UPUTUKILO 19
19
1Angelo aali yaheta ku Sondome ha chingoloshi, Lote te kanatwama mu chikolo cha Sondome. Lote yaamona, yakatuka aapatwize, yahetamina hashi. 2Yamba ngwenyi, Ene jami, ngunaliumbu, kondolokelenu ku zuwo lia yami kavumbi kenu nutwamemo Ufuku. Nusane ku molu, mba munukahinduka, nukaye jila yenu. O yamba ngwo, Ka, haze mutupomba ufuku. 3Alioze waashinjile chikolo, kashika yakondolokela kuli iye, yanjila mu zuwo lienyi. Iye waatelekelele kulia, yaochela mbolo kuyishi futunwiso, mba yalia. 4Alioze shimbu kanda achipomba malunga a mu chihunda cha Sondome yaseleka zuwo, ni twanuke ni makulwana, atu eswe a ku sali ni sali. 5Yatambika kuli Lote ngwo, Malunga aze ezanga kuli yena ha ufuku kulihi ali? Utuneheno haze tukalimone no. 6Lote yatuhuka kuli ayo ku chikolo. Yajila pito kunyima yenyi. 7Yamba ngwenyi, Ngunaliumbu akwetu, kanda nulinga ungulungulu upwa haha. 8Alioze nguli ni ana aali a mapwo kanda achilimona ni malunga. Ngunaliumbu ngukanuneheno haze, mba cheswacho chanupemena ku meso jenu hilingenu no. Alioze kanda nulinga nichimwe kuli wano malunga, se hapwa ngeji jami. 9Alioze o ngwo, Katukako. Chikwo nawa ngwo, Yono umuwika wejile kuno kutwama njize, haliapwila halitenga mukwa kuyula. Haliapwila mutukulinga chipi chahiana chize twambanga kulinga ni waze akwo. Chocho amushinjikile chikolo, mwe Lote. Te kwasala hakehe kupula pito. 10Alioze malunga atuhwishile kwoko, yakoka Lote muchima lia zuwo kuli ayo, yajila pito. 11Yalamba nawa malunga aze amanyine ku chikolo cha zuwo yaapwisa tupuputa ni akepe ni anene. Chocho alikatalishile kuwana chikolo.
12Mba malunga yamba kuli Lote ngwo, Atu akwo nawa uli no helu lia wano nyi? Atatenu-weno, ni ane a malunga, ni ane a mapwo, mweswawo uli nenyi mu limbo ukamuchizemo. 13Mumu mutwonwona limbo lino ha mukunda lufuma wo wahiana kumeso ja Yehova, mba Yehova hatutuma mukulionwona. 14Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.
15Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo. 16Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo. 17Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga. 18Lote yamba kuli ayo ngwenyi, Ka, hi chocho ko, mwene wami. 19Tala haliapwila yami kavumbi kenu hinawana vumbi kumeso jenu, hinwokesa keke yino nwangulweza ha kungulamwina mwono wami. Chahashile kuchinyina ku mulundu kuchina chipi muchinguwana ngukafwe. 20Talenu limbo lino kuliapwa hakamwihi kuchinyinamo. Te kalimbo kakepe. Mala! ngutayize kama nguchinyinemo (te hi kakepe ko nyi?) chocho mbunge yami muyimona mwono. 21Iye yamwamba ngwenyi, Ngunakutayiza ha chuma chino nawa. Chichi kwonwona limbo lino hiwamba. 22Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare. 23Tangwa hiliavumbuka kulu hashi muze Lote yanjila mu Zoare.
24Mba Yehova yanokesa fundanga ni kahia ha Sondome ni Ngomora ya kuli Yehova kwilu. 25Yonwona membo aze ni chana cheswe, ni akwa membo eswe, ni yuma yeswe yasokele ha mavu. 26Alioze pwo lia Lote kanende kunyima yenyi, iye yatala kunyima, mba yalumuka nguji lia mungwa. 27Apalahama ha chimenemene mbwi yakanduka kuze anakamana kumeso ja Yehova. 28Yatala ku Sondome ni Ngomora, ni ku chifuchi cheswe cha chana. Kumanyi mwishi wa chifuchi unafwinji ngwe mwishi wa lutengo.
29Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.
30Mba Lote yakatuka ku Zoare, yatwama ku milundu hamuwika ni anenyi aali a mapwo, te woma anevu wa kutwama mu Zoare. Watwamine mu chivwenge, iye ni anenyi aali a mapwo. 31Mba mukulwana yamba kuli kanuke, ngwenyi, Tata hapwa mukulwana, mba lunga wakuhi niumwe hano hashi yoze manjila kuli yetu nikulita ni ndako ya hashi heswe. 32Kashika tuye tukamunwise vinyu, tukapombe nenyi, hanga tukafunge munyachi wa tata. 33Chocho anwishine vinyu tato ufuku uze, mba mukulwana yanjila, yapomba ni tato. Iye kanyingikine chipwe muze yapomba chipwe muze yahinduka. 34Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata. 35Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka. 36Chocho ana a Lote a mapwo eswe aali apwile ni ufumba wa kuli tato. 37Mukulwana yasema mwana, yamuluka jina ngwenyi, Moape. Iye kalamba ka A-Moape ndo musono. 38Kanuke nawa yasema mwana, yamuluka jina ngwenyi, Mben-ami. Iye kalamba ka ana ja Amone ndo musono.
Currently Selected:
UPUTUKILO 19: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
UPUTUKILO 19
19
1Angelo aali yaheta ku Sondome ha chingoloshi, Lote te kanatwama mu chikolo cha Sondome. Lote yaamona, yakatuka aapatwize, yahetamina hashi. 2Yamba ngwenyi, Ene jami, ngunaliumbu, kondolokelenu ku zuwo lia yami kavumbi kenu nutwamemo Ufuku. Nusane ku molu, mba munukahinduka, nukaye jila yenu. O yamba ngwo, Ka, haze mutupomba ufuku. 3Alioze waashinjile chikolo, kashika yakondolokela kuli iye, yanjila mu zuwo lienyi. Iye waatelekelele kulia, yaochela mbolo kuyishi futunwiso, mba yalia. 4Alioze shimbu kanda achipomba malunga a mu chihunda cha Sondome yaseleka zuwo, ni twanuke ni makulwana, atu eswe a ku sali ni sali. 5Yatambika kuli Lote ngwo, Malunga aze ezanga kuli yena ha ufuku kulihi ali? Utuneheno haze tukalimone no. 6Lote yatuhuka kuli ayo ku chikolo. Yajila pito kunyima yenyi. 7Yamba ngwenyi, Ngunaliumbu akwetu, kanda nulinga ungulungulu upwa haha. 8Alioze nguli ni ana aali a mapwo kanda achilimona ni malunga. Ngunaliumbu ngukanuneheno haze, mba cheswacho chanupemena ku meso jenu hilingenu no. Alioze kanda nulinga nichimwe kuli wano malunga, se hapwa ngeji jami. 9Alioze o ngwo, Katukako. Chikwo nawa ngwo, Yono umuwika wejile kuno kutwama njize, haliapwila halitenga mukwa kuyula. Haliapwila mutukulinga chipi chahiana chize twambanga kulinga ni waze akwo. Chocho amushinjikile chikolo, mwe Lote. Te kwasala hakehe kupula pito. 10Alioze malunga atuhwishile kwoko, yakoka Lote muchima lia zuwo kuli ayo, yajila pito. 11Yalamba nawa malunga aze amanyine ku chikolo cha zuwo yaapwisa tupuputa ni akepe ni anene. Chocho alikatalishile kuwana chikolo.
12Mba malunga yamba kuli Lote ngwo, Atu akwo nawa uli no helu lia wano nyi? Atatenu-weno, ni ane a malunga, ni ane a mapwo, mweswawo uli nenyi mu limbo ukamuchizemo. 13Mumu mutwonwona limbo lino ha mukunda lufuma wo wahiana kumeso ja Yehova, mba Yehova hatutuma mukulionwona. 14Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.
15Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo. 16Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo. 17Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga. 18Lote yamba kuli ayo ngwenyi, Ka, hi chocho ko, mwene wami. 19Tala haliapwila yami kavumbi kenu hinawana vumbi kumeso jenu, hinwokesa keke yino nwangulweza ha kungulamwina mwono wami. Chahashile kuchinyina ku mulundu kuchina chipi muchinguwana ngukafwe. 20Talenu limbo lino kuliapwa hakamwihi kuchinyinamo. Te kalimbo kakepe. Mala! ngutayize kama nguchinyinemo (te hi kakepe ko nyi?) chocho mbunge yami muyimona mwono. 21Iye yamwamba ngwenyi, Ngunakutayiza ha chuma chino nawa. Chichi kwonwona limbo lino hiwamba. 22Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare. 23Tangwa hiliavumbuka kulu hashi muze Lote yanjila mu Zoare.
24Mba Yehova yanokesa fundanga ni kahia ha Sondome ni Ngomora ya kuli Yehova kwilu. 25Yonwona membo aze ni chana cheswe, ni akwa membo eswe, ni yuma yeswe yasokele ha mavu. 26Alioze pwo lia Lote kanende kunyima yenyi, iye yatala kunyima, mba yalumuka nguji lia mungwa. 27Apalahama ha chimenemene mbwi yakanduka kuze anakamana kumeso ja Yehova. 28Yatala ku Sondome ni Ngomora, ni ku chifuchi cheswe cha chana. Kumanyi mwishi wa chifuchi unafwinji ngwe mwishi wa lutengo.
29Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.
30Mba Lote yakatuka ku Zoare, yatwama ku milundu hamuwika ni anenyi aali a mapwo, te woma anevu wa kutwama mu Zoare. Watwamine mu chivwenge, iye ni anenyi aali a mapwo. 31Mba mukulwana yamba kuli kanuke, ngwenyi, Tata hapwa mukulwana, mba lunga wakuhi niumwe hano hashi yoze manjila kuli yetu nikulita ni ndako ya hashi heswe. 32Kashika tuye tukamunwise vinyu, tukapombe nenyi, hanga tukafunge munyachi wa tata. 33Chocho anwishine vinyu tato ufuku uze, mba mukulwana yanjila, yapomba ni tato. Iye kanyingikine chipwe muze yapomba chipwe muze yahinduka. 34Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata. 35Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka. 36Chocho ana a Lote a mapwo eswe aali apwile ni ufumba wa kuli tato. 37Mukulwana yasema mwana, yamuluka jina ngwenyi, Moape. Iye kalamba ka A-Moape ndo musono. 38Kanuke nawa yasema mwana, yamuluka jina ngwenyi, Mben-ami. Iye kalamba ka ana ja Amone ndo musono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.