ปร 5
5
ลอง อานานี ฆาย นาง ซาพีรา
1อึณ วี มึห ดูอี อู วี, อัน จืร อานานี. อีบึณ อัน จืร นาง ซาพีรา. ดูอี วี ตี มืร วี ย็อง มาน อัน อู โปละ. แคะ ปึอน อัน รึอน, อัน วี อูน มัง กาล็อะ อาดา อัน. 2อีบึณ อัน มืร นับ โตต ลอง อัน ตี. แฮะ ฮอต, อัน วี ดึห รึอน อี กาโลย, วี ดัว ดี ดูอี ปี ร็อห ปี ตึย เฌา เยซู.
3อาเปตารู วี ต็อห, “อึย, อานานี, เหมา อึณ ปาย ปี ควาง แม โบว กานัม อี จืร ซาตาน ปึอน ดี ลึบ แคง น็อห แม, แตห แม กาโลว ดี น็อห พึอม เฌาพรา? แม แฮะ ฮอต ดึห อูน รึอน ปี ปึอน แม, ยี ต็อห, แม แฮะ ดัว โตต. 4อาต ย็อง แม มาน ตี, อึณ มูห โกรว แม. แม แฮะ ฮอต ย็อง, รึอน ปี ปึอน แม, อึณ บอ มูห รึอน แม. แม ซัะ ดัว โตต แฮะ ปึอน. เหมา อึณ ปาย ปี กาโลว แม ปาย ตี? แม ตู กาโลว ดูอี. แม แฮะ กาโลว เฌาพรา.”
5ดอ ยึร อานานี โฆรห ตี, อัน วี เกห ยัม อู เฌณ. ปัน ตี เฆ ดูอี อี ยึร ลอง อัน ตี, เฆ ดอน อี วี โยว กาเซา. 6เฆ กาโณม อี กอย โดง กอย เฆ ตี, เฆ วี ตัห, กาบัน โดว โบ็ง อัน แคง บีก, วี กาฆอด ฮาว ดีบ อัน.
7วาย อัน ตี บอ โนะ โอย นารี, อีบึณ อานานี วี ตัห ลึบ โดง กอย เฆ. อัน หณัม นับ ลอง อีมาย อัน แฮะ ยัม. 8อาเปตารู วี ดีหมอด อัน ต็อห, “แตห แม กาลาง โฆรห หมาน ดี โอว. ดอ ย็อง บาย มาน บาย, อึณ หมาน, บาย แฮะ ปึอน รึอน แคะ ปี ดัว บาย ดี นี?”
นาง ซาพีรา วี ต็อห, “แฮะ มูห, แฮะ หมาน. ยาย แฮะ ปึอน แคะ ตี.”
9ปัน ตี อาเปตารู วี ต็อห ดี อัน, “เหมา อึณ ปาย ปี ลาย โพรม บาย ดี เทว น็อห พึอม เฌาพรา? แตห แม ยอด. เฆ ดูอี อี แฮะ ฮอต ดีบ โดว โบ็ง อีมาย แม, เฆ แฮะ ฮอต วี ตัห ฌัม ดี อาต มาโลห. เฆ ดี วี ฮาว ดีบ บอ โดว โบ็ง แม ดอ ตี นี.”
10อาเปตารู แฮะ ฮอต กาลาง โฆรห ตี, นาง ซาพีรา ตึอน วี เกห ยัม ดี อาต อัน อู เฌณ. ปัน ตี เฆ กาโณม วี ตัห ลึบ โดง กอย เฆ ตี. ดอ ยึร เฆ บอ นาง ซาพีรา แฮะ ฮอต ยัม, เฆ วี กาฆอด เลห อัน โดง ตี, วี ฮาว ดีบ โดว โบ็ง อัน โคบ อีมาย อัน. 11เฆ ดูอี อี ลึบ พึง เฌา เยซู, เฆ ดอน อี อี นับ ลอง อัน ตี บอ โยว กาเซา.
ลอง เฆ ดูอี ปี ร็อห ปี ตึย เฌา เยซู ปีแกน เซา ดูอี
12เฆ ดูอี ปี ร็อห ปี ตึย เฌา เยซู, เฆ โบง นา หมึอม อาม กาเซา กาแต เฆ ดูอี กืน, แตห เฆ บอกาเฆลียด ยึร ปวน เฌาพรา. เฆ ดูอี หณึม เฌา เยซู, เฆ ตัห กาฌูะ แคง เฌโรบ ตาง อี กอย แคง แวง โฮว เฌาพรา อี จืร เฌโรบ คูนดีคัม อาซาโลวโมว. เฆ มืร แบน อู น็อห. 13เฆ ดูอี เฮา ตู ยัะ ตัห ลึบ แคง พึง เฌา เยซู. เฆ ยี โรวเซ เฆ ดูอี อี หณึม เฌา เยซู. 14ปี บอ แฮะ ปาย ตี มืร, เฆ ดูอี หณึม ซีคยา เฌา เยซู ยี แกร ดี กืน. บอ มึห บอ อีมาย บอ อีบึณ, เฆ กืน วี ฮา ลึบ แคง พึง เฆ ดูอี หณึม เฌา เยซู. 15เฆ ดูอี กืน วี ดึห เลห ดูอี เซา แคง กาง, วี ฮาว เบลห เฆ โคบ อึณเตณ แดง กาโช็ง อีด เฆ บอ แดง อึณเบว, แตห เฆ หน็อะ อาเปตารู ตัห, แตห กามึก อัน วี ยาบ ดูอี เซา เฆ ตี. 16บอ มึห เฆ ดูอี กืน อี กอย กาตัด มืง เยรูซาแลม, เฆ ตัห ตึย ดูอี เซา บอ เฆ ดูอี มึห กานัม ฮาย กอย แคง โดว โบ็ง เฆ. เฆ มืร แฮะ แกน ดอน อี.
ลอง ดูอี ปี ร็อห ปี ตึย เฌา เยซู กาดูห ดูก
17ดา ตาง อี อึบ โตต ดูอี อี หลู ดี เฌาพรา บอ เฆ ดูอี โดบ อัน บอ เฆ ดูอี อี มูห พึง ซาดูแค, เฆ ยี ตู อึง นา หมึอม อาม กาเซา ปี โบง เฆ ดูอี ปี ร็อห ปี ตึย เฌา เยซู. 18เฆ วี เหมต เฆ ดูอี ปี ร็อห ปี ตึย เฌา เยซู, คร็อง เฆ แคง กาปึม. 19แคง หมึร อึณ ยี มึห อามู อามาด เฌาพรา อู กาดัง ตัห, วึห มาโลห แคง กาปึม, แตห เฆ เลห. 20อัน วี ต็อห ดี เฆ, “แตห เบ ฮาว แคง โฮว เฌาพรา, กาลาง แตห เฆ โทม โตต ดอน โมยว ลอง ปี ดี ปาย เฆ ดี ปึอน อาซาก กามาย.”
21วาย อัน ตี ซีณวัห เจว เฆ วี โทม โบง ปี จัร อามู อามาด เฌาพรา เฆ โบง. เฆ วี ฮาว ลึบ แคง แวง โฮว เฌาพรา, มาโนว เฆ ดูอี กืน.
วาย อัน ตี ดา ตาง อี อึบ โตต ดูอี อี หลู ดี เฌาพรา บอ เฆ ดูอี อี โดบ อัน, เฆ วี ตัห กาฌูะ โดง กอย เฆ ดา ตาง. เฆ วี แดะ เฆ ดูอี อี ซูงพยาด อามู อี บอ เฆ ดา ตาง แคง มืง อีซาเรลัะ, แตห เฆ ดอน อี ตัห. เฆ บอ จัร ดาลาม เฆ มัง อี, แตห เฆ ฮาว แดะ ดูอี ปี เหมต เฆ ตึอน. 22ดอ ตัห ฌัม เฆ แคง กาปึม, เฆ ตู ยึร ดูอี ปี ร็อห ปี ตึย เฌา เยซู เฆ ตึอน. อาว ฮู มึห. ปัน ตี เฆ วี เวณ โดง กอย เฆ ดา ตาง ตึอน, กาลาง โตต ดี เฆ ลอง อัน ตี. 23เฆ ต็อห, “เย แฮะ ตัห ฌัม แคง กาปึม. มาโลห ซี กาบีด ซีคยา. เฆ ดูอี บัร มาโลห, เฆ มืร กอย ซีคยา นา อาต มาโลห. เย วี ฮาว วึห มาโลห, อาว ฮู ยึร อาเซ กอย นา แคง.” 24ดอ ยึร เฆ ลอง อัน ตี, บอ ดา ตาง อี แยต เฆ ดูอี อี หลู ดี เฌาพรา บอ ดูอี อี อึบ เฆ อี บัร โฮว เฌาพรา, เฆ ดอน อี ตู นับ ดี โบง มาเซ. เฆ บอ โยว, ตู นับ, เหมา อึณ ปาย อึณ แบน ปาย ตี.
25ดอ อัน ตี อึณ วี มึห ดูอี อู วี, อัน ตัห ต็อห, “เฆ ดูอี ปี คร็อง เบ แคง กาปึม, เฆ วี กอย แคง แวง โฮว เฌาพรา, มาโนว เฆ ดูอี กืน.” 26ปัน ตี ดูอี อี อึบ เฆ อี บัร โฮว เฌาพรา บอ เฆ ดูอี อี จอย อัน, เฆ วี ฮาว แดะ เฆ ดูอี ปี ร็อห ปี ตึย เฌา เยซู ตัห ฌัม โดง กอย ดา ตาง เฆ ตึอน. เฆ ยี ตู ยัะ กาชัวะ ดูอี ปี ร็อห ปี ตึย เฌา เยซู เฆ ตี. เฆ โยว ดูอี กืน ดี ดึห มาว วึณ ดี เฆ.
27เฆ ดูอี ปี ร็อห ปี ตึย เฌา เยซู เฆ ตึอน, เฆ แฮะ ฮอต ตัห ฌัม ดี อาต เฆ ดา ตาง แคง มืง, อึณ มูห ดา ตาง อี อึบ โตต ดูอี อี หลู ดี เฌาพรา, อัน วี ดีหมอด เฆ. 28อัน ต็อห, “เย แฮะ ฮอต ดัม เบ, แกวะ แตห เบ มาโนว ดูอี เฮา ลอง อาเยซู ตึอน. เบ ยี แฮะ ฮอต กาลาง แตห มืง เยรูซาแลม บอ มืง นับ ลอง อัน ตี. เบ มืร ต็อห อึณ มูห หมาบ เย, เย แฮะ ง็อห แวน อัน.”
29อาเปตารู บอ เฆ ดูอี ปี ร็อห ปี ตึย เฌา เยซู, เฆ วี เวียะ โฆรห ตี. เฆ ต็อห, “เย โลว โทม โฆรห เฌาพรา อาต โทม โฆรห ดูอี. 30เบ แฮะ ง็อห แวน เฌา เยซู แดง ร็อง กาแวะ. เฌาพรา ปี กรึบ เฆ ฆูณ ดัง เอ คา อาต อัน ยี แฮะ แตห เฌา เยซู วี ยีต วี อีม, แตห เฌา เยซู วี โฮะ กอย บลาก อาอัห อัน. 31อัน มืร แฮะ แตห เฌา เยซู แบน ดา กาณา อี อึบ กาดาย. อัน บอ แบน เฌา อี คยอด ดูอี. เฌา เยซู ตี บอ นับ ดี แตห เบ แวน น็อห บรีม เบ, ดึห น็อห กามาย ปี ดัว อัน. อัน นับ บอ ดี ฆ็อห แวน หมาบ เบ ดูอี อีซาเรลัะ. 32เย มืร แฮะ ยึร โตต ลอง อัน ตี, เย กอ นับ ดี กาลาง. น็อห พึอม เฌาพรา มืร นับ ดี กาลาง, แตห อึณ กาหลูห ดี น็อห เบ. เฌาพรา ยี ดี แตห น็อห พึอม อัน ลึบ กอย แคง น็อห ดอน อี อี โทม โดบ อัน.”
33ดอ ยึร เฆ ดา ตาง โฆรห ตี, เฆ บอ รู กาเซา, ซี ง็อห แวน เฆ. 34อึณ ยี มึห ดูอี แคง พึง พารีแซ อู วี, อัน จืร อาฆามาเลน. อัน มูห ดา ซารา อี มาโนว ดารา เฌาพรา. เฆ ดูอี บอกาเฆลียด, เฆ บอ โรวเซ อัน. ดอ ลาย ซังคยาง เฆ ดา ตาง ปาย ตี, อาฆามาเลน ตึอน วี ยีต หมาณ, แตห เฆ จัร ดูอี ปี ร็อห ปี ตึย เฌา เยซู เลห โดง กอย เฆ อู กาจัน. 35แฮะ ฮอต, อัน วี กาลาง ดี เฆ ดา ตาง. อัน ต็อห, “อึย, เบ ดา ตาง แคง มืง อีซาเรลัะ, แตห เบ เฌณฌา ซีคยา ปี ดี โบง เบ ดี เฆ ดูอี ตี. 36คา อาต อึณ หณัม เหลณ, อึณ มึห ดูอี อู วี, อัน จืร อาเทดา. อัน แฮะ ต็อห, อัน มูห ดูอี ตาง. อัน มืร แดะ ดูอี โดบ อัน, แตห เฆ กาโฆห ดี ดูอี โรวมา. อึณ มืร มึห ดูอี กาบัก พวน มาย็อห วี, อี ตัห โดบ อัน. เฆ ยี ง็อห อาซาก อัน. แฮะ ฮอต, บอ เฆ ดูอี อี โดบ อัน แฮะ กาย็อห, อาว ฮู มึห. 37วาย อัน ตี อึณ มึห อายูดัด ตึอน, อี ตัห อืง ฆาลีเล. อัน แฮะ ตัห ดอ ดึห ดา กาณา โรวมา ฌาราง, แดม อูน จืร ดอน อี แคง มืง. อัน มืร แดะ ดูอี โดบ อัน. เฆ แฮะ ง็อห บอ อัน. บอ เฆ ดูอี อี โดบ อัน แฮะ กาย็อห, อาว ฮู มึห. 38โคว อัน ตี ดอ ตี นี, โอว ต็อห ดี เบ, แกวะ โบง มาเซ ดี ดูอี เฆ ตี. แตห เบ เบลห เฆ, แตห เฆ ฮาว, โบง ปี อึง เฆ. ปี โบง เฆ, เซ อึณ มูห อางยาน ดูอี, อึณ ดี ชึม. 39เซ อึณ ยี มูห ปวน เฌาพรา, แตห เฆ โบง ปาย ตี, เบ ตู แป ดี โบง มาเซ, แตห เฆ ชึม. เบ ยี โลว ซาดีก, แกวะ แตห เบ กาโฆห ดี เฌาพรา.”
40อัน แฮะ ฮอต กาลาง โฆรห ตี, เฆ ดา ตาง ตึอน วี ลาย โพรม ลอง อัน ตี. เฆ วี แดะ เฆ ดูอี ปี ร็อห ปี ตึย เฌา เยซู วี ตัห ลึบ โดง กอย เฆ บอ มัห เฆ ดอน อี. แฮะ ฮอต, ดา ตาง เฆ ตี วี ดัม เฆ, แกวะ แตห เฆ กาลาง โฆรห ลอง เฌา เยซู. วาย อัน ตี ดา ตาง เฆ ตึอน บอ วี เบลห, แตห เฆ ฮาว.
41เฆ ดูอี ปี ร็อห ปี ตึย เฌา เยซู, เฆ วี เลห โดง กอย เฆ ดา ตาง อี อึบ มืง. น็อห เฆ วี ดาคึย กาเซา. เฆ ต็อห, เฌาพรา แฮะ ควาง, แตห เฆ ปึอน ดี คัม ดูก โกบ หณึม เฆ เฌา เยซู.
42วาย อัน ตี ดอน ซีแง, ดอน ซีแง, เฆ วี ฮาว ลึบ แคง แวง โฮว เฌาพรา, เฆ บอ ฮาว ลึบ แคง กาง อี, วี กาลาง ลอง เฌา เยซู. เฆ กาลาง เซเซ แตห ดอน อี กอ นับ ลอง เฌา เยซู มูห ดูอี ปี ร็อห ปี ตึย เฌาพรา แตห อัน คยอด ดูอี.
Currently Selected:
ปร 5: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ปร 5
5
ลอง อานานี ฆาย นาง ซาพีรา
1อึณ วี มึห ดูอี อู วี, อัน จืร อานานี. อีบึณ อัน จืร นาง ซาพีรา. ดูอี วี ตี มืร วี ย็อง มาน อัน อู โปละ. แคะ ปึอน อัน รึอน, อัน วี อูน มัง กาล็อะ อาดา อัน. 2อีบึณ อัน มืร นับ โตต ลอง อัน ตี. แฮะ ฮอต, อัน วี ดึห รึอน อี กาโลย, วี ดัว ดี ดูอี ปี ร็อห ปี ตึย เฌา เยซู.
3อาเปตารู วี ต็อห, “อึย, อานานี, เหมา อึณ ปาย ปี ควาง แม โบว กานัม อี จืร ซาตาน ปึอน ดี ลึบ แคง น็อห แม, แตห แม กาโลว ดี น็อห พึอม เฌาพรา? แม แฮะ ฮอต ดึห อูน รึอน ปี ปึอน แม, ยี ต็อห, แม แฮะ ดัว โตต. 4อาต ย็อง แม มาน ตี, อึณ มูห โกรว แม. แม แฮะ ฮอต ย็อง, รึอน ปี ปึอน แม, อึณ บอ มูห รึอน แม. แม ซัะ ดัว โตต แฮะ ปึอน. เหมา อึณ ปาย ปี กาโลว แม ปาย ตี? แม ตู กาโลว ดูอี. แม แฮะ กาโลว เฌาพรา.”
5ดอ ยึร อานานี โฆรห ตี, อัน วี เกห ยัม อู เฌณ. ปัน ตี เฆ ดูอี อี ยึร ลอง อัน ตี, เฆ ดอน อี วี โยว กาเซา. 6เฆ กาโณม อี กอย โดง กอย เฆ ตี, เฆ วี ตัห, กาบัน โดว โบ็ง อัน แคง บีก, วี กาฆอด ฮาว ดีบ อัน.
7วาย อัน ตี บอ โนะ โอย นารี, อีบึณ อานานี วี ตัห ลึบ โดง กอย เฆ. อัน หณัม นับ ลอง อีมาย อัน แฮะ ยัม. 8อาเปตารู วี ดีหมอด อัน ต็อห, “แตห แม กาลาง โฆรห หมาน ดี โอว. ดอ ย็อง บาย มาน บาย, อึณ หมาน, บาย แฮะ ปึอน รึอน แคะ ปี ดัว บาย ดี นี?”
นาง ซาพีรา วี ต็อห, “แฮะ มูห, แฮะ หมาน. ยาย แฮะ ปึอน แคะ ตี.”
9ปัน ตี อาเปตารู วี ต็อห ดี อัน, “เหมา อึณ ปาย ปี ลาย โพรม บาย ดี เทว น็อห พึอม เฌาพรา? แตห แม ยอด. เฆ ดูอี อี แฮะ ฮอต ดีบ โดว โบ็ง อีมาย แม, เฆ แฮะ ฮอต วี ตัห ฌัม ดี อาต มาโลห. เฆ ดี วี ฮาว ดีบ บอ โดว โบ็ง แม ดอ ตี นี.”
10อาเปตารู แฮะ ฮอต กาลาง โฆรห ตี, นาง ซาพีรา ตึอน วี เกห ยัม ดี อาต อัน อู เฌณ. ปัน ตี เฆ กาโณม วี ตัห ลึบ โดง กอย เฆ ตี. ดอ ยึร เฆ บอ นาง ซาพีรา แฮะ ฮอต ยัม, เฆ วี กาฆอด เลห อัน โดง ตี, วี ฮาว ดีบ โดว โบ็ง อัน โคบ อีมาย อัน. 11เฆ ดูอี อี ลึบ พึง เฌา เยซู, เฆ ดอน อี อี นับ ลอง อัน ตี บอ โยว กาเซา.
ลอง เฆ ดูอี ปี ร็อห ปี ตึย เฌา เยซู ปีแกน เซา ดูอี
12เฆ ดูอี ปี ร็อห ปี ตึย เฌา เยซู, เฆ โบง นา หมึอม อาม กาเซา กาแต เฆ ดูอี กืน, แตห เฆ บอกาเฆลียด ยึร ปวน เฌาพรา. เฆ ดูอี หณึม เฌา เยซู, เฆ ตัห กาฌูะ แคง เฌโรบ ตาง อี กอย แคง แวง โฮว เฌาพรา อี จืร เฌโรบ คูนดีคัม อาซาโลวโมว. เฆ มืร แบน อู น็อห. 13เฆ ดูอี เฮา ตู ยัะ ตัห ลึบ แคง พึง เฌา เยซู. เฆ ยี โรวเซ เฆ ดูอี อี หณึม เฌา เยซู. 14ปี บอ แฮะ ปาย ตี มืร, เฆ ดูอี หณึม ซีคยา เฌา เยซู ยี แกร ดี กืน. บอ มึห บอ อีมาย บอ อีบึณ, เฆ กืน วี ฮา ลึบ แคง พึง เฆ ดูอี หณึม เฌา เยซู. 15เฆ ดูอี กืน วี ดึห เลห ดูอี เซา แคง กาง, วี ฮาว เบลห เฆ โคบ อึณเตณ แดง กาโช็ง อีด เฆ บอ แดง อึณเบว, แตห เฆ หน็อะ อาเปตารู ตัห, แตห กามึก อัน วี ยาบ ดูอี เซา เฆ ตี. 16บอ มึห เฆ ดูอี กืน อี กอย กาตัด มืง เยรูซาแลม, เฆ ตัห ตึย ดูอี เซา บอ เฆ ดูอี มึห กานัม ฮาย กอย แคง โดว โบ็ง เฆ. เฆ มืร แฮะ แกน ดอน อี.
ลอง ดูอี ปี ร็อห ปี ตึย เฌา เยซู กาดูห ดูก
17ดา ตาง อี อึบ โตต ดูอี อี หลู ดี เฌาพรา บอ เฆ ดูอี โดบ อัน บอ เฆ ดูอี อี มูห พึง ซาดูแค, เฆ ยี ตู อึง นา หมึอม อาม กาเซา ปี โบง เฆ ดูอี ปี ร็อห ปี ตึย เฌา เยซู. 18เฆ วี เหมต เฆ ดูอี ปี ร็อห ปี ตึย เฌา เยซู, คร็อง เฆ แคง กาปึม. 19แคง หมึร อึณ ยี มึห อามู อามาด เฌาพรา อู กาดัง ตัห, วึห มาโลห แคง กาปึม, แตห เฆ เลห. 20อัน วี ต็อห ดี เฆ, “แตห เบ ฮาว แคง โฮว เฌาพรา, กาลาง แตห เฆ โทม โตต ดอน โมยว ลอง ปี ดี ปาย เฆ ดี ปึอน อาซาก กามาย.”
21วาย อัน ตี ซีณวัห เจว เฆ วี โทม โบง ปี จัร อามู อามาด เฌาพรา เฆ โบง. เฆ วี ฮาว ลึบ แคง แวง โฮว เฌาพรา, มาโนว เฆ ดูอี กืน.
วาย อัน ตี ดา ตาง อี อึบ โตต ดูอี อี หลู ดี เฌาพรา บอ เฆ ดูอี อี โดบ อัน, เฆ วี ตัห กาฌูะ โดง กอย เฆ ดา ตาง. เฆ วี แดะ เฆ ดูอี อี ซูงพยาด อามู อี บอ เฆ ดา ตาง แคง มืง อีซาเรลัะ, แตห เฆ ดอน อี ตัห. เฆ บอ จัร ดาลาม เฆ มัง อี, แตห เฆ ฮาว แดะ ดูอี ปี เหมต เฆ ตึอน. 22ดอ ตัห ฌัม เฆ แคง กาปึม, เฆ ตู ยึร ดูอี ปี ร็อห ปี ตึย เฌา เยซู เฆ ตึอน. อาว ฮู มึห. ปัน ตี เฆ วี เวณ โดง กอย เฆ ดา ตาง ตึอน, กาลาง โตต ดี เฆ ลอง อัน ตี. 23เฆ ต็อห, “เย แฮะ ตัห ฌัม แคง กาปึม. มาโลห ซี กาบีด ซีคยา. เฆ ดูอี บัร มาโลห, เฆ มืร กอย ซีคยา นา อาต มาโลห. เย วี ฮาว วึห มาโลห, อาว ฮู ยึร อาเซ กอย นา แคง.” 24ดอ ยึร เฆ ลอง อัน ตี, บอ ดา ตาง อี แยต เฆ ดูอี อี หลู ดี เฌาพรา บอ ดูอี อี อึบ เฆ อี บัร โฮว เฌาพรา, เฆ ดอน อี ตู นับ ดี โบง มาเซ. เฆ บอ โยว, ตู นับ, เหมา อึณ ปาย อึณ แบน ปาย ตี.
25ดอ อัน ตี อึณ วี มึห ดูอี อู วี, อัน ตัห ต็อห, “เฆ ดูอี ปี คร็อง เบ แคง กาปึม, เฆ วี กอย แคง แวง โฮว เฌาพรา, มาโนว เฆ ดูอี กืน.” 26ปัน ตี ดูอี อี อึบ เฆ อี บัร โฮว เฌาพรา บอ เฆ ดูอี อี จอย อัน, เฆ วี ฮาว แดะ เฆ ดูอี ปี ร็อห ปี ตึย เฌา เยซู ตัห ฌัม โดง กอย ดา ตาง เฆ ตึอน. เฆ ยี ตู ยัะ กาชัวะ ดูอี ปี ร็อห ปี ตึย เฌา เยซู เฆ ตี. เฆ โยว ดูอี กืน ดี ดึห มาว วึณ ดี เฆ.
27เฆ ดูอี ปี ร็อห ปี ตึย เฌา เยซู เฆ ตึอน, เฆ แฮะ ฮอต ตัห ฌัม ดี อาต เฆ ดา ตาง แคง มืง, อึณ มูห ดา ตาง อี อึบ โตต ดูอี อี หลู ดี เฌาพรา, อัน วี ดีหมอด เฆ. 28อัน ต็อห, “เย แฮะ ฮอต ดัม เบ, แกวะ แตห เบ มาโนว ดูอี เฮา ลอง อาเยซู ตึอน. เบ ยี แฮะ ฮอต กาลาง แตห มืง เยรูซาแลม บอ มืง นับ ลอง อัน ตี. เบ มืร ต็อห อึณ มูห หมาบ เย, เย แฮะ ง็อห แวน อัน.”
29อาเปตารู บอ เฆ ดูอี ปี ร็อห ปี ตึย เฌา เยซู, เฆ วี เวียะ โฆรห ตี. เฆ ต็อห, “เย โลว โทม โฆรห เฌาพรา อาต โทม โฆรห ดูอี. 30เบ แฮะ ง็อห แวน เฌา เยซู แดง ร็อง กาแวะ. เฌาพรา ปี กรึบ เฆ ฆูณ ดัง เอ คา อาต อัน ยี แฮะ แตห เฌา เยซู วี ยีต วี อีม, แตห เฌา เยซู วี โฮะ กอย บลาก อาอัห อัน. 31อัน มืร แฮะ แตห เฌา เยซู แบน ดา กาณา อี อึบ กาดาย. อัน บอ แบน เฌา อี คยอด ดูอี. เฌา เยซู ตี บอ นับ ดี แตห เบ แวน น็อห บรีม เบ, ดึห น็อห กามาย ปี ดัว อัน. อัน นับ บอ ดี ฆ็อห แวน หมาบ เบ ดูอี อีซาเรลัะ. 32เย มืร แฮะ ยึร โตต ลอง อัน ตี, เย กอ นับ ดี กาลาง. น็อห พึอม เฌาพรา มืร นับ ดี กาลาง, แตห อึณ กาหลูห ดี น็อห เบ. เฌาพรา ยี ดี แตห น็อห พึอม อัน ลึบ กอย แคง น็อห ดอน อี อี โทม โดบ อัน.”
33ดอ ยึร เฆ ดา ตาง โฆรห ตี, เฆ บอ รู กาเซา, ซี ง็อห แวน เฆ. 34อึณ ยี มึห ดูอี แคง พึง พารีแซ อู วี, อัน จืร อาฆามาเลน. อัน มูห ดา ซารา อี มาโนว ดารา เฌาพรา. เฆ ดูอี บอกาเฆลียด, เฆ บอ โรวเซ อัน. ดอ ลาย ซังคยาง เฆ ดา ตาง ปาย ตี, อาฆามาเลน ตึอน วี ยีต หมาณ, แตห เฆ จัร ดูอี ปี ร็อห ปี ตึย เฌา เยซู เลห โดง กอย เฆ อู กาจัน. 35แฮะ ฮอต, อัน วี กาลาง ดี เฆ ดา ตาง. อัน ต็อห, “อึย, เบ ดา ตาง แคง มืง อีซาเรลัะ, แตห เบ เฌณฌา ซีคยา ปี ดี โบง เบ ดี เฆ ดูอี ตี. 36คา อาต อึณ หณัม เหลณ, อึณ มึห ดูอี อู วี, อัน จืร อาเทดา. อัน แฮะ ต็อห, อัน มูห ดูอี ตาง. อัน มืร แดะ ดูอี โดบ อัน, แตห เฆ กาโฆห ดี ดูอี โรวมา. อึณ มืร มึห ดูอี กาบัก พวน มาย็อห วี, อี ตัห โดบ อัน. เฆ ยี ง็อห อาซาก อัน. แฮะ ฮอต, บอ เฆ ดูอี อี โดบ อัน แฮะ กาย็อห, อาว ฮู มึห. 37วาย อัน ตี อึณ มึห อายูดัด ตึอน, อี ตัห อืง ฆาลีเล. อัน แฮะ ตัห ดอ ดึห ดา กาณา โรวมา ฌาราง, แดม อูน จืร ดอน อี แคง มืง. อัน มืร แดะ ดูอี โดบ อัน. เฆ แฮะ ง็อห บอ อัน. บอ เฆ ดูอี อี โดบ อัน แฮะ กาย็อห, อาว ฮู มึห. 38โคว อัน ตี ดอ ตี นี, โอว ต็อห ดี เบ, แกวะ โบง มาเซ ดี ดูอี เฆ ตี. แตห เบ เบลห เฆ, แตห เฆ ฮาว, โบง ปี อึง เฆ. ปี โบง เฆ, เซ อึณ มูห อางยาน ดูอี, อึณ ดี ชึม. 39เซ อึณ ยี มูห ปวน เฌาพรา, แตห เฆ โบง ปาย ตี, เบ ตู แป ดี โบง มาเซ, แตห เฆ ชึม. เบ ยี โลว ซาดีก, แกวะ แตห เบ กาโฆห ดี เฌาพรา.”
40อัน แฮะ ฮอต กาลาง โฆรห ตี, เฆ ดา ตาง ตึอน วี ลาย โพรม ลอง อัน ตี. เฆ วี แดะ เฆ ดูอี ปี ร็อห ปี ตึย เฌา เยซู วี ตัห ลึบ โดง กอย เฆ บอ มัห เฆ ดอน อี. แฮะ ฮอต, ดา ตาง เฆ ตี วี ดัม เฆ, แกวะ แตห เฆ กาลาง โฆรห ลอง เฌา เยซู. วาย อัน ตี ดา ตาง เฆ ตึอน บอ วี เบลห, แตห เฆ ฮาว.
41เฆ ดูอี ปี ร็อห ปี ตึย เฌา เยซู, เฆ วี เลห โดง กอย เฆ ดา ตาง อี อึบ มืง. น็อห เฆ วี ดาคึย กาเซา. เฆ ต็อห, เฌาพรา แฮะ ควาง, แตห เฆ ปึอน ดี คัม ดูก โกบ หณึม เฆ เฌา เยซู.
42วาย อัน ตี ดอน ซีแง, ดอน ซีแง, เฆ วี ฮาว ลึบ แคง แวง โฮว เฌาพรา, เฆ บอ ฮาว ลึบ แคง กาง อี, วี กาลาง ลอง เฌา เยซู. เฆ กาลาง เซเซ แตห ดอน อี กอ นับ ลอง เฌา เยซู มูห ดูอี ปี ร็อห ปี ตึย เฌาพรา แตห อัน คยอด ดูอี.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.