Kumsada 22
22
Deus manda Abraon mata si fiju
1Mas tardi, Deus spurmenta Abraon, i comal: “Abraon!” Abraon kudil: “Alin li.” 2Deus falal: “Toma Isak, bu fiju#1 Jon 4.9-10 un son, kil ku bu ama, bu bai pa tera di Moriá,#2 Kron 3.1 bu matal riba di altar, bu kemal suma oferta, riba di un di montañas ku N na mostrau.”
3Abraon lanta di mandrugada, i purpara si buru, i leba dus di si kriadus, ku si fiju Isak, i findi leña pa oferta kemadu, i pega kamiñu, i bai pa lugar ku Deus kontalba. 4Na terseru dia, Abraon yalsa si uju, i oja ki kau di lunju. 5I fala si kriadus: “Bo fika li ku buru. Ami ku ña fiju no na bai te la. Ora ku no kaba adora Deus, no na riba#Eb 11.17-19 mas pa bos.”
6Abraon toma leña pa oferta kemadu, i karganta#Jon 19.17 si fiju Isak. El i toma fugu ku faka na mon; e bai, elis dus. 7Isak fala si pape Abraon: “Papa.” Abraon kudil: “Ña fiju, alin li.” Isak falal: “Ali fugu ku leña, ma nunde karnel pa oferta kemadu?”
8Abraon falal: “Ña fiju, i Deus propi ku na danu karnel#Jon 1.29,36; 1 Ped 1.18-20; Apok 5.6,12; 7.14; 13.8 ku no pirsisa pa oferta kemadu.” Asin elis dus e bai juntu. 9Oca ke ciga na ki kau ku Deus falal, Abraon kumpu un altar la. I ruma leña, i mara#Sal 118.27; Mat 27.2 si fiju, i ditandal na altar riba di leña. 10I distindi si mon, i toma faka pa mata#Tia 2.21 si fiju, 11ma anju di SIÑOR grital desdi seu, i comal: “Abraon! Abraon!” Abraon kudi i fala: “Alin li.”
12I falal: “Ka bu pui mon na rapas; ka bu fasil nada. Gosi N sibi kuma bu rispita Deus. Bu ka tujin bu fiju un son.”
13Abraon yalsa uju, i oja un karnel macu si tras, ku mbaransaba ku si cifris na matu. I bai, i toma karnel, i sakrifikal suma oferta kemadu na konta di si fiju. 14Abraon coma nomi di ki kau “SIÑOR ku ta da kil ki pirsis.” Te aos i ta faladu: “Na monti di SIÑOR kusa ki pirsis i ta dadu.”
15La na seu anju di SIÑOR torna grita Abraon sugundu bias, 16i falal: “Ami, SIÑOR, N na jurmenta pa ña propi kabesa#Is 45.23; Jer 49.13; 51.14; Am 6.8; Eb 6.13-14 kuma, suma ku bu fasi es, bu ka tujin bu fiju, ki un son ku bu tene, 17sin falta N na bensuau, N na fasi bu jorson pa i ciu#Kap 15.5 suma strelas di seu o suma reia ku sta na praia di mar. E na ngaña#Kap 24.60; Sal 72.8-9 se inimigus, e toma se prasas. 18Suma ku bu obi ke ku N falau, tudu nasons#Kap 12.3; 26.4 di mundu na bensuadu pabia di bu jorson.”#22.18 jorson o simentera.
19Abraon riba pa si kriadus; e bai juntu pa Berseba, nunde ku Abraon moraba nel.
Fijus di Naor
20Dipus de kusas tudu, jinti ciga e konta Abraon kuma Milka#Kap 11.29 padi fijus pa si ermon Naor. 21Uz#Jo 1.1 i si purmeru fiju, ku Buz si ermon, ku Kemuel, pape di Aran, 22ku Késed, Azu, Pildas, Jidlaf ku Betuel. 23Betuel padi Rebeka.#Kap 24.15 Milka padi ki oitu fiju pa Naor, ermon di Abraon. 24Si kumadri, ku teneba nomi di Reumá, i padi ku el tambi Teba, Gaon, Taas ku Maaka.
Currently Selected:
Kumsada 22: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
