ปร 6
6
ลอง เฆ ดา ตาง แคง พึง เฌา เยซู
1วาย อัน ตี เฆ ดีแบ เฌา เยซู มืร แฮะ แกร ดี กืน กาเซา. อึณ ยี มึห ดูอี อายูดา อี กาลาง โฆรห ฆรีก มัง อี บอ เฆ ดูอี อายูดา อี กาลาง โฆรห แฮแบร มัง อี, เฆ ตู ลาย โพรม. เฆ ดูอี ตัห มืง ฆรีก, เฆ ต็อห, “ดอน ซีแง, ดอ กาซาง เฆ ปี ดี โฮม, ยา ซีปรัห เย, เฆ ตู ปึอน แคะ ปี โลว เฆ.” 2ปัน ตี เฆ ดีแบ เฌา เยซู ฆึร ดี อา วี, เฆ วี แดะ เฆ ดีแบ เฌา เยซู ดอน อี ตัห กาฌูะ. เฆ วี ต็อห, “เซ เย กาซาง ปี ดี โฮม, เย อาว ฮู วี ดัน มาโนว ดารา เฌาพรา. อาตี อาว หมึอม, อาว ซีคยา. 3โคว อัน ตี แตห เบ บีนอง ร็อห ดูอี กาแต เบ บู วี. แตห อึณ มูห ดูอี อี มึห อางยาน, อี มึห น็อห พึอม เฌาพรา โนะ แคง น็อห เฆ. เซ ดูอี เฮา มืร ต็อห, เฆ มูห ดูอี หมึอม, แตห เบ ร็อห ดูอี ฌึร ตี บู วี, แตห เย วี จัร เฆ กาซาง ปี ดี โฮม ดี ดอน อี. 4เซ อึณ ปาย ตี, เย ดี บอ ดัน ดี ซาคึร ดี เฌาพรา บอ โฮว ดารา เฌาพรา เซเซ, อาว ฮู โลว โบง แบน โมยว แบน โมยว.”
5เฆ แฮะ ฮอต กาลาง โฆรห ตี, เฆ ดูอี แคง พึง เฌา เยซู, เฆ ดอน อี อึง โฆรห ตี. เฆ วี ร็อห อาซาเทพาน. น็อห พึอม เฌาพรา แฮะ โนะ แคง น็อห อัน. อัน มืร หณึม ซีคยา. เฆ บอ ร็อห อาพีลีบ, อาโพรวโควรู, อานีคาโนว, อาทีโมน, อาพาเมน บอ อานีโควลา, อี ตัห มืง อันทีโอะ, อี แฮะ ลึบ ดูอี อายูดา. 6เฆ แฮะ ฮอต ร็อห ดูอี บู วี ตี, เฆ วี แตห เฆ ดูอี ปี ร็อห ปี ตึย เฌา เยซู วี ซาคึร เฌาพรา บอ ดาง แด แดง ฆีณ เฆ บู วี ตี, แตห เฌาพรา ม็องการา ดัว ดี เฆ. 7ปัน ตี เฆ ดูอี อี กอย แคง มืง เยรูซาแลม, เฆ กืน บอ ปึอน ดี โทม โฆรห เฌาพรา, แตห เฆ ดูอี หณึม เฌา เยซู แว กืน กาปัว. เฆ ดูอี อี หลู ดี เฌาพรา มืร, เฆ กืน วี หณึม เฌา เยซู, วี โดบ ดารา ปี มาโนว เฆ ลอง เฌา เยซู.
ลอง อาซาเทพาน คัม ดูก
8อึณ ยี มึห อาซาเทพาน ตึอน, เฌาพรา แฮะ กาเว แฮะ จอย กืน อัน บอ แตห อัน มึห ปวน เฌาพรา. อัน โบง นา หมึอม อาม กาเซา แบน โมยว แบน โมยว. 9เฆ ดูอี อี กอย แคง โฌง ยูดา มัง อี, เฆ ตู อึง อัน. บอ ดูอี แคง พึง ดูอี ทังฮาง, เฆ กรึบ แคง โฌง ตี. เฆ ดูอี ฌึร ตี, บอ เฆ ดูอี อี ตัห มืง กูเรณ ฆาย มืง อาเลซันดาเรน บอ เฆ อี ตัห อืง คีลีคี ฆาย อืง อาซียา, เฆ บอ ฮาว โดง กอย อาซาเทพาน. เฆ บอ กาลาง โฆรห อี ลาย กาบัห ดี อัน. 10อัน บอ เวียะ โฆรห เฆ, แตห อึณ เลห แคง อางยาน ปี ดัว เฌาพรา ดี อัน. ปัน ตี เฆ ตู แป อัน. เฆ ตู ปึอน ต็อห, อัน ตู หมาน, ตู มูห.
11วาย อัน ตี เฆ วี ปรา ดี แดะ ดูอี มัง อี, แตห เฆ วี ต็อห ดี อี เฮา, “เย แฮะ ยึร อาซาเทพาน กาลาง นา จีจีว ลอง เฌาพรา ฆาย อาโมวแซ.”
12เฆ โบง ปาย ตี, แตห บอ เฆ ดา ตาง แคง มืง บอ เฆ ดา ซารา อี มาโนว ดารา เฌาพรา กอ รู ดี อัน, แตห เฆ ดูอี อายูดา บอกาเฆลียด วี รู ดี อัน. เฆ มืร ตัห เหมต อัน, วี ตึย อัน ฌัม ดี อาต เฆ ดา ตาง อี ซูงพยาด อามู อี.
13เฆ มืร แฮะ จัร ดูอี มัง อี, แตห เฆ กาโลว ต็อห, “ดูอี นี, อัน กาลาง โฆรห ตู หมึอม ลอง โฮว เฌาพรา. เซเซ, อัน บอ กาลาง นา จีจีว ลอง ดารา เฌาพรา. 14เย มืร แฮะ ยึร อัน ต็อห, ‘อาเยซู อี แฮะ ตัห มืง นาซาเรต ตึอน, อัน ดี ปยาต โฮว เฌาพรา, แตห อึณ ลึร โตต. อัน ดี บอ โบง, แตห ฮีด เย กอ ลึร กอ บยอง.’”
15เฆ แฮะ ฮอต กาลาง ปาย ตี, เฆ ดา ตาง บอ เฆ ดอน อี บอ ยอด ปี ปาย อารึบ อาซาเทพาน ตึอน. เฆ บอ ยึร นา อัน แฮะ บลาง ปี นา อามู อามาด เฌาพรา.
Currently Selected:
ปร 6: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ปร 6
6
ลอง เฆ ดา ตาง แคง พึง เฌา เยซู
1วาย อัน ตี เฆ ดีแบ เฌา เยซู มืร แฮะ แกร ดี กืน กาเซา. อึณ ยี มึห ดูอี อายูดา อี กาลาง โฆรห ฆรีก มัง อี บอ เฆ ดูอี อายูดา อี กาลาง โฆรห แฮแบร มัง อี, เฆ ตู ลาย โพรม. เฆ ดูอี ตัห มืง ฆรีก, เฆ ต็อห, “ดอน ซีแง, ดอ กาซาง เฆ ปี ดี โฮม, ยา ซีปรัห เย, เฆ ตู ปึอน แคะ ปี โลว เฆ.” 2ปัน ตี เฆ ดีแบ เฌา เยซู ฆึร ดี อา วี, เฆ วี แดะ เฆ ดีแบ เฌา เยซู ดอน อี ตัห กาฌูะ. เฆ วี ต็อห, “เซ เย กาซาง ปี ดี โฮม, เย อาว ฮู วี ดัน มาโนว ดารา เฌาพรา. อาตี อาว หมึอม, อาว ซีคยา. 3โคว อัน ตี แตห เบ บีนอง ร็อห ดูอี กาแต เบ บู วี. แตห อึณ มูห ดูอี อี มึห อางยาน, อี มึห น็อห พึอม เฌาพรา โนะ แคง น็อห เฆ. เซ ดูอี เฮา มืร ต็อห, เฆ มูห ดูอี หมึอม, แตห เบ ร็อห ดูอี ฌึร ตี บู วี, แตห เย วี จัร เฆ กาซาง ปี ดี โฮม ดี ดอน อี. 4เซ อึณ ปาย ตี, เย ดี บอ ดัน ดี ซาคึร ดี เฌาพรา บอ โฮว ดารา เฌาพรา เซเซ, อาว ฮู โลว โบง แบน โมยว แบน โมยว.”
5เฆ แฮะ ฮอต กาลาง โฆรห ตี, เฆ ดูอี แคง พึง เฌา เยซู, เฆ ดอน อี อึง โฆรห ตี. เฆ วี ร็อห อาซาเทพาน. น็อห พึอม เฌาพรา แฮะ โนะ แคง น็อห อัน. อัน มืร หณึม ซีคยา. เฆ บอ ร็อห อาพีลีบ, อาโพรวโควรู, อานีคาโนว, อาทีโมน, อาพาเมน บอ อานีโควลา, อี ตัห มืง อันทีโอะ, อี แฮะ ลึบ ดูอี อายูดา. 6เฆ แฮะ ฮอต ร็อห ดูอี บู วี ตี, เฆ วี แตห เฆ ดูอี ปี ร็อห ปี ตึย เฌา เยซู วี ซาคึร เฌาพรา บอ ดาง แด แดง ฆีณ เฆ บู วี ตี, แตห เฌาพรา ม็องการา ดัว ดี เฆ. 7ปัน ตี เฆ ดูอี อี กอย แคง มืง เยรูซาแลม, เฆ กืน บอ ปึอน ดี โทม โฆรห เฌาพรา, แตห เฆ ดูอี หณึม เฌา เยซู แว กืน กาปัว. เฆ ดูอี อี หลู ดี เฌาพรา มืร, เฆ กืน วี หณึม เฌา เยซู, วี โดบ ดารา ปี มาโนว เฆ ลอง เฌา เยซู.
ลอง อาซาเทพาน คัม ดูก
8อึณ ยี มึห อาซาเทพาน ตึอน, เฌาพรา แฮะ กาเว แฮะ จอย กืน อัน บอ แตห อัน มึห ปวน เฌาพรา. อัน โบง นา หมึอม อาม กาเซา แบน โมยว แบน โมยว. 9เฆ ดูอี อี กอย แคง โฌง ยูดา มัง อี, เฆ ตู อึง อัน. บอ ดูอี แคง พึง ดูอี ทังฮาง, เฆ กรึบ แคง โฌง ตี. เฆ ดูอี ฌึร ตี, บอ เฆ ดูอี อี ตัห มืง กูเรณ ฆาย มืง อาเลซันดาเรน บอ เฆ อี ตัห อืง คีลีคี ฆาย อืง อาซียา, เฆ บอ ฮาว โดง กอย อาซาเทพาน. เฆ บอ กาลาง โฆรห อี ลาย กาบัห ดี อัน. 10อัน บอ เวียะ โฆรห เฆ, แตห อึณ เลห แคง อางยาน ปี ดัว เฌาพรา ดี อัน. ปัน ตี เฆ ตู แป อัน. เฆ ตู ปึอน ต็อห, อัน ตู หมาน, ตู มูห.
11วาย อัน ตี เฆ วี ปรา ดี แดะ ดูอี มัง อี, แตห เฆ วี ต็อห ดี อี เฮา, “เย แฮะ ยึร อาซาเทพาน กาลาง นา จีจีว ลอง เฌาพรา ฆาย อาโมวแซ.”
12เฆ โบง ปาย ตี, แตห บอ เฆ ดา ตาง แคง มืง บอ เฆ ดา ซารา อี มาโนว ดารา เฌาพรา กอ รู ดี อัน, แตห เฆ ดูอี อายูดา บอกาเฆลียด วี รู ดี อัน. เฆ มืร ตัห เหมต อัน, วี ตึย อัน ฌัม ดี อาต เฆ ดา ตาง อี ซูงพยาด อามู อี.
13เฆ มืร แฮะ จัร ดูอี มัง อี, แตห เฆ กาโลว ต็อห, “ดูอี นี, อัน กาลาง โฆรห ตู หมึอม ลอง โฮว เฌาพรา. เซเซ, อัน บอ กาลาง นา จีจีว ลอง ดารา เฌาพรา. 14เย มืร แฮะ ยึร อัน ต็อห, ‘อาเยซู อี แฮะ ตัห มืง นาซาเรต ตึอน, อัน ดี ปยาต โฮว เฌาพรา, แตห อึณ ลึร โตต. อัน ดี บอ โบง, แตห ฮีด เย กอ ลึร กอ บยอง.’”
15เฆ แฮะ ฮอต กาลาง ปาย ตี, เฆ ดา ตาง บอ เฆ ดอน อี บอ ยอด ปี ปาย อารึบ อาซาเทพาน ตึอน. เฆ บอ ยึร นา อัน แฮะ บลาง ปี นา อามู อามาด เฌาพรา.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.