APOSTOLO 5
5
1Alioze umwe lunga jina lienyi Ananiya, hamwe ni mukwo-pwo Safira, walanjishile upite umwe, 2mba waswekele chihanda cha ndando, mukwo-pwo nawa kanachinyingika, wanehene chimwe chihanda, wachitumbikile ku yiliato ya apostolo. 3Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda? 4Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi. 5Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile. 6Akweze yakatuka, yamuvunga, yamumbata haze, yamufunda.
7Kwapwile ngwe shimbu lia ola jitatu kulutwe, muze mukwo-pwo anjilile, se kanyingikine chize chapwile. 8Petulu wakumbulwile kuli iye ngwenyi, Ngwambulwile kachi nwatanjishile munda ha ndando yinganji? Iye wambile ngwenyi, Ewa, ha ndando yize yene. 9Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze. 10Iye walimbukile haze hene ku yiliato yenyi, wafwile. Akweze anjilile yamuwana hanafu, yamumbata haze, yamufunda ku lumbu lia mukwo-lunga. 11Ni woma wunji wejile ha chikungulwila cheswe, ni hali waze eswe evwile yino yuma.
12Mba ku moko ja apostolo alingile yilayi yinji ni yipekesa hakachi ka atu: o apwile ni mbunge yimuwika mu Senge lia Solomone. 13Alioze a kuli akwo niumwe wahamukine kulinunga no: alioze atu aachichimiekene; 14ni akwa kufuliela, yizavu ya malunga ni mapwo, aawezele kuli Mwene: 15chocho anehene mieji ku mikwakwa, aasele ha miu ni yisalo, hanga chipwe Chizulie wika cha Petulu, ha kupalika, chikazutamine kama amwe a kuli ayo. 16Ni chizavu nawa cha ku membo a kujingilika Yerusaleme akungamine, nikuneha mieji ni waze aapinjishile kuli maspiritu a luchisa, o aawukile eswe.
17Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa. 18Akwachile apostolo, aasele mu zuwo lia ususu. 19Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi, 20Yénu, nukamane mu tembele, nukahanjike kuli atu maliji eswe a mwono uno. 21O muze achivwile, anjilile ha kucha mu tembele, nikulongesa.
Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe. 22Alioze tupita waze ayile, kaawanyine mu zuwo lia ususu; o ahilukile, aambulwilile 23ngwo, Twawananga zuwo lia ususu lia kwajila kanawa, ni tulayi kanamana haze ku mapito: alioze muze twazululanga, kutwawanyinemo niumwe. 24Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa. 25Mba umwe wejile, wambulwile kuli ayo ngwenyi, Kumanyi, malunga waze nunakaasa mu zuwo lia ususu, mwali mu tembele, kanamana nikulongesa atu. 26Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.
27Muze te haaneha, aasele kumeso ja akwa kuyula. Ni sasendote mukwa lutwe waahulile ngwenyi, 28Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu. 29Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko. 30Zambi ya tulamba twetu wahindwishile Yesu, yoze nwashihile ha kumuzezeleka ha mutondo. 31Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga. 32Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.
33Alioze, muze evwile chino, alichokele mu mbunge, azangile kwashiha. 34Alioze kwakatukile hakachi ka akwa kuyula umwe Ka-Fwariseu, jina lienyi Ngamaliele, longeshi ya shimbi, walemene kuli atu eswe, wambile atuhwise apostolo haze hakepe. 35Iye wambile kuli ayo ngwenyi, Malunga a Izalele, keyelenu kuli yenwene ha kutwala ku chize nunambe kulinga kuli wano atu; 36mumu kushi kwakatukile Teunda, kanambe ngwenyi, Yami munene; kuli iye atu amwe ngwe kulakaji awana alinungine: amushihile; ni waze eswe amwononokenene amwanganyine, apwile amokomoko. 37Kulutwe lia iye kwakatukile Yundase, Ka-Ngalileya, ha matangwa a kusoneka atu, wakokele atu anji kunyima yenyi: iye nawa watokele; ni waze eswe amwononokenene amwanganyine. 38Haliapwila ngunambe kuli yenu ngwami, Litwaminenu kuli wano atu, aechenu ukawo: mumu kachi chiyulo chino hanji chitanga chino chinakatuka kuli atu, makachonwona: 39alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.
40O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya. 41O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina. 42Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.
Currently Selected:
APOSTOLO 5: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 5
5
1Alioze umwe lunga jina lienyi Ananiya, hamwe ni mukwo-pwo Safira, walanjishile upite umwe, 2mba waswekele chihanda cha ndando, mukwo-pwo nawa kanachinyingika, wanehene chimwe chihanda, wachitumbikile ku yiliato ya apostolo. 3Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda? 4Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi. 5Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile. 6Akweze yakatuka, yamuvunga, yamumbata haze, yamufunda.
7Kwapwile ngwe shimbu lia ola jitatu kulutwe, muze mukwo-pwo anjilile, se kanyingikine chize chapwile. 8Petulu wakumbulwile kuli iye ngwenyi, Ngwambulwile kachi nwatanjishile munda ha ndando yinganji? Iye wambile ngwenyi, Ewa, ha ndando yize yene. 9Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze. 10Iye walimbukile haze hene ku yiliato yenyi, wafwile. Akweze anjilile yamuwana hanafu, yamumbata haze, yamufunda ku lumbu lia mukwo-lunga. 11Ni woma wunji wejile ha chikungulwila cheswe, ni hali waze eswe evwile yino yuma.
12Mba ku moko ja apostolo alingile yilayi yinji ni yipekesa hakachi ka atu: o apwile ni mbunge yimuwika mu Senge lia Solomone. 13Alioze a kuli akwo niumwe wahamukine kulinunga no: alioze atu aachichimiekene; 14ni akwa kufuliela, yizavu ya malunga ni mapwo, aawezele kuli Mwene: 15chocho anehene mieji ku mikwakwa, aasele ha miu ni yisalo, hanga chipwe Chizulie wika cha Petulu, ha kupalika, chikazutamine kama amwe a kuli ayo. 16Ni chizavu nawa cha ku membo a kujingilika Yerusaleme akungamine, nikuneha mieji ni waze aapinjishile kuli maspiritu a luchisa, o aawukile eswe.
17Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa. 18Akwachile apostolo, aasele mu zuwo lia ususu. 19Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi, 20Yénu, nukamane mu tembele, nukahanjike kuli atu maliji eswe a mwono uno. 21O muze achivwile, anjilile ha kucha mu tembele, nikulongesa.
Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe. 22Alioze tupita waze ayile, kaawanyine mu zuwo lia ususu; o ahilukile, aambulwilile 23ngwo, Twawananga zuwo lia ususu lia kwajila kanawa, ni tulayi kanamana haze ku mapito: alioze muze twazululanga, kutwawanyinemo niumwe. 24Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa. 25Mba umwe wejile, wambulwile kuli ayo ngwenyi, Kumanyi, malunga waze nunakaasa mu zuwo lia ususu, mwali mu tembele, kanamana nikulongesa atu. 26Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.
27Muze te haaneha, aasele kumeso ja akwa kuyula. Ni sasendote mukwa lutwe waahulile ngwenyi, 28Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu. 29Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko. 30Zambi ya tulamba twetu wahindwishile Yesu, yoze nwashihile ha kumuzezeleka ha mutondo. 31Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga. 32Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.
33Alioze, muze evwile chino, alichokele mu mbunge, azangile kwashiha. 34Alioze kwakatukile hakachi ka akwa kuyula umwe Ka-Fwariseu, jina lienyi Ngamaliele, longeshi ya shimbi, walemene kuli atu eswe, wambile atuhwise apostolo haze hakepe. 35Iye wambile kuli ayo ngwenyi, Malunga a Izalele, keyelenu kuli yenwene ha kutwala ku chize nunambe kulinga kuli wano atu; 36mumu kushi kwakatukile Teunda, kanambe ngwenyi, Yami munene; kuli iye atu amwe ngwe kulakaji awana alinungine: amushihile; ni waze eswe amwononokenene amwanganyine, apwile amokomoko. 37Kulutwe lia iye kwakatukile Yundase, Ka-Ngalileya, ha matangwa a kusoneka atu, wakokele atu anji kunyima yenyi: iye nawa watokele; ni waze eswe amwononokenene amwanganyine. 38Haliapwila ngunambe kuli yenu ngwami, Litwaminenu kuli wano atu, aechenu ukawo: mumu kachi chiyulo chino hanji chitanga chino chinakatuka kuli atu, makachonwona: 39alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.
40O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya. 41O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina. 42Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.