Kumsada 23
23
Mortu di Sara
1Sara ciga na idadi di sentu i vinti i seti anu, 2i muri na Kiriat-Arba, ku sedu Ebron,#Kap 13.18; Jos 14.15 na tera di Kanaan. Abraon bai cora riba di Sara, i tenba pena del.
3Dipus, Abraon lanta dianti di si difuntu, i bai papia ku fijus di#Kap 15.20 Et, i fala elis: 4“Ami i stranjeru#Kap 17.8; 47.9; Sir 25.23; Eb 11.9 ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”
5Fijus di Et ruspundi Abraon, e falal: 6“Siñor, sukuta ke ku no na falau. Abo i ŝef di puder na no metadi. Ntera bu difuntu na kau ku bu kuji na no simiteriu. Nin un son di nos ka na tujiu ntera bu difuntu na si simiteriu.”
7Abraon lanta, i mpina dianti di jinti di ki tera, ku sedu fijus di Et, 8i fala elis: “Si bo sta pruntu pa N ntera ña difuntu, bo sukutan; bo bai papia pa mi ku Efron, fiju di Zoar. 9Bo pidil pa i bindin ki koba di Makpela ki tene na fin di si terenu. Bo pidil pa i bindin el pa pres sertu, pa N pudi tenel suma simiteriu na bo metadi.”
10Efron, ku seduba eteu, sintaba na metadi di si jinti. I ruspundi Abraon dianti di fijus di Et ku tudu kilis ku staba na porton di se prasa, i falal: 11“Nau Siñor; sukutan. N patiu ki terenu, ku ki koba ku sta nel. N patiu el dianti di ña parentis. Bu pudi ntera bu difuntu.”
12Abraon torna mpina dianti di jinti di ki tera, 13i fala Efron dianti delis: “N pidiu pa bu sukutan, si bu sta pruntu. N na pagau pres di ki terenu. Tomal na ña mon; N ta ntera ña difuntu la.”
14Efron ruspundi Abraon, i falal: 15“Siñor, sukutan. Balur di terenu i di kuatrusentus mueda di prata. Es i ke na metadi di mi ku bo? Ntera bu difuntu.”
16Abraon seta palabra di Efron, i pesa pa el ki pres ki comaba dianti di fijus di Et, ku sedu kuatrusentus mueda di prata, konformi midida ku pudu na metadi di nogosiantis. 17Asin ki terenu di Efron, ku staba na Makpela, pertu di Manre, terenu tudu ku koba ku staba la, ku tudu arvuris ku staba na terenu dentru di tapada, 18i bin sedu di Abraon, dianti di fijus di Et ku tudu kilis ku staba na porton di prasa.
19Dipus Abraon ntera si minjer Sara na koba di terenu di Makpela,#Kap 25.9-10; 49.30-31; 50.13; At 7.16 pertu di Manre (ku sedu Ebron) na tera di Kanaan. 20Asin terenu ku koba ku sta nel bin pasa di mon di fijus di Et pa Abraon, ku fasil simiteriu.
Currently Selected:
Kumsada 23: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
