ดอ โฆว 19
19
ลอง หมาบ ปี โบง ดูอี แคง มืง โซวโดม
1ฆาย อามู อามาด เฌาพรา อา กาดัง ตึอน, ฆาย ยี ตัห ฌัม แคง มืง โซวโดม นา บา ดี อับ. ดอ ตัห เฆ, อาโลด ตึอน แฮะ ตัห กอย ดี โคบ มาโลห มืง โซวโดม. อัน ยึร ฆาย ตัห, อัน ยีต อู เฌณ, ฮาว รวห ฆาย. อัน มืร ครึบเครา ดี อาต ฆาย. 2อัน ต็อห, “อึย ดา โอว, แตห บาย ฮาว ลึบ แคง กาง แดเจณ บาย. แตห บาย ตัม, แตห โอว บาย เปลา บาย. แคหณา บาย ย็อะ ฮาว โดบ อึณเตณ ปี โลว ฮาว บาย.”
ฆาย อา วี ยี ต็อห, “อาว ปึอน กอย แคง กาง แม. ยาย ดี ตัม ดี ฆลัะ.”
3อัน ยี วี เณา ฆาย ตัม. แฮะ ฮอต ฆาย บอ ฮาว ลึบ แคง กาง อัน. อัน มืร เฮียง ฆาย โฮม โบม. อัน บอ โบง คามูน อี ตู บรัห, แตห ฆาย โฮม. 4วาย อัน ตี ฆาย หณัม ลึบ อีด, เฆ อีมาย อี กอย แคง มืง โซวโดม, เฆ แฮะ ตัห โรบ กาง. อึณ มูห บอ ดูอี กัด บอ กาโณม, เฆ แฮะ ตัห ดอน บลาก. 5เฆ วี ดัด แดะ อาโลด ตึอน ต็อห, “เหมา ฆาย ดา อี ตัห กอย แคง กาง แม แคง หมึร นี? แดะ ฆาย ตัห, แตห แม ดัว ฆาย ดี เย. เย ซี ลาย ฆาย.”
6เฆ แฮะ ฮอต ต็อห ปาย ตี อาโลด ตึอน วี เลห แคง กาง ฮาว กอย นา เรต มาโลห, วี กาบีด มาโลห ดี ปัน อัน. 7อัน ต็อห, “อึย เบ บีนอง โอว, แกวะ แตห เบ โบง นา ตู หมึอม. 8โอว มึห ฆอน อีบึณ อา วี, ฆาย หณัม ดึอม คัด. โอว ดี ดัว ฆาย ดี เบ, แตห เบ โบง ปี อึง เบ. โอว ยี หมาณ, แกวะ แตห เบ โบง มาเซ ดี ดา อา วี อี ตัห ตัม แคง กาง โอว.”
9เฆ ยี ดัด ตาง ต็อห, “แม เลห ฮาว.” เฆ บอ ต็อห, “แม มูห มี แคต อู วี อี แฮะ ตัห กอย ดี นี. แม ทาง แม ปึอน ซูงพยาด อามู เย? เย ดี โบง นา จาว ดี แม หลึอม เย โบง ดี ฆาย อา วี ตี.” ปัน ตี เฆ วี กาแทณ ดี อาโลด. เฆ บอ หงา ดี ปยาต มาโลห กาง.
10ฆาย อา วี บอ โซ็ง แด ฆาย ปา อาโลด, ดืด ลึบ อัน แคง กาง. แฮะ ฮอต ฆาย วี กาบีด รีด มาโลห. 11ปัน ตี เฆ อี กอย นา เรต กาง ตึอน, บอ เฆ ดา กัด บอ เฆ กาโณม, เฆ อาว ฮู ปึอน ยึร มาเซ. แคต อี แฮะ ตัห ตัม แคง กาง อาโลด ตึอน, ฆาย แฮะ โบง แตห งาย เฆ อับ.
12ปัน ตี ฆาย อา วี ตึอน วี ดีหมอด ดี อาโลด ต็อห, “แม มึห วอแว อาเซ แคง มืง นี? แม มึห เอียะ บอ ฆอน อีบึณ? แคะ มึห บีนอง แม อี กอย แคง มืง นี, แตห แม แดะ เฆ เลห ตัะ มืง. 13ยาย ดี โบง แตห มืง นี กาปยาต ลึร โตต. เฌาพรา แฮะ ยึร อี ซีนัน ซีนืง แปะ แฮะ โบง เฆ. เฌาพรา แฮะ จัร ยาย โบง แตห อึณ กาปยาต ลึร โตต.”
14แฮะ ฮอต ต็อห ปาย ตี อาโลด ตึอน ฮาว กาลาง โฆรห ดี เอียะ อัน อี แฮะ คัด ลาย ฆอน อีบึณ อัน. อัน ต็อห, “อึย, แตห เบ ยีต ฮาว เลห แคง มืง นี. เฌาพรา ดี โบง แตห อึณ ลึร โตต.” เอียะ อาโลด ตึอน, เฆ ยี ทาง อัน ลังฆลึอน.
15ซีณวัห, บาง ดี วัห แปร, ฆาย อามู อามาด เฌาพรา กาแรด อาโลด ตึอน ต็อห, “แตห แม ดึห บอ อีบึณ บอ ฆอน อีบึณ แม, อี กอย รึม โดบ แม, แกวะ แตห อาซาก เบ ชึม ปัน ดี ซูงพยาด เฌาพรา ดารา ดี มืง ตี.”
16ฆาย อา วี วี ดืด ดีตัต อาโลด, วี ดึห บอ อีบึณ อัน บอ ฆอน อีบึณ อัน อา วี, ปา แด เฆ, ตึย เฆ เลห แคง มืง, เบลห เฆ นา เรต มืง. เฌาพรา แฮะ ซี คยอด เฆ. 17ดอ ตึย อามู อามาด เฌาพรา เฆ เลห แคง มืง, ฆาย ต็อห, “แตห เบ ฮาว เตา, แตห อึณ คยอด อาซาก เบ. แกวะ ยอด นา ปัน, แกวะ ดีเหลา นา เหมา แคง ฆลัง นี, แตห เบ เตา ฮาว ฌัม แดง นอน, แกวะ แตห อาซาก เบ ชึม.”
18อาโลด ตึอน วี ต็อห ดี ฆาย, “แกวะ แตห เย เตา ฌัม แดง นอน. 19บาย เฌา แฮะ กาเว โอว, แฮะ บยัะ ดี โอว น็อห ดีฮาง บาย, แฮะ คยอด อาซาก โอว. โอว ยี ตู คัม ดี ฮาว โต็ง ฌัม แดง นอน. โอว โยว ดูก ดี โดบ โอว อาต ฌัม โอว แดง นอน ตี. โอว โยว โอว ยัม. 20แตห บาย ยอด มืง นา อาต ดอย. มืง ตี อาว กาโต็ง, โอว แฮะ ปึอน ฮาว ฌัม มืง ดอย. มืง ตี อึณ บอ ดีแตด. แตห โอว ฮาว นา ดอย. แตห โอว ลอด ยัม.”
21ปัน ตี อามู อามาด เฌาพรา วี ต็อห, “อึร, บอ อาเร ตี, โอว ดี โทม ปี หมาณ แม. มืง ปี ต็อห แม, โอว ตู แตห อึณ กาปยาต, ตู แตห อึณ ลึร. 22แม ฮาว แฮ แฮ, แตห แม เจว ฌัม. อาต ฌัม แม แคง มืง ดอย, โอว ตู ปึอน โบง มาเซ.” โคว อัน ตี, มืง ตี, เฆ แตห อึณ จืร มืง โฌวอาน.#19:22 ‘โฌวอาน’ แคง โฆรห แฮแบร, ลอง ดาง อัน มูห ‘ดีแตด’
23แฮะ ฮอต ปัน ตี ดอ เลห ซีแง, อาโลด มืร แฮะ ฌัม แคง มืง โฌวอาน ตึอน. 24ดอ อัน ตี เฌาพรา แตห อึณ ฆลาย เงา บอ ฆันดืก, แตห อึณ เลห โลง แคง ฆางหราว. 25ปาย ตี อัน เฌา โบง แตห อึณ ลึร โตต มืง เฆ ตี. บอ ฆลัง อี กอย กาตัด มืง บอ ดูอี อี กอย แคง มืง บอ โดว ซัดดาวา บอ เฮ เบล แบน โมยว แบน โมยว อี ลัต แคง ฆลัง ตี, อึณ ลึร ชึม โตต ดอน โมยว. 26ดอ อัน ตี อีบึณ อาโลด ตึอน วี ยอด นา ปัน. แฮะ ฮอต, อัน วี ยัม จ็อง, แบน มาว ซัยะ ซ็อง อู เฌณ.
27อาบราฮัม ตึอน แฮะ ยีต ซีณวัห เจว, ฮาว ฌัม โดง ปี ดึอม กาลาง อัน ดี เฌาพรา. 28อัน บอ ยอด โดง กอย มืง โซวโดม ฆาย มืง โฆวโมว, ยอด บอ ฆลัง อี กอย กาตัด มืง เฆ ตี, อัน บอ ยึร ดัก เงา เลห ดอน นา ดอน โปละ, อึณ ปี ดัก เงา อี เลห โดง จึม ฮีน.
29ปาย ตี เฌาพรา โหลห อาบราฮัม ตึอน ดอ ปยาต แวน อัน มืง อี กอย แคง ฆลัง แบลง ยอดาน. อัน เฌา ยี แฮะ แตห อาโลด ตึอน ลอด ยัม ดอ กาปยาต อัน มืง โดง กอย อาโลด.
ลอง ฆอน อีบึณ อาโลด
30วาย อัน ตี อาโลด ตึอน วี เลห แคง มืง โฌวอาน, โฮะ กอย แดง นอน. บอ อัน บอ ฆอน อีบึณ อัน แฮะ โยว ตู ซี กอย แคง มืง โฌวอาน ตึอน. เฆ ฮาว กอย แคง กาเดา มาว อู โปละ. 31ปัน ตี อีกัด อัน วี กาลาง ดี วา อัน, “ฆูณ อาย แฮะ กัด. โดง กอย อาย ดี นี, อึณ มืร ตู มึห อีมาย, ปี ดี ปึอน คัด ดึห ปี เฆ ดูอี เฮา ดอน นา ดอน โปละ. 32แตห อาย ดัว ฆูณ เดียง อึม มางูน. เซ อัน แฮะ ยึต, แตห อาย ลาย ฆูณ อาย, แตห อาย มึห ฆอน ดี ฆูณ อาย.” 33ปัน ตี ฆาย ดัว ฆูณ ฆาย เดียง ป็อห. อัน ยี ตู นับ มาเซ ลอง ตัห ฆอน อัน วี ตาง อีด โดง อีด อัน, วี ยีต ฮาว. 34ปอ อู ซีแง อีกัด วี ต็อห ดี วา อัน. “อาหมึร โอว แฮะ อีด ดี ฆูณ โอว. บอ อาตึร แตห อาย วี ดัว อัน เดียง ป็อห, แตห แม วี ปึอน ดี อีด ดี โดบ อัน. แตห อาย วี มึห หลูกหลาน ปาย ตี.”
35แคง หมึร ฆาย ปี วี ดัว ฆูณ ฆาย เดียง ป็อห, แตห วา วี ฮาว อีด โดบ ฆูณ อัน. อาโลด มืร ตู นับ มาเซ ลอง ตัห อัน, วี เลห ฮาว อัน. 36ปาย ตี ฆอน อีบึณ อาโลด แฮะ แด บาดีก ซันเท ดี ฆูณ ฆาย. 37อีกัด วี ฆึอด ฆอน อีมาย. อัน แตห อัน จืร อาโมวอาบ. อัน แฮะ แบน ฆูณ ดัง เฆ อาโมยว ดูอี โมวอาบ, อี กอย กอ ฌัม อาตึร. 38บอ วา วี ฆึอด ฆอน อีมาย. อัน แตห อัน จืร อาเบนอามี. อัน แฮะ แบน ฆูณ ดัง เฆ อาโมยว ดูอี อาโมวรีด, อี กอย กอ ฌัม อาตึร.
Currently Selected:
ดอ โฆว 19: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ดอ โฆว 19
19
ลอง หมาบ ปี โบง ดูอี แคง มืง โซวโดม
1ฆาย อามู อามาด เฌาพรา อา กาดัง ตึอน, ฆาย ยี ตัห ฌัม แคง มืง โซวโดม นา บา ดี อับ. ดอ ตัห เฆ, อาโลด ตึอน แฮะ ตัห กอย ดี โคบ มาโลห มืง โซวโดม. อัน ยึร ฆาย ตัห, อัน ยีต อู เฌณ, ฮาว รวห ฆาย. อัน มืร ครึบเครา ดี อาต ฆาย. 2อัน ต็อห, “อึย ดา โอว, แตห บาย ฮาว ลึบ แคง กาง แดเจณ บาย. แตห บาย ตัม, แตห โอว บาย เปลา บาย. แคหณา บาย ย็อะ ฮาว โดบ อึณเตณ ปี โลว ฮาว บาย.”
ฆาย อา วี ยี ต็อห, “อาว ปึอน กอย แคง กาง แม. ยาย ดี ตัม ดี ฆลัะ.”
3อัน ยี วี เณา ฆาย ตัม. แฮะ ฮอต ฆาย บอ ฮาว ลึบ แคง กาง อัน. อัน มืร เฮียง ฆาย โฮม โบม. อัน บอ โบง คามูน อี ตู บรัห, แตห ฆาย โฮม. 4วาย อัน ตี ฆาย หณัม ลึบ อีด, เฆ อีมาย อี กอย แคง มืง โซวโดม, เฆ แฮะ ตัห โรบ กาง. อึณ มูห บอ ดูอี กัด บอ กาโณม, เฆ แฮะ ตัห ดอน บลาก. 5เฆ วี ดัด แดะ อาโลด ตึอน ต็อห, “เหมา ฆาย ดา อี ตัห กอย แคง กาง แม แคง หมึร นี? แดะ ฆาย ตัห, แตห แม ดัว ฆาย ดี เย. เย ซี ลาย ฆาย.”
6เฆ แฮะ ฮอต ต็อห ปาย ตี อาโลด ตึอน วี เลห แคง กาง ฮาว กอย นา เรต มาโลห, วี กาบีด มาโลห ดี ปัน อัน. 7อัน ต็อห, “อึย เบ บีนอง โอว, แกวะ แตห เบ โบง นา ตู หมึอม. 8โอว มึห ฆอน อีบึณ อา วี, ฆาย หณัม ดึอม คัด. โอว ดี ดัว ฆาย ดี เบ, แตห เบ โบง ปี อึง เบ. โอว ยี หมาณ, แกวะ แตห เบ โบง มาเซ ดี ดา อา วี อี ตัห ตัม แคง กาง โอว.”
9เฆ ยี ดัด ตาง ต็อห, “แม เลห ฮาว.” เฆ บอ ต็อห, “แม มูห มี แคต อู วี อี แฮะ ตัห กอย ดี นี. แม ทาง แม ปึอน ซูงพยาด อามู เย? เย ดี โบง นา จาว ดี แม หลึอม เย โบง ดี ฆาย อา วี ตี.” ปัน ตี เฆ วี กาแทณ ดี อาโลด. เฆ บอ หงา ดี ปยาต มาโลห กาง.
10ฆาย อา วี บอ โซ็ง แด ฆาย ปา อาโลด, ดืด ลึบ อัน แคง กาง. แฮะ ฮอต ฆาย วี กาบีด รีด มาโลห. 11ปัน ตี เฆ อี กอย นา เรต กาง ตึอน, บอ เฆ ดา กัด บอ เฆ กาโณม, เฆ อาว ฮู ปึอน ยึร มาเซ. แคต อี แฮะ ตัห ตัม แคง กาง อาโลด ตึอน, ฆาย แฮะ โบง แตห งาย เฆ อับ.
12ปัน ตี ฆาย อา วี ตึอน วี ดีหมอด ดี อาโลด ต็อห, “แม มึห วอแว อาเซ แคง มืง นี? แม มึห เอียะ บอ ฆอน อีบึณ? แคะ มึห บีนอง แม อี กอย แคง มืง นี, แตห แม แดะ เฆ เลห ตัะ มืง. 13ยาย ดี โบง แตห มืง นี กาปยาต ลึร โตต. เฌาพรา แฮะ ยึร อี ซีนัน ซีนืง แปะ แฮะ โบง เฆ. เฌาพรา แฮะ จัร ยาย โบง แตห อึณ กาปยาต ลึร โตต.”
14แฮะ ฮอต ต็อห ปาย ตี อาโลด ตึอน ฮาว กาลาง โฆรห ดี เอียะ อัน อี แฮะ คัด ลาย ฆอน อีบึณ อัน. อัน ต็อห, “อึย, แตห เบ ยีต ฮาว เลห แคง มืง นี. เฌาพรา ดี โบง แตห อึณ ลึร โตต.” เอียะ อาโลด ตึอน, เฆ ยี ทาง อัน ลังฆลึอน.
15ซีณวัห, บาง ดี วัห แปร, ฆาย อามู อามาด เฌาพรา กาแรด อาโลด ตึอน ต็อห, “แตห แม ดึห บอ อีบึณ บอ ฆอน อีบึณ แม, อี กอย รึม โดบ แม, แกวะ แตห อาซาก เบ ชึม ปัน ดี ซูงพยาด เฌาพรา ดารา ดี มืง ตี.”
16ฆาย อา วี วี ดืด ดีตัต อาโลด, วี ดึห บอ อีบึณ อัน บอ ฆอน อีบึณ อัน อา วี, ปา แด เฆ, ตึย เฆ เลห แคง มืง, เบลห เฆ นา เรต มืง. เฌาพรา แฮะ ซี คยอด เฆ. 17ดอ ตึย อามู อามาด เฌาพรา เฆ เลห แคง มืง, ฆาย ต็อห, “แตห เบ ฮาว เตา, แตห อึณ คยอด อาซาก เบ. แกวะ ยอด นา ปัน, แกวะ ดีเหลา นา เหมา แคง ฆลัง นี, แตห เบ เตา ฮาว ฌัม แดง นอน, แกวะ แตห อาซาก เบ ชึม.”
18อาโลด ตึอน วี ต็อห ดี ฆาย, “แกวะ แตห เย เตา ฌัม แดง นอน. 19บาย เฌา แฮะ กาเว โอว, แฮะ บยัะ ดี โอว น็อห ดีฮาง บาย, แฮะ คยอด อาซาก โอว. โอว ยี ตู คัม ดี ฮาว โต็ง ฌัม แดง นอน. โอว โยว ดูก ดี โดบ โอว อาต ฌัม โอว แดง นอน ตี. โอว โยว โอว ยัม. 20แตห บาย ยอด มืง นา อาต ดอย. มืง ตี อาว กาโต็ง, โอว แฮะ ปึอน ฮาว ฌัม มืง ดอย. มืง ตี อึณ บอ ดีแตด. แตห โอว ฮาว นา ดอย. แตห โอว ลอด ยัม.”
21ปัน ตี อามู อามาด เฌาพรา วี ต็อห, “อึร, บอ อาเร ตี, โอว ดี โทม ปี หมาณ แม. มืง ปี ต็อห แม, โอว ตู แตห อึณ กาปยาต, ตู แตห อึณ ลึร. 22แม ฮาว แฮ แฮ, แตห แม เจว ฌัม. อาต ฌัม แม แคง มืง ดอย, โอว ตู ปึอน โบง มาเซ.” โคว อัน ตี, มืง ตี, เฆ แตห อึณ จืร มืง โฌวอาน.#19:22 ‘โฌวอาน’ แคง โฆรห แฮแบร, ลอง ดาง อัน มูห ‘ดีแตด’
23แฮะ ฮอต ปัน ตี ดอ เลห ซีแง, อาโลด มืร แฮะ ฌัม แคง มืง โฌวอาน ตึอน. 24ดอ อัน ตี เฌาพรา แตห อึณ ฆลาย เงา บอ ฆันดืก, แตห อึณ เลห โลง แคง ฆางหราว. 25ปาย ตี อัน เฌา โบง แตห อึณ ลึร โตต มืง เฆ ตี. บอ ฆลัง อี กอย กาตัด มืง บอ ดูอี อี กอย แคง มืง บอ โดว ซัดดาวา บอ เฮ เบล แบน โมยว แบน โมยว อี ลัต แคง ฆลัง ตี, อึณ ลึร ชึม โตต ดอน โมยว. 26ดอ อัน ตี อีบึณ อาโลด ตึอน วี ยอด นา ปัน. แฮะ ฮอต, อัน วี ยัม จ็อง, แบน มาว ซัยะ ซ็อง อู เฌณ.
27อาบราฮัม ตึอน แฮะ ยีต ซีณวัห เจว, ฮาว ฌัม โดง ปี ดึอม กาลาง อัน ดี เฌาพรา. 28อัน บอ ยอด โดง กอย มืง โซวโดม ฆาย มืง โฆวโมว, ยอด บอ ฆลัง อี กอย กาตัด มืง เฆ ตี, อัน บอ ยึร ดัก เงา เลห ดอน นา ดอน โปละ, อึณ ปี ดัก เงา อี เลห โดง จึม ฮีน.
29ปาย ตี เฌาพรา โหลห อาบราฮัม ตึอน ดอ ปยาต แวน อัน มืง อี กอย แคง ฆลัง แบลง ยอดาน. อัน เฌา ยี แฮะ แตห อาโลด ตึอน ลอด ยัม ดอ กาปยาต อัน มืง โดง กอย อาโลด.
ลอง ฆอน อีบึณ อาโลด
30วาย อัน ตี อาโลด ตึอน วี เลห แคง มืง โฌวอาน, โฮะ กอย แดง นอน. บอ อัน บอ ฆอน อีบึณ อัน แฮะ โยว ตู ซี กอย แคง มืง โฌวอาน ตึอน. เฆ ฮาว กอย แคง กาเดา มาว อู โปละ. 31ปัน ตี อีกัด อัน วี กาลาง ดี วา อัน, “ฆูณ อาย แฮะ กัด. โดง กอย อาย ดี นี, อึณ มืร ตู มึห อีมาย, ปี ดี ปึอน คัด ดึห ปี เฆ ดูอี เฮา ดอน นา ดอน โปละ. 32แตห อาย ดัว ฆูณ เดียง อึม มางูน. เซ อัน แฮะ ยึต, แตห อาย ลาย ฆูณ อาย, แตห อาย มึห ฆอน ดี ฆูณ อาย.” 33ปัน ตี ฆาย ดัว ฆูณ ฆาย เดียง ป็อห. อัน ยี ตู นับ มาเซ ลอง ตัห ฆอน อัน วี ตาง อีด โดง อีด อัน, วี ยีต ฮาว. 34ปอ อู ซีแง อีกัด วี ต็อห ดี วา อัน. “อาหมึร โอว แฮะ อีด ดี ฆูณ โอว. บอ อาตึร แตห อาย วี ดัว อัน เดียง ป็อห, แตห แม วี ปึอน ดี อีด ดี โดบ อัน. แตห อาย วี มึห หลูกหลาน ปาย ตี.”
35แคง หมึร ฆาย ปี วี ดัว ฆูณ ฆาย เดียง ป็อห, แตห วา วี ฮาว อีด โดบ ฆูณ อัน. อาโลด มืร ตู นับ มาเซ ลอง ตัห อัน, วี เลห ฮาว อัน. 36ปาย ตี ฆอน อีบึณ อาโลด แฮะ แด บาดีก ซันเท ดี ฆูณ ฆาย. 37อีกัด วี ฆึอด ฆอน อีมาย. อัน แตห อัน จืร อาโมวอาบ. อัน แฮะ แบน ฆูณ ดัง เฆ อาโมยว ดูอี โมวอาบ, อี กอย กอ ฌัม อาตึร. 38บอ วา วี ฆึอด ฆอน อีมาย. อัน แตห อัน จืร อาเบนอามี. อัน แฮะ แบน ฆูณ ดัง เฆ อาโมยว ดูอี อาโมวรีด, อี กอย กอ ฌัม อาตึร.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.