Mabandela 36
36
1Maye manga mabota mambe Esau (yeye anga Edome). 2Esau akwi basi ba yeye kum’ombe bana ba Kanana; Ada e mwan’ombe Elone O‐Ete, na Olibama e mwan’ombe Ana, e mwan’ombe Sibona O‐Iwa; 3mpe Basemata e mwan’ombe Yisamaele, e nkan’embe Nebayota. 4Ada aboteli Esau Elipaza; mpe Basemata aboti Luele; mpe Olibama aboti Yusa, na Yalama, na Kola: 5baye banga bana bambe Esau ba bampele, babotibwi ombe yeye o es’e Kanana.
6Esau akwi basi ba yeye, na bana ba yeye ba bampele, na bana ba yeye ba bene, mpe mamoto mancoki ma mbok’e yeye, mpe na bibwa bi yeye, mpe na bibwele bi yeye bincoki, mpe bikatela bincoki bi yeye, bi yonginyi yeye o Kanana; mpe aki o nce tango na molimi o yeye Yakoba. 7Nowela bikatela bi bango bipiti bone ete baliki nde o yisa bozali mputa ka; mpe nc’e milambela mi bango eliki nde o yisa nobaliisa ka n’etondo e bibwa bi bango. 8Bongo Esau azali o nkek’e Seila: Esau anga Edome.
9Maye manga mabota mambe Esau e sango e Ba‐Edome o nkek’e Seila: 10Maye manga mina ma bana bambe Esau ba bampele; Elipaza e mwan’o bwele ombe Ada e mwasi ombe Esau, 11Luele e mwan’o bwele ombe Basemata e mwasi ombe Esau. Mpe bana bambe Elipaza ba bampele baliki Temana, na Omala, na Sepi, na Getana, na Kemaza.
12Timena aliki bopik’ombe Elipaza e mwan’ombe Esau o bwele; mpe yeye aboteli Elipaza Amaleka: baye banga bana bambe Ada ba bampele e mwasi ombe Esau. 13Baye banga bana bambe Luele ba bampele; Nata, na Zela, Sama, na Miza: baye baliki bana ba bampele bambe Basemata e mwasi ombe Esau. 14Baye baliki bana ba bampele bambe Olibama, e mwan’o mwene ombe Ana, e mwan’o mwene ombe Sibona, e mwasi ombe Esau: mpe yeye aboteli Esau Yusa, na Yalama, na Kola.
15Baye banga bankonwa ba bana bambe Esau ba bampele: bana ba bampele bambe Elipaza e mwan’o nconco ombe Esau; nkonwa Temana, nkonwa Omala, nkonwa Sepo, nkonwa Kenaza, nkonwa Kola, nkonwa Gatama, nkonwa Amaleka: 16baye banga bankonwa babotibwi na Elipaza o es’e Edome; baye banga bana bambe Ada ba bampele.
17Baye banga bana ba bampele bambe Luele e mwan’ombe Esau o bwele; nkonwa Nata, nkonwa Zela, nkonwa Sama, nkonwa Miza: baye banga bankonwa babotibwi na Luele o es’e Edome; baye banga bana ba bampele bambe Basemata e mwasi ombe Esau.
18Baye banga bana ba bampele bambe Olibama e mwasi ombe Esau; nkonwa Yusa, nkonwa Yalama, nkonwa Kola: baye banga bankonwa babotibwi na Olibama e mwan’ombe Ana, mwasi ombe Esau.
19Baye banga bana bambe Esau ba bampele, mpe baye banga bankonwa ba bango: se yey’onya anga Edome.
20Baye banga bana ba bampele bambe Seila, O‐Oli, bance ba nce: Lotana na Sobala na Sibona na Ana, na Disona na Ezele na Disana: 21baye banga bankonwa bambe Ba‐Oli, bana bambe Seila o es’e Edome.
22Bana ba Lotana baliki Oli na Emana; mpe nkan’embe Lotana aliki Timana.
23Baye banga bana ba Sobala; Alawana na Manata na Ebala, Sepo na Onama.
24Baye banga bana ba Sibona; Aya na Ana: oyo anga Ana okundoli mincweli mi eyangala o moleki, e liisi yeye mpunda li Sibona e sango e yeye.
25Baye banga bana bambe Ana; Disona na Olibama e mwana ombe Ana o mwene.
26Baye banga bana bambe Disona; Emedana na Esebana na Yitelana na Kelana.
27Baye banga bana bambe Ezele; Bilana na Zawana na Akana.
28Baye banga bana bambe Disana; Usa na Alana.
29Baye banga bankonwa babotibwi na Ba‐Oli; nkonwa Lotana, nkonwa Sobala, nkonwa Sibona, nkonwa Ana, nkonwa Disona, nkonwa Ezele, nkonwa Disana: 30baye banga bankonwa babotibwi na Ba‐Oli, ete nde bankonwa ba bango o es’e Seila.
31Baye banga bakonzi bakongi o nc’Edome, nani eliki nde mokonzi moko te nokonga bana bambe Yisalaele.
32Bela e mwan’ombe Bola o bwele akongi Edome; mpe lina li mbok’e yeye liliki Dinaba.
33Bela awi, mpe Yobaba e mwan’o bwele ombe Zela o Bosula akongi o epos’e yeye.
34Yobaba awi, mpe Usama o es’e Ba‐Temana akongi o epos’e yeye.
35Usama awi, mpe Adada e mwan’ombe Bedada o bwele, obomi Midiana o esob’e Moaba, akongi o epos’e yeye: mpe lina li mbok’e yeye liliki Awita.
36Adada awi, mpe Samela o Maseleka akongi o epos’e yeye.
37Samela awi, mpe Saula o Lobota bele‐bele n’Ebale akongi o epos’e yeye.
38Saula awi, mpe Bal’anana e mwan’ombe Akabola o bwele akongi o epos’e yeye.
39Bal’anana e mwan’ombe Akabola awi, mpe Adala akongi o epos’e yeye: mpe lina li mbok’e yeye liliki Pau; mpe lina li mwasi o yeye liliki Metabele, mwan’ombe Matulede o mwene, mwan’ombe Me‐zaba o mwene.
40Maye manga mina ma bankonwa babotibwi na Esau, ete nde mabota ma bango, o nongo li bango, na mina ma bango; nkonwa Timena, nkonwa Alawa, nkonwa Yetete; 41nkonwa Olibama, nkonwa Ela, nkonwa Pinona; 42nkonwa Kenaza, nkonwa Temana, nkonwa Mibesala; nkonwa Magadiele, nkonwa Ilana: 43baye banga bankonwa ba Edome, ete nde bizali bi bang’o nc’e tuki bango. Oyo anga Esau e sango embe Ba‐Edome.
Currently Selected:
Mabandela 36: BANGI
Highlight
Share
Copy
Want to have your highlights saved across all your devices? Sign up or sign in
Published by the Baptist Missionary Society 1905-1916.
