POTETALA WA'A NCURO 5
5
I Anania pai Sapira
5:1-11
1Paikanya reʼemo sambaʼa tuama i Anania toʼonya. Siʼa sangkani pai rongonya i Sapira toʼonya, roomo mampobalu tananya salimpu. 2Santila oli ntananya setu napakoroka pai santila nawaika waʼa ncuro. Powia i Anania ewanceʼe naposintuwui pai rongonya. 3Mewali napeoasi i mPeturu natoʼo, “Anania wenu painaka nupapaliu i Majaʼa mangkuasai rayamu, painaka siko mambambasi Inosa mPue Ala. Nusambunika santila doi oli ntanamu da galamu ngkaliomu? 4Kabareʼepanya nupobalu, tana setu siko tumpunya. Pai ri karoonya nupobalu seʼe doinya ntongo sikopa seʼe tumpunya. Mewali wenu painaka reʼe tangara ndayamu mowia anu ewancetu? Banya tolino anu numbambasi paikanya i Pue Ala!” 5Butu nadonge i Anania waʼa mpau setu liu-liu madungka siʼa, liu mate. Pura-pura tau anu madonge katepewalinya setu merata eka ndayanya. 6Jelamo waʼa ntau mangura masompu wata ngkoro i Anania; nepa ndakeni mpesuwu njoʼu ndadayo.
7Bara reʼemo tatogo jaa ungka lairia mesua rongonya. Bareʼe naincani nunjaa anu nepa roo pinca mewali. 8Natoʼo i mPeturu ri siʼa, “Koisa toʼoka yaku: tana anu nupobalu pai langkaimu setu, sawaseʼi karia olinya?” Mesono rongo i Anania natoʼo, “Monco ewanceʼe kojo olinya!”
9Natoʼo i mPeturu, ri siʼa, “Makuja siko pai langkaimu sintuwu-ntuwu mambambasi Inosa mPue? Pedongeka! Waʼa ntau anu njoʼu madayo langkaimu mewalilimo. Tau seʼe da mangkeni mpesuwu woʼu siko.” 10Liu-liu madungka rongo i Anania setu mate ri suara i mPeturu. Pai ri tempo mpesua waʼa mpemuda setu, narata ntau seʼe matemo siʼa. Nepa nakeni woʼu ntau seʼe wata ngkoronya njoʼu nadayo ri sori langkainya. 11Pewalinya ewanceʼe maʼaimo kaeka ndaya waʼa ntau meaya pai waʼa ntau anu madonge.
Tanda ngkuasa pai petondoni anu ndapojingki
5:12-16
12Maria tanda ngkuasa pai petondoni anu ndapojingki anu napowia waĘĽa ncuro ri tongo ntau sondo. Ri kasambaĘĽa-mbaĘĽa ndaya waĘĽa ntau meaya, mompasambaka tau seĘĽe pura-pura ri Tambale i Salomo ri Banua i mPue. 13Tau ntaninya bareĘĽe nataha njoĘĽu mompasambaka sangkani-ngkani pai waĘĽa ntau meaya setu. WaĘĽa ntau meaya setu maĘĽai napantubunaka ntau sondo. 14Kako masae-sae kakoteranga-rangani imba ntau anu meaya ri Yesu, madago tuama pai waĘĽa mbeĘĽa. 15Painaka ewanceĘĽemo pewalinya, waĘĽa ntau majuĘĽa nakeni ntau seĘĽe moturu-turu ri langkanya bara ri alinya ndadika ri wiwi njaya da naka ane moliu i Peturu ri jaya setu kambanya apa kono limbayo i mPeturu waĘĽa ntau majuĘĽa setu. 16Mangguyu-ngguyu waĘĽa ntau anu maĘĽi ungka ri kota-kota anu mosu ri Yerusale, mangkeni waĘĽa ntau majuĘĽa pai anu napesuaki waĘĽa inosa majaĘĽa, waĘĽa ntau setu ndapakaĘĽosa pura-puranya.
Pejeani ri waĘĽa Ncuro
5:17-42
17Ungka lairia montepuʼumo i Tadu mPanyomba Bangke pai waʼa yununya inceʼemo waʼa nto Saduki, mampetujuka kuasanya, anu mopuʼu ungka ri kasina ndaya ntau seʼe. 18Nasoko ntau seʼe waʼa Ncuro, nawunca ri tarunggu biasa. 19Paikanya, butu mawengimo, sambaʼa malaʼeka mPue Ala, nalokasi pura-pura dampo wombo ntarunggu nepa napoyunu waʼa Ncuro setu mesuwu ungka ri raya ntarunggu. Natoʼo malaʼeka setu ri waʼa ncuro setu, 20“Ndikanjoʼumo mekakore ri Banua i mPue ndipetumbuka waʼa ntau kono katuwu anu dawoʼu seʼi.” 21Nalulu kojo waʼa Ncuro patada malaʼeka setu. Mowuro-wuro mpodago njoʼumo waʼa ncuro setu mompaguru ri Banua i mPue.
Sindara setu ratamo i tadu mpanyomba bangke pai waʼa yununya sangkani pai waʼa ntadulako nto Yahudi, tau seʼe mampareʼe pogombo bangke. Nepa napokau tau njoʼu mantima waʼa ncuro setu ungka ri raya ntarunggu da mancuaraki tauseʼe. 22Paikanya kajela ntau anu ndapokau setu ri tarunggu, bareʼemo reʼe waʼa ncuro setu narata njairia. Mewalili i tau seʼe nepa napetumbu ri majalisi. 23Natoʼo ntau seʼe ri majalisi, “Kajela mami ri tarunggu, karata pura-pura dampo ntarunggu tegili mpodago, pai waʼa ntau mojaga njau pura-pura ri suara dampo. Paikanya jabutu kaloka dampo bareʼemo reʼe tau mau sambaʼa ri rayanya.” 24Ri padonge ntadulako ntopojaga Banua i mPue pai waʼa ntadulako ntadu mpanyomba anu napetumbu waʼa ntau anu ndapokau seʼe, lingu raya ntau seʼe manawa-nawa kono waʼa ncuro pai maeka raya ntau seʼe boi da reʼe nunjaa anu da mewali. 25Ri raya ngkaewanceʼenya jelamo sambaʼa tuama mampetumbu bambari ewaseʼi, “Ndipedongeka! Waʼa ntau anu ndiparintarunggu setu, seʼi-seʼi njau ntongo mompaguru tau sondo ri Banua i mPue!” 26Madonge pompetumbu ntau setu, njoʼu tadulako nto pojaga ri Banua i mPue pai waʼa yununya mantima waʼa ncuro setu. Paikanya nasale mpodago ntau seʼe waʼa ncuro setu maka maeka raya ntau seʼe boi nawunu mbatu ntau sondo tau seʼe.
27Napoyunu ntau seʼe waʼa ncuro setu mancuaraki pogombo bangke, nepa momparesa i tadu mpanyomba bangke ri tau seʼe. 28#Mat. 27:25 Natoʼo, “Ara banya roomo kapetangani komi da naka neʼemo kojo boi mompaguru komi kono toʼo ntau setu. Paikanya seʼi nunjaa anu roomo ndipowia? Jandipari-pari mampobambarika juku-juku ri Yerusale, nepa ndituluri woʼu kami puʼunya painaka mate tau setu.”
29Mesono i Peturu pai waʼa ncuro anu ntaninya natoʼo, “Kami sangaya-ngaya da medonge ri Pue Ala pai banya da medonge ri tolino. 30I Yesu anu ndipaku ri kaju ndapanggo, ndapatuwu muni i mPue Ala, Pue ntau piamota ungka ri kapate. 31Ri Sira ndawaimo i mPue Ala lanti pai kuasa anu bangke da mewali Tadulako pai Toponcorepaka; ndawai tempo ri to Isaraeli da naka majea ungka ri kasalaanya pai da naparata kabareʼenya ndakitanaka waʼa salaa. 32Kami seʼi sabi ri pura-puranya setu – sangkani pai Inosa mPue Ala anu ndawai ri waʼa ntau anu malulu songka-A.”
33Padonge ntau ri Majalisi Agama setu pompau waʼa ncuro ewanceʼe, maʼai kojo kajaʼa ndayanya, pai nasintuwunaka ntau seʼe da mampepate waʼa ncuro setu. 34Paikanya ri oyo ntau mogombo setu njau sambaʼa to Parisi i Gamalie toʼonya. Siʼa sambaʼa guru agama anu maʼai napantubunaka ntau pura-pura. Meoko siʼa napokau mangkeni mpesuwu riunya waʼa ncuro setu ri sambalikunya. 35Nepa mompau siʼa ri Majalisi Agama setu natoʼo, “Ee waʼa ngkasangkompo to Isaraeli! Ndinawa-nawa mpodago nunjaa anu da ndipowia ri waʼa ntau seʼi. 36Maka iʼowi reʼe sambaʼa tau i Teuda toʼonya, anu mantoʼo-ntoʼo koro kasiʼanya tau bangke, reʼe bara aopoatu tau anu malulu siʼa. Paikanya siʼa ndapepate pai pura-pura tau anu malulu siʼa tewuraga, pura-pura anu napowia paya waseʼemo. 37Roo setu ri tempo mpoimba tau, reʼe woʼu sambaʼa tau i Yudasi toʼonya, tau setu ungka Galilea. Ua kaloʼenya maria tau anu malulu siʼa. Paikanya siʼa seʼe ndapepate, pai pura-pura tau anu malulu siʼa tewuraga. 38Mewali seʼi-seʼi ua pewalinya ewanceʼi, kupatiendoka komi: neʼe boi ndikuja waʼa ntau seʼi, papaliumo tau seʼe. Maka ane pompaguru pai polengko setu podo ungka ri tolino neʼe ipu rayata sangaya-ngaya da paya ngkabongo. 39Paikanya ane mopuʼu ungka ri Pue Ala, bareʼe da ndikoto manangi tau seʼe. Pai bara da tongawa komi anu maewa i Pue Ala.”
Totoraka i Gamalie setu natarima majalisi setu. 40Napeboo ntau seĘĽe waĘĽa ncuro setu, nepa natabasi, napetangani kojo ntau seĘĽe da mampaguru kono toĘĽo i Yesu. Roo setu nepa nalapa tau seĘĽe. 41Malaimo waĘĽa ncuro ungka ri Majalisi Agama setu, mawongko-wongko rayanya maka ndapasingkanamo i mPue Ala tau seĘĽe da ndapetikodi mamponcuruka i Yesu. 42Sandeme-sandeme tau seĘĽe mompaguru pai mampetumbu Nuntu ngKatuwu ri Banua i mPue pai ri waĘĽa banua ntau kono i Yesu ka-Siranya Mokole Tadungkadago anu ndajanji.
Currently Selected:
POTETALA WA'A NCURO 5: LAIPMF
Highlight
Share
Copy
Want to have your highlights saved across all your devices? Sign up or sign in
