यूहन्ना 20
20
रीत्ती खात्त-कबर
(मत्ती 28:1-8; मरकुस 16:1-8; लूका 24:1-12)
1संह्फ़त्ते#20:1 अऐतवार हफ्तअे को आगलो देस माँनें थिऐ, अरह् शअईशर बिषाँव को देस हों थियो। के आगले देसे, झ़ीषौ भैयाँसरो दी रिंम्मं-रिंम्में आरी सुरूज ऊँद्णों शी आगे; मरियम-मगदलीनी खात्ती-कबर कैई आऐ, अरह् तिऐं देंखो के तियों खात्ती-कबर गाच्छ़ा सेजा पाथर आगे ही गाड़ा अंदा थिया। 2ऐजो देखियों से बिच़्ड़ियों शमौन-पतरस अरह् तेसी ओकी चैले कैई आऐ, जेसी आरी प्रभू यीशू प्यार करह् थिऐ; तिऐ मरियम ऐ तिन कैई बुलो, “तिन्ऐं प्रभू खात्ती-कबर शे आगु नींऐ, अरह् हाँव ऐजो ने जाँण्दी के तिन्ऐ तिनू कैथे थंऐ थुऐ।” 3तबे संत्त-पतरस अरह् सेजा ओका चैला खात्ती-कबर की ढबे चाल पड़े। 4से दुईन्नें साथी-साथी भागी रूऐ थिऐ, परह् सेजा ओका चैला संत्त-पतरस शा आगे नीक्ल़ियों खात्ती-कबर कैई पंह्ईचा। 5अरह् तेने ऊदे नंऐयों देखो, के तेथै धोऐ-कफ़न के सुवाऐ ऊको किऐ ने थी; परह् से खात्ती-कबर दा भींटा ने हुटी। 6तबे शमौन पतरस तेसी पाछी-पाछी तेथै पह्ईचा, अरह् तियों खात्ती-कबर दा से भिंठा हुटा; अरह् तेने तेथै खोटूणो, अरह् धोऐ की टाली-कफ़न की ढैरी लागी अंदी देखी। 7अरह् सेजा साफ़ा जुण्जा प्रभू यीशू के माँथै-मुँढो दा बाँना अंदा थिया, सेजा साफ़ा भे तिनू खोट्णों अरह् कफ़न-टाली मुँझी ने थी, परह् से कैथी ज़ोई आगुड़े ऐ सुँवा करियों थुवा अंदा थिया। 8तबे सेजा ओका चैला भे जुण्जा आगे खात्ती-कबर गाशी पह्ऊँची रूवा थिया, से भे संत्त-पतरस पाछ़ी खात्ती-कबर दा भिंटा हुटा; अरह् तेने सेजो बादो देखो अरह् बिश्वाष करा। 9किन्देंखे के तेस्के हेभी तोड़ी सेजी पबित्र-ग्रन्थों के बात संह्म्झ ने आऐ रंई थी, के प्रभू यीशू खे मँरें अँदें मुझ्शो पाछू ऊबो जीऊँणों जरूरी थियों। 10तबे सेजे चैले पाछ़ू आप्णें-आप्णें घहरे हुटे।
मरियम-मंगदलीनी कैई दर्षण दित्ते
(मत्ती 28:9-10; मरकुस 16:9-11)
11परह् मरियम-मंगदलीनी खात्ती-कबर के ओराड़ो कैई बाँऐडी दाँई खह्ड़ी हंऐयों रूऐ रंऐ थी, अरह् तिऐं रूदु-रूदु ओराड़ो की खात्ती-कबर की ढबै ऊँदे नंऐयों भिटी झ़ैठ पाऐ; 12तिऐ देखों के जेथै प्रभू यीशू को मित्तको थंऐ थुओ थियो, तेथै चींटै खह्टुणों बाँम्बे अंदे दो स्वर्गदूत्त, बंईठै अंदे थिऐ: ऐक शिराँनों दा, अरह् ओका लात्तों कैई बंईठा अंदा थिया। 13तबे: तिनू स्वर्गदूत्त ऐं तियों कैई शो पुंह्छ़ो, “ओ तिरंई! तू कैई रूऐ रंऐ?” तिऐं जबाब दिता, “तिन्ऐ मेरे प्रभू ईथै शे आगू नींऐ, अरह् हाँव ने ऐजो जाँण्दी के तिन्ऐं तिनू केथै थऐ थुऐ।” 14ऐजो बुलियों से पाछ़ू खे फ़ीरी, अरह् तिऐं आपु पाछी प्रभू यीशू खह्ल़ी अंदें देखे, परह् तियाँरे तिनू पंह्छ़याँणीं ने; के ऐजे प्रभू यीशू ही असो। 15प्रभू यीशू ऐ तियों कैई शो पुह्छ़ो, “ओ तिरंई! तू कैई रूऐ रंऐ? तुऐं कोसी जुह्ऐ लुवा?” तिऐं तिनखे माँल़ी जाँणियों बुलो; “श्री माँन! जे तुऐं तिनू आगु नींह् थुऐ; तअ ऊँढो बुलो, के तुऐं तिनू केथै थंऐ थुऐ; अरह् हाँव तिनू ईथै शे आगू नींह्ऊँबी।” 16ईन्दें गाशी प्रभू यीशू ऐ तियों खे बुलो, “मरियम!” तिऐं पाछू फ़ीरियों तिनखे इब्रानी भाषा दो बुलो, “रब्बूनी!” मतल्व “हे गुरू जी”।#20:16 “गुरू जी” अरह् तिनखे के के लातो दे फअरियाऐ, अरह् तिन्ऐ तियों खे बुलो, मेरे लातो छुड़ी दे। किन्देंखे के हाव हेभी तोड़ी परंम-पिता पंण्मिश्वर कैई भे ऊबा स्वर्गदूत्तों दे हुटे दा हुटे ने रोही। 17प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।” 18तबे: मरियम-मगदलीनी ऐ ज़ाऐयों चैले कैई ऐजा शुझ़ा दिता, “मुँऐं प्रभू देखी थुऐं, अरह् तिन्ऐं मुँह कैई ऐजी बातो बुली थंई।”
चैले खे दर्षण दित्ते
(मत्ती 28:16-20; मरकुस 16:14-18; लूका 24:36-49)
19तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!” 20अरह् ऐजो बुलियों, प्रभू यीशू ऐं आप्णें चैले कैई शे आप्णें हाथ, अरह् आप्णी कुँछ़ी शी शाफ़्ड़ी देखाऐ; तबे चैले प्रभू देखियों बैजाऐ खुशी-आँनन्दित्त हऐ गुऐ। 21प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।” 22ऐजो बुलियों प्रभू यीशू ऐ तिन गाशी फुक माँरी, अरह् तिन्खे बुलो, “पबित्र-आत्त्मा धारण करह्! 23तुऐं जिनू लोगो के पाप माँफ कर्ले, तिनके पाप माँफ हऐ ज़ाले; अरह् जिनू लोगो के पाप तुऐं माँफ ने करह्, तिनके पाप माँफ ने हले।”
थोमा खे दर्षण दित्ते
24परह् जबे प्रभू यीशू तेथै आप्णें खास-चैले कैई आऐ, तअ तैसी बख्त्ते तिनू आरी ऐक ओका खास-चैला थोंमा, तेथै ने थी; जेस्खे दिदुमुस बुली थिया। 25जबे तिनू ओकी चैले ऐं तैस कैई बुलो, के “आँमें प्रभू देखी थुऐ”; तअ तबे तेने जबाब दिता, “जाँव तोड़ी हाँव तिनके हाथों दा किलो का नींशाँण ने देखी पाँऊ; अरह् हाथो दे लागे अंदे किलो की ठाँव दी आप्णी गुट्ठी ने पाँऊ, अरह् तिनकी कुँछ़ी की शाफ़्ड़ी दा आप्णाँ हाथ ने लाँऊ; ताँव तोड़ी हाँव किऐ भे बिश्वाष ने करदा।” 26आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!” 27तबे प्रभू यीशू ऐ थोंमा खे बुलो, “आप्णीं गुट्ठी लंई मेरे हाथ छ़ुऐयों देख, अरह् आप्णा हाथ मेरी शाफ़्ड़ी के बीचों दा पाऐयों देख; अरह् बै-बिश्वाषी ने, परह् बिश्वाषी बंण।” 28तबे थोंमा ऐ जबाब दिता; “हे मेरे प्रभू! हे मेरे पंण्मिश्वर!” 29प्रभू यीशू ऐ तेस्खे बुलो, “तुँऐं तअ ईन्देखे बिश्वाष करी थुवा, के तुऐं मुँह देखी थुवा? परह् भागोईंत्त असो, सेजे लोग जिन्ऐं मुँह देखी ने थंई; परह् तबे भे से मुँह्दा बिश्वाष करह्!”
ईयो कताबी का मतल्व
30प्रभू यीशू ऐ आप्णें चैले के सहाँम्णें कंऐयों च़ींह्न-चंम्त्तकार देखाऐ, जिन्दें का बंखाँण ईयों कताबी दा ने आथी। 31परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।
Currently Selected:
यूहन्ना 20: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
यूहन्ना 20
20
रीत्ती खात्त-कबर
(मत्ती 28:1-8; मरकुस 16:1-8; लूका 24:1-12)
1संह्फ़त्ते#20:1 अऐतवार हफ्तअे को आगलो देस माँनें थिऐ, अरह् शअईशर बिषाँव को देस हों थियो। के आगले देसे, झ़ीषौ भैयाँसरो दी रिंम्मं-रिंम्में आरी सुरूज ऊँद्णों शी आगे; मरियम-मगदलीनी खात्ती-कबर कैई आऐ, अरह् तिऐं देंखो के तियों खात्ती-कबर गाच्छ़ा सेजा पाथर आगे ही गाड़ा अंदा थिया। 2ऐजो देखियों से बिच़्ड़ियों शमौन-पतरस अरह् तेसी ओकी चैले कैई आऐ, जेसी आरी प्रभू यीशू प्यार करह् थिऐ; तिऐ मरियम ऐ तिन कैई बुलो, “तिन्ऐं प्रभू खात्ती-कबर शे आगु नींऐ, अरह् हाँव ऐजो ने जाँण्दी के तिन्ऐ तिनू कैथे थंऐ थुऐ।” 3तबे संत्त-पतरस अरह् सेजा ओका चैला खात्ती-कबर की ढबे चाल पड़े। 4से दुईन्नें साथी-साथी भागी रूऐ थिऐ, परह् सेजा ओका चैला संत्त-पतरस शा आगे नीक्ल़ियों खात्ती-कबर कैई पंह्ईचा। 5अरह् तेने ऊदे नंऐयों देखो, के तेथै धोऐ-कफ़न के सुवाऐ ऊको किऐ ने थी; परह् से खात्ती-कबर दा भींटा ने हुटी। 6तबे शमौन पतरस तेसी पाछी-पाछी तेथै पह्ईचा, अरह् तियों खात्ती-कबर दा से भिंठा हुटा; अरह् तेने तेथै खोटूणो, अरह् धोऐ की टाली-कफ़न की ढैरी लागी अंदी देखी। 7अरह् सेजा साफ़ा जुण्जा प्रभू यीशू के माँथै-मुँढो दा बाँना अंदा थिया, सेजा साफ़ा भे तिनू खोट्णों अरह् कफ़न-टाली मुँझी ने थी, परह् से कैथी ज़ोई आगुड़े ऐ सुँवा करियों थुवा अंदा थिया। 8तबे सेजा ओका चैला भे जुण्जा आगे खात्ती-कबर गाशी पह्ऊँची रूवा थिया, से भे संत्त-पतरस पाछ़ी खात्ती-कबर दा भिंटा हुटा; अरह् तेने सेजो बादो देखो अरह् बिश्वाष करा। 9किन्देंखे के तेस्के हेभी तोड़ी सेजी पबित्र-ग्रन्थों के बात संह्म्झ ने आऐ रंई थी, के प्रभू यीशू खे मँरें अँदें मुझ्शो पाछू ऊबो जीऊँणों जरूरी थियों। 10तबे सेजे चैले पाछ़ू आप्णें-आप्णें घहरे हुटे।
मरियम-मंगदलीनी कैई दर्षण दित्ते
(मत्ती 28:9-10; मरकुस 16:9-11)
11परह् मरियम-मंगदलीनी खात्ती-कबर के ओराड़ो कैई बाँऐडी दाँई खह्ड़ी हंऐयों रूऐ रंऐ थी, अरह् तिऐं रूदु-रूदु ओराड़ो की खात्ती-कबर की ढबै ऊँदे नंऐयों भिटी झ़ैठ पाऐ; 12तिऐ देखों के जेथै प्रभू यीशू को मित्तको थंऐ थुओ थियो, तेथै चींटै खह्टुणों बाँम्बे अंदे दो स्वर्गदूत्त, बंईठै अंदे थिऐ: ऐक शिराँनों दा, अरह् ओका लात्तों कैई बंईठा अंदा थिया। 13तबे: तिनू स्वर्गदूत्त ऐं तियों कैई शो पुंह्छ़ो, “ओ तिरंई! तू कैई रूऐ रंऐ?” तिऐं जबाब दिता, “तिन्ऐ मेरे प्रभू ईथै शे आगू नींऐ, अरह् हाँव ने ऐजो जाँण्दी के तिन्ऐं तिनू केथै थऐ थुऐ।” 14ऐजो बुलियों से पाछ़ू खे फ़ीरी, अरह् तिऐं आपु पाछी प्रभू यीशू खह्ल़ी अंदें देखे, परह् तियाँरे तिनू पंह्छ़याँणीं ने; के ऐजे प्रभू यीशू ही असो। 15प्रभू यीशू ऐ तियों कैई शो पुह्छ़ो, “ओ तिरंई! तू कैई रूऐ रंऐ? तुऐं कोसी जुह्ऐ लुवा?” तिऐं तिनखे माँल़ी जाँणियों बुलो; “श्री माँन! जे तुऐं तिनू आगु नींह् थुऐ; तअ ऊँढो बुलो, के तुऐं तिनू केथै थंऐ थुऐ; अरह् हाँव तिनू ईथै शे आगू नींह्ऊँबी।” 16ईन्दें गाशी प्रभू यीशू ऐ तियों खे बुलो, “मरियम!” तिऐं पाछू फ़ीरियों तिनखे इब्रानी भाषा दो बुलो, “रब्बूनी!” मतल्व “हे गुरू जी”।#20:16 “गुरू जी” अरह् तिनखे के के लातो दे फअरियाऐ, अरह् तिन्ऐ तियों खे बुलो, मेरे लातो छुड़ी दे। किन्देंखे के हाव हेभी तोड़ी परंम-पिता पंण्मिश्वर कैई भे ऊबा स्वर्गदूत्तों दे हुटे दा हुटे ने रोही। 17प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।” 18तबे: मरियम-मगदलीनी ऐ ज़ाऐयों चैले कैई ऐजा शुझ़ा दिता, “मुँऐं प्रभू देखी थुऐं, अरह् तिन्ऐं मुँह कैई ऐजी बातो बुली थंई।”
चैले खे दर्षण दित्ते
(मत्ती 28:16-20; मरकुस 16:14-18; लूका 24:36-49)
19तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!” 20अरह् ऐजो बुलियों, प्रभू यीशू ऐं आप्णें चैले कैई शे आप्णें हाथ, अरह् आप्णी कुँछ़ी शी शाफ़्ड़ी देखाऐ; तबे चैले प्रभू देखियों बैजाऐ खुशी-आँनन्दित्त हऐ गुऐ। 21प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।” 22ऐजो बुलियों प्रभू यीशू ऐ तिन गाशी फुक माँरी, अरह् तिन्खे बुलो, “पबित्र-आत्त्मा धारण करह्! 23तुऐं जिनू लोगो के पाप माँफ कर्ले, तिनके पाप माँफ हऐ ज़ाले; अरह् जिनू लोगो के पाप तुऐं माँफ ने करह्, तिनके पाप माँफ ने हले।”
थोमा खे दर्षण दित्ते
24परह् जबे प्रभू यीशू तेथै आप्णें खास-चैले कैई आऐ, तअ तैसी बख्त्ते तिनू आरी ऐक ओका खास-चैला थोंमा, तेथै ने थी; जेस्खे दिदुमुस बुली थिया। 25जबे तिनू ओकी चैले ऐं तैस कैई बुलो, के “आँमें प्रभू देखी थुऐ”; तअ तबे तेने जबाब दिता, “जाँव तोड़ी हाँव तिनके हाथों दा किलो का नींशाँण ने देखी पाँऊ; अरह् हाथो दे लागे अंदे किलो की ठाँव दी आप्णी गुट्ठी ने पाँऊ, अरह् तिनकी कुँछ़ी की शाफ़्ड़ी दा आप्णाँ हाथ ने लाँऊ; ताँव तोड़ी हाँव किऐ भे बिश्वाष ने करदा।” 26आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!” 27तबे प्रभू यीशू ऐ थोंमा खे बुलो, “आप्णीं गुट्ठी लंई मेरे हाथ छ़ुऐयों देख, अरह् आप्णा हाथ मेरी शाफ़्ड़ी के बीचों दा पाऐयों देख; अरह् बै-बिश्वाषी ने, परह् बिश्वाषी बंण।” 28तबे थोंमा ऐ जबाब दिता; “हे मेरे प्रभू! हे मेरे पंण्मिश्वर!” 29प्रभू यीशू ऐ तेस्खे बुलो, “तुँऐं तअ ईन्देखे बिश्वाष करी थुवा, के तुऐं मुँह देखी थुवा? परह् भागोईंत्त असो, सेजे लोग जिन्ऐं मुँह देखी ने थंई; परह् तबे भे से मुँह्दा बिश्वाष करह्!”
ईयो कताबी का मतल्व
30प्रभू यीशू ऐ आप्णें चैले के सहाँम्णें कंऐयों च़ींह्न-चंम्त्तकार देखाऐ, जिन्दें का बंखाँण ईयों कताबी दा ने आथी। 31परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.