YOANO 15

1Vindera yamwenemwene yami, ni Tata iye njimi. 2Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana. 3Yenu kunwapema kulu mumu ha liji lize hinahanjika kuli yenu. 4Twamenu muli yami, ni yami muli yenu. Chizechene ngwe mutango kuwahashile kwima mihuko ukawawo, shina muutwama mu vindera; chipwe yenu kunuchi kuhasa, shina munutwama muli yami. 5Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami. 6Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme. 7Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu. 8Mu chino machichimieka Tata, nyi munwima mihuko yinji; ni chocho kumunukapwa tumbaji twami. 9Chize-chene ngwe Tata hananguzange, chocho ni yami nawa hingunanuzange; twamenu mu zango liami. 10Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi. 11Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

12Yino ye shimbi yami, nukalizange umwe ni mukwo ni mukwo, chizechene ngwe yami hingunanuzange. 13Zango liahiana lino keshi nalio niumwe, kachi umwe matumbika mwono wenyi hali tusendo twenyi. 14Yenu nuli tusendo twami, kachi munulinga cheswacho mungunwamba. 15Chichi kunuvuluka nawa ngwami, Ndungo; mumu ndungo kanyingikineko chize Mwene wenyi malinga; alioze hingunanuvuluka ngwami, Tusendo; mumu yuma yize yeswe nevwile kuli Tata, hingunanunyingikisayo. 16Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho. 17Yino yuma ngunanwambeyo, hanga nukalizange umwe ni mukwo ni mukwo.

18Kachi akwa hashi manuvwila kole, nunanyingika hananguvwilayo yami shimbu kanda anuvwilayo yenu. 19Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole. 20Iwulukenu liji lize nambanga kuli yenu ngwami, Ndungo keshi kuhiana mwene wenyi. Kachi anguhungumionene, kachi ni yenu nawa makanuhungumiona; kachi afu-ngile liji liami, kachi makafunga liji lienu nawa. 21Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine. 22Kachi chejile nikuhanjika kuli ayo, kachi kapwile ni mulonga: alioze haliapwila keshi kaliongelo ha mulonga wo. 23Yoze manguvwila kole mayivwila mwe Tata nawa. 24Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata. 25Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi. 26Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami; 27ni yenu nawa nwakushindakenya, mumu kunwapwa hamwe ni yami chize ku uputukilo.

Currently Selected:

YOANO 15: Csa

Highlight

Copy