YOHANE 13
13
I Yesu mawusoʼi witi anaguru-A
13:1-20
1Ntongo saeo nepa da Posusa Pasa, ndaincanimo i Yesu, karatamo ntemponya da ndapampalaika lino seʼi da mewalilimo ri Papa. Ndapotowe pura-pura waʼa ntau-A ri lino seʼi, pampotowe-A tau seʼe bareʼe bali-bali rantani rata ri kapusanya.
2Ntongo mangkoni mawengi i Yesu pai waʼa anaguru-A, napapesuakamo i majaʼa nawa-nawa i Yudasi ana i Ncimo to Karioti da naka napepombaikamo i Yesu. 3Ndaincani i Yesu ndapepombaikamo mPapa-A kuasa ri Sira. Ndaincani woʼu ka-Siranya ungka ri Pue Ala pai da mewalili ri Pue Ala. 4Inceʼe painaka meoko Sira, ndaosu juba-A ndatima handu ndapesoʼoka ri lompe-A. 5Roo setu ndawangke ue ri loya, nepa ndatepuʼumo mawusoʼi witi waʼa anaguru-A. Roo ndawusoʼi nepa ndapakangauka handu anu ndapesoʼoka ri lompe-A. 6Jela gilira i Ncimo Peturu, natoʼo, “Ewambeʼi Pue, ja-Komi anu mawusoʼi witiku?”
7Mesono i Yesu, “Seʼi-seʼi bareʼepa nurata ndaya posokinya anu roo kupawia seʼi, paikanya raneonya nepa da nurata ndaya.”
8Natoʼo i mPeturu ri Yesu, “Neʼe Pue, neʼe kojo boi ndiwusoʼi witiku!”
Paikanya mesono i Yesu, “Ane bareʼe Kuwusoʼi siko, bareʼe da reʼe pokentamu pai Yaku!”
9Natoʼo i mPeturu, “Ane ewanceʼe Pue, neʼe podo witiku paikanya paleku pai woʼoku woʼu!”
10Ndatoʼo i Yesu ri Peturu, “Tau anu roo mandiu magalimo sangkoronya, siʼa bareʼemo da ndawusoʼi jamo witinya da ndawusoʼi. Komi seʼi magalimo paikanya banya pura-pura.” (11Ndaincanimo i Yesu isema anu da mampobalu Sira. Inceʼe puʼunya painaka ndatoʼo, “Komi seʼi magalimo paikanya banya pura-pura.”)
12 #
Luk. 22:27
Roo ndawusoʼi witi waʼa anaguru-A, ndapataka muni juba-A nepa matunda muni. Ndatoʼoka tau seʼe, “Ndirata ndayamo nunjaa anu nepa roo mpinca Kupowia ri komi seʼi? 13Komi mampeboo Yaku Guru pai Pue. Pai lawi monco anu nditoʼo. 14Ane sako Yaku Puemi pai Gurumi mawusoʼi witimi, komi woʼu da mombewusoʼi witimi. 15Inceʼe pandiri anu Kutujuka komi, da naka komi woʼu mawianaka ewa anu roo Kupowia ri komi. 16#Mat. 10:24, Luk. 6:40, Yoh. 15:20 Monco kojo anu roo Kutoʼoka komi seʼi, sambaʼa anamayunu bareʼe da meruu ri puenya, pai sambaʼa pomokau bareʼe da meruu ungka ri anu mampokau. 17Ane ndiincanimo pura-pura seʼi maʼai porasimi ane ndiwianaka.
18 #
Pol. 41:9
Nunjaa anu kutoʼo seʼi banya mangkono komi pura-pura. Kuincani isema anu roo Kupilisi. Paikanya nunjaa anu roo teʼuki ri Sura Magali, sangaya-ngaya da mewali, ‘Inceʼemo tau anu mangkoni sangkani-ngkani pai Yaku, da maewa Yaku.’ 19Inceʼe Kuparataka komi seʼi ri kabareʼepanya mewali, da naka ane tepewalimo raneo, da ndiayamo ka-Yakunya siʼa anu ndatoʼo seʼi YAKU REʼE. 20#Mat. 10:40, Mrk. 9:37, Luk. 9:48, 10:16 Kamonco-monconya Kutoʼo seʼi: Isema anu mantarima tau anu Kupokau, siʼa mantarima Yaku. Pai isema anu mantarima Yaku, siʼa mantarima Sira anu mampokau Yaku.”
I Yesu mampowatikamo kono anu da mampobalu Sira
13:21-30
(Mat. 26:20-25, Mrk. 14:17-21, Luk. 22:21-23)
21Roo mompau ewanceʼe i Yesu, ndaepe maʼai kojo kapari ndaya-A, nepa ndatoʼo, “Monco kutoʼoka komi seʼi, sambaʼa ri oyomi anu da mampobalu Yaku.”
22Mombeole mata waʼa anaguru-A nakeni ngkajingki ndaya ntau seʼe, bareʼe naincani ntau seʼe isema anu ndatinako ndaya. 23Anaguru anu ndapotowe i Yesu njau motunda ri soria. 24Natandeʼu i Ncimo Peturu siʼa, da naka napeoasi i Yesu, isema anu ndatinako ndaya?
25Metionda anaguru setu ri Yesu, natoʼoka Sira, “Isema Pue?”
26Mesono i Yesu ndatoʼo, “Tau anu kuwaika roti anu kuome ri mangko, siʼamo taunya.” Ndatima i Yesu roti sandipu, ndaome ri mangko, nepa ndawaika i Yudasi ana i Ncimo to Karioti. 27Jabutu nakabe i Yudasi roti setu, mesuamo i majaʼa ri rayanya. Ndatoʼo i Yesu ri siʼa, “Powiamo pakaliga nunjaa anu nupokono mampowia.” 28Bereʼe ri oyo ntau seʼe anu motunda mangkoni i retu anu marata ndaya nunjaa puʼunya painaka mompau i Yesu ri Yudasi ewanceʼe. 29Reʼe anu masarumaka i Yesu mampokau i Yudasi da maoli bara nunjaa anu da ndapake ri posusa setu, bara da mawai doi teasakodimo seʼe ri tau kaasi-asi maka i Yudasi anu bendahara ntau seʼe. 30Butu roo nakabe i Yudasi roti setu, liu-liu mesuwu siʼa. Mawengimo.
Songka anu dawoʼu
13:31-35
31Butu payamo i Yudasi, ndatoʼo i Yesu, “Seʼi-seʼi i Ana Manusia ndapapeawamo, pai mampoliu Sira i Pue Ala ndapapeawa. 32Ane i Pue Ala ndapapeawa mampoliu Sira, Sira woʼu da ndapapeawa i mPue Ala mampoliu koronya ngkalionya. Seʼi seʼemo da ndapampapeawa. 33#Yoh. 7:34 Ee waʼa ana-Ku, bareʼemo masae da karoo-roo-Ku ri oyomi. Yaku da ndipepali, paikanya ewa Kutoʼokamo waʼa ntadulako nto Yahudi, pai ewanceʼe seʼe da Kutoʼoka komi, ‘Ri da kanjoʼu-Ku bareʼe da ndikoto da njoʼu.’ 34#Yoh. 15:12, 17, 1 Yoh. 3:23, 2 Yoh. 5 Seʼi songka dawoʼu anu da Kutoʼoka komi: Ndipombepotowemo komi sambaʼa pai sambaʼa. Ewambeʼi Kupampotowe komi, ewanceʼe seʼe da pombepotowemi. 35Ane mombepotowe komi, pura-pura tau da mampomonco kakominya waʼa anaguru-Ku.”
Pampakanoto i Peturu da mampesapuka i Yesu
13:36-38
(Mat. 26:31-35, Mrk. 14:27-31, Luk. 22:31-34)
36“Pue, Pue, da malai ri mbeʼi komi?” Meoasi i Peturu ri Yesu. Mesono i Yesu, “Ri mbeʼi da kanjoʼu-Ku seʼi-seʼi, siko bareʼe nukoto da njoʼu. Raneo-neonya nepa da nululuwaka yaku.”
37Meoasi woʼu i Peturu natoʼo, “Pue, iwenu painaka iseʼi bareʼe kukoto da malulu Komi? Yaku seʼi toka da mate sangkani-ngkani pai Pue!”
38Mesono i Yesu ndatoʼo, “Monco kojo siko da mate sangkani-ngkani pai Yaku? Da nupaincani, ri kabareʼepanya mototoroʼo manu, tatogo ngkanimo nutoʼo, siko bareʼe nuincani Yaku!”
Currently Selected:
YOHANE 13: LAIPMF
Highlight
Share
Copy
Want to have your highlights saved across all your devices? Sign up or sign in
YOHANE 13
13
I Yesu mawusoʼi witi anaguru-A
13:1-20
1Ntongo saeo nepa da Posusa Pasa, ndaincanimo i Yesu, karatamo ntemponya da ndapampalaika lino seʼi da mewalilimo ri Papa. Ndapotowe pura-pura waʼa ntau-A ri lino seʼi, pampotowe-A tau seʼe bareʼe bali-bali rantani rata ri kapusanya.
2Ntongo mangkoni mawengi i Yesu pai waʼa anaguru-A, napapesuakamo i majaʼa nawa-nawa i Yudasi ana i Ncimo to Karioti da naka napepombaikamo i Yesu. 3Ndaincani i Yesu ndapepombaikamo mPapa-A kuasa ri Sira. Ndaincani woʼu ka-Siranya ungka ri Pue Ala pai da mewalili ri Pue Ala. 4Inceʼe painaka meoko Sira, ndaosu juba-A ndatima handu ndapesoʼoka ri lompe-A. 5Roo setu ndawangke ue ri loya, nepa ndatepuʼumo mawusoʼi witi waʼa anaguru-A. Roo ndawusoʼi nepa ndapakangauka handu anu ndapesoʼoka ri lompe-A. 6Jela gilira i Ncimo Peturu, natoʼo, “Ewambeʼi Pue, ja-Komi anu mawusoʼi witiku?”
7Mesono i Yesu, “Seʼi-seʼi bareʼepa nurata ndaya posokinya anu roo kupawia seʼi, paikanya raneonya nepa da nurata ndaya.”
8Natoʼo i mPeturu ri Yesu, “Neʼe Pue, neʼe kojo boi ndiwusoʼi witiku!”
Paikanya mesono i Yesu, “Ane bareʼe Kuwusoʼi siko, bareʼe da reʼe pokentamu pai Yaku!”
9Natoʼo i mPeturu, “Ane ewanceʼe Pue, neʼe podo witiku paikanya paleku pai woʼoku woʼu!”
10Ndatoʼo i Yesu ri Peturu, “Tau anu roo mandiu magalimo sangkoronya, siʼa bareʼemo da ndawusoʼi jamo witinya da ndawusoʼi. Komi seʼi magalimo paikanya banya pura-pura.” (11Ndaincanimo i Yesu isema anu da mampobalu Sira. Inceʼe puʼunya painaka ndatoʼo, “Komi seʼi magalimo paikanya banya pura-pura.”)
12 #
Luk. 22:27
Roo ndawusoʼi witi waʼa anaguru-A, ndapataka muni juba-A nepa matunda muni. Ndatoʼoka tau seʼe, “Ndirata ndayamo nunjaa anu nepa roo mpinca Kupowia ri komi seʼi? 13Komi mampeboo Yaku Guru pai Pue. Pai lawi monco anu nditoʼo. 14Ane sako Yaku Puemi pai Gurumi mawusoʼi witimi, komi woʼu da mombewusoʼi witimi. 15Inceʼe pandiri anu Kutujuka komi, da naka komi woʼu mawianaka ewa anu roo Kupowia ri komi. 16#Mat. 10:24, Luk. 6:40, Yoh. 15:20 Monco kojo anu roo Kutoʼoka komi seʼi, sambaʼa anamayunu bareʼe da meruu ri puenya, pai sambaʼa pomokau bareʼe da meruu ungka ri anu mampokau. 17Ane ndiincanimo pura-pura seʼi maʼai porasimi ane ndiwianaka.
18 #
Pol. 41:9
Nunjaa anu kutoʼo seʼi banya mangkono komi pura-pura. Kuincani isema anu roo Kupilisi. Paikanya nunjaa anu roo teʼuki ri Sura Magali, sangaya-ngaya da mewali, ‘Inceʼemo tau anu mangkoni sangkani-ngkani pai Yaku, da maewa Yaku.’ 19Inceʼe Kuparataka komi seʼi ri kabareʼepanya mewali, da naka ane tepewalimo raneo, da ndiayamo ka-Yakunya siʼa anu ndatoʼo seʼi YAKU REʼE. 20#Mat. 10:40, Mrk. 9:37, Luk. 9:48, 10:16 Kamonco-monconya Kutoʼo seʼi: Isema anu mantarima tau anu Kupokau, siʼa mantarima Yaku. Pai isema anu mantarima Yaku, siʼa mantarima Sira anu mampokau Yaku.”
I Yesu mampowatikamo kono anu da mampobalu Sira
13:21-30
(Mat. 26:20-25, Mrk. 14:17-21, Luk. 22:21-23)
21Roo mompau ewanceʼe i Yesu, ndaepe maʼai kojo kapari ndaya-A, nepa ndatoʼo, “Monco kutoʼoka komi seʼi, sambaʼa ri oyomi anu da mampobalu Yaku.”
22Mombeole mata waʼa anaguru-A nakeni ngkajingki ndaya ntau seʼe, bareʼe naincani ntau seʼe isema anu ndatinako ndaya. 23Anaguru anu ndapotowe i Yesu njau motunda ri soria. 24Natandeʼu i Ncimo Peturu siʼa, da naka napeoasi i Yesu, isema anu ndatinako ndaya?
25Metionda anaguru setu ri Yesu, natoʼoka Sira, “Isema Pue?”
26Mesono i Yesu ndatoʼo, “Tau anu kuwaika roti anu kuome ri mangko, siʼamo taunya.” Ndatima i Yesu roti sandipu, ndaome ri mangko, nepa ndawaika i Yudasi ana i Ncimo to Karioti. 27Jabutu nakabe i Yudasi roti setu, mesuamo i majaʼa ri rayanya. Ndatoʼo i Yesu ri siʼa, “Powiamo pakaliga nunjaa anu nupokono mampowia.” 28Bereʼe ri oyo ntau seʼe anu motunda mangkoni i retu anu marata ndaya nunjaa puʼunya painaka mompau i Yesu ri Yudasi ewanceʼe. 29Reʼe anu masarumaka i Yesu mampokau i Yudasi da maoli bara nunjaa anu da ndapake ri posusa setu, bara da mawai doi teasakodimo seʼe ri tau kaasi-asi maka i Yudasi anu bendahara ntau seʼe. 30Butu roo nakabe i Yudasi roti setu, liu-liu mesuwu siʼa. Mawengimo.
Songka anu dawoʼu
13:31-35
31Butu payamo i Yudasi, ndatoʼo i Yesu, “Seʼi-seʼi i Ana Manusia ndapapeawamo, pai mampoliu Sira i Pue Ala ndapapeawa. 32Ane i Pue Ala ndapapeawa mampoliu Sira, Sira woʼu da ndapapeawa i mPue Ala mampoliu koronya ngkalionya. Seʼi seʼemo da ndapampapeawa. 33#Yoh. 7:34 Ee waʼa ana-Ku, bareʼemo masae da karoo-roo-Ku ri oyomi. Yaku da ndipepali, paikanya ewa Kutoʼokamo waʼa ntadulako nto Yahudi, pai ewanceʼe seʼe da Kutoʼoka komi, ‘Ri da kanjoʼu-Ku bareʼe da ndikoto da njoʼu.’ 34#Yoh. 15:12, 17, 1 Yoh. 3:23, 2 Yoh. 5 Seʼi songka dawoʼu anu da Kutoʼoka komi: Ndipombepotowemo komi sambaʼa pai sambaʼa. Ewambeʼi Kupampotowe komi, ewanceʼe seʼe da pombepotowemi. 35Ane mombepotowe komi, pura-pura tau da mampomonco kakominya waʼa anaguru-Ku.”
Pampakanoto i Peturu da mampesapuka i Yesu
13:36-38
(Mat. 26:31-35, Mrk. 14:27-31, Luk. 22:31-34)
36“Pue, Pue, da malai ri mbeʼi komi?” Meoasi i Peturu ri Yesu. Mesono i Yesu, “Ri mbeʼi da kanjoʼu-Ku seʼi-seʼi, siko bareʼe nukoto da njoʼu. Raneo-neonya nepa da nululuwaka yaku.”
37Meoasi woʼu i Peturu natoʼo, “Pue, iwenu painaka iseʼi bareʼe kukoto da malulu Komi? Yaku seʼi toka da mate sangkani-ngkani pai Pue!”
38Mesono i Yesu ndatoʼo, “Monco kojo siko da mate sangkani-ngkani pai Yaku? Da nupaincani, ri kabareʼepanya mototoroʼo manu, tatogo ngkanimo nutoʼo, siko bareʼe nuincani Yaku!”
Currently Selected:
:
Highlight
Share
Copy
Want to have your highlights saved across all your devices? Sign up or sign in