Mataayo 16
16
ABhafalisaayo bhahwanza ɨshimanyishizyo ɨsha‑afume hu mwanya
(Maalʉko 8:11-13; Luuka 12:54-56)
1Isiku limo aBhafalisaayo na Bhasadukaayo bhamo bhahɨnza hwa Yeesu, bhahanʼjela hwi‑idala ɨlya hunʼnaabhe abhalolesye ɨshimanyishizyo sha shimanyisya huje afumile hwa Ngʉlʉbhɨ. 2ɄYeesu ahabhaamula ahaga, “Nkashele hwafiha lyabheela, muyanga huje, ‘Ɨndaabhɨ hwahayisha shinza, pɨpo hu mwanya huzelu.’ 3Leelo hu habhaazyo aha shampwi muyanga huje, ‘Sanyʉʉnʉ ɨmvula ɨbhala‑atoonye, pɨpo hu mwanya hwilu, nantele huli na mabhɨngo.’ Ɨsho amwɨ mumɨɨnye huvyaganye ɨvimanyishizyo ɨvya hu mwanya, lyoli saga mumɨɨnye huvyaganye ɨvimanyishizyo ɨvyɨ habhaazyo ɨha. 4Abhantu abhɨ habhaazyo ɨha, bhabhiibhi nantele bheegu, bhahwanza ɨshimanyishizyo. Saga ɨnza hubhalolesye ɨshimanyishizyo shoshonti lyoli shishiila sha nʼkuwi ʉYoona.” Ɨpo ʉYeesu ahabhaleha, ahasogola.
ɄYeesu ahubhasunda abhasundwe hu nongwa ya Bhafalisaayo na Bhasadukaayo
(Maalʉko 8:14-21)
5Hu habhaazyo ɨho abhasundwe bha Yeesu lwa bhalobhoha ɨnsʉmbi, bhahɨwɨɨlwe apaye ɨntogito. 6ɄYeesu ahabhabhʉʉzya ahaga, “Mubhanje maaso na hwidiime nʉ safu wa Bhafalisaayo na Bhasadukaayo.” 7Abhasundwe bhaala bhahanda ajeehane bheene hu bheene bhahaga, “Ayanjile ɨsho, pɨpo saga tipayile ɨntogito ziila.” 8ɄYeesu agamɨɨnye gonti ɨgo, ahabhabhʉʉzya ahaga, “Amwɨ mubhantu mwa muli nʉ lwɨtɨho ʉludoodo! Yeenu amwɨ mujeehana huje saga muli nɨ ntogito? 9Wɨlɨ, musɨɨle huzyaganye? Wɨlɨ, musɨɨle ahwizushe ɨsho abhantu bhaala ɨelufu zisaanu bhahanguute hu ntogito ziila zisaanu? Wɨlɨ, mwahamemiizye ɨviseje vilɨnga vya vyahasyalile? 10Awe ɨntogito ziila pʉnga (7) hwa bhantu bhaala ɨelufu zinɨ, wɨlɨ, mwahabhʉngɨɨnye ɨviseje vilɨnga? 11Wɨlɨ, ɨshi saga muhuzyaganya huje saga ɨyanga ɨntogito? Ɨshi, mubhanje maaso nʉ safu ʉwa Bhafalisaayo na Bhasadukaayo.” 12Ɨpo abhasundwe bhaakwe bhahazyaganya huje saga ahayangaga hu nongwa yɨ safu ʉwa‑adudule ɨntogito, lyoli hu nongwa yɨ manyizyo ɨzi‑ilenga ɨzya Bhafalisaayo na Bhasadukaayo.
ɄPeeteli ayanga huje ʉYeesu yʉ Kilisiti
(Maalʉko 8:27-30; Luuka 9:18-21)
13ɄYeesu lwa waafiha ɨmbali ɨzya hwi‑ibooma ɨlyɨ Kayisaliiya Filiipi, ahabhabhʉzɨɨlɨzya abhasundwe bhaakwe ahaga, “Ɨshi, abhantu bhahunjanga huje anɨ nɨ‑ɨndi Mwana wa Muntu nɨ naanu?” 14Bhahamʼmwamula bhahaga, “Bhamo bhahuyanga huje aawe we Yoohani ʉMwozi, bhamo bhahuyanga huje aawe we nʼkuwi ʉEliya, na bhanjɨ bhahuyanga huje aawe we nʼkuwi ʉYelemiya awe ʉmo mwa bhakuwi abhanjɨ.” 15ɄYeesu ahabhabhʉzɨɨlɨzya nantele ahaga, “Ɨshi amwɨ muhunjanga huje anɨ nɨ weenu?” 16ɄSiimoni Peeteli ahamʼmwamula ahaga, “Aawe we Mʼfyʉli, ʉMwana wa Ngʉlʉbhɨ ʉyo ali mwʉmi.”
17ɄYeesu ahamʼmʉʉzya ahaga, “Wee Siimoni we mwana wa Yoona, aawe ʉsayiiwe hu nongwa ya‑aje nʉʉmo ʉmuntu aʼkwinkuliiye ɨgo, lyoli yʉ Yise waanɨ ʉyo ali hu mwanya. 18Nanɨ ɨhubhʉʉzya huje aawe we Peeteli,#16:18 ɄPeeteli hwa huje, ilyalawe. na pa mwanya pi‑ilyalawe ɨli ɨpo pa nahayizenga ɨshibhanza shaanɨ, ni‑ikhone ɨlya huzimu saga lyahayitola dumu. 19Nanɨ nahayihupeela ɨnyigulilo ɨzyɨ wumwɨnɨ ʉwa hu mwanya huje gonti ɨgo ʉhugapinya mwi‑itaawa lyanɨ mu nsi ɨnɨ, ʉNgʉlʉbhɨ wope anza hugapinye hu mwanya. Nantele, gonti ɨgo ʉhugasatula mwi‑itaawa lyanɨ mu nsi ɨnɨ, ʉNgʉlʉbhɨ wope anza hugasatule hu mwanya.” 20Ɨpo ʉYeesu ahabhasunda abhasundwe bhaakwe bhaala huje, bhasahasheele humʼmʉʉzye ʉmuntu wowonti huje ʉmwene yʉ Kilisiti, ʉMʼfyʉli.
ɄYeesu akuwa afwe na‑azyʉshe hwakwe
(Maalʉko 8:31-9:1; Luuka 9:22-27)
21Ahwande hu habhaazyo ɨho, ʉYeesu ahandile hubhabhʉʉzye abhasundwe bhaakwe pa pazelu huje, “Ɨhwanziwa abhale hu Yelusaleemu. Ʉhwo abhagoosi, abhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose#16:21 abhagoosi, abhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose Ɨmpʉga zitaatu ɨzi zyahali likoloti lya Bhayahuudi. Bhaazya izwi Ikoloti hu Ngalulanyo ɨyɨ Mazwi aMajenu hu malishilo wɨ shitaabu ɨshi. bhanza hundavye tee na hungoje. Leelo isiku ɨlya taatu afume afwe hwanɨ, nahayizyʉha.” 22Ɨpo ʉPeeteli ahanʼkwizya panshɨnjɨ, ahanda hunʼnonganye, ahaga, “Wee Mwɨnɨ, ʉNgʉlʉbhɨ agadindizye ɨgo! Gasahasheele huhwaje aawe ɨgo!” 23Leelo ʉYeesu ahagaluha, ahamʼmʉʉzya ʉPeeteli ahaga, “Wee Seetano, epa hwitagaalila lyanɨ! Ʉhunzijila abhombe ɨmbombo zya Ngʉlʉbhɨ! Ʉsɨɨbha zya saga zya Ngʉlʉbhɨ, lyoli ʉsɨɨbha zya zili zya bhantu.”
24Ɨpo ʉYeesu ahabhabhʉʉzya abhasundwe bhaakwe ahaga, “Ʉmuntu wowonti ʉyo ahwanza humbɨnjɨɨlɨle anɨ, saga ahwanziwa huje ahwisaagaje yʉʉyo, lyoli ahwifumyaje anyeemule ɨshikhobheehanyo shaakwe,#16:24 Anyeemule ɨshikhobheehanyo shaakwe hwa huje hunʼtinishe ʉNgʉlʉbhɨ hu mwoyo gwonti na hugɨɨtɨshe amalabha, hwope na‑afwe hu nongwa ya Yeesu. nka‑ayandaje humbɨnjɨɨlɨle anɨ. 25Ʉmuntu ʉyo ahwanza ahwifyʉle ʉwʉʉmi waakwe, ahayihuwuteezya ʉwʉʉmi ʉwa wiila na wiila. Lyoli ʉla wa‑afumya ʉwʉʉmi waakwe hu nongwa yaanɨ, ahayihuwaaga ʉwʉʉmi waakwe ʉwa wiila na wiila. 26Ɨshi ʉmuntu anza huhaaje hantu heenu, nkashele wawaaga ʉtabhazi wonti ʉwa mu nsi na huwuteezye ʉwʉʉmi waakwe? Ɨshi ʉmuntu agaafumya hantu heenu ahagoosi ataane nʉ wʉʉmi waakwe? Saga halɨɨho nahamo! 27Anɨ nɨMwana wa Muntu nahayɨnza peeka na bhantumi bhaanɨ mu mwamu wa Yise waanɨ. Ɨpo nahayihunʼsomba ʉmuntu wowonti alɨngaane nɨ mbombo zyakwe. 28Lyoli ɨhubhabhʉʉzya huje, bhalɨɨho abhantu bhamo pɨɨpa bha saga bhahayifwa sha bhasɨɨle hundole anɨ nɨMwana wa Muntu lwɨ‑ɨhwɨnza hu wumwɨnɨ waanɨ.”
Currently Selected:
Mataayo 16: SBK
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mataayo 16
16
ABhafalisaayo bhahwanza ɨshimanyishizyo ɨsha‑afume hu mwanya
(Maalʉko 8:11-13; Luuka 12:54-56)
1Isiku limo aBhafalisaayo na Bhasadukaayo bhamo bhahɨnza hwa Yeesu, bhahanʼjela hwi‑idala ɨlya hunʼnaabhe abhalolesye ɨshimanyishizyo sha shimanyisya huje afumile hwa Ngʉlʉbhɨ. 2ɄYeesu ahabhaamula ahaga, “Nkashele hwafiha lyabheela, muyanga huje, ‘Ɨndaabhɨ hwahayisha shinza, pɨpo hu mwanya huzelu.’ 3Leelo hu habhaazyo aha shampwi muyanga huje, ‘Sanyʉʉnʉ ɨmvula ɨbhala‑atoonye, pɨpo hu mwanya hwilu, nantele huli na mabhɨngo.’ Ɨsho amwɨ mumɨɨnye huvyaganye ɨvimanyishizyo ɨvya hu mwanya, lyoli saga mumɨɨnye huvyaganye ɨvimanyishizyo ɨvyɨ habhaazyo ɨha. 4Abhantu abhɨ habhaazyo ɨha, bhabhiibhi nantele bheegu, bhahwanza ɨshimanyishizyo. Saga ɨnza hubhalolesye ɨshimanyishizyo shoshonti lyoli shishiila sha nʼkuwi ʉYoona.” Ɨpo ʉYeesu ahabhaleha, ahasogola.
ɄYeesu ahubhasunda abhasundwe hu nongwa ya Bhafalisaayo na Bhasadukaayo
(Maalʉko 8:14-21)
5Hu habhaazyo ɨho abhasundwe bha Yeesu lwa bhalobhoha ɨnsʉmbi, bhahɨwɨɨlwe apaye ɨntogito. 6ɄYeesu ahabhabhʉʉzya ahaga, “Mubhanje maaso na hwidiime nʉ safu wa Bhafalisaayo na Bhasadukaayo.” 7Abhasundwe bhaala bhahanda ajeehane bheene hu bheene bhahaga, “Ayanjile ɨsho, pɨpo saga tipayile ɨntogito ziila.” 8ɄYeesu agamɨɨnye gonti ɨgo, ahabhabhʉʉzya ahaga, “Amwɨ mubhantu mwa muli nʉ lwɨtɨho ʉludoodo! Yeenu amwɨ mujeehana huje saga muli nɨ ntogito? 9Wɨlɨ, musɨɨle huzyaganye? Wɨlɨ, musɨɨle ahwizushe ɨsho abhantu bhaala ɨelufu zisaanu bhahanguute hu ntogito ziila zisaanu? Wɨlɨ, mwahamemiizye ɨviseje vilɨnga vya vyahasyalile? 10Awe ɨntogito ziila pʉnga (7) hwa bhantu bhaala ɨelufu zinɨ, wɨlɨ, mwahabhʉngɨɨnye ɨviseje vilɨnga? 11Wɨlɨ, ɨshi saga muhuzyaganya huje saga ɨyanga ɨntogito? Ɨshi, mubhanje maaso nʉ safu ʉwa Bhafalisaayo na Bhasadukaayo.” 12Ɨpo abhasundwe bhaakwe bhahazyaganya huje saga ahayangaga hu nongwa yɨ safu ʉwa‑adudule ɨntogito, lyoli hu nongwa yɨ manyizyo ɨzi‑ilenga ɨzya Bhafalisaayo na Bhasadukaayo.
ɄPeeteli ayanga huje ʉYeesu yʉ Kilisiti
(Maalʉko 8:27-30; Luuka 9:18-21)
13ɄYeesu lwa waafiha ɨmbali ɨzya hwi‑ibooma ɨlyɨ Kayisaliiya Filiipi, ahabhabhʉzɨɨlɨzya abhasundwe bhaakwe ahaga, “Ɨshi, abhantu bhahunjanga huje anɨ nɨ‑ɨndi Mwana wa Muntu nɨ naanu?” 14Bhahamʼmwamula bhahaga, “Bhamo bhahuyanga huje aawe we Yoohani ʉMwozi, bhamo bhahuyanga huje aawe we nʼkuwi ʉEliya, na bhanjɨ bhahuyanga huje aawe we nʼkuwi ʉYelemiya awe ʉmo mwa bhakuwi abhanjɨ.” 15ɄYeesu ahabhabhʉzɨɨlɨzya nantele ahaga, “Ɨshi amwɨ muhunjanga huje anɨ nɨ weenu?” 16ɄSiimoni Peeteli ahamʼmwamula ahaga, “Aawe we Mʼfyʉli, ʉMwana wa Ngʉlʉbhɨ ʉyo ali mwʉmi.”
17ɄYeesu ahamʼmʉʉzya ahaga, “Wee Siimoni we mwana wa Yoona, aawe ʉsayiiwe hu nongwa ya‑aje nʉʉmo ʉmuntu aʼkwinkuliiye ɨgo, lyoli yʉ Yise waanɨ ʉyo ali hu mwanya. 18Nanɨ ɨhubhʉʉzya huje aawe we Peeteli,#16:18 ɄPeeteli hwa huje, ilyalawe. na pa mwanya pi‑ilyalawe ɨli ɨpo pa nahayizenga ɨshibhanza shaanɨ, ni‑ikhone ɨlya huzimu saga lyahayitola dumu. 19Nanɨ nahayihupeela ɨnyigulilo ɨzyɨ wumwɨnɨ ʉwa hu mwanya huje gonti ɨgo ʉhugapinya mwi‑itaawa lyanɨ mu nsi ɨnɨ, ʉNgʉlʉbhɨ wope anza hugapinye hu mwanya. Nantele, gonti ɨgo ʉhugasatula mwi‑itaawa lyanɨ mu nsi ɨnɨ, ʉNgʉlʉbhɨ wope anza hugasatule hu mwanya.” 20Ɨpo ʉYeesu ahabhasunda abhasundwe bhaakwe bhaala huje, bhasahasheele humʼmʉʉzye ʉmuntu wowonti huje ʉmwene yʉ Kilisiti, ʉMʼfyʉli.
ɄYeesu akuwa afwe na‑azyʉshe hwakwe
(Maalʉko 8:31-9:1; Luuka 9:22-27)
21Ahwande hu habhaazyo ɨho, ʉYeesu ahandile hubhabhʉʉzye abhasundwe bhaakwe pa pazelu huje, “Ɨhwanziwa abhale hu Yelusaleemu. Ʉhwo abhagoosi, abhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose#16:21 abhagoosi, abhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose Ɨmpʉga zitaatu ɨzi zyahali likoloti lya Bhayahuudi. Bhaazya izwi Ikoloti hu Ngalulanyo ɨyɨ Mazwi aMajenu hu malishilo wɨ shitaabu ɨshi. bhanza hundavye tee na hungoje. Leelo isiku ɨlya taatu afume afwe hwanɨ, nahayizyʉha.” 22Ɨpo ʉPeeteli ahanʼkwizya panshɨnjɨ, ahanda hunʼnonganye, ahaga, “Wee Mwɨnɨ, ʉNgʉlʉbhɨ agadindizye ɨgo! Gasahasheele huhwaje aawe ɨgo!” 23Leelo ʉYeesu ahagaluha, ahamʼmʉʉzya ʉPeeteli ahaga, “Wee Seetano, epa hwitagaalila lyanɨ! Ʉhunzijila abhombe ɨmbombo zya Ngʉlʉbhɨ! Ʉsɨɨbha zya saga zya Ngʉlʉbhɨ, lyoli ʉsɨɨbha zya zili zya bhantu.”
24Ɨpo ʉYeesu ahabhabhʉʉzya abhasundwe bhaakwe ahaga, “Ʉmuntu wowonti ʉyo ahwanza humbɨnjɨɨlɨle anɨ, saga ahwanziwa huje ahwisaagaje yʉʉyo, lyoli ahwifumyaje anyeemule ɨshikhobheehanyo shaakwe,#16:24 Anyeemule ɨshikhobheehanyo shaakwe hwa huje hunʼtinishe ʉNgʉlʉbhɨ hu mwoyo gwonti na hugɨɨtɨshe amalabha, hwope na‑afwe hu nongwa ya Yeesu. nka‑ayandaje humbɨnjɨɨlɨle anɨ. 25Ʉmuntu ʉyo ahwanza ahwifyʉle ʉwʉʉmi waakwe, ahayihuwuteezya ʉwʉʉmi ʉwa wiila na wiila. Lyoli ʉla wa‑afumya ʉwʉʉmi waakwe hu nongwa yaanɨ, ahayihuwaaga ʉwʉʉmi waakwe ʉwa wiila na wiila. 26Ɨshi ʉmuntu anza huhaaje hantu heenu, nkashele wawaaga ʉtabhazi wonti ʉwa mu nsi na huwuteezye ʉwʉʉmi waakwe? Ɨshi ʉmuntu agaafumya hantu heenu ahagoosi ataane nʉ wʉʉmi waakwe? Saga halɨɨho nahamo! 27Anɨ nɨMwana wa Muntu nahayɨnza peeka na bhantumi bhaanɨ mu mwamu wa Yise waanɨ. Ɨpo nahayihunʼsomba ʉmuntu wowonti alɨngaane nɨ mbombo zyakwe. 28Lyoli ɨhubhabhʉʉzya huje, bhalɨɨho abhantu bhamo pɨɨpa bha saga bhahayifwa sha bhasɨɨle hundole anɨ nɨMwana wa Muntu lwɨ‑ɨhwɨnza hu wumwɨnɨ waanɨ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.