Mateub 24

Jesub ge Tempeli di hîkākāhes xa ra ǃhoa

(Markub 13:1-2; Lukab 21:5-6)

1Tsî Jesub ra Tempela xu ǃgû hîa gu ge ǁîb ǁkhāǁkhāsabega* nau ǃkharagaǃnâgu omgu Tempeli diga ge ǁgau bi. 2Ob ge Jesuba ge mî: “Ā! ǃGâi-i ge a ǁîga kōsa. Amase ta ra mîba go, khākhoeb ge hoaragase ǃhūb kōse ǁîga nî khôaǁnâ, ǀguis ǀuis tsîn ǁîs ǃkhais ai hōǂnôahe tidese.”

ǃGomsigu tsî ǃgôaǃgondi

(Markub 13:3-13; Lukab 21:7-19)

3Tsî Jesub ǀKheraǃhommi ai ǂnôa hîa gu ge ǁkhāǁkhāsabegu âba ǁîb ǃoa ge hā, ǀguri gu nî hâse. O gu ge ge dî bi: “Mîba ge re mâǁaen nēn hoana nî īsa? Tsî ǁgauǁgau-e hâ i nî, sa ǁkhawa hās di ǁaeba, hāts nîs aiǃâ ǂhôa tsî ǃhūbaib di ǀunisa nî ǁgauǁgau-e?”

4Ob ge Jesuba ǁîga ge ǃeream: “ǂAnbasen, î-i tā khoe-i xare-e ǂgaeǂhapu go. 5ǂGuin ge nî dītsâ ti ǀonsa sîsenū tsî ‘Xristu* ta ge!’ ti mî tsî ǁnā ǀgaub ai ǂgui khoena ǂgaeǂhapusa. 6Torogu ge ǀgūse tsî ǃnūse nî ǁnâuhe; xawe tā ǂkhabuǂâi. Nēn ge xūn hîa nî īna, xawes ge ǀamsa nēsi hā tide. 7Nē ǁaes ge nau ǁaes ǃoagu nî khâi tsî nē gaosiba nau gaosib ǃoagu; ǂgui ǃkhain ǃhūbaib din ai gu ge ǃâtsūǀkhāgu tsî ǃhūǂgubiga nî hōǃâhe. 8Nē xūn hoan ge ǂguro tsûb, ǀgôahōs dib khami ī.

9 # Mat. 10:22 “Tsî du ge ǃkhōhe, ǂnauhe tsî nî ǃgamhe. Ti ǀons ǃaroma du ge hoaraga ǃhūbaib khoen xa nî ǁkhanhe. 10Tsî ǂgui khoen ge ǂgoms âna ǁnāxū tsî ǁîǃnābe ǀapexūgu tsî nî ǁkhangu. 11Tsî ǂgui ǂkhaba kēbo-aogu ge hā tsî ǂgui khoena nî ǂgaeǂhapu. 12ǁGauoǃnâsib di ǀarosens ge ǂgui khoen di ǀnamma nî ǃkhaiǁō kai. 13#Mat. 10:22Xawe ǀams kōse ga mâǀgai-i ge nî orehe. 14Tsîs ge ǃGâiǂhôas Gaosib disa hoaraga ǃhūbaib ai nî aoǁnâhe, hoa ǁaedi nî ǁîsa ǀhûǀgui; tsîs ge ǀamsa nî hā.

Kai ǃhuriǃhurisasib

(Markub 13:14-23; Lukab 21:20-24)

15 # Dan. 9:27; 11:31; 12:11; 1Mak. 1:54; 6:7 “ǁAeb ge nî hā ǁîb ǃnâ du kēbo-aob Danieli gere ǃhoa ui-uisasiba nî mûba. Nē-i ge mā-amsa tama ǃanuoǃnâ xū-i hîa ǃanu ǃkhaib ai mâihe hâ-e, ǁnā ǃkhaisa i nî ǃanuoǃnâ kaise.” (Mâ khoe-i hîa nēsa ra khomai-i hoa-e, a-i dītsâ ǁnâuǃāsa!) 16Tsîn ge Judeab ǃnâ hân hoana ǃnâugu ǁga nî ǃkhoeni. 17#Luk. 17:31Tsî khoe-i hîa oms ǂamǃnâ#24:17 Oms ǂamǃnâ: Palestinab ǃnâ di ge omde ǁnaetisase ǂhaba ǂamǃnâga ge ūhâ i. ǃAugab di ǀkhāba xu hâ dā-aiǃharodi ge ǂamǃnâb hîa ǃnaon tsî haiǁnâugu ǀkha tsî ǁgâiǁaresa ǃhūb ǀkha a kurusab tawa gere sī. hâ-i ge ǁnāpa xu ǁgôaxa tsî oms ǃnâ hâ xū-i â-e hā ū tide. 18ǁKhāti a-i ge ǃhanab ǃnâ hâ khoe-e, tā sarab â-e sī ūs ǃaroma oa. 19Amase i ge kaise nî ǃhuriǃhurisaba ǀgamǀkhā tarekhoedi tsî ǁgûdi hîa ǁîdi ǂkhari ǀgôarona ra daiside! 20Î ǀgore re, î-i khoe-e tā saob ǃnâ tamas ka io Sabbattsēs* ai ǃhū. 21#Dan. 12:1; ǂHai. 7:14ǁNā ǁaeb ǃnâb ge kaise kai ǂōǂōsib, tātsēs tsîna ge ǃhūbaib ǃnâ ī tama hâ i tsî ǁkhāti ǁkhawa mûhe tideba nî ī. 22Xawe ǁnā tsēdeb ge Eloba ge ǀoroǀoro, ǁnāti tamas ka io, o i ga khoe-i xare-e orehe tama hâ. Xaweb ge Eloba ǁîb ǃkhōǂuisaben ǃaroma tsēde nî ǀoroǀoro.

23“Tsî khoe-i ga sadu ǃoa ‘Mû nēb ge Xristuba’ tamas ka io ‘ǁNāb ge ǁîba’ ti mîo, tā ǂgom. 24Tsî ǂhumi xristugu tsî ǂkhaba kēbo-aogu ge nî hā; ǁîgu ge kai saodi tsî buruxa dīna nî dī, īǁkhā i kao, o gu Elob di ǃkhōǂuisaben tsîna nî ǂgaeǂhapu ǃkhais di ǂâibasens ǀkha. 25ǂAnbasen! ǀNai ta ge ǃkhâikhom du xuige.

26 # Luk. 17:23-24 “Tsî khoe-i ga mîba du ‘Kō, Xristub ge ǃgaroǃhūb ǃnâ hâ’ ti, o tā ǁnāǀî ǃgû. Tamas ka io ‘Kō, ǃnā-oms ǃnâb ge hâ’ ti, o tā ǂgom! 27Khoen Ôab ge napab, hoaraga ǀhomaiba, aiǂoasa xu huriǂoas kōse ra ǃnâǃnâb khami nî hā.

28 # Luk. 17:37 “ǁŌ hâ soro-i hâ ǃkhai-i hoa-i ai di ge kai-anide ra ǀhao.”

Khoen Ôab di hās

(Markub 13:24-27; Lukab 21:25-28)

29 # Jes. 13:10; Joe. 2:10, 31; 3:15; ǂHai. 6:12; Jes. 13:10; Ese. 32:7; Joe. 2:10; 3:15; Jes. 34:4; ǂHai. 6:13 “Kaise ǃnubuse, ǁnā ǃhuriǃhurisa tsēdi ǀams khaoǃgâs ge soresa ǃaruǀîǀgui nî ǃkhae tsîb ge ǁkhâba ǃaruǀî ǃnâ tide, ǀgamirodi ge ǀhomma xu nî ǁnā tsî ǀhommi di ǀgaigu ge nî ǀgabiǁnâhe. 30#Dan. 7:13; Sax. 12:10-14; ǂHai. 1:7Tsîs ge Khoen Ôab di ǁgauǁgausa ǀhommi ǃnâ nî ǂhai tsî di ge ǃhūbaib di ǃhaodi hoade nî ǃoa. On ge Khoen Ôaba ǀgaib tsî kai ǂkhaisib ǀkhab ǀhommi di ǃâudi ai ǃgoaxase nî mû. 31Tsîb ge ǀhomǃgāgu âba ǀgaisa xâiǁnâǀōb ǀkha nî sîǂui, ǁîb di ǃkhōǂuisabena gu nî hoaraga ǃhūbaib tsî ǀhommi ǃnâ ǀhaoǀhaose.

ǀNomahais xa hâ ǁkhāǁkhās

(Markub 13:28-31; Lukab 21:29-33)

32“O nē ǀnomahaisa xu ǁkhāǁkhāsen re. ǁÎs ǂhonaga ǃamtsoatsoa tsî gu ga ǂnarega ǁhaotsoatsoa, o du ge a ǂan, ǁkhunaǁaeb go a ǀgūsa. 33ǁNās ǁkhās xase nē xūn ra ī ǃkhaisa du ga mû, o ǂan re ǀgūseb dao-ams tawa hâsa.#24:33ǀGūseb dao-ams tawa hâsa: Tamas ka io ǁÎb a ǀgū tsî hāb nîse ǂhomisentoa hâ ǃkhaisa. 34Amase ta ra mîba du nē xūn hoan nî ī ǃkhaisa, nētsē ûi hâ khoen hoan ǁōtoa tama hîa. 35ǀHommi tsî ǃhūbaib tsîkha ge nî ǃgû-ī, xawe ti mîdi ge tātsēs tsîna ǃgû-ī tide.

Khoe-i xare-i ge tsēs tsî ira a ǀū

(Markub 13:32-37; Lukab 17:26-30, 34-36)

36“Xawe khoe-i xare-i ge tsēs tamas ka io iri, nē xūn nî ība a ǀū, ǁkhāti ǀhomǃgāgu tamas ka io [ǀGôab ǂûb a ǀū]#24:36 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.; ǁGûb ǀguib ge a ǂan. 37#Gen. 6:5-8Noaxi di tsēdi ǃnâs ǁkhās khamis ge Khoen Ôab di hāsa nî ī. 38ǁNā tsēdi ǃnâ, kai ǁgammi dâus aiǃân ge khoena ǂû tsî gere ā, ao tsî tarase gere ǃgame, Noaxi ge arki ǃnâ ǂgâ tsēs kōse; 39#Gen. 7:6-24xawes tsînan ge ī gere xūn xa mûǂan tama ge hâ i, egab ge kai ǁgamma hā tsî ǁîna dâubēs kōse. ǁNāti i ge Khoen Ôab di hās ai nî ī. 40ǀGam khoekha ge ǃhanab ǃnâ kha ra sîsense nî hōhe; ǀguib ge nî ūhe tsî naub ge nî ǁnāxūhe. 41ǀGam khoera ge ǃhoroba ra ǁkhamise nî hōhe; ǀguisa ūhe tsîs ge nausa nî ǁnāxūhe. 42ǁNā-amaga ǂkhaikari hâ, mâ tsēs aib ǀhonkhoeb âdo nî hāsa du a ǀū xuige. 43#Luk. 12:39-40Xawe nēsa ǂan re, oms ǀhonkhoeb ga ǀnai ǂan hâ mâǁaeb, tsuxub dib aib ǃnari-aoba nî hāsa, ob ge amase ǂkhaikari hâ tsî ǃnari-aob nî khôaǂgâ ǃkhaisa ga mā-am tama hâ. 44ǁNā-amaga, sado hoaǁae ǂkhaikari hâ, mâǁaeb Khoen Ôaba nî hā ǃkhaisa du a ǀū xuige.

ǂGomǂgomsa ǃgāb tsî ǂgomǂgomsa tamab

(Lukab 12:41-48)

45“Tariba kha ǁnâi ǁnā ǂgomǂgomsa tsî ǁnâuǃāxa ǃgāb, ǀhonkhoeb xa ǂgomǃgâhe hâb, ǁîb ǁgâuǁîn tsî ǀaokhoen tsîna ǂhanu ǁaeb ai ra ǂûmāba? 46ǀKhaeheb ge hâ ǁnā ǃgāb, ǃgâi sîsennab dī hâ hîab ǀhonkhoeb âba ra oahāba. 47Amase ta ra mîba du, ǀhonkhoeb ge hoa xūn ǂamai nî ǂgomǃgâ bi. 48Tsū ǃgāb ka ob ge ǁîb ǂgaob ǃnâ ‘Ti ǀhonkhoeb ge ǃhaese oahā tide’ ti mî 49tsî nau horesa ǃgāna ǁgaise ûi-ū, ǂnau tsî ǀhoroseman ǀkha ǂû tsî nî ā. 50Xaweb ge ǁnā ǃgāb di ǀhonkhoeba ǁîb ǃâubasen tama tsēs tsî ǁîb a ǀū iri ai nî hā. 51Tsîb ge ǀhonkhoeba ǃgāb âba ǁkhara tsî ǀgamaixa khoen ǀkha ǀguipa nî ǂgā, āb tsî ǁaninǁgûb tsîkha ǀguikha hâpa.

Currently Selected:

Mateub 24: KKG20

Highlight

Copy