APOSTOLO 7
7
1Sasendote mukwa lutwe wambile ngwenyi, Yino yuma chocho yapwa, nyi? 2Eshetevau wambile ngwenyi,
Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane, 3wambile kuli iye ngwenyi, Katuka ku chifuchi che, ni kuli usoko we, ukaye ku chifuchi chize mungukakulweza. 4Hohene wakatukile ku chifuchi cha A-Kaletea: watwamine mu Harane, ni muze te tato hafwa, Zambi wamututulwilileko ndo ku chifuchi chino, muno mwatwama yenu haliapwila: 5alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana. 6Zambi wahanjikile Chichino ngwenyi, Munyachi we muukapwa njize mu chifuchi cha mbala, makaapwisa ndungo, makaalinga chipi, kulakaji awana a miaka. 7Ni vungu lize kuli ayo makapwa mu undungo, mungukaapatwila, chocho ambile Zambi ngwenyi, Mba kulutwe lia chize kumakatuhuka akangulingile muma muno. 8Iye wamuhele usendo wa ungalami: chocho Apalahama wasemene Izake, wamupwishile ngalami ha tangwa liamuchinake; Izake wasemene Yakomba, Yakomba wasemene kumi lia tulamba ni tulamba aali.
9Tulamba, se evwilile ukwa José, amulanjishile ku Engitu: alioze Zambi wapwile hamwe nenyi. 10Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe. 11Achi, kwejile kapunga ha chifuchi cheswe cha Engitu ni Kanana, ni luyinda munene; ni tulamba twetu kawanyine kulia nichimwe. 12Alioze muze Yakomba evwile ngwo, Tiliku ku Engitu kuyili, watumine tulamba twetu hatangu. 13Ha kuya kamuchiali, José Walinyingikishine kuli ayayo, mba asolwele munyachi wa José kuli Falau. 14José watumine akatambike tato Yakomba akeze kuli iye, ni usoko wenyi eswe, makumi shimbiali a atu ni atu atano. 15Yakomba wapalumukine ku Engitu; wafwile, iye ni tulamba twetu; 16mba aatwalile ku Shekeme, aafunjile mu fuka lize alanjile Apalahama ni ndando ya mbongo kuli ana ja Hamore mu Shekeme.
17Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu. 18Ndo mwanangana weka wasolokele mukuyula A-Engitu, yoze kanyingikine José. 19Iye walingile ni kalimbavuli hali akwa munyachi wetu, walingile chipi kuli tulamba twetu, nikumbilisa haze ana-akemba jo hanga kechi kapwa ni mwono. 20Ha mwaka uze Mose wasemukine, wavumbile kuli Zambi; o amulelele tukweji atatu mu zuwo lia tato: 21mba muze amumbilile, mwana Falau wa pwo wamwanjile, wamulelele hanga akapwe mwanenyi. 22Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.
23Muze apwile ni makumi awana a miaka pundu, chejile ku mbunge yenyi kumeneka usoko wenyi ana a Izalele. 24Iye, ha kumona umwe amulingile chipi, waakandunwine, wakalile yoze wamwene lamba, walambile Ka-Engitu. 25Iye washinginyekene ngwe usoko wenyi manyingika ngwo, Zambi maalamwina ku kwoko Henyi; alioze kachinyingikine. 26Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi? 27Alioze yoze walingile chipi kuli mwenyembo wenyi, wamuchinjile ngwenyi, Iya wakupwishile mukwa kuyula ni sopi hali yetu? 28Unazange kungushiha ngwe unakashiha Ka-Engitu zau, nyi? 29Mba Mose wachinyine ha liji lino, wapwile njize mu chifuchi cha A-Mindiane, kuze wasemene ana aali a malunga.
30Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa. 31Muze Mose achimwene, wakomokene ha usolwelo: ni shimbu akundamine mukutala, liji lia Mwene liejile kuli iye, 32ngwo, Zambi ya tulamba twe yami, Zambi ya Apalahama, ya Izake, ya Yakomba. Ni Mose wachikimine, kahamukineko kutala. 33Mwene wambile kuli iye ngwenyi, Zula haku je ku molu je: mumu homa hano unamana hasandu. 34Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.
35Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa. 36Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka. 37Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe. 38Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho: 39kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu. 40Ambile kuli Arone ngwo, Tutangilenu mazambi, waze matutetekela: se hali yono Mose, watuchijile ku chifuchi cha Engitu, kutwanyingikine chize chinamuwane. 41Atangile mwana-ngombe ha matangwa aze, alambwile chitapo ku hamba, evwile chiseke ha chitanga cha moko jo. 42Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo,
Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?
43Ewa, nwanjile mbalaka ya Moloko,
ni lutongonoshi wa zambi yenu Refwame,
tuponya aze nwaatangilemuk wakombelela: kumungukanututulwila kuze-kanda lia Babilonia.
44Tulamba twetu apwile ni mbalaka ya Shindakenyo mu puya, chizechene ngwe yoze wahanjikile kuli Mose, wahanyine shimbi, ngwo, Akachihinge nikulita ni cheseko chize hamona kulu. 45Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David. 46Iye wawanyine vumbi kumeso ja Zambi, wechile akawane mbalaka hali Zambi ya Yakomba. 47Alioze Solomone wamutungilile zuwo. 48Hindu mwe Chitunda keshi kutwama mu matembele a kutunga ni moko; ngwe anambe profeta ngwenyi,
49Ngunja yami lie lilu,
ni hashi hanapu chitwamo cha yiliato yami:
Zuwo lika mukangutungila? Chocho anambe Mwene ngwenyi:
Hanji mulihi muma mwa uhwimino wami?
50Kwoko liami kuliatangile yino yuma yeswe, nyi?
51Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga. 52Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe. 53Yenu nwatambwile shimbi, yize ayihanyine ku kwoko lia angelo, alioze kunwayifungileko!
54Achi, muze evwile yino yuma, alichokele mu mbunge, alikopwele ku mazo hali iye. 55Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi. 56Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi. 57Alioze akololokele ni liji linene, ajikile matwi jo, alundumukine hali iye ni mbunge yimuwika; 58amumbilile haze lia limbo, amwashile mawe; ni yela atumbikile mazalo jo ku molu ja umwe mukweze, jina lienyi, Saulu. 59O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami. 60Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.
Currently Selected:
APOSTOLO 7: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 7
7
1Sasendote mukwa lutwe wambile ngwenyi, Yino yuma chocho yapwa, nyi? 2Eshetevau wambile ngwenyi,
Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane, 3wambile kuli iye ngwenyi, Katuka ku chifuchi che, ni kuli usoko we, ukaye ku chifuchi chize mungukakulweza. 4Hohene wakatukile ku chifuchi cha A-Kaletea: watwamine mu Harane, ni muze te tato hafwa, Zambi wamututulwilileko ndo ku chifuchi chino, muno mwatwama yenu haliapwila: 5alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana. 6Zambi wahanjikile Chichino ngwenyi, Munyachi we muukapwa njize mu chifuchi cha mbala, makaapwisa ndungo, makaalinga chipi, kulakaji awana a miaka. 7Ni vungu lize kuli ayo makapwa mu undungo, mungukaapatwila, chocho ambile Zambi ngwenyi, Mba kulutwe lia chize kumakatuhuka akangulingile muma muno. 8Iye wamuhele usendo wa ungalami: chocho Apalahama wasemene Izake, wamupwishile ngalami ha tangwa liamuchinake; Izake wasemene Yakomba, Yakomba wasemene kumi lia tulamba ni tulamba aali.
9Tulamba, se evwilile ukwa José, amulanjishile ku Engitu: alioze Zambi wapwile hamwe nenyi. 10Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe. 11Achi, kwejile kapunga ha chifuchi cheswe cha Engitu ni Kanana, ni luyinda munene; ni tulamba twetu kawanyine kulia nichimwe. 12Alioze muze Yakomba evwile ngwo, Tiliku ku Engitu kuyili, watumine tulamba twetu hatangu. 13Ha kuya kamuchiali, José Walinyingikishine kuli ayayo, mba asolwele munyachi wa José kuli Falau. 14José watumine akatambike tato Yakomba akeze kuli iye, ni usoko wenyi eswe, makumi shimbiali a atu ni atu atano. 15Yakomba wapalumukine ku Engitu; wafwile, iye ni tulamba twetu; 16mba aatwalile ku Shekeme, aafunjile mu fuka lize alanjile Apalahama ni ndando ya mbongo kuli ana ja Hamore mu Shekeme.
17Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu. 18Ndo mwanangana weka wasolokele mukuyula A-Engitu, yoze kanyingikine José. 19Iye walingile ni kalimbavuli hali akwa munyachi wetu, walingile chipi kuli tulamba twetu, nikumbilisa haze ana-akemba jo hanga kechi kapwa ni mwono. 20Ha mwaka uze Mose wasemukine, wavumbile kuli Zambi; o amulelele tukweji atatu mu zuwo lia tato: 21mba muze amumbilile, mwana Falau wa pwo wamwanjile, wamulelele hanga akapwe mwanenyi. 22Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.
23Muze apwile ni makumi awana a miaka pundu, chejile ku mbunge yenyi kumeneka usoko wenyi ana a Izalele. 24Iye, ha kumona umwe amulingile chipi, waakandunwine, wakalile yoze wamwene lamba, walambile Ka-Engitu. 25Iye washinginyekene ngwe usoko wenyi manyingika ngwo, Zambi maalamwina ku kwoko Henyi; alioze kachinyingikine. 26Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi? 27Alioze yoze walingile chipi kuli mwenyembo wenyi, wamuchinjile ngwenyi, Iya wakupwishile mukwa kuyula ni sopi hali yetu? 28Unazange kungushiha ngwe unakashiha Ka-Engitu zau, nyi? 29Mba Mose wachinyine ha liji lino, wapwile njize mu chifuchi cha A-Mindiane, kuze wasemene ana aali a malunga.
30Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa. 31Muze Mose achimwene, wakomokene ha usolwelo: ni shimbu akundamine mukutala, liji lia Mwene liejile kuli iye, 32ngwo, Zambi ya tulamba twe yami, Zambi ya Apalahama, ya Izake, ya Yakomba. Ni Mose wachikimine, kahamukineko kutala. 33Mwene wambile kuli iye ngwenyi, Zula haku je ku molu je: mumu homa hano unamana hasandu. 34Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.
35Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa. 36Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka. 37Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe. 38Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho: 39kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu. 40Ambile kuli Arone ngwo, Tutangilenu mazambi, waze matutetekela: se hali yono Mose, watuchijile ku chifuchi cha Engitu, kutwanyingikine chize chinamuwane. 41Atangile mwana-ngombe ha matangwa aze, alambwile chitapo ku hamba, evwile chiseke ha chitanga cha moko jo. 42Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo,
Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?
43Ewa, nwanjile mbalaka ya Moloko,
ni lutongonoshi wa zambi yenu Refwame,
tuponya aze nwaatangilemuk wakombelela: kumungukanututulwila kuze-kanda lia Babilonia.
44Tulamba twetu apwile ni mbalaka ya Shindakenyo mu puya, chizechene ngwe yoze wahanjikile kuli Mose, wahanyine shimbi, ngwo, Akachihinge nikulita ni cheseko chize hamona kulu. 45Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David. 46Iye wawanyine vumbi kumeso ja Zambi, wechile akawane mbalaka hali Zambi ya Yakomba. 47Alioze Solomone wamutungilile zuwo. 48Hindu mwe Chitunda keshi kutwama mu matembele a kutunga ni moko; ngwe anambe profeta ngwenyi,
49Ngunja yami lie lilu,
ni hashi hanapu chitwamo cha yiliato yami:
Zuwo lika mukangutungila? Chocho anambe Mwene ngwenyi:
Hanji mulihi muma mwa uhwimino wami?
50Kwoko liami kuliatangile yino yuma yeswe, nyi?
51Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga. 52Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe. 53Yenu nwatambwile shimbi, yize ayihanyine ku kwoko lia angelo, alioze kunwayifungileko!
54Achi, muze evwile yino yuma, alichokele mu mbunge, alikopwele ku mazo hali iye. 55Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi. 56Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi. 57Alioze akololokele ni liji linene, ajikile matwi jo, alundumukine hali iye ni mbunge yimuwika; 58amumbilile haze lia limbo, amwashile mawe; ni yela atumbikile mazalo jo ku molu ja umwe mukweze, jina lienyi, Saulu. 59O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami. 60Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.