มก 11
11
ลอง เฌา เยซู ลึบ แคง มืง เยรูซาแลม
1ดอ ตัห เฆ กาตัด มืง เยรูซาแลม, เฆ ฌัม เรา เบดพาเฆ ฆาย เรา เบทานี. อา เรา ตี กอย กาตัด นอน เฮ นามัน. ดอ ฌัม เฆ โดง ตี, เฌา เยซู วี จัร ดีแบ อัน อา วี ต็อห, 2“แตห บาย ฮาว แคง เรา อี กอย กาตัด ดอย. บาย ฮี ลึบ แคง เรา, บาย ดี ยึร มาลา ดีแตด อู โดว. อึณ หณัม ดึอม มึห อาเซ อี ป็อะ มาลา ตี. อี แฮะ ปัก อูน อัน. บาย ฮี ยึร มาลา ตี, บาย โลว ฆ็อห วัน ปี ปัก เฆ ดี อัน, ตึณ ตัห อัน ดี โอว. 3เซ อึณ มึห อี ต็อห ดี บาย, ‘เหมา อึณ ปาย ปี ดึห ฮาว บาย โดว ตี?’ บาย โลว วี ต็อห, ‘อัน เฌา โลว มาลา นี. อาว เหลณ, อัน ดี วี ตัห ตึย วีว.’”
4เฌา เยซู แฮะ ฮอต จัร ฆาย โบง ปาย ตี, ฆาย วี ฮาว, บอ ยึร มาลา อู โดว กอย โคบ อึณเตณ. อี แฮะ ปัก โดว ตี ดี โคบ มาโลห กาง. ฆาย บอ ฆ็อห วัน อัน. 5ดอ อัน ตี อึณ มึห ดูอี มัง อี, เฆ ต็อห, “เหมา อึณ ปาย ปี ฆ็อห บาย วัน มาลา ตี?” 6ฆาย วี เวียะ โฆรห ปี ดัม เฌา เยซู ตึอน. แฮะ ฮอต, เฆ วี ควาง ฆาย ฮาว. 7ฆาย แฮะ ฮอต ดึห มาลา ตึอน, วี ตึย อัน ฮาว ฌัม โดง กอย เฌา เยซู, ฆาย วี บูต ครึง ฆาย, เบลห ดี กาตูะ มาลา, วี แตห เฌา เยซู ป็อะ นา แดง. 8บอ เฆ ดูอี กืน มืร ดึห ครึง เฆ, เบลห แดง อึณเตณ. บอ มึห มัง อี, เฆ ฮาว บัก กาปลูย แคง มาน, วี เบลห แดง อึณเตณ, แตห เฌา เยซู ฮาว นา แดง. 9เฆ ดูอี แยต ดี อาต เฌา เยซู บอ เฆ ดูอี โดบ ดี ปัน, เฆ บอกาเฆลียด ดัด ตาง ต็อห, “อืบ อัน เฌา, อี ปี ตึย เฌาพรา. แตห เฌาพรา ม็องการา แตห ดี อัน.”
10เฆ บอ ต็อห, “แตห เฌาพรา ม็องการา แตห บอ มืง ปี ดี อึบ อัน ดอ ตี นี. อึณ มูห มืง ปี ดึอม อึบ คูนดีคัม อาดาวีด, อี มูห ฆูณ ดัง เอ. อืบ อัน เฌา, อี ตาง หลึอม โตต.”
11วาย อัน ตี เฌา เยซู ฮาว ฌัม แคง มืง เยรูซาแลม. อัน ฮาว ลึบ แคง แวง โฮว เฌาพรา, วีน ดี แล ยอด ดอน โมยว. ซีแง ตี แปร แฮะ รีน ดี อับ. โคว, อัน ปี วี เลห แคง แวง โฮว เฌาพรา, วีว เรา เบทานี. บอ ดีแบ อัน ฆึร ดี อา วี ฮาว รึม โดบ อัน.
ลอง เฌา เยซู ซูต อี เลห แคง แวง โฮว เฌาพรา
12ปา แคหณา, เฆ วี เลห แคง เรา เบทานี. ดอ อัน ตี เฌา เยซู กาปราณ ปี ดี โฮม. 13อัน วี ยึร เฮ ดีปู อู กาดัง, อี กอย นา กาโต็ง. เฮ ตี แฮะ ฮอต มึห หลา อัน. โคว, เฌา เยซู วี ฮาว ยอด, โยว แฮะ มึห เบล อัน. อัน แฮะ ฮอต ฮาว กาตัด ยอด, อาว มึห เบล. โกบ หณัม ฌัม อาคราว มึห เบล, อึณ มึห มี หลา ดีโลย. 14แฮะ ฮอต, อัน วี ต็อห ดี เฮ ตี, “แกวะ แตห อาเซ ปึอน ดี โฮม เบล แม ดอ เหมา.” บอ ดีแบ อัน แฮะ ยึร โฆรห อัน ตี.
15ปัน ตี เฌา เยซู แฮะ ฮอต ฌัม แคง มืง เยรูซาแลม, อัน วี ฮาว ลึบ แคง แวง โฮว เฌาพรา. อึณ ยี มึห ดูอี อี ลาย กาจึห กาย็อง แบน โมยว แบน โมยว แคง แวง ตี. อัน วี จูห ดี โฮว แตห เฆ เลห โดง กอย เฆ ตี. อัน โจะ กาเบลียะ กาโช็ง เฆ ดูอี อี ลาย การ็อห กาฆู รึอน. อัน บอ ปยาต แวน โดง ย็อง เฆ มาโบลย. 16อัน ตู แตห อาเซ โฆ็ง ปี ดี ย็อง เฆ, ลึบ แคง แวง โฮว เฌาพรา. 17อัน วี มาโนว เฆ ต็อห, “แคง บับ เฌาพรา แฮะ แดม อูน, ‘กาง โอว มูห โดง ตัห ซาคึร ดูอี ดอน โมยว ดอน ฌึร ดี เฌาพรา.’ เบ ยี แฮะ โบง แตห อึณ ปี โดง ตัห เครียง ดา โฌน.”
18เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ แฮะ ฮอต โทม โฆรห ตี, เฆ วี จูห ดี เฌณฌา เหมา เฆ ดี ปาย ดี โบง, แตห เฆ ปึอน ดี ง็อห อาซาก เฌา เยซู. เฆ บอ นับ, เฆ ดูอี กืน อาม ปี มาโนว อัน. โคว, เฆ บอ โยว อัน.
19แคง หมึร บา ดี อับ, เฌา เยซู บอ ดีแบ อัน, เฆ วี เลห แคง มืง เยรูซาแลม.
ลอง เฮ ดีปู แฮะ ยัม
20ปา แคหณา ซีณวัห, เฆ วี โดบ อึณเตณ บรีม เฆ. เฆ วี ยอด เฮ ดีปู ตึอน. อัน แฮะ เฮียะ ดีหลัห ยัม. บอ เรียห อัน แฮะ ยัม โตต. 21อาเปตารู วี โหลห โฆรห เฌา เยซู, วี ต็อห, “ซารา, แม ยอด, เฮ ปี ดืง แม ตึอน แฮะ ฮอต ยัม.”
22เฌา เยซู วี ต็อห, “แม โลว หณึม เฌาพรา.
23โอว ต็อห อาคัร ดี แม. เซ ดูอี อู วี ต็อห ดี นอน นี, ‘แตห แม กาโทะ โดง กอย แม นี, แตห แม โลง แคง อึม,’ เซ ดูอี ตี ตู มึห น็อห อา โมยว, เซ อัน หณึม ซีคยา, อึณ ดี บอ แบน ปี ปี ต็อห อัน. 24โคว, โอว ต็อห, เซ แม ซาคึร เฌาพรา, แม บอ หมาณ มาเซ, แตห แม หณึม แม แฮะ ฮอต ปึอน. ปัน ตี แม ดี บอ ปึอน แคะ ปี หมาณ แม. 25ปอ อู โมยว โอว ต็อห. เซ แม ยีต จ็อง, ซาคึร ดี เฌาพรา, แม ยี อูน น็อห ดี อี เฮา, แม โลว บลัวะ แวน หมาบ ดูอี ตี. 26เซ แม ยี อูน หมาบ ปี โบง อี ดี แม, บอ เฌาพรา, อี กอย นา แดง, อัน ดี อูน หมาบ ปี โบง แม.”#11:26 บับ ดอ โฆว มัง โมยว อาว มึห กาบัก นี.
ลอง ปวน เฌา เยซู
27วาย อัน ตี บอ เฌา เยซู บอ ดีแบ อัน วี ฮาว ฌัม มืง เยรูซาแลม, วี ฮาว ลึบ แคง แวง โฮว เฌาพรา. เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา บอ เฆ ดา ตาง อี อึบ มืง, เฆ วี ตัห ดี อัน. 28เฆ วี ดีหมอด อัน. เฆ ต็อห, “แม ดึห ปวน อาเซ, โบง ปี โบง แม? อาเซ แฮะ จัร แม โบง ฌึร ตี?”
29เฆ แฮะ ฮอต ต็อห ปาย ตี, เฌา เยซู วี ต็อห, “บอ โอว ดี วี ดีหมอด เบ. เซ เบ แฮะ นับ ดี กาลาง ดี โอว, โอว มืร ดี แค ดี เบ ลอง ปวน ปี ดึห โอว, โบง แคะ ปี โบง โอว. แตห เบ กาลาง ดี โอว, 30อาเซ แฮะ จัร ดา ซารา อายอฮาน ตึอน, แตห อัน จึบ ดูอี แคง อึม? อึณ มูห เฌาพรา? อึณ มูห ดูอี?”
31เฆ วี ลาย ซังคยาง ลอง อัน ตี. เฆ ต็อห, “เซ เอ ต็อห, ‘เฌาพรา แฮะ จัร อัน โบง,’ อัน ดี ต็อห, ‘เหมา อึณ ปาย ปี ตู หณึม เบ ดี เฌาพรา?’ 32เซ เอ ยี ต็อห, ดูอี แฮะ จัร อัน, เอ โลว โยว ดูอี กืน. โคว, เฆ บอกาเฆลียด ต็อห, ดา ซารา อายอฮาน มูห ดูอี อี บยาน โฆรห เฌาพรา.”
33โคว, เฆ วี ต็อห ดี เฌา เยซู, “เย ตู นับ ลอง อัน ตี.” ปัน ตี เฌา เยซู วี ต็อห, “เซ อึณ ปาย ตี, บอ โอว ตู กาลาง ดี เบ, ปวน อาเซ โอว ดึห, โบง ปี โบง โอว.”
Currently Selected:
มก 11: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
มก 11
11
ลอง เฌา เยซู ลึบ แคง มืง เยรูซาแลม
1ดอ ตัห เฆ กาตัด มืง เยรูซาแลม, เฆ ฌัม เรา เบดพาเฆ ฆาย เรา เบทานี. อา เรา ตี กอย กาตัด นอน เฮ นามัน. ดอ ฌัม เฆ โดง ตี, เฌา เยซู วี จัร ดีแบ อัน อา วี ต็อห, 2“แตห บาย ฮาว แคง เรา อี กอย กาตัด ดอย. บาย ฮี ลึบ แคง เรา, บาย ดี ยึร มาลา ดีแตด อู โดว. อึณ หณัม ดึอม มึห อาเซ อี ป็อะ มาลา ตี. อี แฮะ ปัก อูน อัน. บาย ฮี ยึร มาลา ตี, บาย โลว ฆ็อห วัน ปี ปัก เฆ ดี อัน, ตึณ ตัห อัน ดี โอว. 3เซ อึณ มึห อี ต็อห ดี บาย, ‘เหมา อึณ ปาย ปี ดึห ฮาว บาย โดว ตี?’ บาย โลว วี ต็อห, ‘อัน เฌา โลว มาลา นี. อาว เหลณ, อัน ดี วี ตัห ตึย วีว.’”
4เฌา เยซู แฮะ ฮอต จัร ฆาย โบง ปาย ตี, ฆาย วี ฮาว, บอ ยึร มาลา อู โดว กอย โคบ อึณเตณ. อี แฮะ ปัก โดว ตี ดี โคบ มาโลห กาง. ฆาย บอ ฆ็อห วัน อัน. 5ดอ อัน ตี อึณ มึห ดูอี มัง อี, เฆ ต็อห, “เหมา อึณ ปาย ปี ฆ็อห บาย วัน มาลา ตี?” 6ฆาย วี เวียะ โฆรห ปี ดัม เฌา เยซู ตึอน. แฮะ ฮอต, เฆ วี ควาง ฆาย ฮาว. 7ฆาย แฮะ ฮอต ดึห มาลา ตึอน, วี ตึย อัน ฮาว ฌัม โดง กอย เฌา เยซู, ฆาย วี บูต ครึง ฆาย, เบลห ดี กาตูะ มาลา, วี แตห เฌา เยซู ป็อะ นา แดง. 8บอ เฆ ดูอี กืน มืร ดึห ครึง เฆ, เบลห แดง อึณเตณ. บอ มึห มัง อี, เฆ ฮาว บัก กาปลูย แคง มาน, วี เบลห แดง อึณเตณ, แตห เฌา เยซู ฮาว นา แดง. 9เฆ ดูอี แยต ดี อาต เฌา เยซู บอ เฆ ดูอี โดบ ดี ปัน, เฆ บอกาเฆลียด ดัด ตาง ต็อห, “อืบ อัน เฌา, อี ปี ตึย เฌาพรา. แตห เฌาพรา ม็องการา แตห ดี อัน.”
10เฆ บอ ต็อห, “แตห เฌาพรา ม็องการา แตห บอ มืง ปี ดี อึบ อัน ดอ ตี นี. อึณ มูห มืง ปี ดึอม อึบ คูนดีคัม อาดาวีด, อี มูห ฆูณ ดัง เอ. อืบ อัน เฌา, อี ตาง หลึอม โตต.”
11วาย อัน ตี เฌา เยซู ฮาว ฌัม แคง มืง เยรูซาแลม. อัน ฮาว ลึบ แคง แวง โฮว เฌาพรา, วีน ดี แล ยอด ดอน โมยว. ซีแง ตี แปร แฮะ รีน ดี อับ. โคว, อัน ปี วี เลห แคง แวง โฮว เฌาพรา, วีว เรา เบทานี. บอ ดีแบ อัน ฆึร ดี อา วี ฮาว รึม โดบ อัน.
ลอง เฌา เยซู ซูต อี เลห แคง แวง โฮว เฌาพรา
12ปา แคหณา, เฆ วี เลห แคง เรา เบทานี. ดอ อัน ตี เฌา เยซู กาปราณ ปี ดี โฮม. 13อัน วี ยึร เฮ ดีปู อู กาดัง, อี กอย นา กาโต็ง. เฮ ตี แฮะ ฮอต มึห หลา อัน. โคว, เฌา เยซู วี ฮาว ยอด, โยว แฮะ มึห เบล อัน. อัน แฮะ ฮอต ฮาว กาตัด ยอด, อาว มึห เบล. โกบ หณัม ฌัม อาคราว มึห เบล, อึณ มึห มี หลา ดีโลย. 14แฮะ ฮอต, อัน วี ต็อห ดี เฮ ตี, “แกวะ แตห อาเซ ปึอน ดี โฮม เบล แม ดอ เหมา.” บอ ดีแบ อัน แฮะ ยึร โฆรห อัน ตี.
15ปัน ตี เฌา เยซู แฮะ ฮอต ฌัม แคง มืง เยรูซาแลม, อัน วี ฮาว ลึบ แคง แวง โฮว เฌาพรา. อึณ ยี มึห ดูอี อี ลาย กาจึห กาย็อง แบน โมยว แบน โมยว แคง แวง ตี. อัน วี จูห ดี โฮว แตห เฆ เลห โดง กอย เฆ ตี. อัน โจะ กาเบลียะ กาโช็ง เฆ ดูอี อี ลาย การ็อห กาฆู รึอน. อัน บอ ปยาต แวน โดง ย็อง เฆ มาโบลย. 16อัน ตู แตห อาเซ โฆ็ง ปี ดี ย็อง เฆ, ลึบ แคง แวง โฮว เฌาพรา. 17อัน วี มาโนว เฆ ต็อห, “แคง บับ เฌาพรา แฮะ แดม อูน, ‘กาง โอว มูห โดง ตัห ซาคึร ดูอี ดอน โมยว ดอน ฌึร ดี เฌาพรา.’ เบ ยี แฮะ โบง แตห อึณ ปี โดง ตัห เครียง ดา โฌน.”
18เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ แฮะ ฮอต โทม โฆรห ตี, เฆ วี จูห ดี เฌณฌา เหมา เฆ ดี ปาย ดี โบง, แตห เฆ ปึอน ดี ง็อห อาซาก เฌา เยซู. เฆ บอ นับ, เฆ ดูอี กืน อาม ปี มาโนว อัน. โคว, เฆ บอ โยว อัน.
19แคง หมึร บา ดี อับ, เฌา เยซู บอ ดีแบ อัน, เฆ วี เลห แคง มืง เยรูซาแลม.
ลอง เฮ ดีปู แฮะ ยัม
20ปา แคหณา ซีณวัห, เฆ วี โดบ อึณเตณ บรีม เฆ. เฆ วี ยอด เฮ ดีปู ตึอน. อัน แฮะ เฮียะ ดีหลัห ยัม. บอ เรียห อัน แฮะ ยัม โตต. 21อาเปตารู วี โหลห โฆรห เฌา เยซู, วี ต็อห, “ซารา, แม ยอด, เฮ ปี ดืง แม ตึอน แฮะ ฮอต ยัม.”
22เฌา เยซู วี ต็อห, “แม โลว หณึม เฌาพรา.
23โอว ต็อห อาคัร ดี แม. เซ ดูอี อู วี ต็อห ดี นอน นี, ‘แตห แม กาโทะ โดง กอย แม นี, แตห แม โลง แคง อึม,’ เซ ดูอี ตี ตู มึห น็อห อา โมยว, เซ อัน หณึม ซีคยา, อึณ ดี บอ แบน ปี ปี ต็อห อัน. 24โคว, โอว ต็อห, เซ แม ซาคึร เฌาพรา, แม บอ หมาณ มาเซ, แตห แม หณึม แม แฮะ ฮอต ปึอน. ปัน ตี แม ดี บอ ปึอน แคะ ปี หมาณ แม. 25ปอ อู โมยว โอว ต็อห. เซ แม ยีต จ็อง, ซาคึร ดี เฌาพรา, แม ยี อูน น็อห ดี อี เฮา, แม โลว บลัวะ แวน หมาบ ดูอี ตี. 26เซ แม ยี อูน หมาบ ปี โบง อี ดี แม, บอ เฌาพรา, อี กอย นา แดง, อัน ดี อูน หมาบ ปี โบง แม.”#11:26 บับ ดอ โฆว มัง โมยว อาว มึห กาบัก นี.
ลอง ปวน เฌา เยซู
27วาย อัน ตี บอ เฌา เยซู บอ ดีแบ อัน วี ฮาว ฌัม มืง เยรูซาแลม, วี ฮาว ลึบ แคง แวง โฮว เฌาพรา. เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา บอ เฆ ดา ตาง อี อึบ มืง, เฆ วี ตัห ดี อัน. 28เฆ วี ดีหมอด อัน. เฆ ต็อห, “แม ดึห ปวน อาเซ, โบง ปี โบง แม? อาเซ แฮะ จัร แม โบง ฌึร ตี?”
29เฆ แฮะ ฮอต ต็อห ปาย ตี, เฌา เยซู วี ต็อห, “บอ โอว ดี วี ดีหมอด เบ. เซ เบ แฮะ นับ ดี กาลาง ดี โอว, โอว มืร ดี แค ดี เบ ลอง ปวน ปี ดึห โอว, โบง แคะ ปี โบง โอว. แตห เบ กาลาง ดี โอว, 30อาเซ แฮะ จัร ดา ซารา อายอฮาน ตึอน, แตห อัน จึบ ดูอี แคง อึม? อึณ มูห เฌาพรา? อึณ มูห ดูอี?”
31เฆ วี ลาย ซังคยาง ลอง อัน ตี. เฆ ต็อห, “เซ เอ ต็อห, ‘เฌาพรา แฮะ จัร อัน โบง,’ อัน ดี ต็อห, ‘เหมา อึณ ปาย ปี ตู หณึม เบ ดี เฌาพรา?’ 32เซ เอ ยี ต็อห, ดูอี แฮะ จัร อัน, เอ โลว โยว ดูอี กืน. โคว, เฆ บอกาเฆลียด ต็อห, ดา ซารา อายอฮาน มูห ดูอี อี บยาน โฆรห เฌาพรา.”
33โคว, เฆ วี ต็อห ดี เฌา เยซู, “เย ตู นับ ลอง อัน ตี.” ปัน ตี เฌา เยซู วี ต็อห, “เซ อึณ ปาย ตี, บอ โอว ตู กาลาง ดี เบ, ปวน อาเซ โอว ดึห, โบง ปี โบง โอว.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.