खास-चैले के काँम 1
1
1हे, श्री माँन, थियुफिलुस! मुँऐं आगली कताबे दो ईनू बादी बातो के बारे दो लिखी थुओ; जुण्जी बातो प्रभू यीशू ऐ शुरू शी करी, अरह् शिखाँऐ थई थी। 2जेसी देसे प्रभू यीशू स्वर्गो दे ऊबे थागे गुऐ, तिन्दे शे आगे प्रभू यीशू ऐ आप्णें खास-चैले खे; जिनू तिन्ऐ आपु च़ूणी-छाँटी थुऐ थिऐ, तिनखे पबित्र-आत्त्मा के जाँणें अज्ञाँ दिती। 3प्रभू यीशू ऐं आप्णें दु:ख्ह भोग्णों पाछ़ी, तिनू खास-चैले के सहाँम्णें बैजाऐ पाक्कै नंत्तिजे लंई, के हाँव जीऊँदी असो; च़ाल़ीष देसो तोड़ी से तिन कैई शे देखाई पड़े, अरह् पंण्मिश्वर के राज्य की बातो कर्दे रूऐ। 4ऐक देस प्रभू यीशू ऐ आप्णें खास-चैले कंट्ठै करियों, तिनखे ऐजी अज्ञाँ दिती; के “यरूशलेम नंगर ताँव तोड़ी ने छुह्ड़े; जाँव तोड़ी परंम-पिता पंण्मिश्वर का बाय्दा, जिन्दें का बंखाँण मुँऐ आगे ही करी थुवा थिया, सेजा ही बाय्दा पुरा ने हों। 5किन्देंखे के संत्त-यूहन्ना नहाँण-कराँणों वाल़े ऐ, तअ पाँणी लई नहाँण-कराँव, परह् थुह्ड़े ही देसो पाछ़ी; तुवाँरो पबित्र-आत्त्माँ लंई नहाँण-कराँओं ज़ाँदो;”
प्रभू यीशू स्वर्गो दे पाछ़ू हुटे
6ईन्देंखे जबे सेजे बादे खास-चैले कंठे थिऐ, तअ तिन्ऐ प्रभू यीशू कैई शा ऐक सुवाल पुह्छ़ा; “हे प्रभू जी! कियों तुँऐं ऐसी बख्त्ते इस्राएलियों के राज्य के थापना हजो कर्दे?” 7“प्रभू यीशू ऐ तिनखे ऐजा जबाब दिता, सेजा बख्हत्त बाबा के हंक-अधिकार, अरह् ज्ञाँन के बारे दे जाँण कारी थंणीं, तुवाँरा काँम ने आथी; अरह् ना तुऐं ईन्दें की खोज करे। 8पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।” 9ऐजो बुलियों प्रभू यीशू खास-चैले के देख्दे-देख्दे ही ऊबे स्वर्गो दे थागे गुऐ; अरह् ऐकी बाद्ल़े ऐं प्रभू यीशू खास-चैले के आखी कैई शे चूरी दित्ते। 10अरह् जबे से अस्माँनों गंऐणीं की ढबै प्रभू यीशू ऊँबें ज़ाँदे देख्दे नींजाऐयों लागी रूऐ थिऐ; तअ तेख्णीं बेरा-बैरिऐ स्वर्गदूत्त च़ींटै खोट्णों बाँम्बियों दो आदमी तिन कैई पर्गट हुऐ। 11अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”
मत्तियाह खे यहूदा का पद्-भार भेंट्णाँ
12खास-चैले जैतून नाँव की धारंह् गाच्छ़ै जुण्जो यरूशलेम के नंजीक लग-भंग ऐक किलो मीटर की दुरी दो असो, से यरूशलेम खे पाछू आऐ। 13नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ। 14तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ। 15ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे। 16“हे भाऐ-बंईणों! प्रभू यीशू थंहम्बड़ाणों खे यहूदा इसकरियोंती अगुवाँल़ बंणा; अरह् ईन्दें के बारे दो राजा दाऊद के कारण, पबित्र-आत्त्मा के जाँणें बुलो गुओं थियों; अरह् पबित्र-ग्रन्थों का सेजा बचन पुरा हंणाँ जरूर ही थिया। 17किन्देंखे के तेसी तअ आँमों आरी गिणी थिया, अरह् ईयों सेंवकाई का भे से भागिदार थिया। 18(तेंने आप्णी पाप की कंमाँई लई, ऐक खैच़ मोंले कोरो; अरह् से तिन्दा आगु मुँऐं पड़ा, अरह् तेस्को पेट फाटी गुओ; अरह् तैस्की आँज़ी की बाँईडी नींक्ल़ियों ऐके ढैरी लागी; 19अरह् ऐजी बात बादे यरूशलेम दे रंहणों वाल़े लोगे ऐ जाँणी पाऐ, ऐथै तोड़ी के तेसी खेच़ौ को नाँव ऐत्त्लो भे तिनकी ही भाषा दो, ‘हकलदमा’ मंतल्व ‘लह्ऊँ को खैच़’ बुलो ज़ाँव)। 20भजन संहिता दो लिखी थो, के
तेस्को घरह् घोराच़ रंह्लो, अरह् तिदा कुँऐं ने बसो; अरह् तेस्का पद्-भार कुँऐ ओका लंह्दा।
21“ईन्देंखे जैतोड़े देसो तोड़ी प्रभू यीशू अमाँरी गईलो आँदे-ज़ाँदे रूऐ, मंतल्व संत्त-यूहन्ना नहाँण-कराँणों वाल़े शे ऊँडे, अरह् तिनू अमाँरे बीच शे ऊँबे थाग्णों तोड़ी जुण्जे लोग बरा-बुर अमाँरी गईलो रूऐ, 22ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।” 23तबे तिन्ऐ दो आदमी खह्ड़े करे, ऐक यूसुफ जेस्खे बर-सबा बुली थिया; जेस्को छुटो नाँव यूसतुस असो, अरह् ओका मत्तियाह, 24तबे तिन्ऐं ऐशी प्रार्थना करी, “हे प्रभू! तू सोभी का सास-मंन जाँणें ऐ; ऐजो पर्गट करह्, के तुँऐं ईनू दुई मुंझ्षा कंसी च़ूणी-छ़ाँटी थुवा, 25के से ईयो सेंवकाई, अरह् खास-चैले का पद्-भार संहम्भाल़ो; जुण्जा यहूदा इसकरियोंती छ़ुड़ियों आप्णी जागा खे हुटा।” 26तबे तिनू लोगे ऐं तिनू दुई के नाँव दी पार्ची पाई, अरह् सेजी पार्ची मत्तियाह के नाँव शी नींक्ल़ी; तबे तेसी मत्तियाह भी तिनू गैयारी खास-चैले की गईलो, खास-चैला माँना-गीणा गुवा।
Currently Selected:
खास-चैले के काँम 1: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
खास-चैले के काँम 1
1
1हे, श्री माँन, थियुफिलुस! मुँऐं आगली कताबे दो ईनू बादी बातो के बारे दो लिखी थुओ; जुण्जी बातो प्रभू यीशू ऐ शुरू शी करी, अरह् शिखाँऐ थई थी। 2जेसी देसे प्रभू यीशू स्वर्गो दे ऊबे थागे गुऐ, तिन्दे शे आगे प्रभू यीशू ऐ आप्णें खास-चैले खे; जिनू तिन्ऐ आपु च़ूणी-छाँटी थुऐ थिऐ, तिनखे पबित्र-आत्त्मा के जाँणें अज्ञाँ दिती। 3प्रभू यीशू ऐं आप्णें दु:ख्ह भोग्णों पाछ़ी, तिनू खास-चैले के सहाँम्णें बैजाऐ पाक्कै नंत्तिजे लंई, के हाँव जीऊँदी असो; च़ाल़ीष देसो तोड़ी से तिन कैई शे देखाई पड़े, अरह् पंण्मिश्वर के राज्य की बातो कर्दे रूऐ। 4ऐक देस प्रभू यीशू ऐ आप्णें खास-चैले कंट्ठै करियों, तिनखे ऐजी अज्ञाँ दिती; के “यरूशलेम नंगर ताँव तोड़ी ने छुह्ड़े; जाँव तोड़ी परंम-पिता पंण्मिश्वर का बाय्दा, जिन्दें का बंखाँण मुँऐ आगे ही करी थुवा थिया, सेजा ही बाय्दा पुरा ने हों। 5किन्देंखे के संत्त-यूहन्ना नहाँण-कराँणों वाल़े ऐ, तअ पाँणी लई नहाँण-कराँव, परह् थुह्ड़े ही देसो पाछ़ी; तुवाँरो पबित्र-आत्त्माँ लंई नहाँण-कराँओं ज़ाँदो;”
प्रभू यीशू स्वर्गो दे पाछ़ू हुटे
6ईन्देंखे जबे सेजे बादे खास-चैले कंठे थिऐ, तअ तिन्ऐ प्रभू यीशू कैई शा ऐक सुवाल पुह्छ़ा; “हे प्रभू जी! कियों तुँऐं ऐसी बख्त्ते इस्राएलियों के राज्य के थापना हजो कर्दे?” 7“प्रभू यीशू ऐ तिनखे ऐजा जबाब दिता, सेजा बख्हत्त बाबा के हंक-अधिकार, अरह् ज्ञाँन के बारे दे जाँण कारी थंणीं, तुवाँरा काँम ने आथी; अरह् ना तुऐं ईन्दें की खोज करे। 8पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।” 9ऐजो बुलियों प्रभू यीशू खास-चैले के देख्दे-देख्दे ही ऊबे स्वर्गो दे थागे गुऐ; अरह् ऐकी बाद्ल़े ऐं प्रभू यीशू खास-चैले के आखी कैई शे चूरी दित्ते। 10अरह् जबे से अस्माँनों गंऐणीं की ढबै प्रभू यीशू ऊँबें ज़ाँदे देख्दे नींजाऐयों लागी रूऐ थिऐ; तअ तेख्णीं बेरा-बैरिऐ स्वर्गदूत्त च़ींटै खोट्णों बाँम्बियों दो आदमी तिन कैई पर्गट हुऐ। 11अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”
मत्तियाह खे यहूदा का पद्-भार भेंट्णाँ
12खास-चैले जैतून नाँव की धारंह् गाच्छ़ै जुण्जो यरूशलेम के नंजीक लग-भंग ऐक किलो मीटर की दुरी दो असो, से यरूशलेम खे पाछू आऐ। 13नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ। 14तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ। 15ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे। 16“हे भाऐ-बंईणों! प्रभू यीशू थंहम्बड़ाणों खे यहूदा इसकरियोंती अगुवाँल़ बंणा; अरह् ईन्दें के बारे दो राजा दाऊद के कारण, पबित्र-आत्त्मा के जाँणें बुलो गुओं थियों; अरह् पबित्र-ग्रन्थों का सेजा बचन पुरा हंणाँ जरूर ही थिया। 17किन्देंखे के तेसी तअ आँमों आरी गिणी थिया, अरह् ईयों सेंवकाई का भे से भागिदार थिया। 18(तेंने आप्णी पाप की कंमाँई लई, ऐक खैच़ मोंले कोरो; अरह् से तिन्दा आगु मुँऐं पड़ा, अरह् तेस्को पेट फाटी गुओ; अरह् तैस्की आँज़ी की बाँईडी नींक्ल़ियों ऐके ढैरी लागी; 19अरह् ऐजी बात बादे यरूशलेम दे रंहणों वाल़े लोगे ऐ जाँणी पाऐ, ऐथै तोड़ी के तेसी खेच़ौ को नाँव ऐत्त्लो भे तिनकी ही भाषा दो, ‘हकलदमा’ मंतल्व ‘लह्ऊँ को खैच़’ बुलो ज़ाँव)। 20भजन संहिता दो लिखी थो, के
तेस्को घरह् घोराच़ रंह्लो, अरह् तिदा कुँऐं ने बसो; अरह् तेस्का पद्-भार कुँऐ ओका लंह्दा।
21“ईन्देंखे जैतोड़े देसो तोड़ी प्रभू यीशू अमाँरी गईलो आँदे-ज़ाँदे रूऐ, मंतल्व संत्त-यूहन्ना नहाँण-कराँणों वाल़े शे ऊँडे, अरह् तिनू अमाँरे बीच शे ऊँबे थाग्णों तोड़ी जुण्जे लोग बरा-बुर अमाँरी गईलो रूऐ, 22ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।” 23तबे तिन्ऐ दो आदमी खह्ड़े करे, ऐक यूसुफ जेस्खे बर-सबा बुली थिया; जेस्को छुटो नाँव यूसतुस असो, अरह् ओका मत्तियाह, 24तबे तिन्ऐं ऐशी प्रार्थना करी, “हे प्रभू! तू सोभी का सास-मंन जाँणें ऐ; ऐजो पर्गट करह्, के तुँऐं ईनू दुई मुंझ्षा कंसी च़ूणी-छ़ाँटी थुवा, 25के से ईयो सेंवकाई, अरह् खास-चैले का पद्-भार संहम्भाल़ो; जुण्जा यहूदा इसकरियोंती छ़ुड़ियों आप्णी जागा खे हुटा।” 26तबे तिनू लोगे ऐं तिनू दुई के नाँव दी पार्ची पाई, अरह् सेजी पार्ची मत्तियाह के नाँव शी नींक्ल़ी; तबे तेसी मत्तियाह भी तिनू गैयारी खास-चैले की गईलो, खास-चैला माँना-गीणा गुवा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.