APOSTOLO 3
3
1Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa. 2Mba umwe lunga, chilema chize ku jimo lia naye, apwile nikumumbata, nikumusela tangwa ha tangwa ku chikolo cha tembele, jina liacho, Chipema, mukwita yawana kuli waze manjila mu tembele; 3iye nikumona Petulu ni Yoano himanjila mu tembele, waechile yawana. 4Petulu hamwe ni Yoano, wamuhulikilile meso, wambile kuli iye ngwenyi, Tala kuli yetu. 5Iye watalile kuli ayo, nikushinginyeka ngwe matambula chimwe kuli ayo. 6Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende. 7Mba yamukwata ku kwoko lia chindume, yamukatwisa; ni haze hene, yiliato yenyi ni tusendengele twenyi ajikijile. 8Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi. 9Atu eswe amumwene, nikwenda, nikuhalisa Zambi: 10mba amusele chinyingi ngwo, Yoze watwaminyinyine yawana ku chikolo Chipema cha tembele; o akomokene chikolo, alishikishilile kuhiana ha chize alingile kuli iye.
11Shimbu akwachile Petulu ni Yoano, atu eswe azombokele nikulikungulula kuli ayo mushi lia Senge jina lialio Lia Solomone, nikukomoka chikolo. 12Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga? 13Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula. 14Alioze yenu nwalikalile mwe Musandu, kanda Mukwa ululi, nwechile akanwehe chingalwe. 15Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela. 16Mba ku Ufulielo ku jina lienyi, jina lienyi hiunatakamisa yono nunamumono, nunamunyingika: ngwami, Ufulielo uze kuli iye hiunamwehe mujimba uno ungunu kumeso ja yenu eswe.
17Haliapwila, mandumbu, ngunanyingika nwachilingile ni kwalajala, ngwe nawa akwa kuyula jenu; 18alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba. 19Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene; 20hanga akatume Yesu Kristu, yoze anutongweleleye Shimbu-kanda; 21chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila. 22Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu. 23Mba kumuchikapwa, mutu mweswe kechi kevwa profeta yoze, kumakamwenyeka liakulu hakachi ka atu. 24Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano. 25Yenu nuli ana ja aprofeta ni ja usendo uze Zambi wakwachile ni tulamba twetu, nikwamba kuli Apalahama ngwenyi, Mu munyachi we majimo eswe a hashi kumakawaha. 26Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.
Currently Selected:
APOSTOLO 3: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 3
3
1Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa. 2Mba umwe lunga, chilema chize ku jimo lia naye, apwile nikumumbata, nikumusela tangwa ha tangwa ku chikolo cha tembele, jina liacho, Chipema, mukwita yawana kuli waze manjila mu tembele; 3iye nikumona Petulu ni Yoano himanjila mu tembele, waechile yawana. 4Petulu hamwe ni Yoano, wamuhulikilile meso, wambile kuli iye ngwenyi, Tala kuli yetu. 5Iye watalile kuli ayo, nikushinginyeka ngwe matambula chimwe kuli ayo. 6Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende. 7Mba yamukwata ku kwoko lia chindume, yamukatwisa; ni haze hene, yiliato yenyi ni tusendengele twenyi ajikijile. 8Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi. 9Atu eswe amumwene, nikwenda, nikuhalisa Zambi: 10mba amusele chinyingi ngwo, Yoze watwaminyinyine yawana ku chikolo Chipema cha tembele; o akomokene chikolo, alishikishilile kuhiana ha chize alingile kuli iye.
11Shimbu akwachile Petulu ni Yoano, atu eswe azombokele nikulikungulula kuli ayo mushi lia Senge jina lialio Lia Solomone, nikukomoka chikolo. 12Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga? 13Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula. 14Alioze yenu nwalikalile mwe Musandu, kanda Mukwa ululi, nwechile akanwehe chingalwe. 15Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela. 16Mba ku Ufulielo ku jina lienyi, jina lienyi hiunatakamisa yono nunamumono, nunamunyingika: ngwami, Ufulielo uze kuli iye hiunamwehe mujimba uno ungunu kumeso ja yenu eswe.
17Haliapwila, mandumbu, ngunanyingika nwachilingile ni kwalajala, ngwe nawa akwa kuyula jenu; 18alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba. 19Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene; 20hanga akatume Yesu Kristu, yoze anutongweleleye Shimbu-kanda; 21chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila. 22Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu. 23Mba kumuchikapwa, mutu mweswe kechi kevwa profeta yoze, kumakamwenyeka liakulu hakachi ka atu. 24Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano. 25Yenu nuli ana ja aprofeta ni ja usendo uze Zambi wakwachile ni tulamba twetu, nikwamba kuli Apalahama ngwenyi, Mu munyachi we majimo eswe a hashi kumakawaha. 26Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.