Matteiu 6
6
CAP. VI.
1Badate di nun fà le vostre bone opare davanti a l’ omini, per essa viduti da elli: altrimente nun ne sarete ricumpenzati da u vostru Babbu, che è neli celi.
2Adunque, quandu tu farè la limosina, nun sunà la trumbetta, come fannu l’ ipocriti nele sinagoghe, e per le strade, per essa unurati da l’ omini: vi dicu in verità, ch’ elli hannu dighià ricivutu la loru ricumpenza.
3Ma quandu fai la limosina, che nun sappii la to manu sinistra ciò, che fa la to manu dritta:
4Affinchè sii la to limosina nascosta, e che lu to Babbu, che vede in lu segretu, ti la rendi.
5E quandu voi pregate, nun fate come l’ ipocriti, che amanu a stà a pregà nele sinagoghe ed in li canti di le piazze, per essa viduti da l’ omini. Vi dicu in verità, elli hannu dighià ricivutu a loru ricumpenza.
6Ma tu, quandu aurè da pregà, entri in la to stanza, e dopu avè chiusu l’ usciu, prega lu to Babbu in segretu: e lu to Babbu, che vede in lu segretu, ti ne darà ricumpenza.
7Quandu pregarete, nun parlate tantu, come fannu i pagani. Elli pensanu, che parlandu assai sarannu intesi.
8Adunque circate a nun sumiglialli. Perchè u vostru Babbu cunosce u vostru bisognu, prima che li lu dumandiate.
9Adunque pregarete cusì: Babbu nostru, che sei in li celi: che lu to nome sii santificatu.
10Che lu to regnu arrivi. Che la to vuluntà sii fatta in celu, come in terra.
11Dacci oghi lu nostru pane cutidianu.
12E rimettici i nostri debiti, siccome li rimittimu noi a li nostri debitori.
13E nun indurci in tentazione. Ma libaraci da lu male. Cusì sii.
14Se voi rimittite i so’ peccati a l’ omini: u vostru Babbu celeste vi perdunarà li vostri delitti.
15Ma se voi nun perdunate a l’ omini: nè mancu lu vostru Babbu vi perdunarà li vostri peccati.
16Quandu poi dighiunarete, nun fate l’ afflitti, come l’ ipocriti. Questi sfiguranu la so faccia, per dà a cunoscia a l’ omini, ch’ elli dighiunanu. Vi dicu in verità, elli hannu dighià ricivutu la loru ricumpenza.
17Ma tu, quandu tu dighiuni, ugniti lu capu, e lavati la faccia,
18Affinchè tu nun apparischi a l’ omini facendu lu dighiunu, ma che sii vistu da lu to Babbu, che vede in lu segretu: e lu to Babbu, che vede in lu segretu, ti ne darà ricumpenza.
19Nun circate a fà la ropa su la terra: induva la rughina, e li guarmi la cunsumànu: e duva li latri la dissutterranu per rubbassela.
20Ma circate ad accrescia di li tesori in lu celu: induva la rughina, e li guarmi nun li cunsumanu, e induva li latri nun li caccianu da sottuterra, nè se l’ arrubbanu.
21Perchè induv’ è lu to tesoru, culà è lu to core.
22Lu to ochiu è lu lume di lu to corpu. Se lu to ochiu è semplice: tuttu lu to corpu sarà schiaritu.
23Ma se lu to ochiu è difettosu: tuttu lu to corpu sarà uscuratu. Adunque, se la luce, ch’ è in te, diventa tenebrosa: quantu grandi sarannu le tenebre stesse?
24Nissunu po serva dui patroni: perchè o odiarà l’ unu, ed amarà l’ altru: o sustinirà l’ unu, e sprezzarà l’ altru. Nun putete serva a Diu, e a le ricchezze.
25Adunque vi dicu, nun vi affannate per sapè cosa avete da magnà, nè comu vistirete lu vostru corpu. L’ anima nun è ella più che lu cibu: e lu corpu più che lu vistimentu?
26Guardate l’ acelli di lu celu, i quali nè seminanu, nè cogliunu, nè tornanu la biada in lu granaghiu: e u vostru Babbu celeste li pasce. Nun sete voi più assai che elli?
27Qual è quellu di voi, che pensandu assai putria crescia u so corpu di un cubitu?
28E per cosa vi affannate di lu vostru vistimentu? Guardate come crescunu li gigli di lu campu: elli nun lavoranu, nè mancu filanu.
29Or eiu dicu, che Salumone vistitu in tutta la so gloria nun fu vistitu mai come unu di questi.
30Adunque, se Diu veste cusì lu fenu di lu chiosu, che oghi è, e dumane sarà ghittatu in lu fornu: quantu megliu vistirà a voi altri ghiente di poca fede?
31Adunque nun pensarete, dicendu: Cosa magnaremu, o cosa biaremu, o come ci vistiremu?
32Perchè questi so’ li penseri di li ghientili. Or lu vostru Babbu sa, che voi avete bisognu di tutte ste cose.
33Adunque circate in primu lu regnu di Diu e la so ghiustizia: ed aurete tutte ste cose di soprapiù.
34Adunque nun vi affannate per lu lindumane. Dumane ci pensarà da per ellu. Ad ogni ghiornu basta lu so affannu.
Currently Selected:
Matteiu 6: CORS1861
Highlight
Share
Copy
Want to have your highlights saved across all your devices? Sign up or sign in
Published in London in 1861.
