Mateus 21
21
Jesu dogi le gor Jerusalem.
1Su me baghege Jerusalem, me Betvage, le bahali ngarn Oliva, Jesu rendegien sor lao aden marmou. 2I boi: Mor gal gor, gor da, mor gal ri, mor gal ilndri donki si, bihin ge, ndurdonki baghege ndro i, mor ge darii, mor ghedi me ndro io. 3Ar hom ndemani mor, mor bode: Ndorlaben ha lengi i, muren i somui ri. 4Longu ogo gin me, le hinen nongen ad Provet bomud, i da hondre dugian: 5Baii le ndro ndurbihin Sion: E lele, King adem i mehere ndro uo, de loholo bui, i da ndre donki, ndre ndurdonki ge, nanen i da baghege ndro i. 6Sor gina, sor hinen i dege Jesu gin bai, 7sor hur donkibihin, ma ndurdonki, su daui salo le ndren, i lugdo im ri. 8Su mabosanged su daui salo asu irge sal. Su holel su da sindrdi lougei me le sal. 9Su masi su me hanu, su masi su da muren, su loholo su bai: Hosiana, iou mugueni ndur David, iou mugueni i, i da meher le ngarn ad Ndorlaben, Hosiana le belengan. 10Boen i la lundiegor Jerusalem. Su ndramed masi ber gor su hilou le goure, su ndemani, homo ma homo: Aga sie? 11Su masi su vong su bai: Aga Provet Jesu ber Nasared, i da Galilea.
Jesu la um ad Jehova.
12Jesu i iao le um ad Jehova, i robuldi su masi, su da bo simsim. I sberi geao asu ndremda moni, asu ndremda sima bal, 13I vong le ndro su i bai: Nongen i da Buk Helian ogoro: Um ordo ber lodu ge, mu gin hinen i le logna daian ndramed. 14Boen su begmarsu bui, ndegesu momen, su me ndro i le um ad Jehova, i regurdueni su. 15Su ndurhian, ma su ndremda hernou, su ilndri gelman aden, i da gin hinen i, su hirong loholo asu mbunana, su da loh, su bai: Hosiana ndur David, ndrnesu i irgu leri. 16Su vong le ndro i, su bai: Uo de hirong nongen asu bui? Jesu i bode: Ehe, mu de gin lele heb nongen ogo le Buk Helian masou: Bohosu mbunana, bohosu mamamei gabmugueni uo. 17Boen i bieni su, i bieni gor, i dogi le gor Betanien, i medir ri.
Jesu boii gei heie.
18Mabing Jesu i la gor Jerusalem, i mundrul. 19I ilndri gei heie, gei le mbuegei, i da le mandrgos sal, i la baghege beg gahi sengen, vovei masou, lougei ge. Malabo i vong le ndro i: Uo gina momen gane sumburdi, heb sengen de meher fle ndranndran bugane. Gei ogo gin meng roud. 20Su lao aden su ilndri i, meluasu i ieb, su vong, su bai: Derbe gei ogo gin meng roud dagara? 21Jesu i bode: Ndangen io boi le ndro mu: Ar danmu boro ndoui ordo hian ge, mu da hinen gelman mandehe dege ogoro bui, manden ge. Ar mu vong gle bahali gor da, mu bai: Alndi, glol le ndas, i lendi. 22Longu masigane mu da soling le ndro Jehova, i hengen i le ndro mu, ar mu boro ndoui aden.
Heb nongen le ndro su labenen ber Jerusalem.
23Be i gin me le um ad Jehova, su ndurhian, ma su labenen ber gor su la ndro i. Be i gin henunuen su ndramed, su ndemani i, su bai: Sie gin rendegien uo, le henunuen su ndramed ogoro? 24Jesu i vong le ndro su, i bai: Io beg ndemani mu longu hendre ge lie, ar mu bosoui me ndro io, muren io vong le ndro umu lie, sie i gin rendegien io le henunuen su dagara. 25Sie gin rendegien Johanes, ndremda surhi su, Jehova, de su ndramed ber boan? Su hanguruen le bergolsu dagara: 26Be iou vong: Jehova i gin rendegien i, muren i vong le ndro du: Desa mu de gin somui le nongen aden bui. Be iou vong: Su ndramed gin rendegien i, iou noh su ndramed gorbo, su masi su hanguruen, Johanes i hom Provet. 27Malabo su vong le ndro Jesu, su bode: Dandu i bui. Jesu i bode: Io de bosoui de la ndro mu bugane, sie i gin rendegien io, le hinen mburer ogoro.
Heb nongen dohongein ad Jesu le ndro su labenen.
28Mu hanguruen sa? Hom gamel i da le gor si ndur aden marmou, gamel, le um aden. I iao le ndro ndur homo, hanu, i vong le ndro i i bai, nduro, al le beleng ordo, gob mburer leri. 29I bode: Ehe Bo Domo, hendre ge, i de gina le beleng bui. 30Boen i la ndro ndur bsenden, i vong nongen dagara le ndro i. I bode: Io mbuere. Heb eluen bui mburen bergoln i gosusngo le nongen aden momen, i iao le beleng ad damen. 31Sie asor marmou gin hinen i, dege damen ie lengi? Su bode ndurn bsenden. Jesu i vong le ndro su i bai: Ndangen io boi le ndro mu: Su ndramed momen, ma su bihin sungsou, su la gor lundielang hanu le ademu. 32Johanes i gin bohernou le ndro mu longu ber lang, mu de gin somui leri bui. Su ndramed momen, ma su bihin sungsou, su ge, su gin somui ri. Mu ge, mu da gin ilndri longu ogo, mu de gin belueni bern ademu hebsa bugane, mu gin bieni i.
Heb nongen dohongein le su ndremda beleng momen.
33Ha hirong heb nongen dohongein lie: Hom labenen i daui beleng, i ilgi gou le beleng, i mengseni um hom ndoun, boen i hengen i le ndro su ndremda beleng, su gobgulue i. Labenen ogo i gin bieni gor aden, i gina gor manan. 34Rang i gin me, su beg hur sengen le beleng. Labenen i rengenien su lao dandendegei aden, su ghedi sengen me anen. 35Su ndremda beleng su hosi su lao dandendegei ad labenen, su rii homo, ma su daii homo, su bieni bad le ndro homo. 36Labenen i rendegien su lao dandendegei aden bersilie, su dsoln hebe. Su ndremda beleng, su bo momen le ndro su dagara lie. 37Muren labenen i rendegien ndurn le ndro su, i hanguruen le bergoln su noh nduro. 38Be su ndremda beleng su ilndri ndurn, su vong me goure: I ogo la ngab memrad ad damen, iou beg daii i, boen iou hedi memrad aden me adu. 39Su hosi i, su robuldi i, muren su daii i. 40Ar ndorlaben ber beleng ogo i gme, i bo sa le ndro su ndremda beleng ogo ie? 41Su bode: I gob momen le ndro su ndramed momen ogo, i hengen beleng aden le ndro su ndremda beleng monen ge, su da gulue beleng aden hian ge. 42Jesu i vong le ndro su i boi: Mu de gin lele Nongen Helian i da le Buk masou: Ndoui si su ndremda um su gin bieni, i bahud malabo. Jehova gin hinen i aga gelman le begmardu. 43Io vong le ndro mu: Ndorlaben i hedi gor lundielang giao gle ademu, i hengeni le ndro su, su da hanguruen hian gleri. 44Be homo i glos le bad ogo ndoun, i na gmed, i ndumbue i, be i na glos le mandern ad hom ndramed. 45Su ndurhian, ma su Pharisi, be su gin hirong nongen dohongein ogo, dansu, i, i gin bosoui nongen ogo le asu. 46Su beg hosi i, su noh su ndramed ge, su da hanguruen le bergolsu, Jesu i hom Provet.
Currently Selected:
Mateus 21: LLENT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956
Mateus 21
21
Jesu dogi le gor Jerusalem.
1Su me baghege Jerusalem, me Betvage, le bahali ngarn Oliva, Jesu rendegien sor lao aden marmou. 2I boi: Mor gal gor, gor da, mor gal ri, mor gal ilndri donki si, bihin ge, ndurdonki baghege ndro i, mor ge darii, mor ghedi me ndro io. 3Ar hom ndemani mor, mor bode: Ndorlaben ha lengi i, muren i somui ri. 4Longu ogo gin me, le hinen nongen ad Provet bomud, i da hondre dugian: 5Baii le ndro ndurbihin Sion: E lele, King adem i mehere ndro uo, de loholo bui, i da ndre donki, ndre ndurdonki ge, nanen i da baghege ndro i. 6Sor gina, sor hinen i dege Jesu gin bai, 7sor hur donkibihin, ma ndurdonki, su daui salo le ndren, i lugdo im ri. 8Su mabosanged su daui salo asu irge sal. Su holel su da sindrdi lougei me le sal. 9Su masi su me hanu, su masi su da muren, su loholo su bai: Hosiana, iou mugueni ndur David, iou mugueni i, i da meher le ngarn ad Ndorlaben, Hosiana le belengan. 10Boen i la lundiegor Jerusalem. Su ndramed masi ber gor su hilou le goure, su ndemani, homo ma homo: Aga sie? 11Su masi su vong su bai: Aga Provet Jesu ber Nasared, i da Galilea.
Jesu la um ad Jehova.
12Jesu i iao le um ad Jehova, i robuldi su masi, su da bo simsim. I sberi geao asu ndremda moni, asu ndremda sima bal, 13I vong le ndro su i bai: Nongen i da Buk Helian ogoro: Um ordo ber lodu ge, mu gin hinen i le logna daian ndramed. 14Boen su begmarsu bui, ndegesu momen, su me ndro i le um ad Jehova, i regurdueni su. 15Su ndurhian, ma su ndremda hernou, su ilndri gelman aden, i da gin hinen i, su hirong loholo asu mbunana, su da loh, su bai: Hosiana ndur David, ndrnesu i irgu leri. 16Su vong le ndro i, su bai: Uo de hirong nongen asu bui? Jesu i bode: Ehe, mu de gin lele heb nongen ogo le Buk Helian masou: Bohosu mbunana, bohosu mamamei gabmugueni uo. 17Boen i bieni su, i bieni gor, i dogi le gor Betanien, i medir ri.
Jesu boii gei heie.
18Mabing Jesu i la gor Jerusalem, i mundrul. 19I ilndri gei heie, gei le mbuegei, i da le mandrgos sal, i la baghege beg gahi sengen, vovei masou, lougei ge. Malabo i vong le ndro i: Uo gina momen gane sumburdi, heb sengen de meher fle ndranndran bugane. Gei ogo gin meng roud. 20Su lao aden su ilndri i, meluasu i ieb, su vong, su bai: Derbe gei ogo gin meng roud dagara? 21Jesu i bode: Ndangen io boi le ndro mu: Ar danmu boro ndoui ordo hian ge, mu da hinen gelman mandehe dege ogoro bui, manden ge. Ar mu vong gle bahali gor da, mu bai: Alndi, glol le ndas, i lendi. 22Longu masigane mu da soling le ndro Jehova, i hengen i le ndro mu, ar mu boro ndoui aden.
Heb nongen le ndro su labenen ber Jerusalem.
23Be i gin me le um ad Jehova, su ndurhian, ma su labenen ber gor su la ndro i. Be i gin henunuen su ndramed, su ndemani i, su bai: Sie gin rendegien uo, le henunuen su ndramed ogoro? 24Jesu i vong le ndro su, i bai: Io beg ndemani mu longu hendre ge lie, ar mu bosoui me ndro io, muren io vong le ndro umu lie, sie i gin rendegien io le henunuen su dagara. 25Sie gin rendegien Johanes, ndremda surhi su, Jehova, de su ndramed ber boan? Su hanguruen le bergolsu dagara: 26Be iou vong: Jehova i gin rendegien i, muren i vong le ndro du: Desa mu de gin somui le nongen aden bui. Be iou vong: Su ndramed gin rendegien i, iou noh su ndramed gorbo, su masi su hanguruen, Johanes i hom Provet. 27Malabo su vong le ndro Jesu, su bode: Dandu i bui. Jesu i bode: Io de bosoui de la ndro mu bugane, sie i gin rendegien io, le hinen mburer ogoro.
Heb nongen dohongein ad Jesu le ndro su labenen.
28Mu hanguruen sa? Hom gamel i da le gor si ndur aden marmou, gamel, le um aden. I iao le ndro ndur homo, hanu, i vong le ndro i i bai, nduro, al le beleng ordo, gob mburer leri. 29I bode: Ehe Bo Domo, hendre ge, i de gina le beleng bui. 30Boen i la ndro ndur bsenden, i vong nongen dagara le ndro i. I bode: Io mbuere. Heb eluen bui mburen bergoln i gosusngo le nongen aden momen, i iao le beleng ad damen. 31Sie asor marmou gin hinen i, dege damen ie lengi? Su bode ndurn bsenden. Jesu i vong le ndro su i bai: Ndangen io boi le ndro mu: Su ndramed momen, ma su bihin sungsou, su la gor lundielang hanu le ademu. 32Johanes i gin bohernou le ndro mu longu ber lang, mu de gin somui leri bui. Su ndramed momen, ma su bihin sungsou, su ge, su gin somui ri. Mu ge, mu da gin ilndri longu ogo, mu de gin belueni bern ademu hebsa bugane, mu gin bieni i.
Heb nongen dohongein le su ndremda beleng momen.
33Ha hirong heb nongen dohongein lie: Hom labenen i daui beleng, i ilgi gou le beleng, i mengseni um hom ndoun, boen i hengen i le ndro su ndremda beleng, su gobgulue i. Labenen ogo i gin bieni gor aden, i gina gor manan. 34Rang i gin me, su beg hur sengen le beleng. Labenen i rengenien su lao dandendegei aden, su ghedi sengen me anen. 35Su ndremda beleng su hosi su lao dandendegei ad labenen, su rii homo, ma su daii homo, su bieni bad le ndro homo. 36Labenen i rendegien su lao dandendegei aden bersilie, su dsoln hebe. Su ndremda beleng, su bo momen le ndro su dagara lie. 37Muren labenen i rendegien ndurn le ndro su, i hanguruen le bergoln su noh nduro. 38Be su ndremda beleng su ilndri ndurn, su vong me goure: I ogo la ngab memrad ad damen, iou beg daii i, boen iou hedi memrad aden me adu. 39Su hosi i, su robuldi i, muren su daii i. 40Ar ndorlaben ber beleng ogo i gme, i bo sa le ndro su ndremda beleng ogo ie? 41Su bode: I gob momen le ndro su ndramed momen ogo, i hengen beleng aden le ndro su ndremda beleng monen ge, su da gulue beleng aden hian ge. 42Jesu i vong le ndro su i boi: Mu de gin lele Nongen Helian i da le Buk masou: Ndoui si su ndremda um su gin bieni, i bahud malabo. Jehova gin hinen i aga gelman le begmardu. 43Io vong le ndro mu: Ndorlaben i hedi gor lundielang giao gle ademu, i hengeni le ndro su, su da hanguruen hian gleri. 44Be homo i glos le bad ogo ndoun, i na gmed, i ndumbue i, be i na glos le mandern ad hom ndramed. 45Su ndurhian, ma su Pharisi, be su gin hirong nongen dohongein ogo, dansu, i, i gin bosoui nongen ogo le asu. 46Su beg hosi i, su noh su ndramed ge, su da hanguruen le bergolsu, Jesu i hom Provet.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956