यूहन्ना 21
21
प्रभू यीशू ऐ खास-चैले खे दर्षण दित्ते
1ईनू बातो हंणों पाछी, तिबिरियास झील की टीराँव्टी गाशी हजो प्रभू यीशू ऐं आप्णें चैले खे दर्षण दित्ते: 2शमौन पतरस, अरह् थोंमा जेस्खे दिदुमुस बुली थिया, अरह् गलील के काना नंगर का नतनएल, अरह् जबदी के दो बैटे, अरह् प्रभू यीशू के दो ओके चैले तेथै कंट्ठै थिऐ। 3शमौन पतरस ऐ तिनखे बुलो, “हाँव माँछ़ी थाँम्बड़दा ज़ाँदा लागा”; तिन्ऐ तेस्खे बुलो, “आँमें भे तेरी गंईलो चालो।” तबे से चाल पंड़े, अरह् नाव गाशी बंईठै, परह् तियों रात्ती तिनके ऐक भे माँछ़ी ने लागी। 4झ़ीषो भेंयासरों दे, प्रभू यीशू आऐयों झ़िलो की टीराँव्टी दे खह्ड़े हुऐ; परह् तिनू चैले के तिनू पंह्छ़याँण दे ने आई, के ऐजे प्रभू यीशू असो। 5तबे प्रभू यीशू ऐ तिनखे बुलो, “हे नहाँन्ड़िया! कियो तुओं कैई किऐ खाँणों खे असो ऐ?” चैले ऐं जबाब दिता, “किऐ ने आथी।” 6प्रभू यीशू ऐ तिनखे बुलो, “नाव के सोऐं ढबे जाल़ौ का पंण्काव पाव; तअ तुओं किऐ भेंट्लो!” तबे तिन्ऐं जाल़ौ लंई पंण्काव पाया, तअ ऐत्री माँछ़ी जाल़ौ दी फ़शी, के तिनके जाल़ ऊबो भे गाड़ियों ने थियो। 7तबे तेने चैले ऐ जेसी आरी प्रभू यीशू प्यार करह् थिऐ; तेने पतरस खे बुलो, “ऐजे तअ प्रभू असो!” शमौन पतरस ऐ ऐजो शुँणियों; आप्णी लाँकी दा तोलिया बाँना अरह् तेने झीलो दी छ़ाल़ी माँरी, किन्देंखे के से नाँगी थिया। 8अरह् ओके चैले माँछ़ी लंई भरो अंदो जाल़ खीचियों नाव गाशी आऐ; चैले टीराँव्टी शे जादा दुर्के ने थी, परह् किऐ षौ मीटर दुर्के ही थिऐ। 9जबे चैले टीराँव्टी गाशी नाव शे ऊदे ऊत्रे, तअ तबे तिन्ऐ बोल़े अंदे अंगारो गाशी आगे ही थंई अंदी माँछ़ी, अरह् सहाँम्णें थंई अंदी रोटी भे देखी। 10प्रभू यीशू ऐ तिनखे बुलो, “तुऐं हेभी जुण्जी माँछ़ी थाँहम्बड़ी थंई; तिनू मुँझ्शी किऐ माँछ़ी ईथै लियाव।” 11शमौन पतरस नाव दा चड़ा, अरह् तेने जाल़ खीच़ियों टीराँव्टी गाशी आँणों; जिन्दी ऐक षौ तिरपन बड़ी-बड़ी माँछ़ी थी, अरह् ऐत्रें भंहीत्ति माँछ़ी हंणों गाशी भे जाल़ फ़ाटी ने। 12प्रभू यीशू ऐ तिनखे बुलो, “आओ, भोजन करह्” चैले मुँझ्शो कोसी के भे ऐजी हिम्मत ने पंढ़ी, के तिन कैई शो पुह्छो, के “तुऐं कुँण असो?” किन्देंखे के से जाँणों थिऐ, के ऐजे प्रभू ही असो। 13प्रभू यीशू ऊँडे आऐं, अरह् तिन्ऐ रोटी थागी; अरह् चैले खे दिती, अरह् तेष्णीं ही तिन्ऐ चैले खे सेजी माँछ़ी भी दित्ती। 14ऐशे दाँई मँरे अँदे मुँझ्शे ऊँबे जीऊँणों गाशी प्रभू यीशू ऐं आप्णें चैले खे च़ीज़ाल़िऐं दर्षण दित्ते।
प्रभू यीशू अरह् संत्त-पतरस
15खाँणा खाऐयों, प्रभू यीशू ऐ शमौन पतरस कैई शो पुह्छ़ो; “हे शमौन यूहन्ना का बैटा! कियो तू ईनू सोभी शो जादा, मुँह आरी प्यार करे?” तेने जबाब दिता; “होर, प्रभू जी! तुऐं जाँणों ऐं; के हाँव तुओं आरी प्यार करू।” तबे प्रभू यीशू ऐ तेस्खे बुलो, “मेरे छैल़्टू चराओं।” 16प्रभू यीशू ऐ हजो दुज़ालिऐं संत्त-पतरस शो पुह्छ़ो; “हे शमौन यूहन्ना का बैटा! कियो तू मुँह शो प्यार करे ऐ?” तेने तिनखे बुलो, “होर, प्रभू जी! तुँऐं जाँणों ऐ के हाँव तुँओं आरी प्यार करू,” प्रभू यीशू ऐ शमौन-पतरस खे बुलो, “मेरी भैंड़ो की देख्ह-भाल़ करह्।” 17प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।” 18हाँव ताँव कैई ऐक संच्चाऐ बुलू, जबे तू जुवान थिया; तअ आप्णी लाँकी दी आपु गाच़ी बाँनें थिया, अरह् आप्णीं हिछ़या शा जेथै जाँणों चहाँऐ थिया; तेथै ज़ाऐया करे थिया, परह् जबे तू बुड़ा हंऐ ज़ाईला, तअ आप्णें हाथ खह्ड़े करला; अरह् कुँऐ ओका तेरी कंमरी दी गाच़ी बाँनला, अरह् से ताँव तेथै नींला; जेथै तू ज़ाँणों ने चहाईला। 19प्रभू यीशू के बुल्णों का ऐजा मतल्व थिया, के संत्त-पतरस केष्णी मंऊँत्ती लंई, पंण्मिश्वर के बड़ियाऐ करदा: अरह् ऐजो बुलियों, प्रभू यीशू ऐ संत्त-परस खे बुलो, “मुँह पाछ़ी चाल।”
प्रभू यीशू अरह् तिनका प्यारा खास-चैला
20संत्त-पतरस ऐ पाछू फ़ीरियों प्रभू यीशू का सेजा प्यारा खास-चैला आपु पाछ़ी आँदें देखा; मंतल्व सेजा ही चैला, जुण्जा फ़सह की जूंन खाँदी बंख्त्ते प्रभू यीशू के बैजाऐ नंजीक बंईठा अंदा थिया; जेने प्रभू यीशू कैई शा ऐजा सुवाल करा थिया, के “हे प्रभू सेजा कुँण आदमी असो; जुण्जा तुओं खे धोखा देंदा?” 21तबे संत्त-पतरस ऐ तेसी चैला देखियों बुलो, “हे प्रभू जी! ऐस्की का दषा हंदी?” 22प्रभू यीशू ऐ तेस्खे बुलो, “जे हाँव चहाँऊ, के ऐ मेरी आँणों तोड़ी ईथै रंह्, तअ तेरे ईन्दे शो का लोणों? तू मुँह पाछी चाल।” 23ईन्देंखे बिश्वाषी भाऐ-बंईणों मुँझी सेजी बात फऐली गऐ, के ऐजा चैला कंद्दी ने मंर्दी, तबे भे प्रभू यीशू ऐ तेस्खे ऐजो ने बुली; के तू कंद्दी ने मर्दी; परह् तिन्ऐ ऐजो बुलो, के “जे हाँव चहाँऊ, के ऐ मेरे पाछू आणों तोड़ी ईथी रंह्दा, तअ तेरे ईन्दें शो का लणों?”
आखरी बात
24से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो। 25प्रभू यीशू ऐ ओके भे बैजाऐ च़ींह्न-चंम्त्तकार करी थुऐ थिऐ; अरह् जे आँमें ईन्दे का ऐक-ऐक करियों लीखित्त बखाँण कर्दे, तअ हाँव ऐशो जाँणू, के जुण्जी कताबी लिखी ज़ाँदी से संईसारी दी भे संमाँदी ने थी।
Currently Selected:
यूहन्ना 21: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
यूहन्ना 21
21
प्रभू यीशू ऐ खास-चैले खे दर्षण दित्ते
1ईनू बातो हंणों पाछी, तिबिरियास झील की टीराँव्टी गाशी हजो प्रभू यीशू ऐं आप्णें चैले खे दर्षण दित्ते: 2शमौन पतरस, अरह् थोंमा जेस्खे दिदुमुस बुली थिया, अरह् गलील के काना नंगर का नतनएल, अरह् जबदी के दो बैटे, अरह् प्रभू यीशू के दो ओके चैले तेथै कंट्ठै थिऐ। 3शमौन पतरस ऐ तिनखे बुलो, “हाँव माँछ़ी थाँम्बड़दा ज़ाँदा लागा”; तिन्ऐ तेस्खे बुलो, “आँमें भे तेरी गंईलो चालो।” तबे से चाल पंड़े, अरह् नाव गाशी बंईठै, परह् तियों रात्ती तिनके ऐक भे माँछ़ी ने लागी। 4झ़ीषो भेंयासरों दे, प्रभू यीशू आऐयों झ़िलो की टीराँव्टी दे खह्ड़े हुऐ; परह् तिनू चैले के तिनू पंह्छ़याँण दे ने आई, के ऐजे प्रभू यीशू असो। 5तबे प्रभू यीशू ऐ तिनखे बुलो, “हे नहाँन्ड़िया! कियो तुओं कैई किऐ खाँणों खे असो ऐ?” चैले ऐं जबाब दिता, “किऐ ने आथी।” 6प्रभू यीशू ऐ तिनखे बुलो, “नाव के सोऐं ढबे जाल़ौ का पंण्काव पाव; तअ तुओं किऐ भेंट्लो!” तबे तिन्ऐं जाल़ौ लंई पंण्काव पाया, तअ ऐत्री माँछ़ी जाल़ौ दी फ़शी, के तिनके जाल़ ऊबो भे गाड़ियों ने थियो। 7तबे तेने चैले ऐ जेसी आरी प्रभू यीशू प्यार करह् थिऐ; तेने पतरस खे बुलो, “ऐजे तअ प्रभू असो!” शमौन पतरस ऐ ऐजो शुँणियों; आप्णी लाँकी दा तोलिया बाँना अरह् तेने झीलो दी छ़ाल़ी माँरी, किन्देंखे के से नाँगी थिया। 8अरह् ओके चैले माँछ़ी लंई भरो अंदो जाल़ खीचियों नाव गाशी आऐ; चैले टीराँव्टी शे जादा दुर्के ने थी, परह् किऐ षौ मीटर दुर्के ही थिऐ। 9जबे चैले टीराँव्टी गाशी नाव शे ऊदे ऊत्रे, तअ तबे तिन्ऐ बोल़े अंदे अंगारो गाशी आगे ही थंई अंदी माँछ़ी, अरह् सहाँम्णें थंई अंदी रोटी भे देखी। 10प्रभू यीशू ऐ तिनखे बुलो, “तुऐं हेभी जुण्जी माँछ़ी थाँहम्बड़ी थंई; तिनू मुँझ्शी किऐ माँछ़ी ईथै लियाव।” 11शमौन पतरस नाव दा चड़ा, अरह् तेने जाल़ खीच़ियों टीराँव्टी गाशी आँणों; जिन्दी ऐक षौ तिरपन बड़ी-बड़ी माँछ़ी थी, अरह् ऐत्रें भंहीत्ति माँछ़ी हंणों गाशी भे जाल़ फ़ाटी ने। 12प्रभू यीशू ऐ तिनखे बुलो, “आओ, भोजन करह्” चैले मुँझ्शो कोसी के भे ऐजी हिम्मत ने पंढ़ी, के तिन कैई शो पुह्छो, के “तुऐं कुँण असो?” किन्देंखे के से जाँणों थिऐ, के ऐजे प्रभू ही असो। 13प्रभू यीशू ऊँडे आऐं, अरह् तिन्ऐ रोटी थागी; अरह् चैले खे दिती, अरह् तेष्णीं ही तिन्ऐ चैले खे सेजी माँछ़ी भी दित्ती। 14ऐशे दाँई मँरे अँदे मुँझ्शे ऊँबे जीऊँणों गाशी प्रभू यीशू ऐं आप्णें चैले खे च़ीज़ाल़िऐं दर्षण दित्ते।
प्रभू यीशू अरह् संत्त-पतरस
15खाँणा खाऐयों, प्रभू यीशू ऐ शमौन पतरस कैई शो पुह्छ़ो; “हे शमौन यूहन्ना का बैटा! कियो तू ईनू सोभी शो जादा, मुँह आरी प्यार करे?” तेने जबाब दिता; “होर, प्रभू जी! तुऐं जाँणों ऐं; के हाँव तुओं आरी प्यार करू।” तबे प्रभू यीशू ऐ तेस्खे बुलो, “मेरे छैल़्टू चराओं।” 16प्रभू यीशू ऐ हजो दुज़ालिऐं संत्त-पतरस शो पुह्छ़ो; “हे शमौन यूहन्ना का बैटा! कियो तू मुँह शो प्यार करे ऐ?” तेने तिनखे बुलो, “होर, प्रभू जी! तुँऐं जाँणों ऐ के हाँव तुँओं आरी प्यार करू,” प्रभू यीशू ऐ शमौन-पतरस खे बुलो, “मेरी भैंड़ो की देख्ह-भाल़ करह्।” 17प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।” 18हाँव ताँव कैई ऐक संच्चाऐ बुलू, जबे तू जुवान थिया; तअ आप्णी लाँकी दी आपु गाच़ी बाँनें थिया, अरह् आप्णीं हिछ़या शा जेथै जाँणों चहाँऐ थिया; तेथै ज़ाऐया करे थिया, परह् जबे तू बुड़ा हंऐ ज़ाईला, तअ आप्णें हाथ खह्ड़े करला; अरह् कुँऐ ओका तेरी कंमरी दी गाच़ी बाँनला, अरह् से ताँव तेथै नींला; जेथै तू ज़ाँणों ने चहाईला। 19प्रभू यीशू के बुल्णों का ऐजा मतल्व थिया, के संत्त-पतरस केष्णी मंऊँत्ती लंई, पंण्मिश्वर के बड़ियाऐ करदा: अरह् ऐजो बुलियों, प्रभू यीशू ऐ संत्त-परस खे बुलो, “मुँह पाछ़ी चाल।”
प्रभू यीशू अरह् तिनका प्यारा खास-चैला
20संत्त-पतरस ऐ पाछू फ़ीरियों प्रभू यीशू का सेजा प्यारा खास-चैला आपु पाछ़ी आँदें देखा; मंतल्व सेजा ही चैला, जुण्जा फ़सह की जूंन खाँदी बंख्त्ते प्रभू यीशू के बैजाऐ नंजीक बंईठा अंदा थिया; जेने प्रभू यीशू कैई शा ऐजा सुवाल करा थिया, के “हे प्रभू सेजा कुँण आदमी असो; जुण्जा तुओं खे धोखा देंदा?” 21तबे संत्त-पतरस ऐ तेसी चैला देखियों बुलो, “हे प्रभू जी! ऐस्की का दषा हंदी?” 22प्रभू यीशू ऐ तेस्खे बुलो, “जे हाँव चहाँऊ, के ऐ मेरी आँणों तोड़ी ईथै रंह्, तअ तेरे ईन्दे शो का लोणों? तू मुँह पाछी चाल।” 23ईन्देंखे बिश्वाषी भाऐ-बंईणों मुँझी सेजी बात फऐली गऐ, के ऐजा चैला कंद्दी ने मंर्दी, तबे भे प्रभू यीशू ऐ तेस्खे ऐजो ने बुली; के तू कंद्दी ने मर्दी; परह् तिन्ऐ ऐजो बुलो, के “जे हाँव चहाँऊ, के ऐ मेरे पाछू आणों तोड़ी ईथी रंह्दा, तअ तेरे ईन्दें शो का लणों?”
आखरी बात
24से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो। 25प्रभू यीशू ऐ ओके भे बैजाऐ च़ींह्न-चंम्त्तकार करी थुऐ थिऐ; अरह् जे आँमें ईन्दे का ऐक-ऐक करियों लीखित्त बखाँण कर्दे, तअ हाँव ऐशो जाँणू, के जुण्जी कताबी लिखी ज़ाँदी से संईसारी दी भे संमाँदी ने थी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.