Mateus 22
22
Heb nongen dohongein le gous ad King.
1Boen Jesu i bohernou le ndro su heb nongen dohongein lie i bai: 2Gor lundielang i dege hom King i da bo gous manden le ndro ndurn. 3I rendegien su lao dandendegei aden, su vong le ndro su, su gmeher le gous. Su mburesu. 4Ndorlaben i rendegien su lao dandendegei aden bersilie le ndro su, i vong le ndro su i bai: Bai le ndro su: E lele, io gin sueri gous ordo boen. Io gin dueni su bulmagou, longu masi ber gous. Ama le gous ordo. 5Su de hanguruen nongen ad Ndorlaben bui, su gina le mburer asu, homo i gina le beleng aden, homo i la bah. 6Su holel, su hosi su lao dandendegei ad Ndorlaben, su bo momen le ndro su, boen su daii su. 7Gus ad King manden ge. I rendegien su Polisboi aden, i daii su, moan i dilmui gor asu. 8Muren i vong le ndro su lao dandengei aden: Iou gin dueni gous adu, su ge iou gin ndemani su le gous, su de vonei gous adu bui. 9Malabo mu iao le sal, mu eloh su ndramed masi mu da ilndri. 10Su lao aden su iao la sal, su dulieni su masi, su gin ilndri su le sal, su hian ma su momen, la um ber gous. Um i beb le su ndramed. 11King i la um aden, beg ilndri su ndramed ber gous. I ilndri ndramed homo salo aden ber gous bui. 12I vong le ndro i, i boi: Gous ordo; derbe uo gin meher le lundieum ordo salo adem ber gous bui? Ndramed ogo i simge, de vong hebsa bui. 13Boen King i vong le ndro su lao dandendegei aden, e hosi nemen e ndegen, e bieni i le gor ndrogmoan, i da gu dang, i da undri lehen. 14Io gin loh su mabosanged, io somui le asu holel ge.
Heb nongen le moni ad Kiab.
15Boen su Pharisi su la goure, su vong beg seslaini Jesu, beg dieni na gmed. 16Su rendegien su lao asu holel, dagara su lao ad Herodes, su endemani i su bai: Ndorlaben, dandu i nongen adem monen ge, uo henunuen su ndramed le sal lundielang hian ge, uo de hanguruen mandrsu ndramed bui, su labenen de su molhege. 17Absou me ndro du, i monen de bui, iou da hengen moni le ndro Sesar? 18Jesu i danen hanguruen asu momen, i vong le ndro su, i boi: Desa mu seslaini io ie? Mu ndramed momen ge. 19Moni hendre gme ndro io. Su huri moni. 20I ndemani su: Balen ad sie? Hondre ad sie i dari? 21Su bode: Ad Sesar. Malabo i vong le ndro su: Ghengen le ndro Sesar longu ad Sesar, ghengen le ndro Jehova longu ad Jehova. 22Be su gin hirong nongen ogo, meluasu i ieb leri, su bieni i.
Heb nongen le ndro su Sadusi.
23-24Le rang ogo su Sadusi su la ndro i, su da vong su bai: Su ndramed de dansu ndne le ngad asu bui, su ogo su ndemani i, su boi: Ndorlaben Mose i gin boi: Gamel homo na gmed nambulen i dandon ndurn bui, ndern gamel ibdi naoen ndern le nambulen, i gini ndurn gle surian ndern. 25Malabo su gamel manondrdilmou su ndern su da le gor adu, ndern hanu i gin ibdi bihin homo le nambulen, i gin mad, ndurn bui, Ndern i hedi bihin ogo le nambulen. 26Su manondrdilmou homo ma homo, su gin mad, ndursu bui. 27Boen bihin ogo nambulsu manondrdilmou i gin mad lie. 28Bihin ogo i nambulen ad sie le gor ad Jehova, be su gedne le ngad asu? Le boan ogo i nambulen asu manondrdilmou. 29Jesu i bode: Hanguruen ademu momen ge, de danmu Nongen Helian bui, de danmu ndoui ad Ndorlaben Jehova bugane? 30Be su na gmed, su gedne lie, su de bo bihin bui, su de iosu bui, su dege su Angelo su da gor lundielang. 31Longu hendre lie: Mu de gin ilndri nongen ad Jehova masou, i da vong i da bai: 32Io Jehova, Ndorlaben ad Abraham, Ndorlaben ad Isaak, e Ndorlaben ad Jakob. Jehova i Ndorlaben asu, su da gin mad boen bugane, i Ndorlaben asu mamaren ge. 33Su ndramed masi su da gin hirong i, meluasu i ieb le henunuen aden.
Su Pharasi, su ndemani Jesu lie.
34Be su Pharisi gin hirong, su Sadusi su gina momen le nongen asu, su la goure. 35Homo asu, i danen nongen ad Mose hian ge, i seslaini Jesu, i ndemani i, i bai: 36Ndorlaben, sehe nongen i da Buk Helian, i manden hanu le nongen masi? 37Jesu i bode: Golmgisden Jehova, Ndorlaben adem, le bergolm gane, gle hanguruen adem gane, gle meluam gane. 38Aga nongen, i manden hanu. 39Heb nongen i da muren i dege ogoro: Golmgisden ndramed, i da baghege ndro uo, dege voamiso mandrm. 40Longu marndr ogo, aga i vonei nongen ad Mose, ma nongen asu Provet ber goru masigane.
Jesu i ndemani su heb longu.
41Be su Pharisi su la goure, Jesu i ndemani su, i bai: 42Mu hanguruen sa, Messias i ndur ad sie? Su bode: I ndur David. 43Jesu i bodeie: David i da bosoui i le ndoui ad Meluan Helian: “Ndorlaben,” derbe, be i da vong: 44Ndorlaben i gin vong le ndro Ndorlaben ordo: Im lugdo im logna le nemen sengen ordo, mabenan io ndounen su ndremda rah adem, io daui su baghege ndro uo. Ndegem i hengang gle mandrsu. 45Ar David i bosoui i Ndorlaben, i ndur ad David Derbe? 46Homo de danen vong heb de la ndro i gleri bugane. Su de bieni su de ndemani i bersilie heb nongen bugane.
Currently Selected:
Mateus 22: LLENT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956
Mateus 22
22
Heb nongen dohongein le gous ad King.
1Boen Jesu i bohernou le ndro su heb nongen dohongein lie i bai: 2Gor lundielang i dege hom King i da bo gous manden le ndro ndurn. 3I rendegien su lao dandendegei aden, su vong le ndro su, su gmeher le gous. Su mburesu. 4Ndorlaben i rendegien su lao dandendegei aden bersilie le ndro su, i vong le ndro su i bai: Bai le ndro su: E lele, io gin sueri gous ordo boen. Io gin dueni su bulmagou, longu masi ber gous. Ama le gous ordo. 5Su de hanguruen nongen ad Ndorlaben bui, su gina le mburer asu, homo i gina le beleng aden, homo i la bah. 6Su holel, su hosi su lao dandendegei ad Ndorlaben, su bo momen le ndro su, boen su daii su. 7Gus ad King manden ge. I rendegien su Polisboi aden, i daii su, moan i dilmui gor asu. 8Muren i vong le ndro su lao dandengei aden: Iou gin dueni gous adu, su ge iou gin ndemani su le gous, su de vonei gous adu bui. 9Malabo mu iao le sal, mu eloh su ndramed masi mu da ilndri. 10Su lao aden su iao la sal, su dulieni su masi, su gin ilndri su le sal, su hian ma su momen, la um ber gous. Um i beb le su ndramed. 11King i la um aden, beg ilndri su ndramed ber gous. I ilndri ndramed homo salo aden ber gous bui. 12I vong le ndro i, i boi: Gous ordo; derbe uo gin meher le lundieum ordo salo adem ber gous bui? Ndramed ogo i simge, de vong hebsa bui. 13Boen King i vong le ndro su lao dandendegei aden, e hosi nemen e ndegen, e bieni i le gor ndrogmoan, i da gu dang, i da undri lehen. 14Io gin loh su mabosanged, io somui le asu holel ge.
Heb nongen le moni ad Kiab.
15Boen su Pharisi su la goure, su vong beg seslaini Jesu, beg dieni na gmed. 16Su rendegien su lao asu holel, dagara su lao ad Herodes, su endemani i su bai: Ndorlaben, dandu i nongen adem monen ge, uo henunuen su ndramed le sal lundielang hian ge, uo de hanguruen mandrsu ndramed bui, su labenen de su molhege. 17Absou me ndro du, i monen de bui, iou da hengen moni le ndro Sesar? 18Jesu i danen hanguruen asu momen, i vong le ndro su, i boi: Desa mu seslaini io ie? Mu ndramed momen ge. 19Moni hendre gme ndro io. Su huri moni. 20I ndemani su: Balen ad sie? Hondre ad sie i dari? 21Su bode: Ad Sesar. Malabo i vong le ndro su: Ghengen le ndro Sesar longu ad Sesar, ghengen le ndro Jehova longu ad Jehova. 22Be su gin hirong nongen ogo, meluasu i ieb leri, su bieni i.
Heb nongen le ndro su Sadusi.
23-24Le rang ogo su Sadusi su la ndro i, su da vong su bai: Su ndramed de dansu ndne le ngad asu bui, su ogo su ndemani i, su boi: Ndorlaben Mose i gin boi: Gamel homo na gmed nambulen i dandon ndurn bui, ndern gamel ibdi naoen ndern le nambulen, i gini ndurn gle surian ndern. 25Malabo su gamel manondrdilmou su ndern su da le gor adu, ndern hanu i gin ibdi bihin homo le nambulen, i gin mad, ndurn bui, Ndern i hedi bihin ogo le nambulen. 26Su manondrdilmou homo ma homo, su gin mad, ndursu bui. 27Boen bihin ogo nambulsu manondrdilmou i gin mad lie. 28Bihin ogo i nambulen ad sie le gor ad Jehova, be su gedne le ngad asu? Le boan ogo i nambulen asu manondrdilmou. 29Jesu i bode: Hanguruen ademu momen ge, de danmu Nongen Helian bui, de danmu ndoui ad Ndorlaben Jehova bugane? 30Be su na gmed, su gedne lie, su de bo bihin bui, su de iosu bui, su dege su Angelo su da gor lundielang. 31Longu hendre lie: Mu de gin ilndri nongen ad Jehova masou, i da vong i da bai: 32Io Jehova, Ndorlaben ad Abraham, Ndorlaben ad Isaak, e Ndorlaben ad Jakob. Jehova i Ndorlaben asu, su da gin mad boen bugane, i Ndorlaben asu mamaren ge. 33Su ndramed masi su da gin hirong i, meluasu i ieb le henunuen aden.
Su Pharasi, su ndemani Jesu lie.
34Be su Pharisi gin hirong, su Sadusi su gina momen le nongen asu, su la goure. 35Homo asu, i danen nongen ad Mose hian ge, i seslaini Jesu, i ndemani i, i bai: 36Ndorlaben, sehe nongen i da Buk Helian, i manden hanu le nongen masi? 37Jesu i bode: Golmgisden Jehova, Ndorlaben adem, le bergolm gane, gle hanguruen adem gane, gle meluam gane. 38Aga nongen, i manden hanu. 39Heb nongen i da muren i dege ogoro: Golmgisden ndramed, i da baghege ndro uo, dege voamiso mandrm. 40Longu marndr ogo, aga i vonei nongen ad Mose, ma nongen asu Provet ber goru masigane.
Jesu i ndemani su heb longu.
41Be su Pharisi su la goure, Jesu i ndemani su, i bai: 42Mu hanguruen sa, Messias i ndur ad sie? Su bode: I ndur David. 43Jesu i bodeie: David i da bosoui i le ndoui ad Meluan Helian: “Ndorlaben,” derbe, be i da vong: 44Ndorlaben i gin vong le ndro Ndorlaben ordo: Im lugdo im logna le nemen sengen ordo, mabenan io ndounen su ndremda rah adem, io daui su baghege ndro uo. Ndegem i hengang gle mandrsu. 45Ar David i bosoui i Ndorlaben, i ndur ad David Derbe? 46Homo de danen vong heb de la ndro i gleri bugane. Su de bieni su de ndemani i bersilie heb nongen bugane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956