ปร 2
2
ลอง น็อห พึอม เฌาพรา ตัห ลึบ แคง น็อห ดูอี
1อึณ บอ โนะ พัน ฆึร ซีแง วาย วี ยีต วี อีม เฌา เยซู, อึณ บอ ฌัม ซีแง โบง เฆ บลอย เพนเทโคด. ซีแง อัน ตี, เฆ ดูอี หณึม เฌา เยซู, เฆ บอกาเฆลียด กอย รึม อู โปละ. 2ดอ อัน ตี อึณ มึห ฮัม ตาง ตัห อู เฌณ. อึณ ปี คูน ตาง. ฮัม ตี, อึณ เลห แคง ฆางหราว, ตัห ลึบ แคง กาง โดง กอย เฆ, แตห อึณ ดีงึณ แคง กาง บอ กาง. 3เฆ ดูอี อี กอย แคง กาง ตึอน, เฆ บอ ยึร บลาง อี ปี แปละ เงา, กาย็อห โลง กอย แดง ฆีณ เฆ. 4น็อห พึอม เฌาพรา มืร ตัห ลึบ แคง น็อห เฆ ดอน อี, อี กอย รึม แคง กาง ตึอน. เฆ มืร จูห ดี กาลาง โฆรห ปี ตู ดึอม นับ ตู ดึอม ยึร เฆ. อึณ มูห น็อห พึอม เฌาพรา, อี แตห เฆ กาลาง โฆรห ฌึร ตี.
5ดอ อัน ตี อึณ มึห ดูอี อายูดา อี แฮะ ตัห ดอน โปละ ดอน นา, ตัห ฌัม แคง มืง เยรูซาแลม. เฆ มูห ดูอี อี โดบ ดารา เฌาพรา. 6ดอ ยึร เฆ ฮัม ตาง ตึอน, เฆ ดูอี กืน ตัห กาฌูะ อู เฌณ โดง กอย เฆ ดูอี อี หณึม เฌา เยซู. เฆ แบน วี แบน วี มืร อาม กาเซา. โคว, โฆรห ปี โทม เฆ มูห โฆรห ปี ดึอม นับ เฆ ซีณ ดีแตด เฆ. 7-8เฆ มืร ต็อห, “เหมา อึณ ปาย โฆรห ปี โทม เอ, อึณ วี แบน โฆรห อาโมยว เอ ราง อาเซ ราง อัน. ดูอี เฆ ตี, เฆ ดอน อี มูห ดูอี อาโมยว ฆาลีเล. เฆ ตู นับ ดี กาลาง โฆรห เอ. 9เอ ดูอี อี กอย ดี นี, เอ มูห ดูอี อาโมยว พาเท, เมดี, เอลาม บอ อาโมยว เมโซวโพวทาม, อาโมยว ยูดา, อาโมยว กาปาโดวนี, อาโมยว โพนทู บอ อาโมยว อาซียา. 10อึณ บอ มึห ดูอี อี ตัห แคง มืง พูฆี, มืง พัมพูลี, มืง แอฆึบ, บอ เฆ ดูอี อี กอย กาตัด มืง ลีบี บอ มืง กูเรณ, บอ เฆ ดูอี อี ตัห มืง โรวมา. 11กาแต เอ ดูอี ฌึร ตี, อึณ มึห ดูอี อายูดา บอ ดูอี อาโมยว เฮา. เอ บอกาเฆลียด ยี กรึบ เฌาพรา ปี กรึบ เฆ ดูอี อายูดา. อึณ บอ มึห ดูอี ตัห มืง เกรทา เฆ ดูอี ตัห มืง อาราบ. เอ ดอน อี ฌึร ตี, เอ ยี นับ ดี โทม โฆรห ดา ซารา ตี. เอ บอ นับ ดี โทม ลอง แปะ แฮะ โบง เฌาพรา นา หมึอม อาม กาเซา, แตห อึณ เลห แคง โฆรห เอ. เอ ดอน อี นับ ดี โทม โฆรห อาโมยว เอ ราง อาเซ ราง อัน.” 12เฆ แฮะ ฮอต กาลาง ปาย ตี, เฆ บอกาเฆลียด อาม กาเซา. เฆ ยี ตู นับ มาเซ อึณ มูห ลอง อัน ตี. เฆ กามวน ต็อห, “มาเซ อึณ มูห, ปี แป เฆ ดี โบง ฌึร ตี?” 13อึณ บอ มึห มัง อี, เฆ มืร กาลาง โฆรห อี หมึอม กาณัห ดี เฆ ดีแบ เฌา เยซู. เฆ ต็อห, “เฆ ดูอี ตี, เฆ แฮะ เดียง ป็อห, เฆ แฮะ ยึต ป็อห.”
ลอง อาเปตารู โฮว ดารา เฌาพรา
14วาย อัน ตี อาเปตารู บอ เฆ ดีแบ เฌา เยซู ฆึร ดี อู วี, เฆ บอ ยีต จ็อง กาลาง โฆรห ดี เฆ ดูอี กืน. อาเปตารู กาลาง โฆรห ตาง, แตห เฆ ดูอี กืน นับ ดี โทม. อัน ต็อห, “อึย, เบ ดูอี อายูดา, เบ ดูอี กอย มืง เยรูซาแลม ดอน อี, โอว ดี กาลาง โฆรห ดี เบ, แตห เบ โทม ซีคยา โฆรห โอว. 15ดูอี เฆ นี, เฆ ตู มึห ดี ยึต ป็อห. อาว หมาน ปี กาลาง เบ. ดอ ตี นี, อึณ ซี ราม เจว ซอะ โนะ ดีม นารี, หณัม มึห อี เดียง ป็อห. 16ดอ ตี นี เบ ปึอน ดี ยึร, มาเซ อึณ มูห, ปี ดึอม กาลาง ดา ซารา อาโยวเอลัะ ตึอน. อัน มูห ดูอี อี บยาน โฆรห เฌาพรา. 17เฌาพรา แฮะ ดึอม กาลาง ดี อัน ต็อห,
‘ปัน ดี โตต ฌาด นี, โอว ดี ฮับ น็อห พึอม โอว, แคง น็อห ดูอี ดอน อี. ฆอน เบ, บอ ฆอน อีมาย บอ ฆอน อีบึณ, เฆ ดี บอ บยาน โฆรห เฌาพรา.
เฆ กาโณม, เฆ ดี ยึร อาโรง ปี บยัะ เฌาพรา ดี เฆ. บอ เฆ ดา ตาง เบ, เฆ ดี อึณบาว นา บอด.
18ดอ อัน ตี โอว ดี ฮับ น็อห พึอม โอว, แตห อึณ ลึบ แคง น็อห เฆ อีมาย อีบึณ, เฆ อี โบง ฆาน โอว. เฆ ดี บอ บยาน โฆรห โอว.
19โอว ดี บอ บยัะ ปวน โอว, แตห เบ บอ ยึร นา หมึอม อาม กาเซา แคง ฆางหราว บอ แดง กาดาย. ปี ดี บยัะ โอว ฌึร ตี, อึณ ยี มูห บอ หนาม บอ เงา บอ ดัก เงา.
20บอ บลาง ซีแง, อึณ ดี บอ อับ ว็อง. มาเฆียน ดี บอ แบน ปี หนาม. อาตี ดอน โมยว โอว เฌาพรา ดี โบง อาต ฌัม ซีแง บอด, ซีแง อี หมึอม อาม, หมึอม โยว. ซีแง ตี, อึณ มูห ซีแง ดี ตัห เฌาพรา.
21ดอ อัน ตี อาเซ แดะ หมาณ, แตห อัน เฌา คยอด อัน, เฌาพรา มืร ดี คยอด ดอน อี.’
ดา ซารา อาโยวเอลัะ แฮะ ดึอม บยาน โฆรห เฌาพรา ปาย ตี.”
22อาเปตารู แฮะ ฮอต กาลาง ปาย ตี, อัน วี ต็อห, “เบ ดูอี อีซาเรลัะ, แตห เบ โทม โฆรห ปี กาลาง โอว ดี เบ. เฌา เยซู อี แฮะ ตัห มืง นาซาเรต ตึอน, อัน มูห ดูอี ปี ร็อห ปี ตึย เฌาพรา. โคว อัน ตี เฌาพรา แฮะ แตห เฌา เยซู นับ ดี โบง นา หมึอม อาม กาเซา, แตห อึณ บยัะ ปวน อัน ดี เบ. เบ มืร นับ ซีคยา ลอง อัน ตี. 23คา อาต แฮะ เหลณ, เฌาพรา แฮะ ฮอต ป็อก อูน ลอง อาซาก เฌา เยซู, แตห เบ ปึอน ดี อึบ อัน. แฮะ ฮอต, เบ มืร แฮะ จัร เฆ ดูอี ตู หมึอม, แตห เฆ จอย เบ, แตห เบ ปึอน ดี ง็อห อาซาก อัน, ดอก ดึก อัน ดี ร็อง กาแวะ, แตห อัน ยัม. 24วาย อัน ตี ปวน เฌาพรา ยี ออง เฌา มารานัะ. เฌา มารานัะ อาว แป ดี อึบ เฌา เยซู. ปวน เฌาพรา แฮะ แตห อัน วี ยีต วี อีม, อาว ฮู แตห อัน ยัม. 25บอ คูนดีคัม อาดาวีด ตึอน แฮะ ดึอม กาลาง ลอง อาซาก เฌา เยซู. อัน แฮะ ดึอม ต็อห,
‘โอว แฮะ ยึร อัน เฌา กอย รึม โดบ โอว เซเซ. อัน บอ กอย บลาก อาอัห โอว, แกวะ แตห โอว ชึม.
26โกบ อึณ ปาย ตี, น็อห โอว แฮะ ดาคึย. บอ โฆรห ปี กาลาง โอว แฮะ ดาคึย. ลอง โดว โบ็ง โอว, โอว บอ หน็อะ อึณด็อะ เฌาพรา.
27แม เฌาพรา แม ตู แวน โอว แตห โอว กอย แคง มืง มารานัะ. ดูอี ปี ร็อห แม เฌาพรา, แม ตู วี แตห โดว โบ็ง อัน ลาต, อูห อัม แคง บาเรว.
28แม เฌาพรา แฮะ บยัะ ดี โอว อึณเตณ ปี โลว โดบ, แตห อึณ มึห อาซาก. แม ดี บอ แตห โอว กอย รึม โดบ แม, แตห น็อห โอว ดาคึย.’
คูนดีคัม อาดาวีด แฮะ บยาน โฆรห เฌาพรา ปาย ตี.”
29แฮะ ฮอต ปัน ตี อาเปตารู วี ต็อห, “อึย, เบ บีนอง, โอว ดี กาลาง โฆรห ซืร ดี เบ ลอง คูนดีคัม อาดาวีด อี มูห ดูอี อาโมยว เอ, อี กอย คา อาต อัน แฮะ ฮอต ยัม. เฆ แฮะ ฮอต ดีบ โดว โบ็ง อัน. โดง อวน อัน, อึณ ซี กอย, ซี ปึอน ยึร กอ ฌัม อาตึร. 30คูนดีคัม อาดาวีด ยี มูห ดูอี อี บยาน โฆรห เฌาพรา. อัน มืร นับ, เฌาพรา แฮะ ดึอม ดัว กาดีก ซัดฌา ดี อัน ลอง หลูกหลาน อัน อู วี ดี แบน คูนดีคัม ตาง ปี อัน. 31โคว อัน ตี อึณ เลห ซีคยา, อาดาวีด แฮะ นับ ดี อาต อาคราว อี ดี ตัห, อึณ ดี แบน ปาย เหมา. อัน แฮะ นับ ดี กาลาง ดี อาต ลอง ดูอี ปี ร็อห ปี ตึย เฌาพรา แตห อัน คยอด ดูอี. วาย ยัม อัน, อัน ดี วี ยีต วี อีม. อัน บอ นับ ดี ต็อห, เฌา เยซู ตู ปึอน ยึร มืง มารานัะ. โดว โบ็ง อัน มืร ตู ยึร อูห อัม แคง กาเดา บาเรว. 32ดอ ตี นี, เฌาพรา แฮะ ฮอต แตห เฌา เยซู วี ยีต วี อีม. เย อี กอย ดี อาต เบ, เย มืร แฮะ ยึร โตต ดอน โมยว ปี โบง เฌาพรา. เย มืร แฮะ นับ ดี กาลาง ซักเซ ลอง อัน ตี. 33วาย อัน ตี อัน แฮะ วี โฮะ ฆางหราว, กอย ดี โคบ บลาก อาอัห เฌาพรา. เฌาพรา อี มูห ฆูณ อัน, อัน แฮะ วี ดัว น็อห พึอม อัน ดี เฌา เยซู. เฌา เยซู มืร แฮะ ดัว น็อห พึอม เฌาพรา ดี เย ดอน อี. อาตี อึณ มูห ลอง ดาง อัน, ปี ยึร เบ ดอ ตี นี. อึณ แฮะ แบน โตต ดอน โมยว ปี ดึอม กาลาง เฌาพรา ดี ดูอี อี บยาน โฆรห อัน. 34คูนดีคัม อาดาวีด ตี ตู ดึอม โฮะ ฆางหราว. อัน แยะ แฮะ ดึอม ต็อห,
‘เฌาพรา แฮะ กาลาง โฆรห ดี อัน เฌา โอว. อัน แฮะ ต็อห,
“แตห แม ตัห กอย บลาก อาอัห โอว. 35แตห กอ ฌัม อาคราว ปัน ดี แวน โอว รันซู แม, แตห อึณ ปี แม แณต โตต เฆ ครึม เปลา แม, แตห แม อึบ เฆ.”’
36โคว อัน ตี เบ ดูอี อีซาเรลัะ, แตห เบ ดอน อี นับ ซีคยา ปี ต็อห โอว ดอ ตี นี. เฌา เยซู อี มูห ดูอี ปี ง็อห แวน เบ แดง ร็อง กาแวะ, อัน มูห ดูอี ปี ร็อห ปี ตึย เฌาพรา แตห อัน คยอด ดูอี. เฌาพรา มืร แฮะ แตห อัน แบน ดา กาณา อี ดี อึบ กาดาย.”
37อาเปตารู แฮะ ฮอต กาลาง โฆรห ตี, อึณ บอ ลึบ แคง น็อห เฆ ดูอี กืน. เฆ วี ดีหมอด อาเปตารู บอ เฆ ดูอี ปี ร็อห ปี ตึย เฌา เยซู ต็อห, “อึย เบ บีนอง เย, มาเซ ปี โลว โบง เย?”
38อาเปตารู วี ต็อห, “เบ ดอน อี โลว แวน น็อห บรีม เบ, ดึห น็อห กามาย ปี ดัว เฌาพรา ดี เบ. แฮะ ฮอต, เบ โลว คัม ดี จึบ แคง อึม, แตห อี นับ, เบ แฮะ หณึม ลึบ เฌา เยซู, แตห เฌา เยซู ฆ็อห แวน หมาบ เบ. วาย อัน ตี เฌา เยซู ดี ดัว น็อห พึอม เฌาพรา บอ ดี เบ.#2:38 เฌา เยซู มึห จืร ปอ อู โมยว. เฆ ต็อห, อัน มูห “ดูอี ปี ร็อห ปี ตึย เฌาพรา แตห อัน คยอด ดูอี.” จืร ตี, เย ตู ฮับ ดอน เฌณ. 39เฌาพรา แฮะ ดึอม ดัว กาดีก ซัดฌา ลอง ดี ดัว อัน น็อห พึอม อัน, แตห อึณ ลึบ แคง น็อห ดูอี. กาดีก ซัดฌา ตี, อัน ดี ดัว ดี ดอน อี. บอ เบ, บอ ฆอน เบ, บอ เฆ ดูอี อี กอย กาโต็ง, เฆ ดูอี ปี ดี แดะ เฌาพรา, เฆ ดอน อี ฌึร ตี, เฆ ดี ปึอน ปี ดึอม กาแซณ เฌาพรา ดี ดัว.”
40อาเปตารู แฮะ มาโนว เฆ ปาย ตี. อัน มืร กาลาง โฆรห ดอน โมยว ดี เฆ, แตห อึณ กาซูห เฆ, แตห เฆ แตห เฌาพรา คยอด บอ เฆ, แตห เฆ เลห ตัะ พึง ดูอี อี ตู หมึอม, อี กอย ฌาด นี. 41วาย อัน ตี เฆ ดูอี อี หณึม โฆรห ปี กาลาง อัน, บอ แตห อึณ ลึบ แคง น็อห, เฆ ดอน อี วี ฮาว แตห ดา ซารา จึบ เฆ แคง อึม. ซีแง อัน ตี, อึณ มึห ดูอี กาบัก โอย แหรณ วี, อี ลึบ แคง พึง เฆ ดูอี อี หณึม โดบ เฌา เยซู.
ลอง เฆ ดูอี อี หณึม เฌา เยซู
42พึง เฆ ดูอี อี หณึม เฌา เยซู, เฆ มืร กอย รึม เซเซ, โทม ปี มาโนว เฆ ดูอี ปี ร็อห ปี ตึย เฌา เยซู, กามวน ลอง อัน ตี. เฆ มืร กาบัก คามูน, โบง ปี ดึอม บยัะ เฌา เยซู เฆ โบง. เฆ มืร กอย รึม, ซาคึร. 43เฆ ดูอี ปี ร็อห ปี ตึย เฌา เยซู, เฆ มืร โบง นา หมึอม อาม กาเซา อี บยัะ แคะ ตาง ปวน เฌาพรา. เฆ ดูอี กืน บอ อาม บอ โยว กาเซา ปี ปาย ปวน เฌาพรา. 44เฆ ดูอี อี หณึม เฌา เยซู, เฆ แบน อู น็อห, กอย รึม. 45โกรวกราม เฆ, เฆ บอ ลาย กาซาง กาแต เฆ. โดง นา บอ มาน เฆ, เฆ วี ย็อง โตต, วี ลาย กาซาง แคะ ปี ปึอน เฆ. แคะ โลว ดอน อี, เฆ ดัว ดี อัน. 46ดอน ซีแง เฆ มืร ตัห กาฌูะ แคง เฌโรบ อี กอย แคง แวง โฮว เฌาพรา ตึอน. แฮะ ฮอต, ดอ กอย รึม เฆ แคง กาง เฆ, เฆ วี กาบัก คามูน ปี ปี ดึอม โบง บยัะ เฌา เยซู ดี เฆ. ดอ โบง เฆ ปาย ตี ดอน โมยว, น็อห เฆ แฮะ ดาคึย บอ แบน น็อห ซืร, น็อห หมาน ดี เฆ. 47เฆ บอ อืบ เฌาพรา. ดอน อี แคง มืง มืร อึง เฆ. ดอน ซีแง ดอน ซีแง, เฌาพรา มืร คยอด ดูอี แตห เฆ ตัห หณึม ลึบ เฌา เยซู.
Currently Selected:
ปร 2: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ปร 2
2
ลอง น็อห พึอม เฌาพรา ตัห ลึบ แคง น็อห ดูอี
1อึณ บอ โนะ พัน ฆึร ซีแง วาย วี ยีต วี อีม เฌา เยซู, อึณ บอ ฌัม ซีแง โบง เฆ บลอย เพนเทโคด. ซีแง อัน ตี, เฆ ดูอี หณึม เฌา เยซู, เฆ บอกาเฆลียด กอย รึม อู โปละ. 2ดอ อัน ตี อึณ มึห ฮัม ตาง ตัห อู เฌณ. อึณ ปี คูน ตาง. ฮัม ตี, อึณ เลห แคง ฆางหราว, ตัห ลึบ แคง กาง โดง กอย เฆ, แตห อึณ ดีงึณ แคง กาง บอ กาง. 3เฆ ดูอี อี กอย แคง กาง ตึอน, เฆ บอ ยึร บลาง อี ปี แปละ เงา, กาย็อห โลง กอย แดง ฆีณ เฆ. 4น็อห พึอม เฌาพรา มืร ตัห ลึบ แคง น็อห เฆ ดอน อี, อี กอย รึม แคง กาง ตึอน. เฆ มืร จูห ดี กาลาง โฆรห ปี ตู ดึอม นับ ตู ดึอม ยึร เฆ. อึณ มูห น็อห พึอม เฌาพรา, อี แตห เฆ กาลาง โฆรห ฌึร ตี.
5ดอ อัน ตี อึณ มึห ดูอี อายูดา อี แฮะ ตัห ดอน โปละ ดอน นา, ตัห ฌัม แคง มืง เยรูซาแลม. เฆ มูห ดูอี อี โดบ ดารา เฌาพรา. 6ดอ ยึร เฆ ฮัม ตาง ตึอน, เฆ ดูอี กืน ตัห กาฌูะ อู เฌณ โดง กอย เฆ ดูอี อี หณึม เฌา เยซู. เฆ แบน วี แบน วี มืร อาม กาเซา. โคว, โฆรห ปี โทม เฆ มูห โฆรห ปี ดึอม นับ เฆ ซีณ ดีแตด เฆ. 7-8เฆ มืร ต็อห, “เหมา อึณ ปาย โฆรห ปี โทม เอ, อึณ วี แบน โฆรห อาโมยว เอ ราง อาเซ ราง อัน. ดูอี เฆ ตี, เฆ ดอน อี มูห ดูอี อาโมยว ฆาลีเล. เฆ ตู นับ ดี กาลาง โฆรห เอ. 9เอ ดูอี อี กอย ดี นี, เอ มูห ดูอี อาโมยว พาเท, เมดี, เอลาม บอ อาโมยว เมโซวโพวทาม, อาโมยว ยูดา, อาโมยว กาปาโดวนี, อาโมยว โพนทู บอ อาโมยว อาซียา. 10อึณ บอ มึห ดูอี อี ตัห แคง มืง พูฆี, มืง พัมพูลี, มืง แอฆึบ, บอ เฆ ดูอี อี กอย กาตัด มืง ลีบี บอ มืง กูเรณ, บอ เฆ ดูอี อี ตัห มืง โรวมา. 11กาแต เอ ดูอี ฌึร ตี, อึณ มึห ดูอี อายูดา บอ ดูอี อาโมยว เฮา. เอ บอกาเฆลียด ยี กรึบ เฌาพรา ปี กรึบ เฆ ดูอี อายูดา. อึณ บอ มึห ดูอี ตัห มืง เกรทา เฆ ดูอี ตัห มืง อาราบ. เอ ดอน อี ฌึร ตี, เอ ยี นับ ดี โทม โฆรห ดา ซารา ตี. เอ บอ นับ ดี โทม ลอง แปะ แฮะ โบง เฌาพรา นา หมึอม อาม กาเซา, แตห อึณ เลห แคง โฆรห เอ. เอ ดอน อี นับ ดี โทม โฆรห อาโมยว เอ ราง อาเซ ราง อัน.” 12เฆ แฮะ ฮอต กาลาง ปาย ตี, เฆ บอกาเฆลียด อาม กาเซา. เฆ ยี ตู นับ มาเซ อึณ มูห ลอง อัน ตี. เฆ กามวน ต็อห, “มาเซ อึณ มูห, ปี แป เฆ ดี โบง ฌึร ตี?” 13อึณ บอ มึห มัง อี, เฆ มืร กาลาง โฆรห อี หมึอม กาณัห ดี เฆ ดีแบ เฌา เยซู. เฆ ต็อห, “เฆ ดูอี ตี, เฆ แฮะ เดียง ป็อห, เฆ แฮะ ยึต ป็อห.”
ลอง อาเปตารู โฮว ดารา เฌาพรา
14วาย อัน ตี อาเปตารู บอ เฆ ดีแบ เฌา เยซู ฆึร ดี อู วี, เฆ บอ ยีต จ็อง กาลาง โฆรห ดี เฆ ดูอี กืน. อาเปตารู กาลาง โฆรห ตาง, แตห เฆ ดูอี กืน นับ ดี โทม. อัน ต็อห, “อึย, เบ ดูอี อายูดา, เบ ดูอี กอย มืง เยรูซาแลม ดอน อี, โอว ดี กาลาง โฆรห ดี เบ, แตห เบ โทม ซีคยา โฆรห โอว. 15ดูอี เฆ นี, เฆ ตู มึห ดี ยึต ป็อห. อาว หมาน ปี กาลาง เบ. ดอ ตี นี, อึณ ซี ราม เจว ซอะ โนะ ดีม นารี, หณัม มึห อี เดียง ป็อห. 16ดอ ตี นี เบ ปึอน ดี ยึร, มาเซ อึณ มูห, ปี ดึอม กาลาง ดา ซารา อาโยวเอลัะ ตึอน. อัน มูห ดูอี อี บยาน โฆรห เฌาพรา. 17เฌาพรา แฮะ ดึอม กาลาง ดี อัน ต็อห,
‘ปัน ดี โตต ฌาด นี, โอว ดี ฮับ น็อห พึอม โอว, แคง น็อห ดูอี ดอน อี. ฆอน เบ, บอ ฆอน อีมาย บอ ฆอน อีบึณ, เฆ ดี บอ บยาน โฆรห เฌาพรา.
เฆ กาโณม, เฆ ดี ยึร อาโรง ปี บยัะ เฌาพรา ดี เฆ. บอ เฆ ดา ตาง เบ, เฆ ดี อึณบาว นา บอด.
18ดอ อัน ตี โอว ดี ฮับ น็อห พึอม โอว, แตห อึณ ลึบ แคง น็อห เฆ อีมาย อีบึณ, เฆ อี โบง ฆาน โอว. เฆ ดี บอ บยาน โฆรห โอว.
19โอว ดี บอ บยัะ ปวน โอว, แตห เบ บอ ยึร นา หมึอม อาม กาเซา แคง ฆางหราว บอ แดง กาดาย. ปี ดี บยัะ โอว ฌึร ตี, อึณ ยี มูห บอ หนาม บอ เงา บอ ดัก เงา.
20บอ บลาง ซีแง, อึณ ดี บอ อับ ว็อง. มาเฆียน ดี บอ แบน ปี หนาม. อาตี ดอน โมยว โอว เฌาพรา ดี โบง อาต ฌัม ซีแง บอด, ซีแง อี หมึอม อาม, หมึอม โยว. ซีแง ตี, อึณ มูห ซีแง ดี ตัห เฌาพรา.
21ดอ อัน ตี อาเซ แดะ หมาณ, แตห อัน เฌา คยอด อัน, เฌาพรา มืร ดี คยอด ดอน อี.’
ดา ซารา อาโยวเอลัะ แฮะ ดึอม บยาน โฆรห เฌาพรา ปาย ตี.”
22อาเปตารู แฮะ ฮอต กาลาง ปาย ตี, อัน วี ต็อห, “เบ ดูอี อีซาเรลัะ, แตห เบ โทม โฆรห ปี กาลาง โอว ดี เบ. เฌา เยซู อี แฮะ ตัห มืง นาซาเรต ตึอน, อัน มูห ดูอี ปี ร็อห ปี ตึย เฌาพรา. โคว อัน ตี เฌาพรา แฮะ แตห เฌา เยซู นับ ดี โบง นา หมึอม อาม กาเซา, แตห อึณ บยัะ ปวน อัน ดี เบ. เบ มืร นับ ซีคยา ลอง อัน ตี. 23คา อาต แฮะ เหลณ, เฌาพรา แฮะ ฮอต ป็อก อูน ลอง อาซาก เฌา เยซู, แตห เบ ปึอน ดี อึบ อัน. แฮะ ฮอต, เบ มืร แฮะ จัร เฆ ดูอี ตู หมึอม, แตห เฆ จอย เบ, แตห เบ ปึอน ดี ง็อห อาซาก อัน, ดอก ดึก อัน ดี ร็อง กาแวะ, แตห อัน ยัม. 24วาย อัน ตี ปวน เฌาพรา ยี ออง เฌา มารานัะ. เฌา มารานัะ อาว แป ดี อึบ เฌา เยซู. ปวน เฌาพรา แฮะ แตห อัน วี ยีต วี อีม, อาว ฮู แตห อัน ยัม. 25บอ คูนดีคัม อาดาวีด ตึอน แฮะ ดึอม กาลาง ลอง อาซาก เฌา เยซู. อัน แฮะ ดึอม ต็อห,
‘โอว แฮะ ยึร อัน เฌา กอย รึม โดบ โอว เซเซ. อัน บอ กอย บลาก อาอัห โอว, แกวะ แตห โอว ชึม.
26โกบ อึณ ปาย ตี, น็อห โอว แฮะ ดาคึย. บอ โฆรห ปี กาลาง โอว แฮะ ดาคึย. ลอง โดว โบ็ง โอว, โอว บอ หน็อะ อึณด็อะ เฌาพรา.
27แม เฌาพรา แม ตู แวน โอว แตห โอว กอย แคง มืง มารานัะ. ดูอี ปี ร็อห แม เฌาพรา, แม ตู วี แตห โดว โบ็ง อัน ลาต, อูห อัม แคง บาเรว.
28แม เฌาพรา แฮะ บยัะ ดี โอว อึณเตณ ปี โลว โดบ, แตห อึณ มึห อาซาก. แม ดี บอ แตห โอว กอย รึม โดบ แม, แตห น็อห โอว ดาคึย.’
คูนดีคัม อาดาวีด แฮะ บยาน โฆรห เฌาพรา ปาย ตี.”
29แฮะ ฮอต ปัน ตี อาเปตารู วี ต็อห, “อึย, เบ บีนอง, โอว ดี กาลาง โฆรห ซืร ดี เบ ลอง คูนดีคัม อาดาวีด อี มูห ดูอี อาโมยว เอ, อี กอย คา อาต อัน แฮะ ฮอต ยัม. เฆ แฮะ ฮอต ดีบ โดว โบ็ง อัน. โดง อวน อัน, อึณ ซี กอย, ซี ปึอน ยึร กอ ฌัม อาตึร. 30คูนดีคัม อาดาวีด ยี มูห ดูอี อี บยาน โฆรห เฌาพรา. อัน มืร นับ, เฌาพรา แฮะ ดึอม ดัว กาดีก ซัดฌา ดี อัน ลอง หลูกหลาน อัน อู วี ดี แบน คูนดีคัม ตาง ปี อัน. 31โคว อัน ตี อึณ เลห ซีคยา, อาดาวีด แฮะ นับ ดี อาต อาคราว อี ดี ตัห, อึณ ดี แบน ปาย เหมา. อัน แฮะ นับ ดี กาลาง ดี อาต ลอง ดูอี ปี ร็อห ปี ตึย เฌาพรา แตห อัน คยอด ดูอี. วาย ยัม อัน, อัน ดี วี ยีต วี อีม. อัน บอ นับ ดี ต็อห, เฌา เยซู ตู ปึอน ยึร มืง มารานัะ. โดว โบ็ง อัน มืร ตู ยึร อูห อัม แคง กาเดา บาเรว. 32ดอ ตี นี, เฌาพรา แฮะ ฮอต แตห เฌา เยซู วี ยีต วี อีม. เย อี กอย ดี อาต เบ, เย มืร แฮะ ยึร โตต ดอน โมยว ปี โบง เฌาพรา. เย มืร แฮะ นับ ดี กาลาง ซักเซ ลอง อัน ตี. 33วาย อัน ตี อัน แฮะ วี โฮะ ฆางหราว, กอย ดี โคบ บลาก อาอัห เฌาพรา. เฌาพรา อี มูห ฆูณ อัน, อัน แฮะ วี ดัว น็อห พึอม อัน ดี เฌา เยซู. เฌา เยซู มืร แฮะ ดัว น็อห พึอม เฌาพรา ดี เย ดอน อี. อาตี อึณ มูห ลอง ดาง อัน, ปี ยึร เบ ดอ ตี นี. อึณ แฮะ แบน โตต ดอน โมยว ปี ดึอม กาลาง เฌาพรา ดี ดูอี อี บยาน โฆรห อัน. 34คูนดีคัม อาดาวีด ตี ตู ดึอม โฮะ ฆางหราว. อัน แยะ แฮะ ดึอม ต็อห,
‘เฌาพรา แฮะ กาลาง โฆรห ดี อัน เฌา โอว. อัน แฮะ ต็อห,
“แตห แม ตัห กอย บลาก อาอัห โอว. 35แตห กอ ฌัม อาคราว ปัน ดี แวน โอว รันซู แม, แตห อึณ ปี แม แณต โตต เฆ ครึม เปลา แม, แตห แม อึบ เฆ.”’
36โคว อัน ตี เบ ดูอี อีซาเรลัะ, แตห เบ ดอน อี นับ ซีคยา ปี ต็อห โอว ดอ ตี นี. เฌา เยซู อี มูห ดูอี ปี ง็อห แวน เบ แดง ร็อง กาแวะ, อัน มูห ดูอี ปี ร็อห ปี ตึย เฌาพรา แตห อัน คยอด ดูอี. เฌาพรา มืร แฮะ แตห อัน แบน ดา กาณา อี ดี อึบ กาดาย.”
37อาเปตารู แฮะ ฮอต กาลาง โฆรห ตี, อึณ บอ ลึบ แคง น็อห เฆ ดูอี กืน. เฆ วี ดีหมอด อาเปตารู บอ เฆ ดูอี ปี ร็อห ปี ตึย เฌา เยซู ต็อห, “อึย เบ บีนอง เย, มาเซ ปี โลว โบง เย?”
38อาเปตารู วี ต็อห, “เบ ดอน อี โลว แวน น็อห บรีม เบ, ดึห น็อห กามาย ปี ดัว เฌาพรา ดี เบ. แฮะ ฮอต, เบ โลว คัม ดี จึบ แคง อึม, แตห อี นับ, เบ แฮะ หณึม ลึบ เฌา เยซู, แตห เฌา เยซู ฆ็อห แวน หมาบ เบ. วาย อัน ตี เฌา เยซู ดี ดัว น็อห พึอม เฌาพรา บอ ดี เบ.#2:38 เฌา เยซู มึห จืร ปอ อู โมยว. เฆ ต็อห, อัน มูห “ดูอี ปี ร็อห ปี ตึย เฌาพรา แตห อัน คยอด ดูอี.” จืร ตี, เย ตู ฮับ ดอน เฌณ. 39เฌาพรา แฮะ ดึอม ดัว กาดีก ซัดฌา ลอง ดี ดัว อัน น็อห พึอม อัน, แตห อึณ ลึบ แคง น็อห ดูอี. กาดีก ซัดฌา ตี, อัน ดี ดัว ดี ดอน อี. บอ เบ, บอ ฆอน เบ, บอ เฆ ดูอี อี กอย กาโต็ง, เฆ ดูอี ปี ดี แดะ เฌาพรา, เฆ ดอน อี ฌึร ตี, เฆ ดี ปึอน ปี ดึอม กาแซณ เฌาพรา ดี ดัว.”
40อาเปตารู แฮะ มาโนว เฆ ปาย ตี. อัน มืร กาลาง โฆรห ดอน โมยว ดี เฆ, แตห อึณ กาซูห เฆ, แตห เฆ แตห เฌาพรา คยอด บอ เฆ, แตห เฆ เลห ตัะ พึง ดูอี อี ตู หมึอม, อี กอย ฌาด นี. 41วาย อัน ตี เฆ ดูอี อี หณึม โฆรห ปี กาลาง อัน, บอ แตห อึณ ลึบ แคง น็อห, เฆ ดอน อี วี ฮาว แตห ดา ซารา จึบ เฆ แคง อึม. ซีแง อัน ตี, อึณ มึห ดูอี กาบัก โอย แหรณ วี, อี ลึบ แคง พึง เฆ ดูอี อี หณึม โดบ เฌา เยซู.
ลอง เฆ ดูอี อี หณึม เฌา เยซู
42พึง เฆ ดูอี อี หณึม เฌา เยซู, เฆ มืร กอย รึม เซเซ, โทม ปี มาโนว เฆ ดูอี ปี ร็อห ปี ตึย เฌา เยซู, กามวน ลอง อัน ตี. เฆ มืร กาบัก คามูน, โบง ปี ดึอม บยัะ เฌา เยซู เฆ โบง. เฆ มืร กอย รึม, ซาคึร. 43เฆ ดูอี ปี ร็อห ปี ตึย เฌา เยซู, เฆ มืร โบง นา หมึอม อาม กาเซา อี บยัะ แคะ ตาง ปวน เฌาพรา. เฆ ดูอี กืน บอ อาม บอ โยว กาเซา ปี ปาย ปวน เฌาพรา. 44เฆ ดูอี อี หณึม เฌา เยซู, เฆ แบน อู น็อห, กอย รึม. 45โกรวกราม เฆ, เฆ บอ ลาย กาซาง กาแต เฆ. โดง นา บอ มาน เฆ, เฆ วี ย็อง โตต, วี ลาย กาซาง แคะ ปี ปึอน เฆ. แคะ โลว ดอน อี, เฆ ดัว ดี อัน. 46ดอน ซีแง เฆ มืร ตัห กาฌูะ แคง เฌโรบ อี กอย แคง แวง โฮว เฌาพรา ตึอน. แฮะ ฮอต, ดอ กอย รึม เฆ แคง กาง เฆ, เฆ วี กาบัก คามูน ปี ปี ดึอม โบง บยัะ เฌา เยซู ดี เฆ. ดอ โบง เฆ ปาย ตี ดอน โมยว, น็อห เฆ แฮะ ดาคึย บอ แบน น็อห ซืร, น็อห หมาน ดี เฆ. 47เฆ บอ อืบ เฌาพรา. ดอน อี แคง มืง มืร อึง เฆ. ดอน ซีแง ดอน ซีแง, เฌาพรา มืร คยอด ดูอี แตห เฆ ตัห หณึม ลึบ เฌา เยซู.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.