APOSTOLO 9
9
1Alioze Saulu hindu machihwilijela kwomisa nikushiha hali tumbaji twa Mwene, wayile kuli sasendote mukwa lutwe, 2wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme. 3Shimbu machenda mu wenyi, wakundamine ku Ndamaseku: susumuku mwahenyene pangu mwilu ha kumujingilika. 4Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona? 5Iye wambile ngwenyi, Mwene, yena iya? Wakumbulwile ngwenyi, Yami Yesu, yoze wakumuhungumiona, chikalu hali yena kutwa yishindo ku musongolwela. 6Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga. 7Alioze malunga waze endele hamwe nenyi amanyine ngwe tumama, se evwile liji, alioze kamwene niumwe. 8Mba Saulu wakatukile hashi, alioze muze alawile meso jenyi, kamwene nichimwe. Kashika amusongwelele ku kwoko, amutwalile ku Ndamaseku. 9Iye wapwile matangwa atatu keshi meso, kalileko, chipwe kanwineko.
10Achi, kwapwile umwe kambaji mu Ndamaseku, jina lienyi Ananiya; Mwene wambile kuli iye mu usolwelo ngwenyi, Ananiya. Iye wambile ngwenyi, Mwene, yami uno. 11Mwene wambile kuli iye ngwenyi, Katuka, uye ku tapalo lize jina lialio, Lialulama, ukafupe mu zuwo lia Yundase umwe jina lienyi Saulu, wa ku Tarsu: mumu kanalembe; 12iye hanamono mu usolwelo lunga jina lienyi Ananiya kananjila, akasayike moko jenyi hali iye, hanga alaule meso. 13Ananiya wakumbulwile ngwenyi, Mwene, hingunevu kuli anji ha kutwala kuli yono lunga, ngwe yipi yinji chikolo hanalingi kuli asandu je ku Yerusaleme: 14ni kuno poko ali nayo ya kuli asasendote akwa lutwe ya kukasa waze eswe akutambika ha jina lie. 15Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele: 16mumu mungukamulweza lamba lize linji chamutamba kwivwa mumu ha jina liami. 17Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu. 18Haze hene yaholokele ku meso jenyi ngwe yihahi, iye walawile meso, wakatukile, amupapachishile. 19Mba walile, walitakamishine.
Saulu wapwile matangwa amwe hamwe ni tumbaji a mu Ndamaseku. 20Haze hene mu masunangonga wambujolele Yesu, ngwenyi, Iye mwe Mwana Zambi. 21Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe. 22Alioze Saulu wahianyine ni tachi, watupiekesele A-Yunda waze atwamine ku Ndamaseku, nikwasolwela yinyingi ngwenyi, Yono mwe Kristu.
23Muze matangwa anji amanunukine, A-Yunda atwamine punga akamushihe: 24alioze liji lia kujikinyina cho liahetele kuli Saulu. O alayile yajilo nawa, mwalwa ni ufuku hanga akamushihe. 25Alioze tumbaji amutwalile ha ufuku, amusunwishine ku chipanga, nikumuhulumuna hashi mu chiseke.
26Mba muze ahetele ku Yerusaleme, wesekele kulifutula kuli tumbaji; o eswe amuvwilile woma, se kamufulieleleko ngwe iye kambaji. 27Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu. 28Iye wapwile hamwe no, nikunjilanjila, nikutuhwoka mu Yerusaleme, 29nikuhanjika ni hamu mu jina lia Mwene Yesu, nikuhangulula A-Ngresia; alioze afupile kumushiha. 30Muze mandumbu achiselele chinyingi, amutwalile ku Sesarea, amutumine ku Tarsu.
31Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.
32Petulu, shimbu mapalieka mu chifuchi, wapalumukine kuli asandu waze atwamine ku Lita. 33Kuze awanyine umwe lunga, jina lienyi Eneya, te hapomba miaka nake ha chalo chenyi, mumu wapwile mukwa kalepa. 34Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile. 35Waze eswe atwamine ku Lita ni mu Sarone, amumwene, o atewulukilile kuli Mwene.
36Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile. 37Ha matangwa aze Wayijile, wafwile: ni muze hamusanyisa, amusele mu chipatulo cha kwilu. 38Se Lita chili hakamwihi ni Yopa, tumbaji se evwile ngwo, Petulu ko kwali, atumine malunga aali kuli iye nikumulemba ngwo, Kanda ulaluka kwiza kuli yetu. 39Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no. 40Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine. 41Iye wamuhele kwoko lienyi, wamuhindwishile; watambikile asandu ni twamishi ja mapwo, wamukunjikile kuli ayo ni mwono. 42Mba achinyingikine ndusu mu Yopa mweswe, ni anji afulielele Mwene. 43Iye Watwamine matangwa anji mu Yopa hamwe ni umwe Semone mukwa kukotongola.
Currently Selected:
APOSTOLO 9: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 9
9
1Alioze Saulu hindu machihwilijela kwomisa nikushiha hali tumbaji twa Mwene, wayile kuli sasendote mukwa lutwe, 2wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme. 3Shimbu machenda mu wenyi, wakundamine ku Ndamaseku: susumuku mwahenyene pangu mwilu ha kumujingilika. 4Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona? 5Iye wambile ngwenyi, Mwene, yena iya? Wakumbulwile ngwenyi, Yami Yesu, yoze wakumuhungumiona, chikalu hali yena kutwa yishindo ku musongolwela. 6Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga. 7Alioze malunga waze endele hamwe nenyi amanyine ngwe tumama, se evwile liji, alioze kamwene niumwe. 8Mba Saulu wakatukile hashi, alioze muze alawile meso jenyi, kamwene nichimwe. Kashika amusongwelele ku kwoko, amutwalile ku Ndamaseku. 9Iye wapwile matangwa atatu keshi meso, kalileko, chipwe kanwineko.
10Achi, kwapwile umwe kambaji mu Ndamaseku, jina lienyi Ananiya; Mwene wambile kuli iye mu usolwelo ngwenyi, Ananiya. Iye wambile ngwenyi, Mwene, yami uno. 11Mwene wambile kuli iye ngwenyi, Katuka, uye ku tapalo lize jina lialio, Lialulama, ukafupe mu zuwo lia Yundase umwe jina lienyi Saulu, wa ku Tarsu: mumu kanalembe; 12iye hanamono mu usolwelo lunga jina lienyi Ananiya kananjila, akasayike moko jenyi hali iye, hanga alaule meso. 13Ananiya wakumbulwile ngwenyi, Mwene, hingunevu kuli anji ha kutwala kuli yono lunga, ngwe yipi yinji chikolo hanalingi kuli asandu je ku Yerusaleme: 14ni kuno poko ali nayo ya kuli asasendote akwa lutwe ya kukasa waze eswe akutambika ha jina lie. 15Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele: 16mumu mungukamulweza lamba lize linji chamutamba kwivwa mumu ha jina liami. 17Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu. 18Haze hene yaholokele ku meso jenyi ngwe yihahi, iye walawile meso, wakatukile, amupapachishile. 19Mba walile, walitakamishine.
Saulu wapwile matangwa amwe hamwe ni tumbaji a mu Ndamaseku. 20Haze hene mu masunangonga wambujolele Yesu, ngwenyi, Iye mwe Mwana Zambi. 21Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe. 22Alioze Saulu wahianyine ni tachi, watupiekesele A-Yunda waze atwamine ku Ndamaseku, nikwasolwela yinyingi ngwenyi, Yono mwe Kristu.
23Muze matangwa anji amanunukine, A-Yunda atwamine punga akamushihe: 24alioze liji lia kujikinyina cho liahetele kuli Saulu. O alayile yajilo nawa, mwalwa ni ufuku hanga akamushihe. 25Alioze tumbaji amutwalile ha ufuku, amusunwishine ku chipanga, nikumuhulumuna hashi mu chiseke.
26Mba muze ahetele ku Yerusaleme, wesekele kulifutula kuli tumbaji; o eswe amuvwilile woma, se kamufulieleleko ngwe iye kambaji. 27Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu. 28Iye wapwile hamwe no, nikunjilanjila, nikutuhwoka mu Yerusaleme, 29nikuhanjika ni hamu mu jina lia Mwene Yesu, nikuhangulula A-Ngresia; alioze afupile kumushiha. 30Muze mandumbu achiselele chinyingi, amutwalile ku Sesarea, amutumine ku Tarsu.
31Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.
32Petulu, shimbu mapalieka mu chifuchi, wapalumukine kuli asandu waze atwamine ku Lita. 33Kuze awanyine umwe lunga, jina lienyi Eneya, te hapomba miaka nake ha chalo chenyi, mumu wapwile mukwa kalepa. 34Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile. 35Waze eswe atwamine ku Lita ni mu Sarone, amumwene, o atewulukilile kuli Mwene.
36Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile. 37Ha matangwa aze Wayijile, wafwile: ni muze hamusanyisa, amusele mu chipatulo cha kwilu. 38Se Lita chili hakamwihi ni Yopa, tumbaji se evwile ngwo, Petulu ko kwali, atumine malunga aali kuli iye nikumulemba ngwo, Kanda ulaluka kwiza kuli yetu. 39Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no. 40Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine. 41Iye wamuhele kwoko lienyi, wamuhindwishile; watambikile asandu ni twamishi ja mapwo, wamukunjikile kuli ayo ni mwono. 42Mba achinyingikine ndusu mu Yopa mweswe, ni anji afulielele Mwene. 43Iye Watwamine matangwa anji mu Yopa hamwe ni umwe Semone mukwa kukotongola.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.