Mrk. 13
13
Ipoiliat Jesus pagalaiat kararagat Uman Taikamanua
(Mat. 24:1-2; Luk. 21:5-6)
1Kele aibela Jesus ka Uman Taikamanua, kuanangan ka matania sara sipasiului, “Guru, itco pei laingenia uma nene, bukkunia nyung lepa.”
2Kuanangan ka matania Jesus, “Palaleplalep sabeu nene nuiitco? Beri sara bukku sipalalakke nene mulelegei; sangamberinia le turaragatnake.”
Panandaat paoreat
(Mat. 24:3-14; Luk. 21:7-19)
3Aimukukuddu Jesus ka leleu Tula, ipot Uman Taikamanua, oi si Petrus, si Jakobus, si Johannes samba si Andreas masinounou nia sarada kuarangan, 4“Kua pei ka matamai, pigamoi ibabara nene samba aponia katuaggaiatnia ke iaili kalepakat sangamberinia nene?”
5Taddaakenangan Jesus masikua ka matada, “Pagaba kam, bui rapepeake kam kasei pa! 6Maigi poi siooi masipuoni oningku kuarangan, ‘Aku te nia!’ pepeakerangan maigi sirimanua. 7Ke nuarep kam gururuu pasaggangan samba katuareman pasaggangan bui ipakaddo kam. Kirenangan muaaili sangamberinia nene, tapoi tapei nenda kalepakatnia. 8Pasasaggak poi bangsa ka bangsa, purimataat ka purimataat. Babara ngeungeu polak ka senen kudduat, samba babara pulajeat. Sangamberinia nene panandaat paoreat pei le.
9 #
Mat. 10:17-20; Luk. 12:11, 12 Tapoi kam ka kam, pagaba kam tubumui! Rasesegeake poi kam ka rapat sabeu samba rabobo kam ka uma parurukat. Paambitrangan kam ka matada sipasiukum samba ka tai rimata kalulut aku, bule ka enungan nene numunengake kam aku ka matada. 10Tapoi Katuareman Simaeru buita tusegeake boiki ka sangamberi bangsa. 11Samba ke raambit samba rasegeake kam ka pasiukuman, bui imakarat bagamui pagalaiat tiboakenenmui, tapoi apa sipanguruatnakenen ka kam ka teterenia nenda, ia te nutitiboake kam. Aipoi ta kam maninibo, Ketsat Sipunenan le. 12Babara te saraina masisegeake sarainania itumateiake, kisedda leu ukkui ka tatogania. Samba tatoga leu mugegege ka saeppu bule ramateiake sia. 13#Mat. 10:22 Rapulalagaki te kam baga sirimanua kalulut oningku. Tapoi siomake nia teret kalepakatnia, nia te maaarau.”
Paoreat sikatai besi
(Mat. 24:15-28; Luk. 21:20-24)
14 #
Dan. 9:27, 11:31, 12:11 “Oto ke nuitco kam ‘turot katai’ murio ka kudduat sitaimateu – sipasibabasa nene kau ilelekngake nia – sia sikuddu ka Judea kau ratuitui raei ka leleu. 15#Luk. 17:31 Sikuddu ka teitei lalep, buian itugorosot masiala apa pa ka lalepnia. 16Sikuddu ka mone, buian itoili masiala leppeinia. 17Katainangan te ka sia saina sipususuruket samba sitottoni toga ka gogoi nenda. 18Panindou le kam, bui iipo ka laggo simaleppet ibara sangamberinia nene. 19#Dan. 12:1; Pamoil. 7:14 Aipoi ka teteret nenda babara paoreat, paoreat kele nenda tapei abara ka polak nene barania aibaraake polak Taikamanua teret kise, samba taan babara minca. 20Ta bai itengai si Tuhan igit gogoinia, beri sara sipuririmanua. Tapoi kalulut sia sipilinia, tengainangan igit gogoinia si Tuhan.
21Oto bara bai sikua ka matamui, ‘Akoi nia Kristus!’ ele ‘Ai nia sedda!’ bui nukatonemi kam nia. 22Muoottou poi sipukristus tubuna samba sipunabi tubuna. Galairangan kerek samba kiseiet, pat moi bai nia samba sia sipili leu rapepepeake. 23Oto pagaba kam tubumui! Amuboikian tebai akukua nia ka matamui.”
Kaoijanan Togatsirimanua
(Mat. 24:29-31; Luk. 21:25-28)
24 #
Jes. 13:10; Jehz. 32:7; Jol. 2:10, 31, 3:15; Pamoil. 6:12 “Ka teterenia nenda pasat paoreat, magepgepnangan matat sulu, taiputoronangan laggo, 25#Jes. 34:4; Jol. 2:10; Pamoil. 6:13 bele ibele panyanyat sibara ka manua, mangeungeunangan leu ron manua. 26#Dan. 7:13; Pamoil. 1:7 Lepa itcorangan Togatsirimanua sirimanua ioi ka tanairusa ka gege sabeu samba pulatsanan. 27Ia geti koiniakenangan samalaikania masiruruake sangamberi sipilinia sibara ka siepat matat rusa, barania ka tutut polak aili ka kapit manua.”
Masialaki nganturat ka sileu
(Mat. 24:32-35; Luk. 21:29-33)
28“Alaki kam pasikatnia ka sileu. Amanembuan bai rannia, abelangan roronia, agaimuian amalegerengan te legeu manua. 29Kisedda leu te ke nuitco kam sangamberinia nene, agaimuian amalegerengan teterenia, aian nia ka matatbaliu. 30Kukua nia ka matamui: Tapei tatata reddenan nene, puailinangan sangamberinia nene. 31Manua samba polak tatata le, tiboietku geti ta tatata buru.”
Ta anai siagai gogoi samba jamnia
(Mat. 24:36-44)
32 #
Mat. 24:36
“Tapoi gogoi samba jamnia geti ta anai siagai nia, beri samalaika ka sorga, beri Toga leu, sarat Ukkui le siagai nia. 33Oto suksuk kam, pumata kam, ta poi nuagai kam teterenia. 34#Luk. 12:36-38 Galainia kele sara sirimanua sikaddiuake lalepnia iei ka laggai ka sareunan. Segeakenangan ka sapaguguletnia rapasikeli lalepnia, senenda ikau galajet puukuketda. Paneineinangan sijago matatbaliu bule ipujago sipulelelek. 35Oto pumata kam, aipoi ta nuagai kam pigamoi itoili si tuan sibakkat lalep – ele kasoibokat, ele tengamoi, ele tokki gougou, ele simancep. 36Ke moi nia sinulut, bui iaili kam ai kam memerep. 37Sikuaku ka matamui nene, kukua leu ka sangamberi sirimanua: pumata kam!”
Currently Selected:
Mrk. 13: MWV
Highlight
Share
Copy
Want to have your highlights saved across all your devices? Sign up or sign in
@LAI 2015
Mrk. 13
13
Ipoiliat Jesus pagalaiat kararagat Uman Taikamanua
(Mat. 24:1-2; Luk. 21:5-6)
1Kele aibela Jesus ka Uman Taikamanua, kuanangan ka matania sara sipasiului, “Guru, itco pei laingenia uma nene, bukkunia nyung lepa.”
2Kuanangan ka matania Jesus, “Palaleplalep sabeu nene nuiitco? Beri sara bukku sipalalakke nene mulelegei; sangamberinia le turaragatnake.”
Panandaat paoreat
(Mat. 24:3-14; Luk. 21:7-19)
3Aimukukuddu Jesus ka leleu Tula, ipot Uman Taikamanua, oi si Petrus, si Jakobus, si Johannes samba si Andreas masinounou nia sarada kuarangan, 4“Kua pei ka matamai, pigamoi ibabara nene samba aponia katuaggaiatnia ke iaili kalepakat sangamberinia nene?”
5Taddaakenangan Jesus masikua ka matada, “Pagaba kam, bui rapepeake kam kasei pa! 6Maigi poi siooi masipuoni oningku kuarangan, ‘Aku te nia!’ pepeakerangan maigi sirimanua. 7Ke nuarep kam gururuu pasaggangan samba katuareman pasaggangan bui ipakaddo kam. Kirenangan muaaili sangamberinia nene, tapoi tapei nenda kalepakatnia. 8Pasasaggak poi bangsa ka bangsa, purimataat ka purimataat. Babara ngeungeu polak ka senen kudduat, samba babara pulajeat. Sangamberinia nene panandaat paoreat pei le.
9 #
Mat. 10:17-20; Luk. 12:11, 12 Tapoi kam ka kam, pagaba kam tubumui! Rasesegeake poi kam ka rapat sabeu samba rabobo kam ka uma parurukat. Paambitrangan kam ka matada sipasiukum samba ka tai rimata kalulut aku, bule ka enungan nene numunengake kam aku ka matada. 10Tapoi Katuareman Simaeru buita tusegeake boiki ka sangamberi bangsa. 11Samba ke raambit samba rasegeake kam ka pasiukuman, bui imakarat bagamui pagalaiat tiboakenenmui, tapoi apa sipanguruatnakenen ka kam ka teterenia nenda, ia te nutitiboake kam. Aipoi ta kam maninibo, Ketsat Sipunenan le. 12Babara te saraina masisegeake sarainania itumateiake, kisedda leu ukkui ka tatogania. Samba tatoga leu mugegege ka saeppu bule ramateiake sia. 13#Mat. 10:22 Rapulalagaki te kam baga sirimanua kalulut oningku. Tapoi siomake nia teret kalepakatnia, nia te maaarau.”
Paoreat sikatai besi
(Mat. 24:15-28; Luk. 21:20-24)
14 #
Dan. 9:27, 11:31, 12:11 “Oto ke nuitco kam ‘turot katai’ murio ka kudduat sitaimateu – sipasibabasa nene kau ilelekngake nia – sia sikuddu ka Judea kau ratuitui raei ka leleu. 15#Luk. 17:31 Sikuddu ka teitei lalep, buian itugorosot masiala apa pa ka lalepnia. 16Sikuddu ka mone, buian itoili masiala leppeinia. 17Katainangan te ka sia saina sipususuruket samba sitottoni toga ka gogoi nenda. 18Panindou le kam, bui iipo ka laggo simaleppet ibara sangamberinia nene. 19#Dan. 12:1; Pamoil. 7:14 Aipoi ka teteret nenda babara paoreat, paoreat kele nenda tapei abara ka polak nene barania aibaraake polak Taikamanua teret kise, samba taan babara minca. 20Ta bai itengai si Tuhan igit gogoinia, beri sara sipuririmanua. Tapoi kalulut sia sipilinia, tengainangan igit gogoinia si Tuhan.
21Oto bara bai sikua ka matamui, ‘Akoi nia Kristus!’ ele ‘Ai nia sedda!’ bui nukatonemi kam nia. 22Muoottou poi sipukristus tubuna samba sipunabi tubuna. Galairangan kerek samba kiseiet, pat moi bai nia samba sia sipili leu rapepepeake. 23Oto pagaba kam tubumui! Amuboikian tebai akukua nia ka matamui.”
Kaoijanan Togatsirimanua
(Mat. 24:29-31; Luk. 21:25-28)
24 #
Jes. 13:10; Jehz. 32:7; Jol. 2:10, 31, 3:15; Pamoil. 6:12 “Ka teterenia nenda pasat paoreat, magepgepnangan matat sulu, taiputoronangan laggo, 25#Jes. 34:4; Jol. 2:10; Pamoil. 6:13 bele ibele panyanyat sibara ka manua, mangeungeunangan leu ron manua. 26#Dan. 7:13; Pamoil. 1:7 Lepa itcorangan Togatsirimanua sirimanua ioi ka tanairusa ka gege sabeu samba pulatsanan. 27Ia geti koiniakenangan samalaikania masiruruake sangamberi sipilinia sibara ka siepat matat rusa, barania ka tutut polak aili ka kapit manua.”
Masialaki nganturat ka sileu
(Mat. 24:32-35; Luk. 21:29-33)
28“Alaki kam pasikatnia ka sileu. Amanembuan bai rannia, abelangan roronia, agaimuian amalegerengan te legeu manua. 29Kisedda leu te ke nuitco kam sangamberinia nene, agaimuian amalegerengan teterenia, aian nia ka matatbaliu. 30Kukua nia ka matamui: Tapei tatata reddenan nene, puailinangan sangamberinia nene. 31Manua samba polak tatata le, tiboietku geti ta tatata buru.”
Ta anai siagai gogoi samba jamnia
(Mat. 24:36-44)
32 #
Mat. 24:36
“Tapoi gogoi samba jamnia geti ta anai siagai nia, beri samalaika ka sorga, beri Toga leu, sarat Ukkui le siagai nia. 33Oto suksuk kam, pumata kam, ta poi nuagai kam teterenia. 34#Luk. 12:36-38 Galainia kele sara sirimanua sikaddiuake lalepnia iei ka laggai ka sareunan. Segeakenangan ka sapaguguletnia rapasikeli lalepnia, senenda ikau galajet puukuketda. Paneineinangan sijago matatbaliu bule ipujago sipulelelek. 35Oto pumata kam, aipoi ta nuagai kam pigamoi itoili si tuan sibakkat lalep – ele kasoibokat, ele tengamoi, ele tokki gougou, ele simancep. 36Ke moi nia sinulut, bui iaili kam ai kam memerep. 37Sikuaku ka matamui nene, kukua leu ka sangamberi sirimanua: pumata kam!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2015