la ada kasi barsi dong pung jareng. 3Tarus, Antua nai ka parau satu. Parau tu Simon pung. Antua minta dia tola akang ka tenga sadiki la Antua dudu di parau la kasi balajar orang banya.#Matius 13:1-2; Markus 4:1
4Abis kasi balajar, Antua bilang par Simon kata, “Panggayo parau ni ka tampa yang kadalang la buang ale pung jareng.”
5La Simon bilang Antua kata, “Tuang Guru e, katong ni su karja karas satu malang tare-tare mar seng dapa apapa.#Yohanis 21:3 Mar, tagal Tuang Guru suru, beta mau buang jareng ni kombali.”
6Abis dong iko Yesus pung parenta tu, dong dapa ikang paleng banya paskali sampe jareng mulai tarobe.#Yohanis 21:6 7Tarus, dong game dong pung tamang-tamang yang ada di parau laeng par datang tolong dong. Tarus, dong pung tamang-tamang datang la dong samua sama-sama isi dua parau tu deng ikang-ikang sampe amper tinggalang. 8Pas Simon Petrus lia Yesus pung kuasa tu, dia tikang lutu di muka Antua la bilang kata, “Tuhan e, pi dari beta jua, tagal beta ni orang bardosa!”
9Simon bilang bagitu tagal dia deng samua orang yang ada deng dia tu taherang-herang tagal dong bisa dapa ikang banya paskali. 10Bagitu lai deng Sebedeus pung ana Yakobis deng Yohanis, yang jadi Simon pung tamang. Tarus, Yesus bilang par Simon kata, “Jang taku! Ale biasa pi cari ikang, mar mulai dari oras ni, ale nanti pi cari orang-orang par iko Beta.”
11Abis hela parau-parau tu ka dara, dong kasi tinggal dong pung samua-samua la pi iko Yesus.
Yesus kasi bae satu orang yang saki lepra
5:12-16
(Matius 8:1-4; Markus 1:40-45)
12Satu kali bagini, Yesus ada di kota satu. Di kota tu ada satu orang yang pung badang pono deng panyaki lepra. Pas dia lia Yesus, dia tikang lutu sampe muka kana tana la minta deng sunggu-sunggu dari Antua kata, “Sio Bapa e! Beta tau Bapa pung kuasa par kasi bae Beta. Jadi kalo Bapa mau, tolong kasi bae beta jua.”
13Tarus, Yesus lunjur Antua pung tangang la pegang dia, la bilang kata, “Beta mau. Bae suda!”
Oras itu jua, dia langsung bae dari dia pung panyaki tu.
14Yesus parenta dia kata, “Ingatang! Jang carita akang par sapa-sapa lai, mar pi par imam biar dia bisa lia kalo ale su bae. Abis itu, ale musti kasi korbang macang deng apa yang Musa su parenta dalang Hukum Torat tu. Itu yang nanti jadi bukti par samua orang kalo ale su bae.”#Imam-Imam pung Atorang 14:1-32
15Mar kabar soal Yesus kasi bae orang yang lepra tu labe tamba tasiar. La orang banya kawang-kawang datang par Antua par dengar Antua pung ajarang deng minta Antua kasi bae dong dari dong pung panyaki. 16Mar Yesus jaga pi ka tampa-tampa sunyi par sombayang.
Yesus kasi bae orang lumpu satu
5:17-26
(Matius 9:1-8; Markus 2:1-12)
17Satu kali bagini, waktu Yesus ada kasi balajar orang-orang, babarapa orang dari kalompok Farisi deng guru Torat dudu dengar Antua pung ajarang lai. Dong datang dari sagala kampong di propinsi Galilea, propinsi Yudea, deng dari kota Yerusalem. Tuhan Allah pung kuasa ada deng Antua sampe Antua bisa kasi bae orang saki. 18Tarus, ada orang-orang datang bawa orang lumpu satu di atas palbet. Dong usaha par bawa maso dia sampe di muka Yesus. 19Mar tagal orang talalu banya, dong seng bisa bawa maso dia par Antua. Jadi, dong nai ka atas ruma tu la bongkar akang pung atap. Tarus, dong kasi turung dia lapis deng dia pung palbet di tenga-tenga orang banya, pas di muka Yesus. 20Waktu Antua lia dong biking bagitu, Antua tau kalo dong parcaya Antua bisa kasi bae dia, jadi Antua bilang par dia kata, “Sudara e, Beta su kasi ampong ale pung dosa-dosa.”
21Waktu guru-guru Torat deng orang-orang Farisi dengar bagitu, dong bilang dalang hati kata, “Dia tu sapa sampe barani paskali bilang macang bagitu? Dia su hojat Allah ni! Seng ada manusia satu lai yang bisa kasi ampong orang pung dosa, cuma Allah sa!”
22Mar Yesus tau dong pung pikirang la bilang par dong kata, “Mangapa kong kamong pikir macang bagitu dalang hati? 23Coba pikir mana yang labe gampang par bilang: Beta su kasi ampong ale pung dosa-dosa, ka badiri la bajalang suda? 24Mar, biar kamong tau kalo Beta Ana Manusia#5:24 Yesus panggel Antua pung diri par Ana Manusia, par kasi inga orang yang dengar soal apa yang Danyel lia dalang mimpi soal Ana Manusia. Antua tu orang yang nanti datang deng kuasa dari Allah deng nanti pegang parenta (Danyel 7:13-14). ni pung kuasa di dunya par kasi ampong orang pung dosa-dosa, lia apa yang Beta mau biking ni!” Tarus, Antua bilang par orang lumpu tu kata, “Badiri, angka ale pung palbet tu, la pulang!”
25Oras itu jua, dia badiri di muka orang banya tu, la angka dia pung palbet, la pulang. Waktu pulang, dia puji-puji Allah iko jalang.
26Lia bagitu, dong samua herang deng takotang la puji-puji Allah kata, “Hari ini ni, katong su lia hal-hal yang luar biasa.”
Yesus panggel Lewi par jadi Antua pung murid
5:27-32
(Matius 9:9-13; Markus 2:13-17)
27Abis itu, Yesus kaluar dari ruma tu. Tarus, Antua baku dapa deng tukang tagi pajak satu ada dudu di tampa bayar pajak. Dia nama Lewi.#5:27 Lewi pung nama laeng tu Matius. Lia Matius 9:9 deng Markus 2:14. Antua bilang par dia kata, “Mari iko Beta!”
28Pas dengar bagitu, Lewi badiri kasi tinggal dia pung samua-samua la iko Yesus.
29Abis itu, Lewi biking acara makang basar par Yesus di dia pung ruma. Waktu itu, tukang tagi pajak banya deng orang laeng jua ada datang la dudu makang sama-sama deng dong. 30Mar satu dua orang dari kalompok Farisi deng guru Torat barsungut par Yesus pung murid-murid kata, “Mangapa kong kamong makang-minong sama-sama deng tukang tagi pajak#5:30 Orang Yahudi anggap tukang tagi pajak tu jahat tagal dong tagi pajak dari orang Yahudi la kasi akang par pemerinta Roma yang ada tindis dong. Apalai, dong biasa tagi labe dari pemerinta Roma pung atorang biar dong bisa dapa untung. deng orang-orang bardosa tu?”#Lukas 15:1-2
31La Yesus bilang par dong kata, “Orang yang seng saki seng parlu dokter. Cuma orang saki sa. 32Beta datang bukang par panggel orang-orang yang rasa diri batul, mar panggel orang-orang bardosa biar dong kasi tinggal dong pung dosa-dosa.”
Yesus pung ajarang seng bole baku tacampor deng ajarang lama
5:33-39
(Matius 9:14-17; Markus 2:18-22)
33Waktu Yesus ada makang deng orang banya tu, satu dua orang dari dong bilang par Yesus kata, “Yohanis pung murid-murid jaga puasa deng sombayang. Bagitu lai deng orang Farisi pung murid-murid. Mar Ale pung murid-murid ni makang-minong tarus.”
34La Yesus jawab dong deng ande-ande kata, “Beta ni macang deng panganting laki-laki la Beta pung murid-murid tu macang deng panganting laki-laki tu pung tamang-tamang. Waktu ada pesta kaweng, dia pung tamang-tamang puasa ka? 35Mar satu waktu, orang nanti ambe dia dari dong. Waktu itu baru dong puasa.”
36Abis itu, Yesus bilang ande-ande dua lai par kasi balajar dong. Antua bilang, “Seng ada orang yang robe kaeng sapanggal dari baju baru la tambal akang di baju lama. Barang kalo dia biking bagitu, dia su kasi rusak baju baru tu la kaeng baru sapanggal tu jua seng pas di baju lama. 37Bagitu lai deng anggor. Seng ada orang yang simpang anggor baru dalang tampa simpang anggor bakas dari kambing pung kuli. Barang kalo dia biking bagitu, nanti anggor baru tu biking tampa simpang anggor bakas tu kambong la pica. Tarus, anggor tu tumpa la tampa simpang anggor tu seng tapake lai. 38Mar, anggor baru musti dapa simpang dalang tampa simpang yang baru lai. 39Deng seng ada satu orang lai yang abis minong anggor tua mau minong anggor baru lai. Barang dia nanti bilang, ‘Anggor tua tu labe sadap.’ ”
Currently Selected:
Lukas 5: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Lukas 5
5
Yesus panggel Antua pung murid-murid yang partama
5:1-11
(Matius 4:18-22; Markus 1:16-20)
1Satu kali bagini, waktu Yesus ada badiri di pinggir dano Galilea,#5:1 Dano Galilea: Teks bahasa Yunani bilang, “dano Genesaret”. Itu akang pung nama laeng. Dalang Janji Lama, orang bilang akang dano Kineret (Orang Israel di Padang Gurun 34:11), ka dano Kinerot (Yosua 12:3). orang paleng banya urung Antua. Barang, dong mau dengar Antua pung ajarang soal Allah. 2Yesus lia bagini, ada dua parau di pinggir pante. Orang-orang buang jareng su turung dari parau tu la ada kasi barsi dong pung jareng. 3Tarus, Antua nai ka parau satu. Parau tu Simon pung. Antua minta dia tola akang ka tenga sadiki la Antua dudu di parau la kasi balajar orang banya.#Matius 13:1-2; Markus 4:1
4Abis kasi balajar, Antua bilang par Simon kata, “Panggayo parau ni ka tampa yang kadalang la buang ale pung jareng.”
5La Simon bilang Antua kata, “Tuang Guru e, katong ni su karja karas satu malang tare-tare mar seng dapa apapa.#Yohanis 21:3 Mar, tagal Tuang Guru suru, beta mau buang jareng ni kombali.”
6Abis dong iko Yesus pung parenta tu, dong dapa ikang paleng banya paskali sampe jareng mulai tarobe.#Yohanis 21:6 7Tarus, dong game dong pung tamang-tamang yang ada di parau laeng par datang tolong dong. Tarus, dong pung tamang-tamang datang la dong samua sama-sama isi dua parau tu deng ikang-ikang sampe amper tinggalang. 8Pas Simon Petrus lia Yesus pung kuasa tu, dia tikang lutu di muka Antua la bilang kata, “Tuhan e, pi dari beta jua, tagal beta ni orang bardosa!”
9Simon bilang bagitu tagal dia deng samua orang yang ada deng dia tu taherang-herang tagal dong bisa dapa ikang banya paskali. 10Bagitu lai deng Sebedeus pung ana Yakobis deng Yohanis, yang jadi Simon pung tamang. Tarus, Yesus bilang par Simon kata, “Jang taku! Ale biasa pi cari ikang, mar mulai dari oras ni, ale nanti pi cari orang-orang par iko Beta.”
11Abis hela parau-parau tu ka dara, dong kasi tinggal dong pung samua-samua la pi iko Yesus.
Yesus kasi bae satu orang yang saki lepra
5:12-16
(Matius 8:1-4; Markus 1:40-45)
12Satu kali bagini, Yesus ada di kota satu. Di kota tu ada satu orang yang pung badang pono deng panyaki lepra. Pas dia lia Yesus, dia tikang lutu sampe muka kana tana la minta deng sunggu-sunggu dari Antua kata, “Sio Bapa e! Beta tau Bapa pung kuasa par kasi bae Beta. Jadi kalo Bapa mau, tolong kasi bae beta jua.”
13Tarus, Yesus lunjur Antua pung tangang la pegang dia, la bilang kata, “Beta mau. Bae suda!”
Oras itu jua, dia langsung bae dari dia pung panyaki tu.
14Yesus parenta dia kata, “Ingatang! Jang carita akang par sapa-sapa lai, mar pi par imam biar dia bisa lia kalo ale su bae. Abis itu, ale musti kasi korbang macang deng apa yang Musa su parenta dalang Hukum Torat tu. Itu yang nanti jadi bukti par samua orang kalo ale su bae.”#Imam-Imam pung Atorang 14:1-32
15Mar kabar soal Yesus kasi bae orang yang lepra tu labe tamba tasiar. La orang banya kawang-kawang datang par Antua par dengar Antua pung ajarang deng minta Antua kasi bae dong dari dong pung panyaki. 16Mar Yesus jaga pi ka tampa-tampa sunyi par sombayang.
Yesus kasi bae orang lumpu satu
5:17-26
(Matius 9:1-8; Markus 2:1-12)
17Satu kali bagini, waktu Yesus ada kasi balajar orang-orang, babarapa orang dari kalompok Farisi deng guru Torat dudu dengar Antua pung ajarang lai. Dong datang dari sagala kampong di propinsi Galilea, propinsi Yudea, deng dari kota Yerusalem. Tuhan Allah pung kuasa ada deng Antua sampe Antua bisa kasi bae orang saki. 18Tarus, ada orang-orang datang bawa orang lumpu satu di atas palbet. Dong usaha par bawa maso dia sampe di muka Yesus. 19Mar tagal orang talalu banya, dong seng bisa bawa maso dia par Antua. Jadi, dong nai ka atas ruma tu la bongkar akang pung atap. Tarus, dong kasi turung dia lapis deng dia pung palbet di tenga-tenga orang banya, pas di muka Yesus. 20Waktu Antua lia dong biking bagitu, Antua tau kalo dong parcaya Antua bisa kasi bae dia, jadi Antua bilang par dia kata, “Sudara e, Beta su kasi ampong ale pung dosa-dosa.”
21Waktu guru-guru Torat deng orang-orang Farisi dengar bagitu, dong bilang dalang hati kata, “Dia tu sapa sampe barani paskali bilang macang bagitu? Dia su hojat Allah ni! Seng ada manusia satu lai yang bisa kasi ampong orang pung dosa, cuma Allah sa!”
22Mar Yesus tau dong pung pikirang la bilang par dong kata, “Mangapa kong kamong pikir macang bagitu dalang hati? 23Coba pikir mana yang labe gampang par bilang: Beta su kasi ampong ale pung dosa-dosa, ka badiri la bajalang suda? 24Mar, biar kamong tau kalo Beta Ana Manusia#5:24 Yesus panggel Antua pung diri par Ana Manusia, par kasi inga orang yang dengar soal apa yang Danyel lia dalang mimpi soal Ana Manusia. Antua tu orang yang nanti datang deng kuasa dari Allah deng nanti pegang parenta (Danyel 7:13-14). ni pung kuasa di dunya par kasi ampong orang pung dosa-dosa, lia apa yang Beta mau biking ni!” Tarus, Antua bilang par orang lumpu tu kata, “Badiri, angka ale pung palbet tu, la pulang!”
25Oras itu jua, dia badiri di muka orang banya tu, la angka dia pung palbet, la pulang. Waktu pulang, dia puji-puji Allah iko jalang.
26Lia bagitu, dong samua herang deng takotang la puji-puji Allah kata, “Hari ini ni, katong su lia hal-hal yang luar biasa.”
Yesus panggel Lewi par jadi Antua pung murid
5:27-32
(Matius 9:9-13; Markus 2:13-17)
27Abis itu, Yesus kaluar dari ruma tu. Tarus, Antua baku dapa deng tukang tagi pajak satu ada dudu di tampa bayar pajak. Dia nama Lewi.#5:27 Lewi pung nama laeng tu Matius. Lia Matius 9:9 deng Markus 2:14. Antua bilang par dia kata, “Mari iko Beta!”
28Pas dengar bagitu, Lewi badiri kasi tinggal dia pung samua-samua la iko Yesus.
29Abis itu, Lewi biking acara makang basar par Yesus di dia pung ruma. Waktu itu, tukang tagi pajak banya deng orang laeng jua ada datang la dudu makang sama-sama deng dong. 30Mar satu dua orang dari kalompok Farisi deng guru Torat barsungut par Yesus pung murid-murid kata, “Mangapa kong kamong makang-minong sama-sama deng tukang tagi pajak#5:30 Orang Yahudi anggap tukang tagi pajak tu jahat tagal dong tagi pajak dari orang Yahudi la kasi akang par pemerinta Roma yang ada tindis dong. Apalai, dong biasa tagi labe dari pemerinta Roma pung atorang biar dong bisa dapa untung. deng orang-orang bardosa tu?”#Lukas 15:1-2
31La Yesus bilang par dong kata, “Orang yang seng saki seng parlu dokter. Cuma orang saki sa. 32Beta datang bukang par panggel orang-orang yang rasa diri batul, mar panggel orang-orang bardosa biar dong kasi tinggal dong pung dosa-dosa.”
Yesus pung ajarang seng bole baku tacampor deng ajarang lama
5:33-39
(Matius 9:14-17; Markus 2:18-22)
33Waktu Yesus ada makang deng orang banya tu, satu dua orang dari dong bilang par Yesus kata, “Yohanis pung murid-murid jaga puasa deng sombayang. Bagitu lai deng orang Farisi pung murid-murid. Mar Ale pung murid-murid ni makang-minong tarus.”
34La Yesus jawab dong deng ande-ande kata, “Beta ni macang deng panganting laki-laki la Beta pung murid-murid tu macang deng panganting laki-laki tu pung tamang-tamang. Waktu ada pesta kaweng, dia pung tamang-tamang puasa ka? 35Mar satu waktu, orang nanti ambe dia dari dong. Waktu itu baru dong puasa.”
36Abis itu, Yesus bilang ande-ande dua lai par kasi balajar dong. Antua bilang, “Seng ada orang yang robe kaeng sapanggal dari baju baru la tambal akang di baju lama. Barang kalo dia biking bagitu, dia su kasi rusak baju baru tu la kaeng baru sapanggal tu jua seng pas di baju lama. 37Bagitu lai deng anggor. Seng ada orang yang simpang anggor baru dalang tampa simpang anggor bakas dari kambing pung kuli. Barang kalo dia biking bagitu, nanti anggor baru tu biking tampa simpang anggor bakas tu kambong la pica. Tarus, anggor tu tumpa la tampa simpang anggor tu seng tapake lai. 38Mar, anggor baru musti dapa simpang dalang tampa simpang yang baru lai. 39Deng seng ada satu orang lai yang abis minong anggor tua mau minong anggor baru lai. Barang dia nanti bilang, ‘Anggor tua tu labe sadap.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku