มก 12
12
ลอง ดูอี คาด ดี รัณ มาน มางูน
1วาย อัน ตี เฌา เยซู วี จูห ดี กาลาง อูพามา ดี เฆ. อัน ต็อห, “อึณ แฮะ ดึอม มึห ดูอี อู วี, อัน โบง มาน มางูน. อัน โบง โล็ง ดี กาอูน มาน, วี ฆึห ดีโฆละ กาดาย โดง ดี แณต เบล มางูน. แฮะ ฮอต, อัน บอ ซัม กาโช็ง จา ดี บัร มาน. แฮะ ฮอต โบง ฌึร ตี ดอน โมยว, อัน วี แตห อี เฮา คาด ดี รัณ มาน ตี. อัน ยี วี ฮาว กอย ปอ อู โปละ. 2แฮะ ฌัม อาคราว ซีน เบล มางูน, ดา กาณา มาน ตึอน วี ตึย หมาย อัน อู วี, แตห อัน ฮาว โดง กอย เฆ อี คาด ดี รัณ มาน อัน ตึอน, แตห อัน ดึห เบล มางูน อี มูห รูห ปี คาด เฆ ดี รัณ. 3ดูอี รัณ มาน ตึอน, เฆ ยี เหมต หมาย ตี, วี มัห อัน, ตึย อัน เวณ, ตู มึห ดี แตห มาเซ ดี อัน. 4ดา กาณา วี ตึย หมาย อัน ปอ อู วี. เฆ อี รัณ มาน วี ฆลอก ฆีณ อัน, บอ โบง แตห อัน ชึม ซาเร. 5ดา กาณา ปี วี ตึย ปอ อู วี. เฆ วี ง็อห แวน วี ตี. ปาย ตี ดา กาณา มาน ปี วี ตึย แบน วี แบน วี. มัง อี เฆ มัห, มัง อี เฆ ง็อห แวน.
6แฮะ ฮอต ปัน ตี อึณ ซี มึห ฆอน อีมาย ปี ร็อก ดา กาณา ตึอน. ดา กาณา ปี วี ตึย บอ อัน. อัน ต็อห, ‘เฆ ดี บอ โรวเซ ฆอน โอว.’
7เฆ ดูอี รัณ มาน ตึอน, เฆ ยี ลาย ซังคยาง. เฆ ต็อห, ‘ดูอี ตี ดี ปลูะ ฆูณ อัน. แตห เอ ง็อห แวน บอ อัน. แฮะ ฮอต, เอ ดี ปึอน คาฆูน อัน.’ 8เฆ แฮะ ฮอต ลาย ซังคยาง ปาย ตี, เฆ วี เหมต อัน, ง็อห แวน อัน. แฮะ ฮอต เฆ วี แวน โดว โบ็ง อัน นา เรต มาน มางูน ตี.
9เซ อึณ ปาย ตี, ดา กาณา มาน ตี ดี โบง มาเซ ดี เฆ? อัน ดี บอ ฮาว โดง กอย มาน อัน ตี, วี ง็อห แวน เฆ ดูอี อี รัณ มาน อัน บอ วี ดัว อี เฮา รัณ. 10แคง บับ เฌาพรา อึณ มืร แฮะ แดม ลอง ดา กาณา ตี บอ ฆอน อัน. อึณ ต็อห, ‘มาว ปี แวน เฆ ดูอี ซัม กาง, อัน แฮะ วี แบน เจณ ร็อง. 11อัน เฌา แฮะ โบง แตห อึณ แบน ปาย ตี. เย มืร แฮะ อาม กาเซา ลอง อัน ตี.’ เบ ตู ดึอม ตีห ลอง อัน ตี?”
12เฌา เยซู แฮะ ฮอต กาลาง โฆรห ตี, เฆ ดา ตาง ตึอน วี ลาย ซังคยาง เหมา เฆ ดี ปาย ดี ง็อห แวน อัน. โคว, เฆ แฮะ นับ, เฌา เยซู แฮะ กาลาง อูพามา ตี ลอง เฆ. เฆ ยี โยว เฆ ดูอี กืน. โคว, เฆ เลห โดง กอย เฌา เยซู, วี ฮาว ปอ โปละ.
ลอง รึอน จึง
13วาย อัน ตี เฆ ดา ตาง วี ตึย ดูอี พึง พารีแซ มัง อี บอ ดูอี พึง คูนดีคัม อาเฮโรด มัง อี, แตห เฆ ฮาว โดง กอย เฌา เยซู, แตห เฆ เทว ดี กาซูห อัน กาลาง โฆรห ตู หมาน. 14เฆ วี ต็อห, “อึย แม ซารา, เย นับ แม มูห ดูอี อี โบง นา หมาน เซเซ. แม ตู ร็อก ตู ฌ็อง อาเซ. โกบ ตู วาง แม ซาเร อี, แม มาโนว ซืร ดารา เฌาพรา, แตห อึณ หมาน เซเซ. แตห เย นับ, เซ เย ดัว รึอน จึง ดี คูนดีคัม อาแกซา, อึณ โดบ ตู โดบ ดารา? 15แม ดี ต็อห มาเซ? เย โลว ตู โลว ดัว รึอน จึง ดี อาแกซา?”
เฆ แฮะ ฮอต กาลาง โฆรห ตี, เฌา เยซู แฮะ นับ อู เฌณ, น็อห เฆ ตู ซืร. อัน วี ต็อห, “เหมา อึณ ปาย ปี ตัห เทว เบ หล็อก โอว? เบ ดัว รึอน อู โบ็ง ดี โอว, แตห โอว ยอด.” 16เฆ วี ดัว รึอน ดี อัน. อัน วี ดีหมอด ต็อห, “อารึบ อาเซ อึณ มูห, อี กอย แดง รึอน นี? บอ จืร อาเซ แฮะ แดม นา แดง?” เฆ วี ต็อห, “อาแกซา.”
17แฮะ ฮอต ต็อห ปาย ตี, เฌา เยซู วี ต็อห, “เซ อึณ ปาย ตี, แคะ ปี โลว เบ ดัว ดี อาแกซา แตห เบ ดัว ดี อาแกซา. แคะ ปี โลว เบ ดัว ดี เฌาพรา, แตห เบ ดัว ดี เฌาพรา.” เฌา เยซู แฮะ ฮอต กาลาง โฆรห ตี, เฆ บอกาเฆลียด วี อาม กาเซา.
ลอง ดูอี ลาย คัด
18วาย อัน ตี อึณ บอ มึห เฆ ดูอี พึง ซาดูแค มัง อี, เฆ ตัห ฌัม โดง กอย เฌา เยซู. เฆ ดูอี พึง ตี, เฆ ต็อห, วาย แฮะ ฮอต ยัม ดูอี, เฆ ตู ปึอน วี ยีต วี อีม. เฆ ดูอี ฌึร ตี วี ตัห ดีหมอด เฌา เยซู. 19เฆ ต็อห, “ซารา, ดา อาโมวแซ ตึอน แฮะ แดม อูน ดารา เฌาพรา ปาย นี, ‘เซ อีมาย อู วี ยัม อาต ยัม อีบึณ อัน, เซ อัน หณัม มึห ฆอน, วา อัน โลว วี ลาย ยา ซีปรัห ตี, แตห อัน ดัว หลูกหลาน ดี อีกัด อัน.’ 20อึณ ยี ดึอม มึห เฆ อูกัด อูวา บู วี. วี ตาง แฮะ คัด ดึห อีบึณ. อัน ยี ยัม ดอ หณัม มึห อัน ฆอน. 21แฮะ ฮอต วา อัน อี ดาม อัน ปี วี คัด ดึห ยา ซีปรัห ตี. บอ อัน วี ยัม ดอ หณัม มึห อัน ฆอน. ปาย ตี วา อัน ปอ อู อี ปี วี คัด ดึห อีบึณ ตี, ปี วี ยัม. 22เฆ บอ บู วี คัด ดึห อีบึณ ตี, ยี ตู มึห ฆอน. แฮะ ฮอต, บอ อีบึณ ตึอน วี ยัม. 23เซ ฮี ฌัม ซีแง ดี วี ยีต วี อีม เฆ ดูอี ยัม, อีบึณ ตี ดี แบน อีบึณ อาเซ แคง ดูอี บู วี, อี แฮะ ดึอม แบน อีมาย อัน?”
24เฆ แฮะ ฮอต ต็อห ปาย ตี, เฌา เยซู วี ต็อห, “โกบ ตู นับ ซีคยา เบ ปี แดม อูน แคง บับ เฌาพรา, ปี เฌณฌา เบ อาว หมาน. เบ มืร ตู นับ มาเซ ลอง ปวน เฌาพรา. 25เซ เฆ ดูอี อี แฮะ ฮอต ยัม ดี วี ยีต วี อีม, เฆ ตู วี ลาย คัด. เฆ ปี อามู อามาด เฌาพรา อี กอย แคง ฆางหราว. 26โอว ยี ต็อห ดี เบ ลอง เฆ ดูอี ยัม ดี วี ยีต วี อีม. เบ ดอน อี แฮะ ดึอม ตีห แคง บับ เฌาพรา ลอง ดา อาโมวแซ ตึอน. ดอ กอย อัน กาตัด ยวน ตึอน, เฌาพรา ต็อห ดี อัน, ‘โอว มูห เฌาพรา ปี กรึบ บอ อาบราฮัม, บอ อาแซก บอ อาโกบ ตึอน.’ 27ดอ ต็อห เฌาพรา ปาย ตี, อึณ ลึห ซีคยา, ดูอี ยัม ตู ปึอน ดี กรึบ เฌาพรา. อึณ มูห ดูอี อีม. โคว, เฆ โอย วี ตี แฮะ วี ยีต วี อีม, กอย แคง มืง เฌาพรา. โกบ อึณ ปาย ตี, ปี เฌณฌา เบ อาว หมาน, อาว มูห.” เฌา เยซู ต็อห ปาย ตี.
ลอง ดารา เฌาพรา อี ตาง หลึอม โตต
28อึณ ยี มึห ดา ซารา อี มาโนว ดารา ยูดา อู วี, อัน แฮะ ตัห โดง กอย เฆ, วี ยึร โฆรห ปี ลาย ซังคยาง เฆ. อัน บอ นับ, เฌา เยซู นับ ซีคยา ดี เวียะ โฆรห อี. อัน ตัห ดีหมอด ปอ อู โมยว. อัน ต็อห, “ซารา, ดารา อี ตาง แดง ดารา ดอน ณ็อง, มาเซ อึณ มูห?”
29เฌา เยซู วี ต็อห, “ดารา ปี โลว โดบ เอ อาต โดบ เอ ดารา ดอน ณ็อง, อึณ ต็อห, ‘โทม, โทม, เบ ดูอี อีซาเรลัะ. อัน เฌา, อี มูห เฌาพรา ปี กรึบ เบ, อัน มูห เฌาพรา อู กาดัง. 30อัน บอ มูห เฌาพรา อี อึบ เบ. เบ โลว ร็อก อัน เฌา ตี, แตห บอ น็อห บอ โตต ร็อก อัน. แคะ ปึอน เบ ร็อก แคง น็อห, แคะ มึห เบ อางยาน, แคะ มึห เบ โปลม, เบ โลว ดึห โตต ดอน โมยว ฌึร ตี, วี ร็อก อัน เฌา.’ 31ดารา ปอ อู ณ็อง อี ตาง แดง ดารา ณ็อง เฮา, อึณ ปาย นี, ‘เบ โลว ร็อก อี เฮา, แตห อึณ ปี เบ ร็อก โดว บรีม เบ.’ อึณ มูห ดารา อา ณ็อง ตี, ปี โลว โดบ เอ อาต โดบ ดารา ดอน ณ็อง.”
32ดา ซารา ตึอน วี ต็อห, “แฮะ มูห ปาย ตี. แม ดา ซารา แฮะ กาลาง โฆรห หมาน. อัน เฌา มูห เฌาพรา อู กาดัง. อาว มึห เฌาพรา ปอ กาดัง. 33อัน บอ มูห เฌาพรา อี อึบ เอ. เอ โลว ร็อก อัน เฌา ตี, แตห บอ น็อห บอ โตต ร็อก อัน. แคะ ปึอน เอ ร็อก แคง น็อห, แคะ มึห เอ อางยาน, แคะ มึห เอ โปลม, เอ โลว ดึห โตต ดอน โมยว ฌึร ตี, วี ร็อก อัน เฌา. เอ บอ โลว ร็อก อี เฮา ปี เอ ร็อก โดว บรีม เอ. เซ เอ โบง ปาย ตี, แฮะ อาเร ตาง หลึอม หลู เอ แบน โมยว แบน โมยว.”
34เฌา เยซู ยึร โฆรห ดา ซารา ตี, อัน กอ นับ อางยาน อัน หมึอม. อัน วี ต็อห ดี อัน, “แม แฮะ หงา ดี ฌัม แคง มืง ปี อึบ เฌาพรา.” อัน แฮะ ฮอต กาลาง โฆรห ตี, อึณ อาว ฮู มึห อาเซ วี ยัะ ดี ดีหมอด เฌา เยซู ปอ อึณ ปัว.
ลอง ฆอน เฌาพรา
35ดอ กอย เฌา เยซู แคง แวง โฮว เฌาพรา, มาโนว ดูอี กืน, อัน วี ต็อห, “เฆ ดา ซารา อี มาโนว ดารา เฌาพรา, เฆ ต็อห, ดูอี ปี ร็อห ปี ตึย เฌาพรา แตห อัน คยอด ดูอี, อัน มูห หลูกหลาน คูนดีคัม อาดาวีด ตึอน. 36อึณ ยี มูห คูนดีคัม อาดาวีด, น็อห พึอม เฌาพรา แฮะ ดึอม แตห อัน ต็อห,
‘เฌาพรา แฮะ ดึอม กาลาง ดี ดา กาณา โอว, แตห แม ตูต ดี โคบ โอว, บลาก อาอัห โอว, แตห อึณ กอ ฌัม อาคราว ดี แตห โอว แตห แม แณต โตต รันซู แม.’
37ปาย ตี, คูนดีคัม อาดาวีด ต็อห, ‘ดูอี ปี ร็อห ปี ตึย เฌาพรา แตห อัน คยอด ดูอี, อัน มูห ดา กาณา อี อึบ อาดาวีด. โคว, เบ ตู ปึอน ต็อห, อัน มูห หลูกหลาน อาดาวีด.’”
ดอ กาลาง เฌา เยซู โฆรห ตี, เฆ ดูอี กืน โทม โฆรห อัน, เฆ มืร อึง กาเซา ปี มาโนว อัน.
38อัน วี มาโนว เฆ, วี ต็อห, “เบ โลว ซาดีก เฆ ดา ซารา อี มาโนว ดารา ยูดา. เฆ อึง ดี ชึบ ครึง ชีด. เฆ บอ ออน ดี วีน ดี แล, แตห ดูอี แคง กาลัห กรึบ เฆ. 39เซ เฆ บอ ลึบ แคง โฌง เฆ ดูอี อายูดา, เฆ บอ ลึบ บลอย ดูอี เฮา, เฆ วี อึง ดี กอย โดง จา. 40เฆ บอ หล็อก ดี กาลาง, แตห เฆ ปึอน กาง เฆ ยา ซีปรัห. เฆ บอ ณึงราง ซาคึร เหลณ, แตห ดูอี อาม เฆ. เฆ ดูอี โบง ฌึร ตี, เฆ ดี โลว คัม กืน หมาบ เฆ.”
ลอง ปี หลู ยา ซีปรัห
41วาย อัน ตี เฌา เยซู วี ตูต นา อาต ฌีดืก หลู เฆ รึอน. อัน บอ ยอด ดูอี กืน เบลห รึอน เฆ แคง ฌีดืก ตี. อึณ มึห ดูอี ครัม, เฆ กืน เบลห รึอน กืน แคง ฌีดืก ตี. 42อึณ ยี มึห ยา ซีปรัห อู วี. อี ฆีน กาเซา. อัน ตัห, วี เบลห เมด บ็อง อา เมด แคง ฌีดืก. อาว ง็อห มาเซ.
43เฌา เยซู วี แดะ ดีแบ อัน, วี ต็อห, “โอว ต็อห อาคัร ดี เบ. ยา ซีปรัห ตี แฮะ ฆีน กาเซา. อัน แยะ แฮะ ฮับ รึอน กืน หลึอม ปี ฮับ อี เฮา ดอน อี. 44เฆ ดอน อี แฮะ ดัว รึอน อี กาโลย อี กาหลึอม อัน. อีบึณ ตี แฮะ ฆีน กาเซา. อัน ยี หลู โตต ดอน โมยว แคะ ปี มึห อัน.” ปาย ตี เฌา เยซู มาโนว ดีแบ อัน.
Currently Selected:
มก 12: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
มก 12
12
ลอง ดูอี คาด ดี รัณ มาน มางูน
1วาย อัน ตี เฌา เยซู วี จูห ดี กาลาง อูพามา ดี เฆ. อัน ต็อห, “อึณ แฮะ ดึอม มึห ดูอี อู วี, อัน โบง มาน มางูน. อัน โบง โล็ง ดี กาอูน มาน, วี ฆึห ดีโฆละ กาดาย โดง ดี แณต เบล มางูน. แฮะ ฮอต, อัน บอ ซัม กาโช็ง จา ดี บัร มาน. แฮะ ฮอต โบง ฌึร ตี ดอน โมยว, อัน วี แตห อี เฮา คาด ดี รัณ มาน ตี. อัน ยี วี ฮาว กอย ปอ อู โปละ. 2แฮะ ฌัม อาคราว ซีน เบล มางูน, ดา กาณา มาน ตึอน วี ตึย หมาย อัน อู วี, แตห อัน ฮาว โดง กอย เฆ อี คาด ดี รัณ มาน อัน ตึอน, แตห อัน ดึห เบล มางูน อี มูห รูห ปี คาด เฆ ดี รัณ. 3ดูอี รัณ มาน ตึอน, เฆ ยี เหมต หมาย ตี, วี มัห อัน, ตึย อัน เวณ, ตู มึห ดี แตห มาเซ ดี อัน. 4ดา กาณา วี ตึย หมาย อัน ปอ อู วี. เฆ อี รัณ มาน วี ฆลอก ฆีณ อัน, บอ โบง แตห อัน ชึม ซาเร. 5ดา กาณา ปี วี ตึย ปอ อู วี. เฆ วี ง็อห แวน วี ตี. ปาย ตี ดา กาณา มาน ปี วี ตึย แบน วี แบน วี. มัง อี เฆ มัห, มัง อี เฆ ง็อห แวน.
6แฮะ ฮอต ปัน ตี อึณ ซี มึห ฆอน อีมาย ปี ร็อก ดา กาณา ตึอน. ดา กาณา ปี วี ตึย บอ อัน. อัน ต็อห, ‘เฆ ดี บอ โรวเซ ฆอน โอว.’
7เฆ ดูอี รัณ มาน ตึอน, เฆ ยี ลาย ซังคยาง. เฆ ต็อห, ‘ดูอี ตี ดี ปลูะ ฆูณ อัน. แตห เอ ง็อห แวน บอ อัน. แฮะ ฮอต, เอ ดี ปึอน คาฆูน อัน.’ 8เฆ แฮะ ฮอต ลาย ซังคยาง ปาย ตี, เฆ วี เหมต อัน, ง็อห แวน อัน. แฮะ ฮอต เฆ วี แวน โดว โบ็ง อัน นา เรต มาน มางูน ตี.
9เซ อึณ ปาย ตี, ดา กาณา มาน ตี ดี โบง มาเซ ดี เฆ? อัน ดี บอ ฮาว โดง กอย มาน อัน ตี, วี ง็อห แวน เฆ ดูอี อี รัณ มาน อัน บอ วี ดัว อี เฮา รัณ. 10แคง บับ เฌาพรา อึณ มืร แฮะ แดม ลอง ดา กาณา ตี บอ ฆอน อัน. อึณ ต็อห, ‘มาว ปี แวน เฆ ดูอี ซัม กาง, อัน แฮะ วี แบน เจณ ร็อง. 11อัน เฌา แฮะ โบง แตห อึณ แบน ปาย ตี. เย มืร แฮะ อาม กาเซา ลอง อัน ตี.’ เบ ตู ดึอม ตีห ลอง อัน ตี?”
12เฌา เยซู แฮะ ฮอต กาลาง โฆรห ตี, เฆ ดา ตาง ตึอน วี ลาย ซังคยาง เหมา เฆ ดี ปาย ดี ง็อห แวน อัน. โคว, เฆ แฮะ นับ, เฌา เยซู แฮะ กาลาง อูพามา ตี ลอง เฆ. เฆ ยี โยว เฆ ดูอี กืน. โคว, เฆ เลห โดง กอย เฌา เยซู, วี ฮาว ปอ โปละ.
ลอง รึอน จึง
13วาย อัน ตี เฆ ดา ตาง วี ตึย ดูอี พึง พารีแซ มัง อี บอ ดูอี พึง คูนดีคัม อาเฮโรด มัง อี, แตห เฆ ฮาว โดง กอย เฌา เยซู, แตห เฆ เทว ดี กาซูห อัน กาลาง โฆรห ตู หมาน. 14เฆ วี ต็อห, “อึย แม ซารา, เย นับ แม มูห ดูอี อี โบง นา หมาน เซเซ. แม ตู ร็อก ตู ฌ็อง อาเซ. โกบ ตู วาง แม ซาเร อี, แม มาโนว ซืร ดารา เฌาพรา, แตห อึณ หมาน เซเซ. แตห เย นับ, เซ เย ดัว รึอน จึง ดี คูนดีคัม อาแกซา, อึณ โดบ ตู โดบ ดารา? 15แม ดี ต็อห มาเซ? เย โลว ตู โลว ดัว รึอน จึง ดี อาแกซา?”
เฆ แฮะ ฮอต กาลาง โฆรห ตี, เฌา เยซู แฮะ นับ อู เฌณ, น็อห เฆ ตู ซืร. อัน วี ต็อห, “เหมา อึณ ปาย ปี ตัห เทว เบ หล็อก โอว? เบ ดัว รึอน อู โบ็ง ดี โอว, แตห โอว ยอด.” 16เฆ วี ดัว รึอน ดี อัน. อัน วี ดีหมอด ต็อห, “อารึบ อาเซ อึณ มูห, อี กอย แดง รึอน นี? บอ จืร อาเซ แฮะ แดม นา แดง?” เฆ วี ต็อห, “อาแกซา.”
17แฮะ ฮอต ต็อห ปาย ตี, เฌา เยซู วี ต็อห, “เซ อึณ ปาย ตี, แคะ ปี โลว เบ ดัว ดี อาแกซา แตห เบ ดัว ดี อาแกซา. แคะ ปี โลว เบ ดัว ดี เฌาพรา, แตห เบ ดัว ดี เฌาพรา.” เฌา เยซู แฮะ ฮอต กาลาง โฆรห ตี, เฆ บอกาเฆลียด วี อาม กาเซา.
ลอง ดูอี ลาย คัด
18วาย อัน ตี อึณ บอ มึห เฆ ดูอี พึง ซาดูแค มัง อี, เฆ ตัห ฌัม โดง กอย เฌา เยซู. เฆ ดูอี พึง ตี, เฆ ต็อห, วาย แฮะ ฮอต ยัม ดูอี, เฆ ตู ปึอน วี ยีต วี อีม. เฆ ดูอี ฌึร ตี วี ตัห ดีหมอด เฌา เยซู. 19เฆ ต็อห, “ซารา, ดา อาโมวแซ ตึอน แฮะ แดม อูน ดารา เฌาพรา ปาย นี, ‘เซ อีมาย อู วี ยัม อาต ยัม อีบึณ อัน, เซ อัน หณัม มึห ฆอน, วา อัน โลว วี ลาย ยา ซีปรัห ตี, แตห อัน ดัว หลูกหลาน ดี อีกัด อัน.’ 20อึณ ยี ดึอม มึห เฆ อูกัด อูวา บู วี. วี ตาง แฮะ คัด ดึห อีบึณ. อัน ยี ยัม ดอ หณัม มึห อัน ฆอน. 21แฮะ ฮอต วา อัน อี ดาม อัน ปี วี คัด ดึห ยา ซีปรัห ตี. บอ อัน วี ยัม ดอ หณัม มึห อัน ฆอน. ปาย ตี วา อัน ปอ อู อี ปี วี คัด ดึห อีบึณ ตี, ปี วี ยัม. 22เฆ บอ บู วี คัด ดึห อีบึณ ตี, ยี ตู มึห ฆอน. แฮะ ฮอต, บอ อีบึณ ตึอน วี ยัม. 23เซ ฮี ฌัม ซีแง ดี วี ยีต วี อีม เฆ ดูอี ยัม, อีบึณ ตี ดี แบน อีบึณ อาเซ แคง ดูอี บู วี, อี แฮะ ดึอม แบน อีมาย อัน?”
24เฆ แฮะ ฮอต ต็อห ปาย ตี, เฌา เยซู วี ต็อห, “โกบ ตู นับ ซีคยา เบ ปี แดม อูน แคง บับ เฌาพรา, ปี เฌณฌา เบ อาว หมาน. เบ มืร ตู นับ มาเซ ลอง ปวน เฌาพรา. 25เซ เฆ ดูอี อี แฮะ ฮอต ยัม ดี วี ยีต วี อีม, เฆ ตู วี ลาย คัด. เฆ ปี อามู อามาด เฌาพรา อี กอย แคง ฆางหราว. 26โอว ยี ต็อห ดี เบ ลอง เฆ ดูอี ยัม ดี วี ยีต วี อีม. เบ ดอน อี แฮะ ดึอม ตีห แคง บับ เฌาพรา ลอง ดา อาโมวแซ ตึอน. ดอ กอย อัน กาตัด ยวน ตึอน, เฌาพรา ต็อห ดี อัน, ‘โอว มูห เฌาพรา ปี กรึบ บอ อาบราฮัม, บอ อาแซก บอ อาโกบ ตึอน.’ 27ดอ ต็อห เฌาพรา ปาย ตี, อึณ ลึห ซีคยา, ดูอี ยัม ตู ปึอน ดี กรึบ เฌาพรา. อึณ มูห ดูอี อีม. โคว, เฆ โอย วี ตี แฮะ วี ยีต วี อีม, กอย แคง มืง เฌาพรา. โกบ อึณ ปาย ตี, ปี เฌณฌา เบ อาว หมาน, อาว มูห.” เฌา เยซู ต็อห ปาย ตี.
ลอง ดารา เฌาพรา อี ตาง หลึอม โตต
28อึณ ยี มึห ดา ซารา อี มาโนว ดารา ยูดา อู วี, อัน แฮะ ตัห โดง กอย เฆ, วี ยึร โฆรห ปี ลาย ซังคยาง เฆ. อัน บอ นับ, เฌา เยซู นับ ซีคยา ดี เวียะ โฆรห อี. อัน ตัห ดีหมอด ปอ อู โมยว. อัน ต็อห, “ซารา, ดารา อี ตาง แดง ดารา ดอน ณ็อง, มาเซ อึณ มูห?”
29เฌา เยซู วี ต็อห, “ดารา ปี โลว โดบ เอ อาต โดบ เอ ดารา ดอน ณ็อง, อึณ ต็อห, ‘โทม, โทม, เบ ดูอี อีซาเรลัะ. อัน เฌา, อี มูห เฌาพรา ปี กรึบ เบ, อัน มูห เฌาพรา อู กาดัง. 30อัน บอ มูห เฌาพรา อี อึบ เบ. เบ โลว ร็อก อัน เฌา ตี, แตห บอ น็อห บอ โตต ร็อก อัน. แคะ ปึอน เบ ร็อก แคง น็อห, แคะ มึห เบ อางยาน, แคะ มึห เบ โปลม, เบ โลว ดึห โตต ดอน โมยว ฌึร ตี, วี ร็อก อัน เฌา.’ 31ดารา ปอ อู ณ็อง อี ตาง แดง ดารา ณ็อง เฮา, อึณ ปาย นี, ‘เบ โลว ร็อก อี เฮา, แตห อึณ ปี เบ ร็อก โดว บรีม เบ.’ อึณ มูห ดารา อา ณ็อง ตี, ปี โลว โดบ เอ อาต โดบ ดารา ดอน ณ็อง.”
32ดา ซารา ตึอน วี ต็อห, “แฮะ มูห ปาย ตี. แม ดา ซารา แฮะ กาลาง โฆรห หมาน. อัน เฌา มูห เฌาพรา อู กาดัง. อาว มึห เฌาพรา ปอ กาดัง. 33อัน บอ มูห เฌาพรา อี อึบ เอ. เอ โลว ร็อก อัน เฌา ตี, แตห บอ น็อห บอ โตต ร็อก อัน. แคะ ปึอน เอ ร็อก แคง น็อห, แคะ มึห เอ อางยาน, แคะ มึห เอ โปลม, เอ โลว ดึห โตต ดอน โมยว ฌึร ตี, วี ร็อก อัน เฌา. เอ บอ โลว ร็อก อี เฮา ปี เอ ร็อก โดว บรีม เอ. เซ เอ โบง ปาย ตี, แฮะ อาเร ตาง หลึอม หลู เอ แบน โมยว แบน โมยว.”
34เฌา เยซู ยึร โฆรห ดา ซารา ตี, อัน กอ นับ อางยาน อัน หมึอม. อัน วี ต็อห ดี อัน, “แม แฮะ หงา ดี ฌัม แคง มืง ปี อึบ เฌาพรา.” อัน แฮะ ฮอต กาลาง โฆรห ตี, อึณ อาว ฮู มึห อาเซ วี ยัะ ดี ดีหมอด เฌา เยซู ปอ อึณ ปัว.
ลอง ฆอน เฌาพรา
35ดอ กอย เฌา เยซู แคง แวง โฮว เฌาพรา, มาโนว ดูอี กืน, อัน วี ต็อห, “เฆ ดา ซารา อี มาโนว ดารา เฌาพรา, เฆ ต็อห, ดูอี ปี ร็อห ปี ตึย เฌาพรา แตห อัน คยอด ดูอี, อัน มูห หลูกหลาน คูนดีคัม อาดาวีด ตึอน. 36อึณ ยี มูห คูนดีคัม อาดาวีด, น็อห พึอม เฌาพรา แฮะ ดึอม แตห อัน ต็อห,
‘เฌาพรา แฮะ ดึอม กาลาง ดี ดา กาณา โอว, แตห แม ตูต ดี โคบ โอว, บลาก อาอัห โอว, แตห อึณ กอ ฌัม อาคราว ดี แตห โอว แตห แม แณต โตต รันซู แม.’
37ปาย ตี, คูนดีคัม อาดาวีด ต็อห, ‘ดูอี ปี ร็อห ปี ตึย เฌาพรา แตห อัน คยอด ดูอี, อัน มูห ดา กาณา อี อึบ อาดาวีด. โคว, เบ ตู ปึอน ต็อห, อัน มูห หลูกหลาน อาดาวีด.’”
ดอ กาลาง เฌา เยซู โฆรห ตี, เฆ ดูอี กืน โทม โฆรห อัน, เฆ มืร อึง กาเซา ปี มาโนว อัน.
38อัน วี มาโนว เฆ, วี ต็อห, “เบ โลว ซาดีก เฆ ดา ซารา อี มาโนว ดารา ยูดา. เฆ อึง ดี ชึบ ครึง ชีด. เฆ บอ ออน ดี วีน ดี แล, แตห ดูอี แคง กาลัห กรึบ เฆ. 39เซ เฆ บอ ลึบ แคง โฌง เฆ ดูอี อายูดา, เฆ บอ ลึบ บลอย ดูอี เฮา, เฆ วี อึง ดี กอย โดง จา. 40เฆ บอ หล็อก ดี กาลาง, แตห เฆ ปึอน กาง เฆ ยา ซีปรัห. เฆ บอ ณึงราง ซาคึร เหลณ, แตห ดูอี อาม เฆ. เฆ ดูอี โบง ฌึร ตี, เฆ ดี โลว คัม กืน หมาบ เฆ.”
ลอง ปี หลู ยา ซีปรัห
41วาย อัน ตี เฌา เยซู วี ตูต นา อาต ฌีดืก หลู เฆ รึอน. อัน บอ ยอด ดูอี กืน เบลห รึอน เฆ แคง ฌีดืก ตี. อึณ มึห ดูอี ครัม, เฆ กืน เบลห รึอน กืน แคง ฌีดืก ตี. 42อึณ ยี มึห ยา ซีปรัห อู วี. อี ฆีน กาเซา. อัน ตัห, วี เบลห เมด บ็อง อา เมด แคง ฌีดืก. อาว ง็อห มาเซ.
43เฌา เยซู วี แดะ ดีแบ อัน, วี ต็อห, “โอว ต็อห อาคัร ดี เบ. ยา ซีปรัห ตี แฮะ ฆีน กาเซา. อัน แยะ แฮะ ฮับ รึอน กืน หลึอม ปี ฮับ อี เฮา ดอน อี. 44เฆ ดอน อี แฮะ ดัว รึอน อี กาโลย อี กาหลึอม อัน. อีบึณ ตี แฮะ ฆีน กาเซา. อัน ยี หลู โตต ดอน โมยว แคะ ปี มึห อัน.” ปาย ตี เฌา เยซู มาโนว ดีแบ อัน.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.