Mk 6
6
Nazaret rezet Zezi
(Mt 13:53-58; Lk 4:16-30)
1Zezi kit sa landrwa la, li retourn dan vilaz kot li ti grandi; so bann disip ti pe swiv li. 2Zour saba li koumans ansegne dan sinagog. Tou seki ti pe ekout li, ti inpresione. Zot dir, “Kot li finn aprann tou sa bann koze la? Kot li finn gagn sa kalite sazes la? Kot li finn gagn pouvwar pou fer sa kalite mirak la ar so lame? 3Pa limem sarpantie, garson Marie, frer Zak, Zoze, Zid ek Simon? Pa so bann ser mem ki res isi dan landrwa?” Zot ti skandalize par so manier. 4Zezi dir zot, “Enn profet pou gagn rekonesans partou exsepte dan landrwa kot li finn ne, dan so fami ek dan so prop lakaz.” 5Akoz samem, li pa ti kapav fer okenn mirak dan sa landrwa la; li ti zis kapav poz so lame lor detrwa malad, e li ti geri zot. 6Zezi ti soke ki zot pa ti ena lafwa. Apre sa, li ti fer enn letour bann vilaz dan lezanviron, li ti kontigne ansegne.
Ledouz al anmision
7Li apel Ledouz; li koumans avoy zot de par de. Li donn zot pouvwar lor bann move lespri. 8Li ordonn zot pa sarye nanye kan zot ale, apar enn baton, pa pran dipin, ni sak, ni kas dan pos. 9Met sandalet, me pa pran okenn linz resanz.
10Li dir zot, “Kan zot rant dan enn lakaz, res labamem ziska zot kit landrwa la. 11Si dan enn landrwa dimoun refiz resevwar zot ek refiz ekout zot, sakouy bien lapousier anba zot lipie, kan zot kit bannla, sa pou enn temwagnaz kont sa bann dimoun la.” 12Bann disip ale, zot proklame ki dimoun bizin sanz zot leker. 13Zot sas boukou demon, zot fer lonksion delwil lor bann malad e bannla ti trouv zot gerizon.
Lamor Zan Batis
(Mt 14:1-12; Lk 9:7-9)
14Lerwa Erod finn tann koz Zezi, parski so nom ti bien popiler, bannla ti pe dir, limem Zan Batis ki finn resisite parmi bann mor, akoz samem li ena sa bann pouvwar la. 15Ena ti pe dir “Eli, sa.” Lezot ti pe dir, “Li enn profet kouma bann profet letan lontan.” 16Letan Erod finn tann sa, li dir, “Mo finn sot likou Zan, ala li finn resisite.”
17Anrealite, Erod limem finn avoy dimoun trap Zan; zot atas li, zot met li dan prizon. Sa ti arive parski Erod ti finn marye avek Erodiad ki ti fam so frer Filip. 18Zan ti dir Erod, “To pa gagn drwa pran fam to frer.” 19Akoz samem Erodiad ti deteste Zan e li ti anvi touy li. Selman li pa ti gagn lokazion, 20parski Erod ti per Zan. Li ti kone Zan ti enn dimoun drwat e sin. Erod ti pe protez li; sak fwa kan Erod ti tann li koze, li ti anbarase me selman li ti kontan ekout li. 21Enn zour, enn bon lokazion prezante. Zour so laniverser, Erod ti donn enn gran festin pou so bann konseye, so bann sef militer ek bann gran misie dan Galile. 22Tifi Erodiad rantre, danse. Erod ek tou so bann invite ti bien kontan. Lerwa dir tifi la, “Demann mwa saki to anvi, mo pou donn twa.” 23Li fer enn serman ar tifi la, “Tou saki to demande, mo pou donn twa, mem ziska lamwatie mo rwayom.” 24Tifi la ale, li dir ar so mama, “Ki mo pou demande?” So mama reponn, “Latet Zan Batis.” 25Li galoupe, li al get lerwa, li dir li, “Mo anvi to donn mwa asterlamem, latet Zan Batis lor enn plato.” 26Lerwa bien sagrin. Akoz serman li finn fer devan so bann invite, li pa ti anvi perdi fas. 27Deswit, lerwa avoy enn gard. Li donn li lord amenn latet Zan Batis. Gard la ale, li sot latet Zan Batis dan kaso, 28e li amenn latet la lor enn plato; li donn li tifi la; tifi la donn latet la so mama. 29Kan so bann disip tann sa, zot vini, zot pran so lekor, zot met li dan tonbo.
Zezi miltipliye dipin pou sink mil dimoun
(Mt 14:13-21; Lk 9:10-17; Zn 6:1-14)
30Bann apot rasanble otour Zezi. Zot rakont li tou saki zot finn fer e tou saki zot finn ansegne.
31Li dir zot, “Vinn avek mwa dan enn landrwa trankil kot nou pou tousel; repoz zot inpe.” Anfet, ti ena boukou dimoun ti pe ale-vini; zot pa ti mem gagn letan pou manz enn bouse manze. 32Zot pran bato pou al dan enn landrwa retire kot zot pou tousel. 33Boukou dimoun ki ti trouv zot ale, ti rekonet zot; depi boukou lavil, dimoun galoupe pou al bar zot avan zot arive.
34Letan Zezi debarke, li trouv enn gran lafoul; so leker kase parski zot ti kouma bann mouton san berze. Li koumans ansegn zot boukou kiksoz. 35Letan ti pe pase, bann disip koste pre ar Zezi, zot dir li, “Nou dan enn landrwa retire e li deza bien tar. 36Les zot ale, koumsa zot va kapav al dan bann vilaz lakanpagn pou aste kiksoz pou manze.” 37Li reponn zot, “Donn bannla manze, zotmem.” Zot dir li, “Kot nou pou al gagn dipin valer de-san zourne travay pou donn zot manze?” 38Li dir zot, “Komie dipin zot ena? Al gete.” Bannla pran linformasion, zot reponn li, zis sink dipin ek de pwason. 39Apre sa li donn zot lord fer bann dimoun la asiz angroup lor gazon. 40Zot asiz anba par group san ek sinkant. 41Zezi pran sink dipin ek de pwason la; li lev so lizie ver lesiel, li fer enn benediksion, li kas dipin la, li donn so bann disip pouki bannla fer distribision dan lafoul; li partaz de pwason la osi ar zot tou. 42Tou dimoun finn rasazie ar manze. 43Ar bout dipin ek pwason ki finn reste, zot ranpli douz panie. 44Antou sink-mil zom ti manze.
Zezi mars lor dilo
(Mt 14:22-23; Zn 6:15-21)
45Apre sa, Zezi obliz bann disip pran bato pou al lot kote dan Betsaida; letan sa, li pou fer lafoul ale. 46Kan li finn fini fer zot tou ale, li mont lor montagn, li al priye. 47Aswar vini, bato ti omilie lamer, Zezi ti tou sel ater. 48Letan li trouv zot pe rame avek boukou difikilte parski divan ti kontrer, ver kat-rer sink-er dimatin, li mars lor lamer, li vini. Li ti anvi pas devan zot. 49Ler bannla trouv li pe mars lor lamer, zot ti krwar enn fantom; zot koumans kriye. 50Zot tou ti trouv li; enn lafreyer pran zot. Lerla li pran laparol, li dir zot, “Pa traka, momem sa, pa gagn per.” 51Kouma li mont dan bato avek zot, divan tonbe; zot res bet. 52Avredir, zot pa ti finn konpran nanye lor mirak dipin; zot leker ti kouma ros.
Gerizon bann malad
(Mt 14:34-36)
53Kan zot finn fini traverse, zot ariv pre lor rivaz Zenezaret, zot amar zot bato. 54Kouma zot sorti dan bato, deswit dimoun fini rekonet Zezi. 55Zot sorti partou kote, zot galoupe, zot koumans sarye bann malad lor brankar; zot al zwenn Zezi kot zot ti tann dir li ete. 56Partou kot li ale, dan vilaz, dan lavil, dan lakanpagn, zot ti amenn bann malad lor laplas piblik; zot sipliy li pouki zot kapav tous zis bout so linz; tou dimoun ki ti tous li, ti gagn zot gerizon.
Currently Selected:
Mk 6: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.
Mk 6
6
Nazaret rezet Zezi
(Mt 13:53-58; Lk 4:16-30)
1Zezi kit sa landrwa la, li retourn dan vilaz kot li ti grandi; so bann disip ti pe swiv li. 2Zour saba li koumans ansegne dan sinagog. Tou seki ti pe ekout li, ti inpresione. Zot dir, “Kot li finn aprann tou sa bann koze la? Kot li finn gagn sa kalite sazes la? Kot li finn gagn pouvwar pou fer sa kalite mirak la ar so lame? 3Pa limem sarpantie, garson Marie, frer Zak, Zoze, Zid ek Simon? Pa so bann ser mem ki res isi dan landrwa?” Zot ti skandalize par so manier. 4Zezi dir zot, “Enn profet pou gagn rekonesans partou exsepte dan landrwa kot li finn ne, dan so fami ek dan so prop lakaz.” 5Akoz samem, li pa ti kapav fer okenn mirak dan sa landrwa la; li ti zis kapav poz so lame lor detrwa malad, e li ti geri zot. 6Zezi ti soke ki zot pa ti ena lafwa. Apre sa, li ti fer enn letour bann vilaz dan lezanviron, li ti kontigne ansegne.
Ledouz al anmision
7Li apel Ledouz; li koumans avoy zot de par de. Li donn zot pouvwar lor bann move lespri. 8Li ordonn zot pa sarye nanye kan zot ale, apar enn baton, pa pran dipin, ni sak, ni kas dan pos. 9Met sandalet, me pa pran okenn linz resanz.
10Li dir zot, “Kan zot rant dan enn lakaz, res labamem ziska zot kit landrwa la. 11Si dan enn landrwa dimoun refiz resevwar zot ek refiz ekout zot, sakouy bien lapousier anba zot lipie, kan zot kit bannla, sa pou enn temwagnaz kont sa bann dimoun la.” 12Bann disip ale, zot proklame ki dimoun bizin sanz zot leker. 13Zot sas boukou demon, zot fer lonksion delwil lor bann malad e bannla ti trouv zot gerizon.
Lamor Zan Batis
(Mt 14:1-12; Lk 9:7-9)
14Lerwa Erod finn tann koz Zezi, parski so nom ti bien popiler, bannla ti pe dir, limem Zan Batis ki finn resisite parmi bann mor, akoz samem li ena sa bann pouvwar la. 15Ena ti pe dir “Eli, sa.” Lezot ti pe dir, “Li enn profet kouma bann profet letan lontan.” 16Letan Erod finn tann sa, li dir, “Mo finn sot likou Zan, ala li finn resisite.”
17Anrealite, Erod limem finn avoy dimoun trap Zan; zot atas li, zot met li dan prizon. Sa ti arive parski Erod ti finn marye avek Erodiad ki ti fam so frer Filip. 18Zan ti dir Erod, “To pa gagn drwa pran fam to frer.” 19Akoz samem Erodiad ti deteste Zan e li ti anvi touy li. Selman li pa ti gagn lokazion, 20parski Erod ti per Zan. Li ti kone Zan ti enn dimoun drwat e sin. Erod ti pe protez li; sak fwa kan Erod ti tann li koze, li ti anbarase me selman li ti kontan ekout li. 21Enn zour, enn bon lokazion prezante. Zour so laniverser, Erod ti donn enn gran festin pou so bann konseye, so bann sef militer ek bann gran misie dan Galile. 22Tifi Erodiad rantre, danse. Erod ek tou so bann invite ti bien kontan. Lerwa dir tifi la, “Demann mwa saki to anvi, mo pou donn twa.” 23Li fer enn serman ar tifi la, “Tou saki to demande, mo pou donn twa, mem ziska lamwatie mo rwayom.” 24Tifi la ale, li dir ar so mama, “Ki mo pou demande?” So mama reponn, “Latet Zan Batis.” 25Li galoupe, li al get lerwa, li dir li, “Mo anvi to donn mwa asterlamem, latet Zan Batis lor enn plato.” 26Lerwa bien sagrin. Akoz serman li finn fer devan so bann invite, li pa ti anvi perdi fas. 27Deswit, lerwa avoy enn gard. Li donn li lord amenn latet Zan Batis. Gard la ale, li sot latet Zan Batis dan kaso, 28e li amenn latet la lor enn plato; li donn li tifi la; tifi la donn latet la so mama. 29Kan so bann disip tann sa, zot vini, zot pran so lekor, zot met li dan tonbo.
Zezi miltipliye dipin pou sink mil dimoun
(Mt 14:13-21; Lk 9:10-17; Zn 6:1-14)
30Bann apot rasanble otour Zezi. Zot rakont li tou saki zot finn fer e tou saki zot finn ansegne.
31Li dir zot, “Vinn avek mwa dan enn landrwa trankil kot nou pou tousel; repoz zot inpe.” Anfet, ti ena boukou dimoun ti pe ale-vini; zot pa ti mem gagn letan pou manz enn bouse manze. 32Zot pran bato pou al dan enn landrwa retire kot zot pou tousel. 33Boukou dimoun ki ti trouv zot ale, ti rekonet zot; depi boukou lavil, dimoun galoupe pou al bar zot avan zot arive.
34Letan Zezi debarke, li trouv enn gran lafoul; so leker kase parski zot ti kouma bann mouton san berze. Li koumans ansegn zot boukou kiksoz. 35Letan ti pe pase, bann disip koste pre ar Zezi, zot dir li, “Nou dan enn landrwa retire e li deza bien tar. 36Les zot ale, koumsa zot va kapav al dan bann vilaz lakanpagn pou aste kiksoz pou manze.” 37Li reponn zot, “Donn bannla manze, zotmem.” Zot dir li, “Kot nou pou al gagn dipin valer de-san zourne travay pou donn zot manze?” 38Li dir zot, “Komie dipin zot ena? Al gete.” Bannla pran linformasion, zot reponn li, zis sink dipin ek de pwason. 39Apre sa li donn zot lord fer bann dimoun la asiz angroup lor gazon. 40Zot asiz anba par group san ek sinkant. 41Zezi pran sink dipin ek de pwason la; li lev so lizie ver lesiel, li fer enn benediksion, li kas dipin la, li donn so bann disip pouki bannla fer distribision dan lafoul; li partaz de pwason la osi ar zot tou. 42Tou dimoun finn rasazie ar manze. 43Ar bout dipin ek pwason ki finn reste, zot ranpli douz panie. 44Antou sink-mil zom ti manze.
Zezi mars lor dilo
(Mt 14:22-23; Zn 6:15-21)
45Apre sa, Zezi obliz bann disip pran bato pou al lot kote dan Betsaida; letan sa, li pou fer lafoul ale. 46Kan li finn fini fer zot tou ale, li mont lor montagn, li al priye. 47Aswar vini, bato ti omilie lamer, Zezi ti tou sel ater. 48Letan li trouv zot pe rame avek boukou difikilte parski divan ti kontrer, ver kat-rer sink-er dimatin, li mars lor lamer, li vini. Li ti anvi pas devan zot. 49Ler bannla trouv li pe mars lor lamer, zot ti krwar enn fantom; zot koumans kriye. 50Zot tou ti trouv li; enn lafreyer pran zot. Lerla li pran laparol, li dir zot, “Pa traka, momem sa, pa gagn per.” 51Kouma li mont dan bato avek zot, divan tonbe; zot res bet. 52Avredir, zot pa ti finn konpran nanye lor mirak dipin; zot leker ti kouma ros.
Gerizon bann malad
(Mt 14:34-36)
53Kan zot finn fini traverse, zot ariv pre lor rivaz Zenezaret, zot amar zot bato. 54Kouma zot sorti dan bato, deswit dimoun fini rekonet Zezi. 55Zot sorti partou kote, zot galoupe, zot koumans sarye bann malad lor brankar; zot al zwenn Zezi kot zot ti tann dir li ete. 56Partou kot li ale, dan vilaz, dan lavil, dan lakanpagn, zot ti amenn bann malad lor laplas piblik; zot sipliy li pouki zot kapav tous zis bout so linz; tou dimoun ki ti tous li, ti gagn zot gerizon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.