Mrk. 14
14
Isiat masimateiake Jesus
(Mat. 26:1-5; Luk. 22:1-2; Joh. 11:45-53)
1 #
2Mos. 12:1-27
Ai pei rua ngagogoi bara Punen Paska samba Punen Roti Sitasioman. Sia tai imam sabeu airagagaba enungan masilaba Jesus sinangkou, ramateiake nia. 2Kuarangan, “Bui ka matat punen, babara pulamagat sirimanua simigi.”
Pasitulajiat Jesus ka Betania
(Mat. 26:6-13; Joh. 12:1-8)
3 #
Luk. 7:37, 38 Ka teteret ai Jesus ka Betania ka lalep Simon simabogbong; ai nia mukokom, oi sara sinanalep masiambit sangabalaubau tula simasingin simakeppu saki. Ragatnakenangan nenda balaubau, uruakenangan tula ka utet Jesus. 4Pugolurangan sabagei sikuddu sedda kuarangan pasasambada, “Apananta tapasisibbu tula nene? 5Momoi tusakiake nia telu ngotu ropia legei; samba bulagatnia tukau ka simageba!” Golurangan leu et sinanalep.
6Tapoi kuanangan Jesus, “Eddangannia. Nusasaila kodda kam nia? Galajet simaeru le aigalai ka tubuku. 7#5Mos. 15:11 Ai le turerere kababarat simageba ka talagamui. Senen tetere ke noba kam, momoi nuromake kam sia. Tapoi aku geti ta mariuriu ka bebemui. 8Aigalaian teret siooi igalai; iboikiake itulaji tubuku kei turateiake aku. 9Kukua nia ka matamui: Kaipa kaipa le tupaarep Katuareman Simaeru nene ka sangalio polak, sigalai sinanalep nene leu tununuake, masirepdep nia.”
Tarek Judas masisegeake Jesus
(Mat. 26:14-16; Luk. 22:3-6)
10Lepa ei si Judas Iskariot sara ka talagat sipasiului Jesus sipulurua ka tai imam sabeu masisegeake Jesus ka tubuda. 11Bulat maangka bagada masiarep sikuania, sibalaakerangan leu masikau bulagat ka tubunia. Gabanangan leu tetere sipasesese si Judas isegeake Jesus.
Jesus mukom komen Paska sambada sipasiuluinia
(Mat. 26:17-25; Luk. 22:7-14, 21-23; Joh. 13:21-30)
12Ka gogoi siboiki Punen Roti Sitasioman, ka panajakat biribiri Paska, kuarangan ka matat Jesus sipasiuluinia, “Kaipa siobanu kueei kai masipatarek kekeu pukoman Paska?”
13Koiniakenangan rua sipasiuluinia Jesus, kuanangan ka matada, “Kenan kam ka kota; sedda paseseakemuian sara sirimanua sipasiaambit lalaisut oinan. Tut kam nia 14samba kaipa lalep ituguru, kuamuian ka sibakkat lalep, ‘Aikua si Guru, kaipa bilik sinarekngakenen kaku pukomanmai Paska sipasiuluiku?’ 15Ai leu isausau ka kam sara bilik sabeu ka pata silepa tarek. Sedda te nutatarekngake kam ka sita.”
16Ia geti ei sia sipasiului sirua. Segera le ka kota, ailirangan kele siniboi Jesus ka matada, tarekngakerangan leu komen Paska.
17Kele aimasoibo oi Jesus sambada sipasiuluinia. 18#Psalm. 41:10 Ai sia mukokom, kuanangan Jesus, “Kukua nia ka matamui: Ai sara ka talagamui pakomakenenku masisesegeake aku.”
19Mareureunangan bagada sipasiului. Taddaakerangan senenda masinounou Jesus, “Taleu aku Tuhan?”
20Aleginangan nia Jesus, “Sara ka kam sipulurua nene, sikere kai masisuusuuake roti ka mangko, ia te nia. 21Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”
Patonekat Pukoman Sipunenan
(Mat. 26:26-30; Luk. 22:14-20; 1Kor. 11:23-25)
22Ai sia mukokom, alanangan roti Jesus kuanangan sura, paabbonangan nia, kaunangan nia ka sipasiuluinia kuanangan, “Ala kam, tubuku te nene.”
23Lepa alanangan pulokat, kuanangan sura, lepa kaunangan nia ka sipasiuluinia; lorangan nia sangamberida ka pulokat nenda. 24#2Mos. 24:8; Jer. 31:31-34 Kuanangan ka matada Jesus, “Logauku te nene, logau pakerekat baga sipiliakenen lulut simigi. 25Kukua nia ka matamui: Taan te kulolo minca anggur nene; ka Purimataat Taikamanuangan le geti kulolo nia anggur sibau.” 26Lepa arauraiake urai pasiumun, ei sia ka leleu Tula.
Ipoiliat Jesus pakekelena nia si Petrus
(Mat. 26:31-35; Luk. 22:31-34; Joh. 13:36-38)
27 #
Zakh. 13:7
Kuanangan ka matada Jesus, “Sangamberimui te mabebele baga ka tubuku. Atusuratnan poi, ‘Kubobobo te sipasijajago, pusabunangan biribiri.’ 28#Mat. 28:16 Tapoi atusurungan geti aku puboikikungan ka kam ka Galilea.”
29Kuanangan ka matania si Petrus, “Kenanen sangamberida mabele baga, aku kaku geti taa.”
30Kuanangan ka matania Jesus, “Kukua nia ka matam: Soibo gogoi nene leu et, tapei mururua ngaminca iputokki gougou, anupakelengan aku telu ngaminca.”
31Tapoi ikaroake le si Petrus kuanangan, “Kenanen bai sambata matei, ta kupakekele ekeu!”
Sangamberida sipasiului kisedda leu arakua.
Jesus ka mone Getsemane
(Mat. 26:36-46; Luk. 22:39-46)
32Sege sia ka sara kudduat sipuoni Getsemane, kuanangan Jesus ka matada sipasiuluinia, “Kuddungan kam se, mei aku manindou.”
33Ambitnangan si Petrus, si Jakobus samba si Johannes aleinia. Bara ibara lotonia, pugeretnangan tubunia. 34Kuanangan ka matada sipasiuluinia, “Makope reureu bagaku, mamateian le; sean te kam, pumata kam.”
35Ei nia goiso ka mata, rappo nia ka polak manindou, bule ke momoi tusabau le ka tubunia jam pangoringan nene. 36Kuanangan, “Ale Ukkui, sangamberinia le momoi kekeu. Sabauake le ka tubuku pulokat pangoringan nene. Tapoi bui ka teu bagaku, ka teu bagam le.”
37Lepa toili nia minca, ailinangan sipasiuluinia sitelu ai sia memerep. Kuanangan kai Petrus, “Simon, merep le ekeu? Ta nuoomake mumata beri sangajam? 38Pumata kam, samba manindou, bui nubele kam ka pasisiboat. Maadja le poi ka sia ketsat, akkula geti masaggo.”
39Ei nia minca Jesus manindou, ia leu et tiboietnia. 40Toili nia minca, ailinangan sia ai pei le sia memerep kopet laulaura, samba ta raagai kuanenda masialegi Jesus.
41Kele aitoili ka telu ngamincania, kuanangan ka matada Jesus, “Ai pei le kam memerep samba muari? Paan! Aiailingan jamnia itusegeake Togatsirimanua ka kabeira sijo. 42Suru kam, sita kam. Amalegerengan nia sipasisesegeake aku.”
Katulabakat Jesus
(Mat. 26:47-56; Luk. 22:47-53; Joh. 18:3-12)
43Ai pei le maninibo Jesus, oi si Judas, sara ka sipasiului sipulurua sambada sirimanua simigi sibara lanjau samba bobobo, siguguluda tai imam sabeu, siagaisurat samba tai bajara tai Jahudi. 44Sipasisesegeake nia aikauan patuaggaiat kise aikua, “Kasei geti kusigguk, ia te nulalaba kam. Pagaba kam nuambit kam nia.”
45Kele aioi si Judas, riuriu aiei ka tubut Jesus kuanangan, “Guru!” sigguknangan nia. 46Oi sia sirimanua simigi, bab aralaba Jesus. 47Sara ka talagada sipuririo sedda, oppatnangan lanjaunia, teteakenangan nia ka pagugulet imam sabeu, seppirinangan talingania. 48Kuanangan ka matada Jesus, “Sipananae pa aku ka bagamui nuooi kam sibara lanjau samba bobobo masilaba aku? 49#Luk. 19:47, 21:37 Senen gogoian le aku ka talagamui mungantoman ka Uman Taikamanua, ta anulaba kam aku. Tapoi kirenangan bule ipuaili sitususurat ka Surat Sipunenan.”
50Lepa tui sia sangamberi sipasiului kaddiuakerangan Jesus.
51Ai sara silainge sipasitutut Jesus, sarat sobbe juto le ka tubunia. Siborangan ralaba nia; 52tapoi obaakenangan sobbenia, tuituiakenangan nia simabulutut.
Jesus ka matat Rapat Sabeu
(Mat. 26:57-68; Luk. 22:54-55, 63-71; Joh. 18:13-14, 19-24)
53Lepa taroakerangan Jesus ka matat imam sabeu. Sedda amaruruan tai imam sabeu, tai bajara tai Jahudi samba siagaisurat. 54Si Petrus leu masitut ka simareunan teret sege ka gerat lalep imam sabeu. Pukuddunangan sedda sambada sapagugulet muraka ka api.
55Sangamberida tai imam sabeu samba sipurarapat masigaba pasimunengan boko raseleake Jesus bule ioi ramateiake nia; tapoi ta arasese. 56Maigi sia amasimunengake boko ka tubut Jesus, tapoi ta pakere simunengakenenda.
57Lepa rio piga pa sia simunengake boko pagalaiat Jesus. 58#Joh. 2:19 Kuarangan, “Akuarep kai aikua sinene, ‘Momoi kuragat Uman Taikamanua sigalai sirimanua nene, pasat telu ngagogoi rioakekungan minca Uman Taikamanua taigagalajet sirimanua.’ ” 59Tapoi ia leu et ta pakere simunengakenenda.
60Purionangan imam sabeu ka talagada, isenangan Jesus kuanangan, “Ta nuaalegi beri sara nganganda ranganduake ekeu?” 61Tenan le meng Jesus, beri sara aialegi. Nounounangan nia minca imam sabeu kuanangan, “Kipa, Kristus ekeu, Togat Taikamanua umunakenen?”
62 #
Dan. 7:13
Aleginangan nia Jesus, “Aku te nia, samba itcomuian te geti Togatsirimanua muuddet isit kai kattoet Taikamanua Sipulugege ioi ka tanairusa ka manua.”
63Biritnakenangan leppeinia imam sabeu kuanangan, “Apananta pei le sipasimumuneng? 64#3Mos. 24:16 Anuarepman kam aipaloloi Taikamanua. Kipa paatuatmui?”
Keret bagada sangamberida masitakkiake, buita tumateiake nia.
65Taddaakerangan piga pa sia masiluji Jesus, tabborangan matania, bukurangan nia, kuarangan, “Poiliat pei kasei sibobo ekeu?” Sipasijajago leu alarangan nia, boborangan nia.
Ipakele Jesus si Petrus
(Mat. 26:69-75; Luk. 22:56-62; Joh. 18:15-18, 25-27)
66Ai pei le si Petrus ka gerat, oi sara pagugulet imam sabeu sinanalep sedda. 67Kele aiitco si Petrus ai nia muraraka ka api, kinerenangan nia kuanangan, “Ekeu leu et alei Jesus tai Natsaret.”
68Tapoi aipakele le si Petrus kuanangan, “Ta kuagai, ta isese ka bagaku sikuam.” Lepa bela si Petrus ka matatbaliu gerat, [putokkinangan gougou].
69Kele aiitco nia minca pagugulet sinanalep nenda, kuanangan ka matada sikuddu sedda, “Ia te sara ka talagada.” 70Tapoi aipakele le minca si Petrus.
Ta amauju, kuarangan minca sabagei sikuddu sedda ka matat Petrus, “Bulatnia ekeu te sara ka talagada, aipoi tai Galilea le ekeu.”
71Taddaakenangan masitelei tubunia samba musuppa kuanangan, “Bulatnia ta kuagai sirimanua nenda sikuamui!”
72Ka teterenia nenda putokkinangan gougou ipurua ngaminca. Repdepnangan leu si Petrus sikuat Jesus ka matania, “Tapei mururua ngaminca iputokki gougou, anupakelengan aku telu ngaminca.” Pusounangan si Petrus.
Currently Selected:
Mrk. 14: MWV
Highlight
Share
Copy
Want to have your highlights saved across all your devices? Sign up or sign in
@LAI 2015
Mrk. 14
14
Isiat masimateiake Jesus
(Mat. 26:1-5; Luk. 22:1-2; Joh. 11:45-53)
1 #
2Mos. 12:1-27
Ai pei rua ngagogoi bara Punen Paska samba Punen Roti Sitasioman. Sia tai imam sabeu airagagaba enungan masilaba Jesus sinangkou, ramateiake nia. 2Kuarangan, “Bui ka matat punen, babara pulamagat sirimanua simigi.”
Pasitulajiat Jesus ka Betania
(Mat. 26:6-13; Joh. 12:1-8)
3 #
Luk. 7:37, 38 Ka teteret ai Jesus ka Betania ka lalep Simon simabogbong; ai nia mukokom, oi sara sinanalep masiambit sangabalaubau tula simasingin simakeppu saki. Ragatnakenangan nenda balaubau, uruakenangan tula ka utet Jesus. 4Pugolurangan sabagei sikuddu sedda kuarangan pasasambada, “Apananta tapasisibbu tula nene? 5Momoi tusakiake nia telu ngotu ropia legei; samba bulagatnia tukau ka simageba!” Golurangan leu et sinanalep.
6Tapoi kuanangan Jesus, “Eddangannia. Nusasaila kodda kam nia? Galajet simaeru le aigalai ka tubuku. 7#5Mos. 15:11 Ai le turerere kababarat simageba ka talagamui. Senen tetere ke noba kam, momoi nuromake kam sia. Tapoi aku geti ta mariuriu ka bebemui. 8Aigalaian teret siooi igalai; iboikiake itulaji tubuku kei turateiake aku. 9Kukua nia ka matamui: Kaipa kaipa le tupaarep Katuareman Simaeru nene ka sangalio polak, sigalai sinanalep nene leu tununuake, masirepdep nia.”
Tarek Judas masisegeake Jesus
(Mat. 26:14-16; Luk. 22:3-6)
10Lepa ei si Judas Iskariot sara ka talagat sipasiului Jesus sipulurua ka tai imam sabeu masisegeake Jesus ka tubuda. 11Bulat maangka bagada masiarep sikuania, sibalaakerangan leu masikau bulagat ka tubunia. Gabanangan leu tetere sipasesese si Judas isegeake Jesus.
Jesus mukom komen Paska sambada sipasiuluinia
(Mat. 26:17-25; Luk. 22:7-14, 21-23; Joh. 13:21-30)
12Ka gogoi siboiki Punen Roti Sitasioman, ka panajakat biribiri Paska, kuarangan ka matat Jesus sipasiuluinia, “Kaipa siobanu kueei kai masipatarek kekeu pukoman Paska?”
13Koiniakenangan rua sipasiuluinia Jesus, kuanangan ka matada, “Kenan kam ka kota; sedda paseseakemuian sara sirimanua sipasiaambit lalaisut oinan. Tut kam nia 14samba kaipa lalep ituguru, kuamuian ka sibakkat lalep, ‘Aikua si Guru, kaipa bilik sinarekngakenen kaku pukomanmai Paska sipasiuluiku?’ 15Ai leu isausau ka kam sara bilik sabeu ka pata silepa tarek. Sedda te nutatarekngake kam ka sita.”
16Ia geti ei sia sipasiului sirua. Segera le ka kota, ailirangan kele siniboi Jesus ka matada, tarekngakerangan leu komen Paska.
17Kele aimasoibo oi Jesus sambada sipasiuluinia. 18#Psalm. 41:10 Ai sia mukokom, kuanangan Jesus, “Kukua nia ka matamui: Ai sara ka talagamui pakomakenenku masisesegeake aku.”
19Mareureunangan bagada sipasiului. Taddaakerangan senenda masinounou Jesus, “Taleu aku Tuhan?”
20Aleginangan nia Jesus, “Sara ka kam sipulurua nene, sikere kai masisuusuuake roti ka mangko, ia te nia. 21Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”
Patonekat Pukoman Sipunenan
(Mat. 26:26-30; Luk. 22:14-20; 1Kor. 11:23-25)
22Ai sia mukokom, alanangan roti Jesus kuanangan sura, paabbonangan nia, kaunangan nia ka sipasiuluinia kuanangan, “Ala kam, tubuku te nene.”
23Lepa alanangan pulokat, kuanangan sura, lepa kaunangan nia ka sipasiuluinia; lorangan nia sangamberida ka pulokat nenda. 24#2Mos. 24:8; Jer. 31:31-34 Kuanangan ka matada Jesus, “Logauku te nene, logau pakerekat baga sipiliakenen lulut simigi. 25Kukua nia ka matamui: Taan te kulolo minca anggur nene; ka Purimataat Taikamanuangan le geti kulolo nia anggur sibau.” 26Lepa arauraiake urai pasiumun, ei sia ka leleu Tula.
Ipoiliat Jesus pakekelena nia si Petrus
(Mat. 26:31-35; Luk. 22:31-34; Joh. 13:36-38)
27 #
Zakh. 13:7
Kuanangan ka matada Jesus, “Sangamberimui te mabebele baga ka tubuku. Atusuratnan poi, ‘Kubobobo te sipasijajago, pusabunangan biribiri.’ 28#Mat. 28:16 Tapoi atusurungan geti aku puboikikungan ka kam ka Galilea.”
29Kuanangan ka matania si Petrus, “Kenanen sangamberida mabele baga, aku kaku geti taa.”
30Kuanangan ka matania Jesus, “Kukua nia ka matam: Soibo gogoi nene leu et, tapei mururua ngaminca iputokki gougou, anupakelengan aku telu ngaminca.”
31Tapoi ikaroake le si Petrus kuanangan, “Kenanen bai sambata matei, ta kupakekele ekeu!”
Sangamberida sipasiului kisedda leu arakua.
Jesus ka mone Getsemane
(Mat. 26:36-46; Luk. 22:39-46)
32Sege sia ka sara kudduat sipuoni Getsemane, kuanangan Jesus ka matada sipasiuluinia, “Kuddungan kam se, mei aku manindou.”
33Ambitnangan si Petrus, si Jakobus samba si Johannes aleinia. Bara ibara lotonia, pugeretnangan tubunia. 34Kuanangan ka matada sipasiuluinia, “Makope reureu bagaku, mamateian le; sean te kam, pumata kam.”
35Ei nia goiso ka mata, rappo nia ka polak manindou, bule ke momoi tusabau le ka tubunia jam pangoringan nene. 36Kuanangan, “Ale Ukkui, sangamberinia le momoi kekeu. Sabauake le ka tubuku pulokat pangoringan nene. Tapoi bui ka teu bagaku, ka teu bagam le.”
37Lepa toili nia minca, ailinangan sipasiuluinia sitelu ai sia memerep. Kuanangan kai Petrus, “Simon, merep le ekeu? Ta nuoomake mumata beri sangajam? 38Pumata kam, samba manindou, bui nubele kam ka pasisiboat. Maadja le poi ka sia ketsat, akkula geti masaggo.”
39Ei nia minca Jesus manindou, ia leu et tiboietnia. 40Toili nia minca, ailinangan sia ai pei le sia memerep kopet laulaura, samba ta raagai kuanenda masialegi Jesus.
41Kele aitoili ka telu ngamincania, kuanangan ka matada Jesus, “Ai pei le kam memerep samba muari? Paan! Aiailingan jamnia itusegeake Togatsirimanua ka kabeira sijo. 42Suru kam, sita kam. Amalegerengan nia sipasisesegeake aku.”
Katulabakat Jesus
(Mat. 26:47-56; Luk. 22:47-53; Joh. 18:3-12)
43Ai pei le maninibo Jesus, oi si Judas, sara ka sipasiului sipulurua sambada sirimanua simigi sibara lanjau samba bobobo, siguguluda tai imam sabeu, siagaisurat samba tai bajara tai Jahudi. 44Sipasisesegeake nia aikauan patuaggaiat kise aikua, “Kasei geti kusigguk, ia te nulalaba kam. Pagaba kam nuambit kam nia.”
45Kele aioi si Judas, riuriu aiei ka tubut Jesus kuanangan, “Guru!” sigguknangan nia. 46Oi sia sirimanua simigi, bab aralaba Jesus. 47Sara ka talagada sipuririo sedda, oppatnangan lanjaunia, teteakenangan nia ka pagugulet imam sabeu, seppirinangan talingania. 48Kuanangan ka matada Jesus, “Sipananae pa aku ka bagamui nuooi kam sibara lanjau samba bobobo masilaba aku? 49#Luk. 19:47, 21:37 Senen gogoian le aku ka talagamui mungantoman ka Uman Taikamanua, ta anulaba kam aku. Tapoi kirenangan bule ipuaili sitususurat ka Surat Sipunenan.”
50Lepa tui sia sangamberi sipasiului kaddiuakerangan Jesus.
51Ai sara silainge sipasitutut Jesus, sarat sobbe juto le ka tubunia. Siborangan ralaba nia; 52tapoi obaakenangan sobbenia, tuituiakenangan nia simabulutut.
Jesus ka matat Rapat Sabeu
(Mat. 26:57-68; Luk. 22:54-55, 63-71; Joh. 18:13-14, 19-24)
53Lepa taroakerangan Jesus ka matat imam sabeu. Sedda amaruruan tai imam sabeu, tai bajara tai Jahudi samba siagaisurat. 54Si Petrus leu masitut ka simareunan teret sege ka gerat lalep imam sabeu. Pukuddunangan sedda sambada sapagugulet muraka ka api.
55Sangamberida tai imam sabeu samba sipurarapat masigaba pasimunengan boko raseleake Jesus bule ioi ramateiake nia; tapoi ta arasese. 56Maigi sia amasimunengake boko ka tubut Jesus, tapoi ta pakere simunengakenenda.
57Lepa rio piga pa sia simunengake boko pagalaiat Jesus. 58#Joh. 2:19 Kuarangan, “Akuarep kai aikua sinene, ‘Momoi kuragat Uman Taikamanua sigalai sirimanua nene, pasat telu ngagogoi rioakekungan minca Uman Taikamanua taigagalajet sirimanua.’ ” 59Tapoi ia leu et ta pakere simunengakenenda.
60Purionangan imam sabeu ka talagada, isenangan Jesus kuanangan, “Ta nuaalegi beri sara nganganda ranganduake ekeu?” 61Tenan le meng Jesus, beri sara aialegi. Nounounangan nia minca imam sabeu kuanangan, “Kipa, Kristus ekeu, Togat Taikamanua umunakenen?”
62 #
Dan. 7:13
Aleginangan nia Jesus, “Aku te nia, samba itcomuian te geti Togatsirimanua muuddet isit kai kattoet Taikamanua Sipulugege ioi ka tanairusa ka manua.”
63Biritnakenangan leppeinia imam sabeu kuanangan, “Apananta pei le sipasimumuneng? 64#3Mos. 24:16 Anuarepman kam aipaloloi Taikamanua. Kipa paatuatmui?”
Keret bagada sangamberida masitakkiake, buita tumateiake nia.
65Taddaakerangan piga pa sia masiluji Jesus, tabborangan matania, bukurangan nia, kuarangan, “Poiliat pei kasei sibobo ekeu?” Sipasijajago leu alarangan nia, boborangan nia.
Ipakele Jesus si Petrus
(Mat. 26:69-75; Luk. 22:56-62; Joh. 18:15-18, 25-27)
66Ai pei le si Petrus ka gerat, oi sara pagugulet imam sabeu sinanalep sedda. 67Kele aiitco si Petrus ai nia muraraka ka api, kinerenangan nia kuanangan, “Ekeu leu et alei Jesus tai Natsaret.”
68Tapoi aipakele le si Petrus kuanangan, “Ta kuagai, ta isese ka bagaku sikuam.” Lepa bela si Petrus ka matatbaliu gerat, [putokkinangan gougou].
69Kele aiitco nia minca pagugulet sinanalep nenda, kuanangan ka matada sikuddu sedda, “Ia te sara ka talagada.” 70Tapoi aipakele le minca si Petrus.
Ta amauju, kuarangan minca sabagei sikuddu sedda ka matat Petrus, “Bulatnia ekeu te sara ka talagada, aipoi tai Galilea le ekeu.”
71Taddaakenangan masitelei tubunia samba musuppa kuanangan, “Bulatnia ta kuagai sirimanua nenda sikuamui!”
72Ka teterenia nenda putokkinangan gougou ipurua ngaminca. Repdepnangan leu si Petrus sikuat Jesus ka matania, “Tapei mururua ngaminca iputokki gougou, anupakelengan aku telu ngaminca.” Pusounangan si Petrus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2015