UPUTUKILO 18
18
1Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa. 2Yahetula meso jenyi ni kutala, kumanyi malunga atatu kanamana chichili kumeso jenyi. Muze haamona yazomboka mukwapatwiza ku chikolo cha mbalaka. Yahetamina hashi. 3Yamba ngwenyi, Mwene wami, nyi nawana vumbi kumeso jenu kanda nukatuka kuli yami kavumbi kenu. 4Ngunehe amwe meya akepe ngukasanyise yiliato yenu, nuchihwime mushi lia mutondo. 5Munguneha kamwe kakulia nukalihuzulule mbunge jenu, mba kulutwe munuhiana, se hinweza kuli yami kavumbi kenu. O yamba ngwo, Linga chize hiwamba. 6Apalahama yanjila fuji mu mbalaka kuli Sara, nikwamba ngwenyi, Lulika kawashi njongo jitatu ja wunga wafufunuka, ukauchike, ukalinge tumbolo. 7Apalahama yazomboka ku tanga, yaneha mwana-ngombe mwovu, mupema, yamuhana kuli ngamba akalipupwise kumululika. 8Yanda nawa maji a yamwa, ni yamwa, ni mwana-ngombe halulika, yayitumbika kumeso jo. Iye yamana hakamwihi no mushi lia mutondo shimbu machilia.
9Yamba kuli iye ngwo, Mukwenu-pwo Sara kulihi ali? Ngwenyi, Mu mbalaka ali. 10Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi. 11Alioze Apalahama ni Sara te hapwa makulwana, miaka yo yoka, te ndako ya mapwo hiyalitwamina kuli Sara. 12Kashika Sara yaseha muchima ngwenyi, Muze hinapwa kashinakaji te mungwivwa kuwaha, ni mwata wami nawa kashinakaji, nyi? 13Yehova yamba kuli Apalahama ngwenyi, Sara kuchi te anasehe ngwenyi, Te yami kashinakaji mungusema mwana? 14Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana. 15Mba Sara yalikala ngwenyi, Chasehele. Mumu woma anevu. Alioze iye ngwenyi, Ka, waseha.
16Mba malunga yakatukako, yatalikisa ku Sondome. Apalahama yaya no akaatwale mu jila. 17Yehova yamba ngwenyi, Ngusweke kuli Apalahama chuma chino mungulinga nyi? 18Se Apalahama makapwa vungu linene lia tachi, mba mavungu eswe a hashi makaawahisa muli iye. 19Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya. 20Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye, 21munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.
22Mba malunga yakatukako, yatalikisa ku Sondome, alioze Apalahama kanamana hindu kumeso ja Yehova. 23Apalahama yakundama ngwenyi, Munongesa akwa ululi hamwe ni yingulungulu nyi? 24Hanji mwali makumi atano a akwa ululi mu chihunda. Munongesa chihunda nyi? Kuchi kuchivwila keke mumu hali e makumi atano a akwa ululi alimo nyi? 25Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi? 26Yehova yamba ngwenyi, Nyi munguwana mu Sondome makumi atano a akwa ululi muchima lia chihunda mungwecha chihunda cheswe mumu hali ayo. 27Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika. 28Hanji atano mahona a makumi atano a akwa ululi. Munongesa chihunda cheswe mumu ha kuhona cha atano nyi? Iye yamba ngwenyi, Chipwe munguwana makumi awana a akwa ululi ni akwa ululi atano chichi kuchinongesa. 29Yamba kuli iye cheka nawa ngwenyi, Hanji mawanamo makumi awana. Iye ngwenyi, Chipwe ha makumi awana chichi kuchilinga. 30Iye yamba nawa ngwenyi, Mala! Mwene kanda utenuka ni yami, mba munguhanjika. Hanji mawanamo makumi atatu. Ngwenyi, Nyi munguwana makumi atatu, chichi kuchilinga. 31Yamba ngwenyi, Tala, hinahamuka kuhanjika ni Mwene, hanji mawana makumi aali. Iye ngwenyi, Chipwe ha makumi aali chichi kuchilinga. 32Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga. 33Mba Yehova yaya kwenyi muze te hamana kuhanjika ni Apalahama. Apalahama iye yahiluka ku mahienyi.
Currently Selected:
UPUTUKILO 18: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
UPUTUKILO 18
18
1Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa. 2Yahetula meso jenyi ni kutala, kumanyi malunga atatu kanamana chichili kumeso jenyi. Muze haamona yazomboka mukwapatwiza ku chikolo cha mbalaka. Yahetamina hashi. 3Yamba ngwenyi, Mwene wami, nyi nawana vumbi kumeso jenu kanda nukatuka kuli yami kavumbi kenu. 4Ngunehe amwe meya akepe ngukasanyise yiliato yenu, nuchihwime mushi lia mutondo. 5Munguneha kamwe kakulia nukalihuzulule mbunge jenu, mba kulutwe munuhiana, se hinweza kuli yami kavumbi kenu. O yamba ngwo, Linga chize hiwamba. 6Apalahama yanjila fuji mu mbalaka kuli Sara, nikwamba ngwenyi, Lulika kawashi njongo jitatu ja wunga wafufunuka, ukauchike, ukalinge tumbolo. 7Apalahama yazomboka ku tanga, yaneha mwana-ngombe mwovu, mupema, yamuhana kuli ngamba akalipupwise kumululika. 8Yanda nawa maji a yamwa, ni yamwa, ni mwana-ngombe halulika, yayitumbika kumeso jo. Iye yamana hakamwihi no mushi lia mutondo shimbu machilia.
9Yamba kuli iye ngwo, Mukwenu-pwo Sara kulihi ali? Ngwenyi, Mu mbalaka ali. 10Iye yamba ngwenyi, Pundu kumungukeza nawa kuli yena muze kangonde makaheta nawa, mba mukwenu-pwo Sara makasema mwana. Sara te kanevuko ku chikolo cha mbalaka kunyima yenyi. 11Alioze Apalahama ni Sara te hapwa makulwana, miaka yo yoka, te ndako ya mapwo hiyalitwamina kuli Sara. 12Kashika Sara yaseha muchima ngwenyi, Muze hinapwa kashinakaji te mungwivwa kuwaha, ni mwata wami nawa kashinakaji, nyi? 13Yehova yamba kuli Apalahama ngwenyi, Sara kuchi te anasehe ngwenyi, Te yami kashinakaji mungusema mwana? 14Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana. 15Mba Sara yalikala ngwenyi, Chasehele. Mumu woma anevu. Alioze iye ngwenyi, Ka, waseha.
16Mba malunga yakatukako, yatalikisa ku Sondome. Apalahama yaya no akaatwale mu jila. 17Yehova yamba ngwenyi, Ngusweke kuli Apalahama chuma chino mungulinga nyi? 18Se Apalahama makapwa vungu linene lia tachi, mba mavungu eswe a hashi makaawahisa muli iye. 19Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya. 20Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye, 21munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.
22Mba malunga yakatukako, yatalikisa ku Sondome, alioze Apalahama kanamana hindu kumeso ja Yehova. 23Apalahama yakundama ngwenyi, Munongesa akwa ululi hamwe ni yingulungulu nyi? 24Hanji mwali makumi atano a akwa ululi mu chihunda. Munongesa chihunda nyi? Kuchi kuchivwila keke mumu hali e makumi atano a akwa ululi alimo nyi? 25Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi? 26Yehova yamba ngwenyi, Nyi munguwana mu Sondome makumi atano a akwa ululi muchima lia chihunda mungwecha chihunda cheswe mumu hali ayo. 27Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika. 28Hanji atano mahona a makumi atano a akwa ululi. Munongesa chihunda cheswe mumu ha kuhona cha atano nyi? Iye yamba ngwenyi, Chipwe munguwana makumi awana a akwa ululi ni akwa ululi atano chichi kuchinongesa. 29Yamba kuli iye cheka nawa ngwenyi, Hanji mawanamo makumi awana. Iye ngwenyi, Chipwe ha makumi awana chichi kuchilinga. 30Iye yamba nawa ngwenyi, Mala! Mwene kanda utenuka ni yami, mba munguhanjika. Hanji mawanamo makumi atatu. Ngwenyi, Nyi munguwana makumi atatu, chichi kuchilinga. 31Yamba ngwenyi, Tala, hinahamuka kuhanjika ni Mwene, hanji mawana makumi aali. Iye ngwenyi, Chipwe ha makumi aali chichi kuchilinga. 32Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga. 33Mba Yehova yaya kwenyi muze te hamana kuhanjika ni Apalahama. Apalahama iye yahiluka ku mahienyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.