John 13
13
1Ba h͈ewte i njot ga lāta jot, Yesu ka h͈am ne wah͈tu am dikasi na ba mo di bayi aduna si dem fa Bay ba, naka mu sope won yos am ña neka chi aduna si, mu sopa len be cha muj ga.
2Te cha wah͈tu’ rêr, Seytane nak def on na jēg chi h͈ol i Judas Iscariot, dōm i Simon, mu or ko,
3Yesu ka h͈am ne Bay ba joh͈ na yef yepa chi i loh͈o am, te juge won na cha Yalla, te di na dem fa Yalla,
4Mu jog cha rêr ba, te sumi cholay am; te jel ser te lah͈asayo ko.
5Cha ganou mu soti ndoh͈ chi ndap, te dôr di rah͈as i tank’ i talube ya, te fompa len ak ser ba mu lah͈asayo won.
6Mu ñou fi Simon Peter itam. Mu ne ko, Borom bi, ndah͈ da nga rah͈as suma i tanka?
7Yesu tontu te ne ko, Li ma def h͈amu la ko lēgi; wande di nga ko h͈ami cha ganou.
8Peter ne ko, Do rah͈as suma i tanka muka. Yesu tontu ko, ne, Su ma la rah͈asul, do am bena cher chi man.
9Simon Peter ne ko, Borom bi, dowul suma i tanka reka, wande itam suma i loh͈o ak suma bopa.
10Yesu ne ko, Ku sangu on soh͈lawul a rah͈asu, ganou i tank’ am, wande set na be sotal: te yēn a set, wande dowul ñepa.
11Ndege h͈am on na ku ko ori; tah͈na mu ne, Yēn ñepa setu len.
12Ba mu rah͈as on sēn i tanka nak, te solati cholay am, te tōgati, mu ne len, Ndah͈ h͈am ngēn li ma len defal?
13Yēn angi ma ôe Jemantalkat bi ak Borom bi: te wah͈ ngēn dega; ndege mā di kōku.
14Mōtah͈ su ma rah͈ase sēn i tanka, man mi di sēn Borom ak Jemantalkat, yēn itam war ngēn di rah͈asante sēn i tanka ku neka ak morom am.
15Ndege joh͈ nā len royukay, ndah͈ ngēn war a def itam niki ma len defal on.
16Chi dega, chi dega, mangi len di wah͈, Jām upul Borom am; te yonent upul ka ko yōni on.
17Su ngēn h͈ame yef yile, barkel chi yēn su ngēn len defe.
18Dowul yēn ñepa lā wah͈: h͈am nā ña ma tan’ on: wande ndah͈ mbinda ma motaliku, Ka leka suma mburu yēkati na testan am chi man.
19Ganou lile di nā len ko yēgal bala mu jot, ndah͈ bu mu jote, di ngēn gumi ne man la.
20Chi dega, chi dega, mangi len di wah͈, Ku nangu ku neka ka ma yōni, man la nangu; te ku ma nangu, mōm ka ma yōni on la nangu.
21Ba Yesu wah͈e nōgule, mu jāh͈le chi nh͈el, te mu sēde, ne, Chi dega, chi dega, ma ne len, ne kena chi yēn di na ma ori.
22Talube ya sêtante nañu, te fōgante ku mu wah͈.
23Bena cha i talube am angi cha tabul ba, ka Yesu sop’ on, di wēru chi den’ i Yesu.
24Simon Peter nak joh͈oñ ko, te ne ko, Wah͈ ñu kan la wah͈al.
25Mōm itam di wēru nōnule chi den’ i Yesu, ne ko, Borom bi, kan la?
26Yesu tontu, ne, Mō di ki ma joh͈i dogit i mburu bi ma h͈ōj. Ba mu h͈ōje dogit ba nak, mu jel ko te joh͈ ko Judas, dōm i Simon Iscariot.
27Te cha ganou dogit ba Seytane duga chi mōm. Tah͈na Yesu ne ko, Li nga def, def ko bu gou.
28Ken cha tabul ba nak h͈amul on lutah͈ mu wah͈ ko lōlu.
29Ndege ñena dēfe on nañu, ne naka Judas ame won mbus ma, Yesu nôn ko, Jendal lu ñu soh͈la chi h͈ewte gi; mbāte mu sarah͈ miskin yi.
30Mōm nak, ba mu nangu on dogit ba, mu gēna cha tah͈ouay: te gudi la won.
31Ba mu gēne, Yesu ne, Lēgi nak Dōm i nit ka am na ndam, te Yalla am na ndam chi mōm.
32Te Yalla di na ko magal chi bop’ am, te lēgi mu magal ko.
33H͈alel yu tut yi, wah͈tu wu new lā neki ak yēn. Di ngēn ma ūti: te naka ma wah͈ on Yauod ya, ne, Fa ma di dem, du len fa mun a dika; nōgule lā wah͈ chi yēn.
34Eble bu ês lā len di joh͈, ndah͈ ngēn sopante; naka ma len sope sah͈ yēn itam na ngēn sopante.
35Chi lile la ñepa di h͈ami ne yēn a di suma i talube, su ngēn sopante.
36Simon Peter ne ko, Borom bi, ana fo di dem? Yesu tontu, ne, Fa ma dem, do ma mun a topa lēgi; wande cha ganou ga di nga ma topa.
37Peter ne ko, Borom bi, ana lutah͈ be du ma la mun a topa be lēgi sah͈? Ngir you di nā tedal suma bakan.
38Yesu tontu, ne, Ndah͈ di nga tedal sa bakan ngir man? Chi dega, chi dega, ma ne la, Seh͈a ga du sab, be nga ma wēdi ñet i yōn.
Currently Selected:
John 13: GWG
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1882-1907.
