POTETALA WA'A NCURO 7
7
Pidato i Ncetepanu
7:1-53
1Meoasi i tadu mpanyomba bangke ri Setepanu natoʼo, “Ara monco pura-pura anu natoʼo ntau setu?” 2#Pal. 12:1 Mesono i Setepanu natoʼo, “Ee komi waʼa ngkasangkompo pai komi waʼa mpapa! Ndipedongeka pauku seʼi! Ri kabareʼepanya i Burahima tau piamota melimba ri Harani sindara Sira ri Mesopatami, i Pue Ala maʼi ri Sira. 3Ndatoʼoka Sira, ‘Palaika tanamu pai jaʼimu, kanjoʼumo ri tana anu da kutujuka siko.’ 4#Pal. 11:31, 12:4 Ndapalaikamo tana nto Kasidi, melimba ri tana Harani. Karoonya mate papanya, ndapapelimba Sira ri tana anu ndipeari wawaseʼi. 5#Pal. 12:7, 13:15, 15:18, 17:8 Ri tempo setu bareʼepa reʼe sako santila ungka ri tana setu anu ndawai i mPue Ala ri Burahima da napotumpu; sako ewa katudu mpayaʼa bareʼe ndawaika siʼa. Paikanya i Pue Ala mojanji da mawaika i Burahima pai waʼa mulinya da mampotumpu. Ri tempo setu bareʼepa reʼe ana i Burahima. 6#Pal. 15:13-14 Paikanya ewaseʼi pantoʼo i mPue Ala ri siʼa, ‘Mulinya da tuwu ewa tau mencua ri tana ntau ntaninya. Tau setu da mampowatua pai da majeani mulinya aopo atu ntaʼu kasaenya. 7#Pa. 3:12 Paikanya Yaku da mahuku banca anu mampowatua tau seʼe pantoʼo i mPue Ala, tau seʼe da mesuwu ungka tana setu pai da manyomba ri Yaku ri tana seʼi.’ 8#Pal. 17:10-14, 21:2-4, 25:26, 29:31–35:18 Pojanji i mPue Ala seʼe ndapakaintika popasuna. Ri raya ngkaewanceʼenya ndapoanamo i Saki ana i Burahima. Siʼa nasuna i Burahima ri tinuwu uayu ndeme. Ewanceʼe seʼe i Saki masuna ananya i Yako. I Yako woʼu masuna ananya sampuyu pai radua, tau seʼemo anu mampomulika to Yahudi.
9 #
Pal. 37:11, 28, 39:2, 21 Ua kasina ndaya waʼa ngkaita napobalu ntau seʼe kasangkomponya i Yusupu, ri tana Masiri, paikanya i Pue Ala mangangkariani siʼa. 10#Pal. 41:39-41 I Pue malapasaka siʼa ungka ri kaparinya, ndawai i mPue Ala loʼe ndaya ri siʼa ri kanjoʼunya mancuaraki i Pirao datu nto Masiri; painaka nalanti i mPirao siʼa mewali Ampulemba ri tana Masiri pai mangkuasai langkanae i mPirao. 11#Pal. 42:1-2 Ungka lairia merampemo oro bangke ri sambawo ntana Masiri pai tana Kanaa, painaka maparimo naepe ntau. Waʼa ntau piamota bareʼemo reʼe da naparata pangkoni. 12Butu nadonge i Yako ri tana Masiri reʼe pangkoni, napokaumo waʼa ananya, inceʼemo waʼa ngkaita, anu nepa kaʼisa da kanjoʼunya njairia. 13#Pal. 45:1, 16 Kanjoʼu ntau seʼe anu karadua ngkaninya napatongawamo i Yusupu, kasiʼanyamo i Yusupu ri waʼa ngkasangkomponya. Nepa naincani i mPirao kono waʼa ngkasangkompo i Yusupu. 14#Pal. 45:9-10,17-18, 46:27 Napakatu i Yusupu bambari ri papanya i Yako, da naka tau seʼe pura-pura melimba ri tana Masiri – pitumpuyu pai alima tau imba ntau seʼe. 15#Pal. 46:1-7, 49:33 Melimbamo i Yako ri tana Masiri, njairiamo kapate-A sangkani pai waʼa ntau piamota. 16#Pal. 23:3-16, 33:19, 50:7-13, Yos. 24:32 Ripurinya wata ngkoro ntau seʼe ndakeni mpewalili ri Sike ndadayo njairia, inceʼe dayo anu roo ndaoli i Burahima pai doi ungka ri Hamori to Sike. 17#Pa. 1:7-8 Kako mosu-mosu tempo da ndapabangani i mPue Ala janji-A, kako sondo-sondo tau seʼe ri tana Masiri. 18Rantani moparenta Datu ntaninya anu bareʼe maincani i Yusupu. 19#Pa. 1:10-11, 22 Napepalika Datu setu jaya da majeani pai mamparini katuwu ntau piamota. Nariso tau seʼe da naka natajika waʼa ananya anu nepa napoana naka mate. 20#Pa. 2:2 Sindara setu ndapoanamo i Musa; siʼa sambaʼa ongaa anu madolidi. Tatogo mbuya siʼa ndasambunika ri banua mpapanya, 21#Pa. 2:3-10 butu ndataji siʼa, natima ana i mPirao anu weʼa, naposaru ana ngkoronya. 22Mpengaya-ngaya kaloʼe nto Masiri ndapaguruka siʼa, pai siʼa mewali tau anu makuasa ri pompaunya pai ri powianya.
23 #
Pa. 2:11-15
Ganamo aopo mpuyu ntaʼu tinuwunya, monawa-nawamo siʼa da rayanya mampeole ewambeʼi katuwu bancanya to Isaraeli. 24Nakita reʼe sambaʼa to Isaraeli najeani nto Masiri. Napompasambiraka to Isaraeli napepate to Masiri setu. 25Nasarumaka i Musa bara narata ndaya njaʼinya kasiʼanya anu ndapokau i mPue Ala da malapasaka tau seʼe. Ntanoka bareʼe narata ndaya. 26Bangke reme nakita woʼu to Isaraeli mombeluku, naseko i Musa tau radua setu natoʼo, ‘Komi tau sangkompo neʼe mombeluku. Nunjaa anu ndipombelukui?’ 27Paikanya tau anu majeani yununya seʼe mantumbalaka i Musa natoʼo, ‘Isema anu malanti siko da mewali topombawanaka mami pai da mantadulakoni kami? 28Ara da nupepate woʼu yaku ewa pampepatemu to Masiri wengi?’ 29#Pa. 18:3-4 Padonge i Musa pompaunya ewanceʼe, moloncomo i Musa malai ungka ri tana Masiri, nepa maroo-roo siʼa ri tana Mijea. Njairia napoanamo radua ananya tuama.
30 #
Pa. 3:1-10
Pusa aopo mpuyu ntaʼu ratamo malaʼeka ri Musa ri tongo mpada mosu Buyu Sinai. Malaʼeka setu rata ri tongo apu ri yopo ndui. 31Jingki raya i Musa mangkita apu setu painaka njoʼu natimosuki apu setu naparesa. Tingkarasaka nadonge oni nganga i mPue mantoʼo, 32‘Yakumo Ala Puemu, Pue ntau piamomu, Pue Ala i Burahima, i Saki pai i Yako.’ Nakeni ngkaeka ndaya i Musa kandende-ndende koronya, bareʼemo nataha mampeole yopo setu. 33Nepa mompau woʼu i Pue ri siʼa, ‘Yali talupamu maka tana pekakoremu tana anu magali. 34Kukitamo ewambeʼi kaparinya naepe waʼa nto Isaraeli ndajeani ri tana Masiri. Kudongemo peʼode ntau seʼe pai Yaku da menaʼu malapasaka tau seʼe. Seʼi-seʼi maʼi! Siko da Kupokau mewalili ri tana Masiri.’
35 #
Pa. 2:14
I Musa seʼimo Musa anu bareʼe naʼaku nto Isaraeli, pai napantoʼo, ‘Ara isema anu malanti siko da mewali topombawanaka mami pai da mantadulakoni kami?’ Paikanya siʼamo anu ndapokau mPue Ala da mewali tadulako pai da mewali toponcorepaka, pai da natulungi malaʼeka anu rata ri yopo ndui anu tenunju setu. 36#Pa. 7:3, 14:21, Pai. 14:33 I Musamo setu anu mawawanaka to Isaraeli mesuwu ungka ri tana Masiri, anu mantuju tanda ngkuasa anu ndapojingki ri tana Masiri, ri Tasi Mawaa, ri pada bone aopo mpuyu ntaʼu kasaenya. 37#Paw. 8:15, 18 I Musa seʼimo anu mantoʼoka to Isaraeli, ‘I Pue Ala da mawaika komi sambaʼa nabi anu ndapilisi ungka ri oyomi ewa ndapampilisi yaku seʼi.’ 38#Pa. 19:1–20:17, Paw. 5:1-33 I Musa seʼimo anu njau ri tongo-tongo nto Isaraeli ri pada bone mewali porioyoti ri oyo nto Isaraeli pai malaʼeka anu mompau pai siʼa ri Buyu Sinai pai waʼa ntau piamota. Siʼamo anu mantarima ungka ri Pue Ala nuntu ngkatuwu anu ndaparata ri kita.
39Paikanya mau ewanceʼemo, waʼa ntau piamota bareʼe mampedongeka siʼa, da raya ntau seʼe mewalili ri tana Masiri. 40#Pa. 32:1 Natoʼo ntau seʼe ri Haruni, ‘Powiaka kami turuki lamoa anu da mawawanaka kami. Maka i Musa anu mawawanaka kami mosuwu ungka ri tana Masiri, bareʼemo kaincani bara ewambeʼimo pewalinya.’ 41#Pa. 32:2-6 Napowiamo ntau seʼe turuki lamoa motaʼa ewa ana japi wuyawa, nepa napanyomba ntau seʼe lamoa setu. Mosusa tau seʼe mamposusaka powia mpale ntau seʼe. 42#Am. 5:25-27 Ndapalaikamo i mPue Ala tau seʼe, ndapapaliukamo tau seʼe mampanyomba waʼa betuʼe ri yangi. Kobangimo nunjaa anu naʼuki ri raya ncura waʼa nabi anu mantoʼo,
‘Ee waʼa nto Isaraeli! Banya ntano tila-Ku,
komi mancambale pinatuwu ndipanyombaka, aopo mpuyu ntaʼu kasaenya ri pada bone.
43Komi mampopoaju banua lamoa i Molo
pai turuki betuʼe lamoami i Repani,
ndipowia waʼa nturuki setu da ndipanyomba.
Inceʼe puʼunya komi da kutajika lawa-lawa ri sambote ri tana Babeli.’
44 #
Pa. 25:9, 40 Kema karata i mPue Ala ri tolino reʼe ri oyo ntau piamota ri pada bone. Kema setu ndapowia malulu songka i mPue Ala ri Musa, malulu pandiri anu ndatuju i mPue Ala ri Musa. 45#Yos. 3:14-17 Kema setu nakeni mpaliu ntau piamota, anu nawawanaka i Yosua marampa tana mpearita seʼi ungka ri waʼa ntau anu mampeari tana seʼi, tau seʼe ndairi i mPue Ala. Kema setu reʼe rantani rata ri tempo ngkamokole i Daudi. 46#2 Sem. 7:1-16, 1 Taw. 17:1-14 Ua i Daudi maratamo puru ndaya i mPue Ala, merapimo siʼa da naka ndawai mawangunaka banua mPue Ala anu napanyomba i Yako. 47#1 Raj. 6:1-38, 2 Taw. 3:1-17 Paikanya i Salomo anu mawangunaka banua mPue Ala.
48Mau ewanceʼe i Pue Ala anu makuasa bareʼe mampeari banua anu napowia mpale ntolino; maka teʼuki ri Sura Magali ewaseʼi,
49 #
Yes. 66:1-2
‘Yangi inceʼe gadera mpoparenta-Ku,
pai lino inceʼe perontada mbiti-Ku.
Banua anu ewambeʼi da ndiwanguka Yaku?
Ri mbeʼi da kareʼe mpeosa-Ku?
50Ara banya Yaku ngkalioku anu mampapewali pura-pura?’
Ewanceʼe pantoʼo mPue Ala.
51 #
Yes. 63:10
Bara ewambeʼimo kojo kapeni mboʼomi painaka bareʼe liu-liu mepoʼinaya ri Pue Ala! Talingami bongo mpodago ri nuntu mPue Ala! Komi seʼi siwiamo pai waʼa ntau piamomi; bareʼe bali-bali ndipaewa Inosa mPue Ala! 52Ara reʼe nabi anu bareʼe najeani ntau tuʼami piamo? Napepate ntau seʼe waʼa mpomokau i mPue Ala, anu roomo mompetumbu owi kono da karata Watua i mPue Ala anu mayoa setu. Seʼi-seʼi komi majeani pai mampepate Watua i mPue Ala setu. 53Roomo naparataka komi waʼa malaʼeka kono waʼa ncongka i mPue Ala ri komi paikanya bareʼe ndilulu.”
I Setepanu ndawunu mbatu
7:54–8:1a
54Butu nadonge waʼa ntau ri Majalisi Agama setu pura-pura anu natuntu i Ncetepanu, maʼai kojo kakodi ndayanya pai kajaʼa ndaya ntau seʼe ri siʼa. 55Paikanya i Setepanu anu nakuasai Inosa mPue Ala, metingara ri yangi. Nakita peawa mPue Ala pai nakita i Yesu mekakore ri tondo mokana i mPue Ala. 56“Ndipeolemo!” natoʼo i Ncetepanu, “kukita suruga teloka pai i Ana Manusia mekakore tondo mokana i mPue Ala!”
57Waʼa ntopogombo bangke setu madampo talinganya pai meboo-boo, sintuwu-ntuwu tau seʼe mangantompe i Setepanu. 58Nanoʼo ntau seʼe i Setepanu njoʼu ri sambali bente, nepa nawunu mbatu njairia. Waʼa ntau anu mewali sabi njairia rengkonya nawaika ngalitau sambaʼa i Saulu toʼonya mangkekenika. 59Ntongo-ntongo ndawunu mbatu i Setepanu, meboo siʼa natoʼo, “Boo Yesu ndisabemo inosaku!” 60Mombukotu i Setepanu nepa meboo marimbo oni nganganya natoʼo, “Pue, neʼe ndipapakoyoka tau seʼe salaa ntau seʼe!” Roo mompau ewanceʼe puramo inosanya.
Currently Selected:
POTETALA WA'A NCURO 7: LAIPMF
Highlight
Share
Copy
Want to have your highlights saved across all your devices? Sign up or sign in
