Matteiu 19
19
CAP. XIX.
1E quandu Ghiesù ebbe finitu sti discorsi, si n’ andò da la Galilea a li cunfini di la Ghiudea al di là di lu Ghiurdanu,
2E lu seguitonu molte ghienti, e li guarì culà.
3E s’ avvicinonu ad ellu i Farisei per tentallu, dicendu: È mica permessu a l’ omu di mandà via la moglie, per una causa qualunque?
4Ed ellu li rispose: Nun avete lettu, che quellu, che ha fattu l’ omu da principiu, li fece masciu e femina? e disse:
5Per questu l’ omu abbandunarà lu babbu, e la mamma, e starà strintu a la so moglie, e sarannu dui in una carne.
6Perciò nun so’ più dui, ma una carne. Adunque che l’ omu nun divida ciò, che Diu ha unitu.
7Li dissinu: Ma per cosa Musè urdinò di dà lu libellu di lu ripudiu, e di dividasi?
8Ellu li disse: Per via di la durezza di lu vostru core Musè vi permisse di mandà via le vostre mogli: ma da principiu nun era cusì.
9Ma eiu vi dicu: Quellu, che mandarà via la moglie, se non per causa d’ adulteriu, e si ne pigliarà un’ altra, cummette un adulteriu: e quellu, che piglia la donna mandata via, cummette un adulteriu.
10Allora li so’ discipuli li dissinu: Se quessa è la cundizione di l’ omu cun la donna, nun torna a contu a maritassi.
11Ellu li disse: Nun capiscunu tutti sta parola, ma sulamente quelli, a li quali è statu datu di capilla.
12Perchè ci so’ di l’ eunuchi, che so’ nati cusì da lu corpu di le so’ mamme: ci so’ di l’ eunuchi, che so’ stati fatti da l’ omi: e ci so’ di l’ eunuchi, che si so’ castrati da per elli per guadagnà lu regnu di li celi. Che quellu, che po capì, capisca.
13Allora li funu presentati di li chiucarelli, per ch’ ellu l’ impunisse le mani, e pregasse. E li so’ discipuli li rimpruvaravanu.
14Ma Ghiesù li disse: Lasciate in pace li picculi, e nun l’ impedite di vena pressu di me: perchè lu regnu di li celi è a sti tali.
15E dopu avelli impostu le mani, si n’ andò da culà.
16Ed eccu che unu avvicinandusi, li disse: Bon Maestru, cosa putragghiu fà di bè per avè la vita eterna?
17Ellu li disse: Per cosa m’ interrugheghi su lu bè? Unu solu è bonu, Iddiu. Se poi tu voi intrà in la vita, usserva li cumandamenti.
18E quali so’, disse quellu? Ghiesù rispose: Nun farè umicidiu: Nun farè adulteriu: Nun farè latruciniu: Nun farè lu falsu tistimoniu:
19Unora lu to babbu, e la to mamma, e teni caru lu to prossimu come te stessu.
20Lu ghiuvinottu li disse: Agghiu fattu tutte ste cose fin da la me ghiuventù: cosa mi tocca ancora da fà?
21Ghiesù li disse: Se tu voi essa perfettu, vai, vendi quellu, che tu hai, e dallu a li povari, ed aurè un tesoru in lu celu: e veni, e seguiteghiami.
22Quandu lu ghiuvanottu intese ste parole, si n’ andò tuttu tristu: perchè pussidia molti beni.
23E Ghiesù disse a li so’ discipuli: Vi dicu in verità, un riccu intrarà difficilmente in lu regnu di li celi.
24E vi tornu a dì: È più facile ad un camellu di passà per la cruna d’ un agu, che ad un riccu d’ intrà in lu regnu di li celi.
25E li discipuli sintendu ste cose, si maravigliavanu assai, dicendu: Qual è quellu, che si putrà salvà?
26E Ghiesù guardanduli, li disse: Pressu di l’ omi è impussibile: ma pressu di Diu tutte le cose so’ pussibili.
27Allora Petru rispundendu, li disse: Eccu, noi avemu lasciatu tuttu, e ti avemu seguitatu: cosa sarà dunque di noi?
28E Ghiesù disse ad elli: Vi dicu in verità, voi, che mi avete seguitatu, nela righienerazione, quandu lu Figliolu di l’ omu pusarà sopra lu tronu di la so maiestà, pusarete anche voi sopra dodici sedi, ghiudicandu li dodici tribù d’ Isdraellu.
29E quellu, che lasciarà la so casa, o li so’ fratelli, o le surelle, o lu babbu, o la mamma, o la moglie, o li figlioli, o li so’ chiosi per lu me nome, ricivarà centu volte di più, e pussidirà la vita eterna.
30E molti di li primi sarannu ultimi, e molti ultimi sarannu primi.
Currently Selected:
Matteiu 19: CORS1861
Highlight
Share
Copy
Want to have your highlights saved across all your devices? Sign up or sign in
Published in London in 1861.
