มก 10
10
ลอง อีบึณ อีมาย ลาย แวน
1เฌา เยซู แฮะ ฮอต มาโนว แคะ ตี, อัน วี เลห โดง กอย อัน, วี ฮาว ฌัม อืง ยูดา. อัน มืร ฮาว นา ตัะ แบลง ยอดาน. ดอ อัน ตี อึณ วี มึห ดูอี กืน ตัห ดี อัน. อัน วี มาโนว เฆ ปี ปี ดึอม มาโนว อัน เซเซ. 2อึณ ยี มึห ดูอี พึง พารีแซ มัง อี, เฆ ตัห โดง กอย อัน. เฆ ต็อห ดี เทว น็อห อัน. เฆ ดีหมอด อัน ต็อห, “เซ อีมาย อู วี แวน อีบึณ อัน, อึณ โดบ ตู โดบ ดารา?”
3เฌา เยซู วี ต็อห, “มาเซ ปี จัร ดา ซารา อาโมวแซ เบ โบง?”
4เฆ วี ต็อห, “ดา ซารา อาโมวแซ ตึอน แฮะ ควาง อีมาย แดม แปะ ลอง ลาย แวน. แฮะ ฮอต อัน ปึอน แวน อีบึณ.”
5เฌา เยซู วี ต็อห, “โกบ ตู มึห เบ น็อห ร็อก กาเว ดูอี, ดา ซารา อาโมวแซ แฮะ แดม อูน ดารา ตี. 6อู ซีณ ดอ โบง เบลห เฌาพรา ดูอี, อัน ยี โบง แตห อึณ มึห บอ อีมาย บอ อีบึณ. 7โคว อัน ตี อีมาย ดี เลห แคง กาง ฆูณ มา อัน, วี โดบ อีบึณ อัน. 8ฆาย มืร ดี แบน ปี โดว โบ็ง อู โบ็ง. อึณ ปี ฆาย อาว ฮู มูห ดูอี อา วี. ฆาย แฮะ แบน ปี อู วี. 9โคว, เซ เฌาพรา แฮะ แตห อา วี คัด ลาย ดึห, วี แบน ปี อู วี, ดูอี อาว ปึอน โบง, แตห ฆาย วี กาย็อห.”
10วาย อัน ตี ดอ วี ลึบ กอย เฆ แคง กาง, เฆ ดีแบ เฌา เยซู วี ดีหมอด อัน ลอง โฆรห ตี. 11เฌา เยซู วี ต็อห, “อาเซ แวน อีบึณ อัน, วี ดึห อีบึณ ปอ อู วี, หมาบ อัน ปี หมาบ ลูต อีบึณ อี. อัน โบง หมาบ ตี ดี อีบึณ บรีม อัน. 12ปาย ตี, บอ อีบึณ. เซ อีบึณ แวน อีมาย อัน, วี ดึห อีมาย ปอ อู วี, หมาบ อัน มูห อู โมยว.”
ลอง ฆอน ตัห โดง กอย เฌา เยซู
13เฆ ดูอี กืน วี ตัห ตึย ฆอน ดีแตด เฆ, แตห เฌา เยซู ปา เฆ. เฆ ดีแบ อัน ยี เอห เฆ อี ตัห ตึย ฆอน ตี. 14เฌา เยซู วี ยึร ปี ปาย เฆ ตี, อัน ตู อึง. อัน ต็อห ดี ดีแบ อัน, “แตห เฆ ฆอน ดีแตด ตัห ดี โอว. แกวะ แคร เฆ. อาเซ ซี กอย แคง มืง ปี อึบ เฌาพรา, อัน โลว แบน ปี ฆอน เฆ นี. 15โอว ต็อห อาคัร ดี เบ. อาเซ ซี ลึบ แคง มืง ปี อึบ เฌาพรา, ยี ตู เบลห น็อห อัน ปี ฆอน ดีแตด, อัน ตู ปึอน ดี ลึบ ดอ เหมา.” 16อัน แฮะ ฮอต ต็อห ปาย ตี, อัน วี เงียม ฆอน เฆ ตึอน. วี ดาง แด อัน แดง ฆีณ เฆ, วี ม็องการา แตห ดี เฆ.
ลอง ดูอี ครัม อู วี
17เฌา เยซู วี จูห ดี ฮาว โดบ อึณเตณ. ดอ อัน ตี อึณ มึห ดูอี อู วี, อัน กาแบลบ ตัห โดง กอย เฌา เยซู, ครึบเครา ดี อาต อัน. อัน ต็อห, “แม ซารา บอด, มาเซ ปี โลว โบง โอว, แตห โอว ปึอน ดี กอย รึม โดบ เฌาพรา เซเซ?”
18เฌา เยซู วี ต็อห, “เหมา อึณ ปาย ปี ต็อห แม ‘ซารา บอด’ ดี โอว? อาว มึห ดูอี อี บอด. มี เฌาพรา อู กาดัง แฮะ บอด. 19แม นับ ดารา ปี แดม อูน แคง บับ เฌาพรา? แกวะ ง็อห อาซาก ดูอี, แกวะ ลูต อีบึณ อี, แกวะ ปรา โกรว อี, แกวะ กาโลว ดอ แบน แม ซักเซ ลอง อี เฮา, แกวะ กาโลว อี เฮา, โรวเซ ฆูณ มา แม?”
20ดูอี ตึอน วี ต็อห, “ซารา, ซีณ ดอ มูห โอว ฆอน ดีแตด, โอว แฮะ โบง โตต ฌึร ตี.”
21เฌา เยซู วี ยอด อัน, บอ ร็อก อัน. อัน วี ต็อห, “อึณ ซี มึห อู โมยว ปี โลว แม โบง. แม โลว ย็อง โตต โกรวกราม แม. แคะ ปี ปึอน แม, แม โลว วี กาซาง ดี ดูอี ฆีน. เซ แม โบง ปาย ตี, อึณ ปี โกรวกราม ปี ดี ปึอน แม แคง ฆางหราว, อึณ ดี กืน. แม ฮี ฮอต โบง ปาย ตี, แม โลว วี ตัห, โดบ โอว.”
22เฌา เยซู แฮะ ฮอต กาลาง โฆรห ตี, นา ดูอี ตึอน อาว ดาคึย. อัน กลึร กาเซา, วี เวณ. โคว, อัน แฮะ ครัม กาเซา.
23เฌา เยซู วี มางัห ยอด อี เฮา, วี กาลาง ดี ดีแบ อัน ต็อห, “อึณ หณาบ กาเซา แตห ดูอี ครัม ปึอน ดี ลึบ แคง มืง ปี อึบ เฌาพรา.”
24เฆ ดีแบ อัน แฮะ อาม กาเซา โฆรห อัน ตี. เฌา เยซู วี ต็อห ปอ อู เฌณ, “อึย เบ วา โอว, อึณ แฮะ หณาบ กาเซา ดี ลึบ แคง มืง ปี อึบ เฌาพรา. 25เซ ดูอี โลว ฮับ วัน ตาง,#10:25 ยอด อามาแท 19:24 แตห อึณ ลึบ แคง กาเดา โหยะ มาลัต, อึณ หงึย หลึอม ดูอี ครัม อู วี ปึอน ดี ลึบ แคง มืง ปี อึบ เฌาพรา.”
26เฆ ดีแบ เฌา เยซู แฮะ ฮอต โทม โฆรห ตี, เฆ วี อาม กาเซา หลึอม คา อาต. เฆ วี ลาย กาลาง ต็อห, “เซ อึณ ปาย ตี, อึณ แหนน อาว มึห อาเซ อี ปึอน ดี ลึบ แคง มืง ปี อึบ เฌาพรา.”
27ปัน ตี เฌา เยซู ยอด เฆ, วี ต็อห, “ปี ตู ปึอน โบง ดูอี, เฌาพรา ยี ปึอน โบง โตต ดอน โมยว. อาว มึห มาเซ ปี ตู ปึอน โบง เฌาพรา.”
28อาเปตารู วี ต็อห ดี เฌา เยซู, “เย แฮะ ฮอต แวน โตต ดอน โมยว, แตห เย ปึอน ดี โดบ แม.”
29เฌา เยซู วี ต็อห, “โอว ต็อห อาคัร ดี เบ. เซ อึณ มึห ดูอี, เซ อัน แวน กาง อัน บอ อูกัด อูวา อัน, เซ อัน แวน บอ ฆูณ มา เฆ ฆอน อัน, แวน บอ มาน อัน โกบ หณึม อัน ดี โอว บอ โดบ ดารา อี แตห น็อห ดูอี ดาคึย, 30เซ อึณ มึห ดูอี โบง ฌึร ตี, อัน ดี วี ปึอน อู มาย็อห บูน แคะ ปี แวน อัน. ดอ มูห ฌาด นี, อัน ดี วี ปึอน บอ กาง บอ อูกัด อูวา บอ มา เฆ ฆอน อัน. อัน ดี วี ปึอน บอ มาน เฆ โดง นา อัน. อัน ดี ปึอน โตต ฌึร ตี บอ โลว กาดูห ดูก แบน โมยว แบน โมยว. ปัน ฌาด ดี ตัห, อัน บอ ปึอน กอย รึม โดบ เฌาพรา เซเซ. 31อาเซ ยี ต็อห ดี แยต ดี อาต อี, อัน ดี วี โดบ ดี ปัน. อาเซ วี โดบ ดี ปัน, อัน ปึอน ดี แยต ดี อาต.”
ลอง เฌา เยซู วี กาลาง ปัน ดี ยัม อัน
32วาย อัน ตี เฆ วี ฮาว โดบ อึณเตณ โฮะ มืง เยรูซาแลม. เฌา เยซู แยต ดี อาต เฆ. เฆ ดีแบ เฌา เยซู บอ อาม. เฆ อี เฮา อี โดบ อัน เฆ ยี โยว. ดอ ฮาว เฆ โดบ อึณเตณ ตี, เฌา เยซู วี แดะ ดีแบ อัน ฆึร ดี อา วี แตห เฆ ฮาว เครียะ อัน. อัน วี จูห ดี กาลาง ดี เฆ ลอง ปี ดี กาดูห อัน. 33อัน ต็อห, “ดอ ตี นี เอ โฮะ มืง เยรูซาแลม. ฮี ฌัม แคง มืง, เฆ ดี เหมต โอว, อี แฮะ แบน ฆอน ดูอี. เฆ ดี วี อาบ โอว ดี เฆ ดา ตาง อี แยต เฆ ดูอี อี หลู ดี เฌาพรา บอ ดี เฆ ดา ซารา อี มาโนว ดารา ยูดา. เฆ ดูอี ตี ดี บอ ซูงพยาด ดี ง็อห ยัม โอว. แฮะ ฮอต, เฆ ดี วี อาบ โอว ดี ดา ตาง เฆ ดูอี อี ตู นับ เฌาพรา. 34เฆ ดูอี ตี, เฆ ดี วี กาณัห โอว, ปัต โอว, ซีเบรียะ โอว. แฮะ ฮอต, เฆ ดี ง็อห ยัม โอว. วาย แฮะ ฮอต ยัม โอว, ฮี ปึอน โอย ซีแง, โอว ดี วี ยีต วี อีม.”
ลอง ปี ซี ปึอน ดีแบ อา วี
35วาย อัน ตี อึณ มูห อายาโกบ ฆาย อายอฮาน, อี มูห ฆอน อาเฌเบเด, ฆาย วี ตัห กาลาง ดี เฌา เยซู. ฆาย ต็อห, “ซารา, แตห แม ดัว ดี ยาย แคะ ปี หมาณ ยาย.”
36เฌา เยซู วี ต็อห, “มาเซ ปี โลว บาย?”
37ฆาย วี ต็อห, “อึณ มูห ยาย อา วี, เซ แม แฮะ ปึอน อาพูง ดังโคว แม, แตห แม ควาง อู วี กอย บลาก อาอัห แม, ปอ อู วี กอย บลาก อาฆัะ แม.”
38ฆาย แฮะ ฮอต ต็อห ปาย ตี, เฌา เยซู วี ต็อห, “บาย ตู นับ ปี หมาณ บาย. โอว วี ดีหมอด บาย. บาย คัม ดี เดียง แคง ซีลัยะ ปี เดียง โอว, อี แตห โอว ยัม? บอ บาย ดี คัม ดี จึบ แคง อึม ปี คัม โอว ดี จึบ?”#10:38 เฌา เยซู กาลาง โฆรห ตี ลอง ปัน ดี ยัม อัน. ดูก ปี ดี โลว คัม อัน, อึณ ปี อัน โลว เดียง อึม โงน บอ จึบ แคง อึม. ยอด อามาแท 20:22
39ฆาย วี ต็อห, “แฮะ คัม.” แฮะ ฮอต ต็อห ปาย ตี, เฌา เยซู วี ต็อห, “แฮะ มูห. บาย ดี โลว เดียง แคง ซีลัยะ ปี เดียง โอว. บาย ดี โลว คัม ดี จึบ แคง อึม ปี คัม โอว ดี จึบ. 40โอว ยี ตู ปึอน แตห บาย กอย บลาก อาอัห ฆาย บลาก อาฆัะ โอว. เฌาพรา แฮะ ฮอต ร็อห ดูอี อี ปึอน ดี กอย โคบ โอว. โดง ซี กอย บาย ตี, อัน ดี ดัว ดี ดูอี ปี ร็อห อัน.”
41เฌา เยซู แฮะ ฮอต กาลาง โฆรห ตี, บอ เฆ ดีแบ เฌา เยซู ฆึร วี บอ นับ ลอง ปี หมาณ ฆาย. โคว, เฆ ตู อึง อายาโกบ ฆาย อายอฮาน. 42ปัน ตี เฌา เยซู วี แดะ เฆ ฆึร ดี อา วี. อัน วี ต็อห ดี เฆ, “เบ แฮะ นับ, เซ อึณ มูห ดา ตาง อี อึบ ดูอี อาโมยว เฮา, เฆ นับ ดี ดึห ปวน เฆ, จัร กาเซา ดูอี ปี อึบ เฆ, แตห อึณ หณาบ ดี เฆ. บอ เฆ ดา ตาง แคง มืง อี เฮา นับ ดี คาหนาบ เฆ. 43เบ ยี ตู โลว โบง ปาย ตี. อาเซ ซี แบน ดา ตาง กาแต เบ, อัน โลว วี แบน หมาย ดอน อี. 44อาเซ ซี แยต อี, อัน วี โลว แบน วา ดอน อี, จอย ดอน อี. 45ปาย ตี บอ โอว, อี แฮะ แบน ฆอน ดูอี, โอว ตู ตัห แตห อี เฮา จอย โอว. โอว แฮะ ตัห ฌัม แดง กาดาย นี, แตห โอว ลึมลา บอ จอย เบ. โอว มืร แฮะ ตัห, แตห โอว ยัม กาดาง อี, แตห โอว คยอด อาซาก ดูอี กืน.”
ลอง อาบาทีเม
46เฌา เยซู แฮะ ฮอต กาลาง ดี ดีแบ อัน โฆรห ตี, เฆ วี ฌัม มืง เยรีโคว. บอ เฌา เยซู บอ ดีแบ อัน, บอ เฆ ดูอี กืน, เฆ แฮะ ฮอต ปวน มืง เยรีโคว, วี กาตัด ดี เลห แคง มืง. ดอ อัน ตี อึณ มึห ดูอี งาย อับ. อัน จืร อาบาทีเม, มูห ฆอน อาทีเม. อัน กอย ดี โคบ อึณเตณ หมาณ รึอน ดี อี. 47อาบาทีเม บอ ยึร, อึณ มูห เฌา เยซู อี ตัห มืง นาซาเรต ตึอน, อัน แฮะ ตัห กาโลห ปวน โดง กอย อัน, อัน มืร วี จูห ดี ดัด ตาง. อัน ดัด ต็อห, “อึย อาเยซู, อี มูห หลูกหลาน อาดาวีด, กาเว โอว.”
48เฆ อี เฮา, เฆ กืน วี จัร อัน, แกวะ โฆรห. อัน แนะ ดัด ปัว ต็อห, “แม หลูกหลาน อาดาวีด, กาเว โอว.”
49เฌา เยซู วี ฆืด, วี ต็อห, “แดะ อัน ตัห ดี โอว.” แฮะ ฮอต กาลาง, เฆ วี แดะ ดูอี งาย อับ. เฆ ต็อห, “แตห แม ดาคึย, ยีต, อัน แฮะ แดะ แม.” 50อัน วี บูต แวน ซีโตว อัน, ยีต อู เฌณ, วี ฮาว ฌัม ดี อาต เฌา เยซู.
51เฌา เยซู วี ดีหมอด อัน. อัน ต็อห, “มาเซ ปี ซี แตห แม โอว โบง?” ดูอี งาย อับ วี ต็อห, “ซารา, โอว ซี ยึร.”
52เฌา เยซู วี ต็อห, “ฮาว. แม แฮะ แกน โกบ หณึม แม.” อู เฌณ ดูอี ตี แฮะ ปึอน ดี ยึร. อัน วี ฮาว โดบ เฌา เยซู.
Currently Selected:
มก 10: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
มก 10
10
ลอง อีบึณ อีมาย ลาย แวน
1เฌา เยซู แฮะ ฮอต มาโนว แคะ ตี, อัน วี เลห โดง กอย อัน, วี ฮาว ฌัม อืง ยูดา. อัน มืร ฮาว นา ตัะ แบลง ยอดาน. ดอ อัน ตี อึณ วี มึห ดูอี กืน ตัห ดี อัน. อัน วี มาโนว เฆ ปี ปี ดึอม มาโนว อัน เซเซ. 2อึณ ยี มึห ดูอี พึง พารีแซ มัง อี, เฆ ตัห โดง กอย อัน. เฆ ต็อห ดี เทว น็อห อัน. เฆ ดีหมอด อัน ต็อห, “เซ อีมาย อู วี แวน อีบึณ อัน, อึณ โดบ ตู โดบ ดารา?”
3เฌา เยซู วี ต็อห, “มาเซ ปี จัร ดา ซารา อาโมวแซ เบ โบง?”
4เฆ วี ต็อห, “ดา ซารา อาโมวแซ ตึอน แฮะ ควาง อีมาย แดม แปะ ลอง ลาย แวน. แฮะ ฮอต อัน ปึอน แวน อีบึณ.”
5เฌา เยซู วี ต็อห, “โกบ ตู มึห เบ น็อห ร็อก กาเว ดูอี, ดา ซารา อาโมวแซ แฮะ แดม อูน ดารา ตี. 6อู ซีณ ดอ โบง เบลห เฌาพรา ดูอี, อัน ยี โบง แตห อึณ มึห บอ อีมาย บอ อีบึณ. 7โคว อัน ตี อีมาย ดี เลห แคง กาง ฆูณ มา อัน, วี โดบ อีบึณ อัน. 8ฆาย มืร ดี แบน ปี โดว โบ็ง อู โบ็ง. อึณ ปี ฆาย อาว ฮู มูห ดูอี อา วี. ฆาย แฮะ แบน ปี อู วี. 9โคว, เซ เฌาพรา แฮะ แตห อา วี คัด ลาย ดึห, วี แบน ปี อู วี, ดูอี อาว ปึอน โบง, แตห ฆาย วี กาย็อห.”
10วาย อัน ตี ดอ วี ลึบ กอย เฆ แคง กาง, เฆ ดีแบ เฌา เยซู วี ดีหมอด อัน ลอง โฆรห ตี. 11เฌา เยซู วี ต็อห, “อาเซ แวน อีบึณ อัน, วี ดึห อีบึณ ปอ อู วี, หมาบ อัน ปี หมาบ ลูต อีบึณ อี. อัน โบง หมาบ ตี ดี อีบึณ บรีม อัน. 12ปาย ตี, บอ อีบึณ. เซ อีบึณ แวน อีมาย อัน, วี ดึห อีมาย ปอ อู วี, หมาบ อัน มูห อู โมยว.”
ลอง ฆอน ตัห โดง กอย เฌา เยซู
13เฆ ดูอี กืน วี ตัห ตึย ฆอน ดีแตด เฆ, แตห เฌา เยซู ปา เฆ. เฆ ดีแบ อัน ยี เอห เฆ อี ตัห ตึย ฆอน ตี. 14เฌา เยซู วี ยึร ปี ปาย เฆ ตี, อัน ตู อึง. อัน ต็อห ดี ดีแบ อัน, “แตห เฆ ฆอน ดีแตด ตัห ดี โอว. แกวะ แคร เฆ. อาเซ ซี กอย แคง มืง ปี อึบ เฌาพรา, อัน โลว แบน ปี ฆอน เฆ นี. 15โอว ต็อห อาคัร ดี เบ. อาเซ ซี ลึบ แคง มืง ปี อึบ เฌาพรา, ยี ตู เบลห น็อห อัน ปี ฆอน ดีแตด, อัน ตู ปึอน ดี ลึบ ดอ เหมา.” 16อัน แฮะ ฮอต ต็อห ปาย ตี, อัน วี เงียม ฆอน เฆ ตึอน. วี ดาง แด อัน แดง ฆีณ เฆ, วี ม็องการา แตห ดี เฆ.
ลอง ดูอี ครัม อู วี
17เฌา เยซู วี จูห ดี ฮาว โดบ อึณเตณ. ดอ อัน ตี อึณ มึห ดูอี อู วี, อัน กาแบลบ ตัห โดง กอย เฌา เยซู, ครึบเครา ดี อาต อัน. อัน ต็อห, “แม ซารา บอด, มาเซ ปี โลว โบง โอว, แตห โอว ปึอน ดี กอย รึม โดบ เฌาพรา เซเซ?”
18เฌา เยซู วี ต็อห, “เหมา อึณ ปาย ปี ต็อห แม ‘ซารา บอด’ ดี โอว? อาว มึห ดูอี อี บอด. มี เฌาพรา อู กาดัง แฮะ บอด. 19แม นับ ดารา ปี แดม อูน แคง บับ เฌาพรา? แกวะ ง็อห อาซาก ดูอี, แกวะ ลูต อีบึณ อี, แกวะ ปรา โกรว อี, แกวะ กาโลว ดอ แบน แม ซักเซ ลอง อี เฮา, แกวะ กาโลว อี เฮา, โรวเซ ฆูณ มา แม?”
20ดูอี ตึอน วี ต็อห, “ซารา, ซีณ ดอ มูห โอว ฆอน ดีแตด, โอว แฮะ โบง โตต ฌึร ตี.”
21เฌา เยซู วี ยอด อัน, บอ ร็อก อัน. อัน วี ต็อห, “อึณ ซี มึห อู โมยว ปี โลว แม โบง. แม โลว ย็อง โตต โกรวกราม แม. แคะ ปี ปึอน แม, แม โลว วี กาซาง ดี ดูอี ฆีน. เซ แม โบง ปาย ตี, อึณ ปี โกรวกราม ปี ดี ปึอน แม แคง ฆางหราว, อึณ ดี กืน. แม ฮี ฮอต โบง ปาย ตี, แม โลว วี ตัห, โดบ โอว.”
22เฌา เยซู แฮะ ฮอต กาลาง โฆรห ตี, นา ดูอี ตึอน อาว ดาคึย. อัน กลึร กาเซา, วี เวณ. โคว, อัน แฮะ ครัม กาเซา.
23เฌา เยซู วี มางัห ยอด อี เฮา, วี กาลาง ดี ดีแบ อัน ต็อห, “อึณ หณาบ กาเซา แตห ดูอี ครัม ปึอน ดี ลึบ แคง มืง ปี อึบ เฌาพรา.”
24เฆ ดีแบ อัน แฮะ อาม กาเซา โฆรห อัน ตี. เฌา เยซู วี ต็อห ปอ อู เฌณ, “อึย เบ วา โอว, อึณ แฮะ หณาบ กาเซา ดี ลึบ แคง มืง ปี อึบ เฌาพรา. 25เซ ดูอี โลว ฮับ วัน ตาง,#10:25 ยอด อามาแท 19:24 แตห อึณ ลึบ แคง กาเดา โหยะ มาลัต, อึณ หงึย หลึอม ดูอี ครัม อู วี ปึอน ดี ลึบ แคง มืง ปี อึบ เฌาพรา.”
26เฆ ดีแบ เฌา เยซู แฮะ ฮอต โทม โฆรห ตี, เฆ วี อาม กาเซา หลึอม คา อาต. เฆ วี ลาย กาลาง ต็อห, “เซ อึณ ปาย ตี, อึณ แหนน อาว มึห อาเซ อี ปึอน ดี ลึบ แคง มืง ปี อึบ เฌาพรา.”
27ปัน ตี เฌา เยซู ยอด เฆ, วี ต็อห, “ปี ตู ปึอน โบง ดูอี, เฌาพรา ยี ปึอน โบง โตต ดอน โมยว. อาว มึห มาเซ ปี ตู ปึอน โบง เฌาพรา.”
28อาเปตารู วี ต็อห ดี เฌา เยซู, “เย แฮะ ฮอต แวน โตต ดอน โมยว, แตห เย ปึอน ดี โดบ แม.”
29เฌา เยซู วี ต็อห, “โอว ต็อห อาคัร ดี เบ. เซ อึณ มึห ดูอี, เซ อัน แวน กาง อัน บอ อูกัด อูวา อัน, เซ อัน แวน บอ ฆูณ มา เฆ ฆอน อัน, แวน บอ มาน อัน โกบ หณึม อัน ดี โอว บอ โดบ ดารา อี แตห น็อห ดูอี ดาคึย, 30เซ อึณ มึห ดูอี โบง ฌึร ตี, อัน ดี วี ปึอน อู มาย็อห บูน แคะ ปี แวน อัน. ดอ มูห ฌาด นี, อัน ดี วี ปึอน บอ กาง บอ อูกัด อูวา บอ มา เฆ ฆอน อัน. อัน ดี วี ปึอน บอ มาน เฆ โดง นา อัน. อัน ดี ปึอน โตต ฌึร ตี บอ โลว กาดูห ดูก แบน โมยว แบน โมยว. ปัน ฌาด ดี ตัห, อัน บอ ปึอน กอย รึม โดบ เฌาพรา เซเซ. 31อาเซ ยี ต็อห ดี แยต ดี อาต อี, อัน ดี วี โดบ ดี ปัน. อาเซ วี โดบ ดี ปัน, อัน ปึอน ดี แยต ดี อาต.”
ลอง เฌา เยซู วี กาลาง ปัน ดี ยัม อัน
32วาย อัน ตี เฆ วี ฮาว โดบ อึณเตณ โฮะ มืง เยรูซาแลม. เฌา เยซู แยต ดี อาต เฆ. เฆ ดีแบ เฌา เยซู บอ อาม. เฆ อี เฮา อี โดบ อัน เฆ ยี โยว. ดอ ฮาว เฆ โดบ อึณเตณ ตี, เฌา เยซู วี แดะ ดีแบ อัน ฆึร ดี อา วี แตห เฆ ฮาว เครียะ อัน. อัน วี จูห ดี กาลาง ดี เฆ ลอง ปี ดี กาดูห อัน. 33อัน ต็อห, “ดอ ตี นี เอ โฮะ มืง เยรูซาแลม. ฮี ฌัม แคง มืง, เฆ ดี เหมต โอว, อี แฮะ แบน ฆอน ดูอี. เฆ ดี วี อาบ โอว ดี เฆ ดา ตาง อี แยต เฆ ดูอี อี หลู ดี เฌาพรา บอ ดี เฆ ดา ซารา อี มาโนว ดารา ยูดา. เฆ ดูอี ตี ดี บอ ซูงพยาด ดี ง็อห ยัม โอว. แฮะ ฮอต, เฆ ดี วี อาบ โอว ดี ดา ตาง เฆ ดูอี อี ตู นับ เฌาพรา. 34เฆ ดูอี ตี, เฆ ดี วี กาณัห โอว, ปัต โอว, ซีเบรียะ โอว. แฮะ ฮอต, เฆ ดี ง็อห ยัม โอว. วาย แฮะ ฮอต ยัม โอว, ฮี ปึอน โอย ซีแง, โอว ดี วี ยีต วี อีม.”
ลอง ปี ซี ปึอน ดีแบ อา วี
35วาย อัน ตี อึณ มูห อายาโกบ ฆาย อายอฮาน, อี มูห ฆอน อาเฌเบเด, ฆาย วี ตัห กาลาง ดี เฌา เยซู. ฆาย ต็อห, “ซารา, แตห แม ดัว ดี ยาย แคะ ปี หมาณ ยาย.”
36เฌา เยซู วี ต็อห, “มาเซ ปี โลว บาย?”
37ฆาย วี ต็อห, “อึณ มูห ยาย อา วี, เซ แม แฮะ ปึอน อาพูง ดังโคว แม, แตห แม ควาง อู วี กอย บลาก อาอัห แม, ปอ อู วี กอย บลาก อาฆัะ แม.”
38ฆาย แฮะ ฮอต ต็อห ปาย ตี, เฌา เยซู วี ต็อห, “บาย ตู นับ ปี หมาณ บาย. โอว วี ดีหมอด บาย. บาย คัม ดี เดียง แคง ซีลัยะ ปี เดียง โอว, อี แตห โอว ยัม? บอ บาย ดี คัม ดี จึบ แคง อึม ปี คัม โอว ดี จึบ?”#10:38 เฌา เยซู กาลาง โฆรห ตี ลอง ปัน ดี ยัม อัน. ดูก ปี ดี โลว คัม อัน, อึณ ปี อัน โลว เดียง อึม โงน บอ จึบ แคง อึม. ยอด อามาแท 20:22
39ฆาย วี ต็อห, “แฮะ คัม.” แฮะ ฮอต ต็อห ปาย ตี, เฌา เยซู วี ต็อห, “แฮะ มูห. บาย ดี โลว เดียง แคง ซีลัยะ ปี เดียง โอว. บาย ดี โลว คัม ดี จึบ แคง อึม ปี คัม โอว ดี จึบ. 40โอว ยี ตู ปึอน แตห บาย กอย บลาก อาอัห ฆาย บลาก อาฆัะ โอว. เฌาพรา แฮะ ฮอต ร็อห ดูอี อี ปึอน ดี กอย โคบ โอว. โดง ซี กอย บาย ตี, อัน ดี ดัว ดี ดูอี ปี ร็อห อัน.”
41เฌา เยซู แฮะ ฮอต กาลาง โฆรห ตี, บอ เฆ ดีแบ เฌา เยซู ฆึร วี บอ นับ ลอง ปี หมาณ ฆาย. โคว, เฆ ตู อึง อายาโกบ ฆาย อายอฮาน. 42ปัน ตี เฌา เยซู วี แดะ เฆ ฆึร ดี อา วี. อัน วี ต็อห ดี เฆ, “เบ แฮะ นับ, เซ อึณ มูห ดา ตาง อี อึบ ดูอี อาโมยว เฮา, เฆ นับ ดี ดึห ปวน เฆ, จัร กาเซา ดูอี ปี อึบ เฆ, แตห อึณ หณาบ ดี เฆ. บอ เฆ ดา ตาง แคง มืง อี เฮา นับ ดี คาหนาบ เฆ. 43เบ ยี ตู โลว โบง ปาย ตี. อาเซ ซี แบน ดา ตาง กาแต เบ, อัน โลว วี แบน หมาย ดอน อี. 44อาเซ ซี แยต อี, อัน วี โลว แบน วา ดอน อี, จอย ดอน อี. 45ปาย ตี บอ โอว, อี แฮะ แบน ฆอน ดูอี, โอว ตู ตัห แตห อี เฮา จอย โอว. โอว แฮะ ตัห ฌัม แดง กาดาย นี, แตห โอว ลึมลา บอ จอย เบ. โอว มืร แฮะ ตัห, แตห โอว ยัม กาดาง อี, แตห โอว คยอด อาซาก ดูอี กืน.”
ลอง อาบาทีเม
46เฌา เยซู แฮะ ฮอต กาลาง ดี ดีแบ อัน โฆรห ตี, เฆ วี ฌัม มืง เยรีโคว. บอ เฌา เยซู บอ ดีแบ อัน, บอ เฆ ดูอี กืน, เฆ แฮะ ฮอต ปวน มืง เยรีโคว, วี กาตัด ดี เลห แคง มืง. ดอ อัน ตี อึณ มึห ดูอี งาย อับ. อัน จืร อาบาทีเม, มูห ฆอน อาทีเม. อัน กอย ดี โคบ อึณเตณ หมาณ รึอน ดี อี. 47อาบาทีเม บอ ยึร, อึณ มูห เฌา เยซู อี ตัห มืง นาซาเรต ตึอน, อัน แฮะ ตัห กาโลห ปวน โดง กอย อัน, อัน มืร วี จูห ดี ดัด ตาง. อัน ดัด ต็อห, “อึย อาเยซู, อี มูห หลูกหลาน อาดาวีด, กาเว โอว.”
48เฆ อี เฮา, เฆ กืน วี จัร อัน, แกวะ โฆรห. อัน แนะ ดัด ปัว ต็อห, “แม หลูกหลาน อาดาวีด, กาเว โอว.”
49เฌา เยซู วี ฆืด, วี ต็อห, “แดะ อัน ตัห ดี โอว.” แฮะ ฮอต กาลาง, เฆ วี แดะ ดูอี งาย อับ. เฆ ต็อห, “แตห แม ดาคึย, ยีต, อัน แฮะ แดะ แม.” 50อัน วี บูต แวน ซีโตว อัน, ยีต อู เฌณ, วี ฮาว ฌัม ดี อาต เฌา เยซู.
51เฌา เยซู วี ดีหมอด อัน. อัน ต็อห, “มาเซ ปี ซี แตห แม โอว โบง?” ดูอี งาย อับ วี ต็อห, “ซารา, โอว ซี ยึร.”
52เฌา เยซู วี ต็อห, “ฮาว. แม แฮะ แกน โกบ หณึม แม.” อู เฌณ ดูอี ตี แฮะ ปึอน ดี ยึร. อัน วี ฮาว โดบ เฌา เยซู.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.