ลก 14
14
ลอง เฌา เยซู กอย แคง กาง ดูอี พึง พารีแซ
1อึณ วี ฌัม ซีแง ดีเหลา ปอ อู ซีแง, เฌา เยซู ฮาว โฮม โบม แคง กาง ดา ตาง แคง พึง พารีแซ อู วี. เฆ ดูอี กืน บัร ดี ยอด เฌา เยซู, แตห เฆ ปึอน ดี กาย็อง อัน. 2อึณ มึห ดูอี อู วี, อัน มึห เซา อี แตห อัน อ็อห บอ โดว. อัน แฮะ ตัห ฌัม โดง กอย เฌา เยซู. 3เฌา เยซู ดีหมอด เฆ ดา ซารา อี มาโนว ดารา เฌาพรา บอ เฆ ดูอี แคง พึง พารีแซ ลอง อัน ตี. อัน ต็อห, “เซ โอว แตห ดูอี เซา ตี วี แกน ดอ มูห ซีแง ดีเหลา, ดารา แตห โอว โบง, ตู แตห โอว โบง?” 4เฆ ตู เวียะ โฆรห อัน. ปัน ตี เฌา เยซู ปา ดูอี ตึอน, บอ แตห เซา อัน หราย. วาย อัน ตี เฌา เยซู วี จัร อัน วีว ดี กาง อัน.
5แฮะ ฮอต, เฌา เยซู วี ต็อห ดี ดูอี บอกาเฆลียด, “เซ อึณ มูห ซีแง ดีเหลา, เซ อึณ มูห ฆอน เบ บอ มัก อาโล็ง เบ อี แฮะ โจห แคง อึม คึม, เบ ดอน อี ดี บอ ฮาว ดึห เลห อัน อู เฌณ.” 6ปัน ตี เฆ ดูอี ตึอน ตู ปึอน เวียะ โฆรห อัน ตี.
7เฌา เยซู ยี ยอด เฆ ดูอี ตัห โฮม แคง กาง ตึอน. อัน บอ ยึร เฆ ซี กอย โดง จา. ปัน ตี อัน มืร จูห ดี กาลาง อูพามา ดี เฆ. อัน ต็อห, 8“เซ ดูอี เฮา อู วี บาง เบ ฮาว บลอย คัด, แกวะ ฮาว ตูต โดง จา, แกวะ กอย รึม โดบ เฆ ดา ตาง. เซ อึณ ดี บอ มึห ดูอี ปอ อู วี ปี บาง ดูอี ตึอน อี แฮะ ตาง หลึอม เบ, 9เซ ดูอี อี บาง เบ ตึอน บอ ตัห บอ กาลาง ดี เบ ต็อห, ‘แตห ดูอี วี นี ตูต โดง กอย แม นี.’ เซ อัน ต็อห ดี เบ ปาย ตี, อึณ หมึอม ซาย กาเซา. เบ บอ โลว วี ตูต นา ปัน ดูอี เฮา ดอน วี. แกวะ แตห อึณ แบน ปาย ตี. 10เบ ยี โลว โบง ปาย นี. เซ ดูอี บาง เบ ฮาว โฮม โบม รึม โดบ เฆ, เบ โลว ลึบ ตูต ดี ปัน ดูอี เฮา ดอน วี. ปัน ตี ดูอี อี บาง เบ โฮม แคง กาง อัน ตึอน, อัน ดี ปึอน ดี ตัห ต็อห ดี เบ, ‘อึย แม ฆึก, แตห แม ตูต นา กัว นี.’ เซ อัน ดี ต็อห ปาย ตี, เฆ ดูอี ตัห โฮม รึม โดบ เบ, เฆ อี ยึร ลอง อัน ตี, เฆ ดี บอ โรวเซ เบ. 11อาเซ ปีคึก อัน, อาเซ ต็อห, อัน ตาง หลึอม อี เฮา, เฆ อี เฮา ตู วี โรวเซ อัน. อาเซ ยี มึห น็อห ซืร, อาเซ ตู ต็อห อัน ตาง หลึอม อี เฮา, เฆ อี เฮา ดี วี โรวเซ อัน, ต็อห อัน มูห ดา ตาง.”
12ปัน ตี เฌา เยซู กาลาง ดี ดูอี อี แฮะ บาง อัน โฮม โบม แคง กาง อัน ต็อห, “ดอ บาง แม ดูอี ฮาว ลึบ แคง กาง แม, โฮม โบม ซีแง, โบม หมึร, แม แกวะ บาง ฆึก แม, เฆ บีนอง แม, เฆ ครึร แม บอ เฆ ดูอี ครัม แคง มืง แม. แกวะ แตห แม บาง เฆ ดูอี ฌึร ตี. โคว, แม นับ ซีคยา, เฆ ดี วี บาง บอ แม โฮม แคง กาง เฆ, แตห เฆ วี ดัว ดี แม แคะ ปี ดัว แม ดี เฆ. 13เซ แม ซี เฮียง อี เฮา โฮม, แตห แม บาง เฆ ดูอี ฆีน, ดูอี ยัม บลาก, เฆ ดูอี เปลา ยัม, บอ เฆ ดูอี งาย อับ, แตห เฆ ฮาว โฮม โบม แคง กาง แม. 14เซ แม โบง ปาย ตี, อึณ ดี แบน ม็องการา ดี แม. โคว, เฆ ดูอี ฌึร ตี, เฆ ตู ปึอน วี ดัว มาเซ ดี แม. แม ดี วี ปึอน อาฆยึร อัน ตี, ปัน ดี แตห เฌาพรา เฆ ดูอี มึห น็อห ซืร น็อห หมาน วี ยีต วี อีม.”
ลอง บลอย ตาง
15ดอ กาลาง เฌา เยซู โฆรห ตี, อึณ มึห ดูอี อู วี. อัน แฮะ โทม โตต ดอน โมยว ฌึร ตี, อัน วี ต็อห ดี เฌา เยซู, “เฆ ดูอี ดี ปึอน กอย โฮม รึม โบม แคง มืง ปี อึบ เฌาพรา, เฆ ดอน อี ดี มึห น็อห ดาคึย.”
16เฌา เยซู วี ต็อห ดี ดูอี ตึอน, “ดอ มึอน, อึณ มึห ดูอี อู วี, อัน โบง บลอย, บาง ดูอี กืน ลึบ บลอย อัน. 17อาคราว ดี โลว โฮม เฆ โบม แฮะ กาตัด ดี ฌัม, ดูอี ตึอน จัร แดเจณ อัน, แตห เฆ ฮาว กาลาง ดี เฆ ดูอี แปะ แฮะ บาง อัน ตึอน, แตห เฆ ตัห. อัน จัร แดเจณ อัน ต็อห ดี แคต, ‘แตห เบ ฮาว โฮม. แฮะ ฮอต แรน ดอน โมยว. แตห เบ ตัห ดอ ตี นี.’
18เฆ ดูอี ตึอน ยี กาโลว ดี กาลาง ฆ็อห โดว เฆ. อู วี อัน ต็อห, ‘โอว แฮะ จึห มาน อู โปละ. โอว โลว ฮาว ยอด. โอว ดองบาน แม, โอว ตู ดัน.’
19ปอ อู วี อัน ต็อห, ‘โอว แฮะ จึห มัก อาโล็ง พัน ฆู. โอว โลว ฮาว ยอด เฆ. โอว ดองบาน แม, โอว ตู ดัน.’
20ปอ อู วี ปี วี ต็อห, ‘โอว ซอ ปาย บอ คัด. โคว, โอว ตู ปึอน ลึบ บลอย ตี.’
21แดเจณ ตึอน วี กาลาง โตต ดอน โมยว ดี ดา กาณา อัน ลอง ปี ต็อห แคต เฆ ดี อัน. ดา กาณา ตึอน บอ รู แคง น็อห อัน. อัน ต็อห ดี แดเจณ อัน, ‘แม โลว ฮาว โดบ อึณเตณ, แตห แม กอ ฌัม ดอน นา ดอน โปละ แคง มืง นี. แตห แม บาง ดอน อี ตัห. บอ เฆ ดูอี ฆีน, เฆ ดูอี ยัม บลาก, เฆ ดูอี เปลา ยัม, เฆ ดูอี งาย อับ, แตห แม บาง เฆ บอกาเฆลียด ตัห ดี นี.’
22อัน แฮะ ฮอต จัร ปาย ตี, แดเจณ ตึอน บอ ฮาว. ดอ วี ตัห อัน, อัน วี ต็อห, ‘อึย ดา กาณา โอว, โอว แฮะ โบง โตต ดอน โมยว ปี จัร แม โอว โบง. เฆ ดูอี ยี หณัม โนะ แคง โฮว โดง โบง เอ บลอย.’
23ดา กาณา วี ต็อห ดี แดเจณ อัน, ‘แตห แม เลห ฮาว โดบ อึณเตณ ตาง บอ อึณเตณ ดีแตด. แตห แม กาลาง แคม ดี ดูอี ดี ตัห ดี บลอย นี, แตห ดูอี กอ โนะ แคง กาง เอ. 24โอว ต็อห ดี แม, เฆ ดูอี ปี บาง โอว ตัห คา อาต อู วี มืร ตู ปึอน ดี โฮม ปี แรน โอว นี.’” ปาย ตี เฌา เยซู กาลาง ดี ดูอี ตึอน.
ลอง อี ดี ปึอน แบน ดีแบ เฌา เยซู
25ดอ อัน ตี เฆ ดูอี กืน บอ ฮาว รึม โดบ เฌา เยซู. อัน ยี ยอด นา ปัน, ต็อห ดี เฆ, 26“เซ ดูอี ซี ตัห กอย โดบ โอว, เซ อัน ตู ร็อก โอว หลึอม ร็อก อัน ฆูณ มา อัน, บอ อูกัด อูวา อัน บอ อีบึณ เฆ ฆอน อัน, เซ อัน มืร ตู ร็อก โอว หลึอม ร็อก อัน อาซาก อัน, อัน ตู ปึอน ดี แบน ดีแบ โอว. 27เบ โลว เบลห น็อห เบ ต็อห, ‘เซ โอว ดี บอ โลว ยัม, โอว ยี ดี โดบ อัน เฌา เซเซ.’ อาเซ ตู เบลห น็อห อัน ปาย ตี, อัน ตู ปึอน ดี แบน ดีแบ โอว.
28บอ เบ, เซ อึณ มึห ดูอี กาแต เบ, อี ซี โบง กาโช็ง จา โดง ดี บัร มาน อัน, คา อาต อัน โลว เฌณฌา, โลว บัก แคะ เหมา อัน ดี โตต, แตห อัน นับ, โยว รึอน อัน ดี ฆลึม, โยว อัน แป ดี โบง ฮอต กาโช็ง ตึอน. 29เซ อัน ตู โบง ปาย ตี ดี อาต, อัน ฮี ฮอต ซัม เจณ ร็อง, เซ อัน ยี ตู แป ดี แตห อึณ ฮอต โตต, เฆ อี ยึร ลอง อัน ตี, เฆ ดี กาณัห อัน. 30เฆ ดี ต็อห, ‘ดูอี ตี แฮะ จูห ดี ซัม กาโช็ง, ยี ตู แป ดี โบง แตห อึณ กอ ฮอต.’
31เซ อึณ บอ มูห คูนดีคัม, เซ อัน ซี เลห ฮาว กาโฆห ดี คูนดีคัม ปอ อู กาดัง, คูนดีคัม ตี, อัน ดี บอ ตีห ดา ซึก อัน ดี อาต. อัน ดี เฌณฌา, โยว อัน โลว ดา ซึก อัน อา หมึณ เซ อู หมึณ ตู ฆลึม, แตห อัน แป รันซู อัน. 32เซ อัน ยี โยว ดา ซึก อัน ตู แป รันซู, อัน ดี บอ ตึย อามู อามาด อัน, แตห เฆ ฮาว ฌัม โดง กอย รันซู อัน, ดอ ซี กอย กาโต็ง อัน. แตห เฆ ลาย กาลาง, หมาณ, แตห เฆ ลาย แบน ฆึก. 33อึณ บอ ปาย ตี. เซ เบ ตู แวน โตต ดอน โมยว แคะ ปี มึห เบ, เบ ตู ปึอน ดี แบน ดีแบ โอว.”
34เฌา เยซู แฮะ ฮอต กาลาง ปาย ตี, อัน วี ต็อห, “เซ ซัยะ แฮะ ซ็อง, อึณ บอด. เซ ยี หราย ซ็อง ซัยะ, มาเซ ปี ดี ฮับ เบ, แตห ซัยะ วี ซ็อง? 35ซัยะ ตี, อาว ปึอน โบง มาเซ. อาว ปึอน บรัด แคง มาน, อาว ปึอน แบน พูน. โลว แวน โตต. อาเซ มึห โหยะ แตห อัน โทม, แตห อึณ กอ ลึห.” เฌา เยซู แฮะ มาโนว เฆ ดูอี กืน ปาย ตี.
Currently Selected:
ลก 14: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ลก 14
14
ลอง เฌา เยซู กอย แคง กาง ดูอี พึง พารีแซ
1อึณ วี ฌัม ซีแง ดีเหลา ปอ อู ซีแง, เฌา เยซู ฮาว โฮม โบม แคง กาง ดา ตาง แคง พึง พารีแซ อู วี. เฆ ดูอี กืน บัร ดี ยอด เฌา เยซู, แตห เฆ ปึอน ดี กาย็อง อัน. 2อึณ มึห ดูอี อู วี, อัน มึห เซา อี แตห อัน อ็อห บอ โดว. อัน แฮะ ตัห ฌัม โดง กอย เฌา เยซู. 3เฌา เยซู ดีหมอด เฆ ดา ซารา อี มาโนว ดารา เฌาพรา บอ เฆ ดูอี แคง พึง พารีแซ ลอง อัน ตี. อัน ต็อห, “เซ โอว แตห ดูอี เซา ตี วี แกน ดอ มูห ซีแง ดีเหลา, ดารา แตห โอว โบง, ตู แตห โอว โบง?” 4เฆ ตู เวียะ โฆรห อัน. ปัน ตี เฌา เยซู ปา ดูอี ตึอน, บอ แตห เซา อัน หราย. วาย อัน ตี เฌา เยซู วี จัร อัน วีว ดี กาง อัน.
5แฮะ ฮอต, เฌา เยซู วี ต็อห ดี ดูอี บอกาเฆลียด, “เซ อึณ มูห ซีแง ดีเหลา, เซ อึณ มูห ฆอน เบ บอ มัก อาโล็ง เบ อี แฮะ โจห แคง อึม คึม, เบ ดอน อี ดี บอ ฮาว ดึห เลห อัน อู เฌณ.” 6ปัน ตี เฆ ดูอี ตึอน ตู ปึอน เวียะ โฆรห อัน ตี.
7เฌา เยซู ยี ยอด เฆ ดูอี ตัห โฮม แคง กาง ตึอน. อัน บอ ยึร เฆ ซี กอย โดง จา. ปัน ตี อัน มืร จูห ดี กาลาง อูพามา ดี เฆ. อัน ต็อห, 8“เซ ดูอี เฮา อู วี บาง เบ ฮาว บลอย คัด, แกวะ ฮาว ตูต โดง จา, แกวะ กอย รึม โดบ เฆ ดา ตาง. เซ อึณ ดี บอ มึห ดูอี ปอ อู วี ปี บาง ดูอี ตึอน อี แฮะ ตาง หลึอม เบ, 9เซ ดูอี อี บาง เบ ตึอน บอ ตัห บอ กาลาง ดี เบ ต็อห, ‘แตห ดูอี วี นี ตูต โดง กอย แม นี.’ เซ อัน ต็อห ดี เบ ปาย ตี, อึณ หมึอม ซาย กาเซา. เบ บอ โลว วี ตูต นา ปัน ดูอี เฮา ดอน วี. แกวะ แตห อึณ แบน ปาย ตี. 10เบ ยี โลว โบง ปาย นี. เซ ดูอี บาง เบ ฮาว โฮม โบม รึม โดบ เฆ, เบ โลว ลึบ ตูต ดี ปัน ดูอี เฮา ดอน วี. ปัน ตี ดูอี อี บาง เบ โฮม แคง กาง อัน ตึอน, อัน ดี ปึอน ดี ตัห ต็อห ดี เบ, ‘อึย แม ฆึก, แตห แม ตูต นา กัว นี.’ เซ อัน ดี ต็อห ปาย ตี, เฆ ดูอี ตัห โฮม รึม โดบ เบ, เฆ อี ยึร ลอง อัน ตี, เฆ ดี บอ โรวเซ เบ. 11อาเซ ปีคึก อัน, อาเซ ต็อห, อัน ตาง หลึอม อี เฮา, เฆ อี เฮา ตู วี โรวเซ อัน. อาเซ ยี มึห น็อห ซืร, อาเซ ตู ต็อห อัน ตาง หลึอม อี เฮา, เฆ อี เฮา ดี วี โรวเซ อัน, ต็อห อัน มูห ดา ตาง.”
12ปัน ตี เฌา เยซู กาลาง ดี ดูอี อี แฮะ บาง อัน โฮม โบม แคง กาง อัน ต็อห, “ดอ บาง แม ดูอี ฮาว ลึบ แคง กาง แม, โฮม โบม ซีแง, โบม หมึร, แม แกวะ บาง ฆึก แม, เฆ บีนอง แม, เฆ ครึร แม บอ เฆ ดูอี ครัม แคง มืง แม. แกวะ แตห แม บาง เฆ ดูอี ฌึร ตี. โคว, แม นับ ซีคยา, เฆ ดี วี บาง บอ แม โฮม แคง กาง เฆ, แตห เฆ วี ดัว ดี แม แคะ ปี ดัว แม ดี เฆ. 13เซ แม ซี เฮียง อี เฮา โฮม, แตห แม บาง เฆ ดูอี ฆีน, ดูอี ยัม บลาก, เฆ ดูอี เปลา ยัม, บอ เฆ ดูอี งาย อับ, แตห เฆ ฮาว โฮม โบม แคง กาง แม. 14เซ แม โบง ปาย ตี, อึณ ดี แบน ม็องการา ดี แม. โคว, เฆ ดูอี ฌึร ตี, เฆ ตู ปึอน วี ดัว มาเซ ดี แม. แม ดี วี ปึอน อาฆยึร อัน ตี, ปัน ดี แตห เฌาพรา เฆ ดูอี มึห น็อห ซืร น็อห หมาน วี ยีต วี อีม.”
ลอง บลอย ตาง
15ดอ กาลาง เฌา เยซู โฆรห ตี, อึณ มึห ดูอี อู วี. อัน แฮะ โทม โตต ดอน โมยว ฌึร ตี, อัน วี ต็อห ดี เฌา เยซู, “เฆ ดูอี ดี ปึอน กอย โฮม รึม โบม แคง มืง ปี อึบ เฌาพรา, เฆ ดอน อี ดี มึห น็อห ดาคึย.”
16เฌา เยซู วี ต็อห ดี ดูอี ตึอน, “ดอ มึอน, อึณ มึห ดูอี อู วี, อัน โบง บลอย, บาง ดูอี กืน ลึบ บลอย อัน. 17อาคราว ดี โลว โฮม เฆ โบม แฮะ กาตัด ดี ฌัม, ดูอี ตึอน จัร แดเจณ อัน, แตห เฆ ฮาว กาลาง ดี เฆ ดูอี แปะ แฮะ บาง อัน ตึอน, แตห เฆ ตัห. อัน จัร แดเจณ อัน ต็อห ดี แคต, ‘แตห เบ ฮาว โฮม. แฮะ ฮอต แรน ดอน โมยว. แตห เบ ตัห ดอ ตี นี.’
18เฆ ดูอี ตึอน ยี กาโลว ดี กาลาง ฆ็อห โดว เฆ. อู วี อัน ต็อห, ‘โอว แฮะ จึห มาน อู โปละ. โอว โลว ฮาว ยอด. โอว ดองบาน แม, โอว ตู ดัน.’
19ปอ อู วี อัน ต็อห, ‘โอว แฮะ จึห มัก อาโล็ง พัน ฆู. โอว โลว ฮาว ยอด เฆ. โอว ดองบาน แม, โอว ตู ดัน.’
20ปอ อู วี ปี วี ต็อห, ‘โอว ซอ ปาย บอ คัด. โคว, โอว ตู ปึอน ลึบ บลอย ตี.’
21แดเจณ ตึอน วี กาลาง โตต ดอน โมยว ดี ดา กาณา อัน ลอง ปี ต็อห แคต เฆ ดี อัน. ดา กาณา ตึอน บอ รู แคง น็อห อัน. อัน ต็อห ดี แดเจณ อัน, ‘แม โลว ฮาว โดบ อึณเตณ, แตห แม กอ ฌัม ดอน นา ดอน โปละ แคง มืง นี. แตห แม บาง ดอน อี ตัห. บอ เฆ ดูอี ฆีน, เฆ ดูอี ยัม บลาก, เฆ ดูอี เปลา ยัม, เฆ ดูอี งาย อับ, แตห แม บาง เฆ บอกาเฆลียด ตัห ดี นี.’
22อัน แฮะ ฮอต จัร ปาย ตี, แดเจณ ตึอน บอ ฮาว. ดอ วี ตัห อัน, อัน วี ต็อห, ‘อึย ดา กาณา โอว, โอว แฮะ โบง โตต ดอน โมยว ปี จัร แม โอว โบง. เฆ ดูอี ยี หณัม โนะ แคง โฮว โดง โบง เอ บลอย.’
23ดา กาณา วี ต็อห ดี แดเจณ อัน, ‘แตห แม เลห ฮาว โดบ อึณเตณ ตาง บอ อึณเตณ ดีแตด. แตห แม กาลาง แคม ดี ดูอี ดี ตัห ดี บลอย นี, แตห ดูอี กอ โนะ แคง กาง เอ. 24โอว ต็อห ดี แม, เฆ ดูอี ปี บาง โอว ตัห คา อาต อู วี มืร ตู ปึอน ดี โฮม ปี แรน โอว นี.’” ปาย ตี เฌา เยซู กาลาง ดี ดูอี ตึอน.
ลอง อี ดี ปึอน แบน ดีแบ เฌา เยซู
25ดอ อัน ตี เฆ ดูอี กืน บอ ฮาว รึม โดบ เฌา เยซู. อัน ยี ยอด นา ปัน, ต็อห ดี เฆ, 26“เซ ดูอี ซี ตัห กอย โดบ โอว, เซ อัน ตู ร็อก โอว หลึอม ร็อก อัน ฆูณ มา อัน, บอ อูกัด อูวา อัน บอ อีบึณ เฆ ฆอน อัน, เซ อัน มืร ตู ร็อก โอว หลึอม ร็อก อัน อาซาก อัน, อัน ตู ปึอน ดี แบน ดีแบ โอว. 27เบ โลว เบลห น็อห เบ ต็อห, ‘เซ โอว ดี บอ โลว ยัม, โอว ยี ดี โดบ อัน เฌา เซเซ.’ อาเซ ตู เบลห น็อห อัน ปาย ตี, อัน ตู ปึอน ดี แบน ดีแบ โอว.
28บอ เบ, เซ อึณ มึห ดูอี กาแต เบ, อี ซี โบง กาโช็ง จา โดง ดี บัร มาน อัน, คา อาต อัน โลว เฌณฌา, โลว บัก แคะ เหมา อัน ดี โตต, แตห อัน นับ, โยว รึอน อัน ดี ฆลึม, โยว อัน แป ดี โบง ฮอต กาโช็ง ตึอน. 29เซ อัน ตู โบง ปาย ตี ดี อาต, อัน ฮี ฮอต ซัม เจณ ร็อง, เซ อัน ยี ตู แป ดี แตห อึณ ฮอต โตต, เฆ อี ยึร ลอง อัน ตี, เฆ ดี กาณัห อัน. 30เฆ ดี ต็อห, ‘ดูอี ตี แฮะ จูห ดี ซัม กาโช็ง, ยี ตู แป ดี โบง แตห อึณ กอ ฮอต.’
31เซ อึณ บอ มูห คูนดีคัม, เซ อัน ซี เลห ฮาว กาโฆห ดี คูนดีคัม ปอ อู กาดัง, คูนดีคัม ตี, อัน ดี บอ ตีห ดา ซึก อัน ดี อาต. อัน ดี เฌณฌา, โยว อัน โลว ดา ซึก อัน อา หมึณ เซ อู หมึณ ตู ฆลึม, แตห อัน แป รันซู อัน. 32เซ อัน ยี โยว ดา ซึก อัน ตู แป รันซู, อัน ดี บอ ตึย อามู อามาด อัน, แตห เฆ ฮาว ฌัม โดง กอย รันซู อัน, ดอ ซี กอย กาโต็ง อัน. แตห เฆ ลาย กาลาง, หมาณ, แตห เฆ ลาย แบน ฆึก. 33อึณ บอ ปาย ตี. เซ เบ ตู แวน โตต ดอน โมยว แคะ ปี มึห เบ, เบ ตู ปึอน ดี แบน ดีแบ โอว.”
34เฌา เยซู แฮะ ฮอต กาลาง ปาย ตี, อัน วี ต็อห, “เซ ซัยะ แฮะ ซ็อง, อึณ บอด. เซ ยี หราย ซ็อง ซัยะ, มาเซ ปี ดี ฮับ เบ, แตห ซัยะ วี ซ็อง? 35ซัยะ ตี, อาว ปึอน โบง มาเซ. อาว ปึอน บรัด แคง มาน, อาว ปึอน แบน พูน. โลว แวน โตต. อาเซ มึห โหยะ แตห อัน โทม, แตห อึณ กอ ลึห.” เฌา เยซู แฮะ มาโนว เฆ ดูอี กืน ปาย ตี.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.