Mareko 8
8
8 A PAKANA.
1U ra bug kuma, ba magoro balet diat a kum tara, ma diat kapan utna kai, i wata korom i diat a nuna kum tara wawera, ma piri ta diat. 2Iau maramari diat a kum tara, kuma diat tana ugai ma iau ta tul a bug, ma pa ta utna ba diat anani. 3Ma ba ag tulua diat ba diat molo ut u ra nudiat taman diat mat‐kiratau u ra akapi; kuma ta magan diat diat wan tak’ u ra welwelik. 4Ma nuna kum tara wawera diat piri tana, Te i rakani taka wai u ra bil kumi a utna na winagan in wamauru diat a kum tara uni. 5Ma i tiri diat, Teadi a kem na falaoa muat paki? Diat piri tana, Limadi ma ruadi. 6Ma i tulai diat a kum tara diat ki na pia: ma i rakanpai a limadi ma ruadi a kem na falaoa, ma ba i lotupa mun i bik weranai, ma tari ta diat a nuna kum tara wawera, diat tabara diat uni; ma diat palau diat uni a kum tara na kaiya. 7Ma diat paki kai ta kabanadi a ian liklik: ma ba i lotu pa, i piri ta diat, lena, diat a palau diat a tara uni. 8Ma diat wagan pa ma diat mauru; Ma diat tom ugai a kum mutumuta na utna diat an kopotai, ma limadi ma ruadi a ka diat wagan‐a‐tegpai mai. 9Ma diat a wat na no mara na tara diat, ma i tuluai diat: 10Ma i ka ma ut u ra aka ma diat a nuna kum tara wawera, ma wan u ra bual Dalmanuta. 11Ma ra kum te Faresaio diat wan korom i, ma diat tiritiri tana, diat nemi in pam ta wakinilag tak u ra maua, a nundiat walam tamai kuma. 12Ma i maluor gala u ra balana, ma piri, Lelawai a taun tara kumi diat auare kup ta wakinilag? A ligtatuna, iau pira ta muat, Pa ta wakinilag din tari ta ra taun tara kumi. 13Ma i wan igen ko diat, ma i ka balet u ra aka ma wan u ra papara danim. 14Ma diat dumanuai a utna diat anani, pa diat kipi; ma pa ta utna i tana ta diat u ra aka, ra kem na falaoa ku. 15Ma i wakatom diat, ma lena, Muat katom, ma muat lamono a leveni a nu ra kum te Faresaio ma ra leveni a nun Eroda. 16Ma diat wepirapira diat ku, ma diat lena, I piri lenkuma duk kuma pa dat kip ta kem na falaoa. 17Ba Iesu i nunurai i piri ta diat, Lelawai kuma muat wepirapiri, kuma pa muat kip ta kem na falaoa? Pa muat nunurai ut ni? pa muat manana ut ni? i maliu duk a balamuat ni? 18Di tara matamuat ma pa muat bobo uni? di tara teligamuat ma pa muat walogoro uni? ma pa muat kadopoi ni? 19Ba iau bik weranai a limadi a kem na falaoa ta diat a lima na no mara na tara, teadi a ka muat wagan‐a‐tegpai u ra mutamuta na utna muat tom ugai balet? Ma diat piri tana, Noina ma ruadi. 20Ma ba iau bik weranai a limadi ma ruadi a kem ta diat a wat na no mara, teadi a ka muat wagan‐a‐tegpai u ra mutamuta na utna muat tom ugai? 21Ma diat lena, Limadi ma ruadi. Ma i piri ta diat, Ka pa muat manana ut uni ni? 22Ma diat wan u Betesaida; ma diat benben korom i a muana i pula, ma diat arig i in pampami. 23Ma i rakani a lima ra pula, ma i wabenben i ko ra taman; ma ba i kara u ra matana, ma pampami ma ra ru limana, i tiri tana, U bobo duk ta lig? 24Ma i tatada, ma piri, Iau bobo a tara; iau bobo diat len ba a kum diwai, diat wanwan. 25Ma i pakitai balet a ru limana u ra ru matana, ma i bobo tadaraka ma ra ru matana i auakak balet, ma i bobo lelei a kum lig rap. 26Ma i tulua ia in wan u ra nuna ruma, ma i lena korom i, Koniku u wan u ra taman.
27Ma Iesu i wan igen, ma diat a nuna kum tara wawera, u ra bual Kaisaria Filipo; ma ba diat weuru u ra akapi i tiri ta diat a nuna kum tara wawera, lenkumi, A kum tara, awa diat piri un iau, O oi duk iau? 28Ma diat piri tana, lenkumi, Ioane a Tenapapitaiso; ta magan kai, diat lena, Ilaita: ma ra magan, diat lena, Te pa diat a kum parofita. 29Ma i tiri ta diat, ma muat bulug, muat pira‐lawai un iau O oi iau? Petero i piri tana, lenkumi, A Karisito ui. 30Ma i pirabat diat koniku diat wapua te uni. 31Ma i wera kabin ta diat i ka u ra na Tu‐ra‐Muana in tapunuk u ra magoro na lig, ma diat a kum takana, ma diat bulug a kum tenapinapet gala, ma ra kum tenatimtimu diat luai ma diat um doko ia, ma ba tul a bug i rap in lalaun balet. 32I piri wapuanai a pirapira kuma. Ma Petero i ben igeni, ma wadu bati. 33Ma ia, i turu tapuku, ma ba i boboi diat a nuna kum tara wawera, i akanau bat Petero, ma piri tana, Un wan na muru tag Satani: kuma pa u nukpai u ra kum lig a nun Nara, u nukpai ku u ra lig a nu ra kum tara ku. 34Ma i wata korom i diat a kum tara rap ma diat a nuna kum tara wawera, ma piri ta diat, Ba te i ligna murumuru iau, koniku i taram u ra lig a balana i gara kupi, ma in lo a nuna kabai ma patap un iau. 35Kuma ba te i ligna komonobatpai a nuna lalaun, kura in pet rarauai; ma te i pet rara‐uai a nuna lalaun kup iau ma kup a wewapua auakak kura in walaunpai. 36Kuma in ka urawa un te, ba i latai a lig rap na tudu ra maua, ma i pet rara‐uai a nuna lalaun? 37Awa bulug a lig in tari i kianai a nuna lalaun mai? 38Kuma ba te i wawirawira un iau ma u ra nug kum pirapira na ra matadiat a taun tara pet na tinouru ma pet akakai kumi, na Tu ra muana kai in wawirawira un ia kai, ba i wan pat u ra mărămără na Tamana ma diat a nuna kum agelo.
Currently Selected:
Mareko 8: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.
