Ioane 15

U RA VAINE MULU.

Ioane 15.

1Iau, a vaine mulu iau, ma Tamag a tenawaruabat a pinapam. 2A kakakag rap ba pa i ua kura in kip‐igenuai: ma ia ba i ua in kakui, ba in ua mat. 3Muat maramarek kubai u ra pirapira iau a piratai ta muat. 4Muat a ki nag, ma ag ki namuat. Lenkuma a kakakana i kana ua ba ia ku, ma pa i tara‐kabina u ra vaine; lenkuma muat kai, ba pa muat ki nag. 5A vaine iau, a kum kakakag muat: ia ba i ki nag, ma iau ki nana, ia kuma i ua mat: ba muat ki igen kon iau, muat kana pam larapa ta lig. 6Ba te ba pa i ki nag di ogua i le ra kakakana vaine, ma i marag; ma din oto‐ugaipai, ma din ogtai u ra ugan, in wagan. 7Ba muat ki nag, ma ra nug pirapira i ki u ra balamuat, muat an arig a lig ba muat nemi, kura din peti korom muat. 8Ba muat ua mat, din pet a walaua Tamag uni, ma ra nug kum disaipeli muat. 9Lenkuma Tamag i mari iau, len kai kuma iau mari muat: muat a ki ku u ra nug maramari. 10Ba muat taram u ra nug pirapira, muat a ki u ra nug maramari: lenkuma iau taram u ra pirapira a nun Tamag, ma iau ki u ra nuna maramari. 11A kum lig kumi iau wapuata muat uni, ba a nug kaia i ki u ra balamuat, ma in wewoat uni a numuat kaia.

12A nug wetula kumi, muat a wemaramari, lenkuma iau mari muat. 13Pa ta marimari i gala un ia kumi, ba te i wiruana diat a kum tepana. 14A kum tepag muat, ba muat taram u ra nug pirapira. 15Pa ăg watāpa muat balet lena a kum wetula muat; kuma a wetula pa i nunura a lig ba a nuna tadaru i peti: ma iau watāpa muat lena a kum tepag muat; ma ra lig rap ba iau walogorotai kon Tamag iau wapuata muat uni. 16Pa muat tikanwalipa iau, iau ku, iau tikanwalipa muat, ma iau tula muat lena, muat a wan, muat ua tau, ma in tana takum a waina kuma: ma ra lig rap ba muat arigi kon Tamag u ra iag, in tari ta muat. 17A kum lig kumi iau piratai ta muat, muat a wemaramari uni.

18Ba diat taka na tudu ra maua diat tebua‐akaka muat, muat nunurai lena diat tebua‐akaka mukata iau, na muru ma ku muat. 19Ba muat palūg ugai ma diat taka na tudu ra maua, diat a mari muat kai: kăbi, pa muat palūg ugai ma diat, kuma iau tikanwalipa muat ko diat, a lig kumi diat tebua‐akaka muat uni.

20Muat kodopo a pirapira iau a piratai ta muat, lena, A wetula pa i gala u ra nuna Tadaru. Ba diat pet na bilbil un iau, diat a pet na bilbil un muat kai; ba diat taram u ra nug pirapira, diat a taram bulug u ra numuat. 21A kum lig rap kumi din peti korom muat un iau ku, kuma pa diat nunura ia ba i tula iau urin. 22Ba pa iau wan pat ma wapuata diat, pa nudiat ta pet akakai: ma kumari pa ta lig diat ugbati mai a nudiat petakakai, 23Ia ba i tebua‐akaka iau, i tebua‐akaka Tamag kai. 24Ba pa iau pamtai na ra matadiat a kum pinapam pa in te bulug in pam larapai, pa nudiat ta petakakai: ma kumi diat bobopa mira rap ma Tamag, ma diat tebua‐akaka mira. 25A lig kumi i wan pat, ba din pet a wewoatpai uni a pirapira di a timu tai u ra nudiat wewadu lenkumi, Diat tebua‐akaka iau ku, ma pa un ta lig. 26Ba a Tenawaraut i wan pat, ia ba ăg tula i korom muat kon Tamag, a Niono i pet kabin a ligtatuna, i wan kon Tamag, in wapua un iau: 27muat kai, muat a wapua un iau, kuma muat ki kabin nag.

Currently Selected:

Ioane 15: RAI

Highlight

Copy