प्रेरित 3
3
एक जाना डुणो मान्सलाइ निको भया
1पत्रुस रे यूहन्ना दिनको तीन बजे प्रार्थना अद्दाइ मन्दिरमि जान्नाथ्या। 2मन्दिर भितर पस्सयासित भिक माग्दाइ जन्मै बठेइको एक जाना डुणो मान्सलाइ बोकिबर ल्याउथ्या रे दिन दिनइ मन्दिरको सुन्दर नाउँ भया ढोकामी राख्दिन्थ्या। 3पत्रुस रे यूहन्नालाइ मन्दिर भितर जान्नारया धेकिबर तइले भिक माग्यो। 4यूहन्ना सितइ पत्रुसले तइलाइ सिदा हेरिबर भण्यो, “हामरा वाँ हेर।” 5तिनन बठेइ केइ पाउलो भण्न्या आसा अरिबर तइले ध्यान दिइबर तिननलाइ हेद्द पस्यो।
6तब पत्रुसले भण्यो, “सुन चाँदी मसित आथिन, तर जी मसित छ, तेइ म तुलाइ दिनउ। नासरत गाउँका येशू ख्रीष्टको नाउँमि उठ रे हिट।” 7पत्रुसले तइको दाइन हात समाइबर तइलाइ उठायो, रे उतन्जेइ तइका खुट्टा रे गोलीगाँठामि ताकत आयो। 8पइ उ जुडुक्क उठीबर कलियो रे हिट्ट लाग्यो। हिट्टोइ रे उफड्डोइ परमेश्वरको प्रसंसा अद्दोइ तिननसित मन्दिरका आगन भितर पस्यो। 9तब सब मान्सनले तइलाइ हिट्टारया रे परमेश्वरको प्रसंसा अद्दार्या धेक्यो। 10तिननले तइलाइ मन्दिरको सुन्दर नाउ भया ढोकामि भिक माग्दाइ बसिरन्या यइ हो भणबर पछेण्यो, रे तइमि भया कुरणीमि तिननले अचम्म माण्यो, रे छक्क पड्या।
11त्यो मान्स पत्रुस रे यूहन्नाका पछा-पछा लाग्या धेकिबर सब मान्सनले अचम्म माण्यो। रे सोलोमनको दलान भणन्या ठाउँमि दकुडिबर आया। 12यो धेकिबर पत्रुसले मान्सनलाइ भण्यो, “इस्राएल देशका मान्सन हो, यइ कुरणीमि तम क्याकि अचम्म माणन्छौ? कि हामरो आफनाइ सक्ति रे भक्ति बठेइ हामले यइलाइ हिट्या बनाया जसेरि घोरिबर हामलाइ क्याइ हेद्दाछौ? 13हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या। 14तर तमनले पबित्र रे धर्मि जनलाइ इन्कार अरिबर एक ज्यानमारालाइ तमरा निउति छाडिदिन्या माग अर्या। 15रे तमनले अनन्त जीवनको स्रोतलाइ मारिदिया, जइलाइ परमेश्वरले, मर्या बठेइ जिउना बनायो, हाम यइका गवाही हौ। 16येशू ख्रीष्टका नाउँमि बिश्वास अर्या हुनाले यो मान्स जइलाइ तमन जाण्न्छौ, जइ मान्सलाइ तमन बलियो बनाया धेक्दाछौ। यो मान्स येशूका नाउँमि रे येशू ख्रीष्टमी अर्या बिश्वास बठेइ पुराइ निको भयो, जसोकि तमन आफइ धेक्दाछौ।”
17“आब भाइन हो, मलाइ थाइछ, कि तमनले रे तमरा अगुवानले येशूलाइ अन्जानमि मार्या हौ, क्याकि उन ख्रीष्ट हुन भणन्या तमनलाइ था थेइन। 18ख्रीष्टले दु:ख भोग्दु पणन्छ, रे मद्दु पणन्छ भणबर परमेश्वरले सब अगमबक्ता बठेइ भौत पइल्ली भण्या भविष्यवाणी उनले यिसेरी साचो साबित अर्यो। 19तबइकिलाइ पाप अद्द छाडिबर परमेश्वरतिर फर्क, रे तमरा पाप क्षमा होउन, रे परमेश्वर बठेइ आत्मिक सामर्थको समय आउन्या छ। 20रे उनले तमरा निउति पइल्ली बठेइ नियुक्त भया ख्रीष्ट, अर्थात येशूलाइ पठाउन्या हुन। 21येशूलाइ स्वर्गमि तइ समय सम्म राख्दु जरुरी छ, कि जब परमेश्वर उन सब चीजलाइ नयाँ बनाउनाहान, जो उनले बनायाथ्यो, भौत समय पइल्ली परमेश्वरले मान्सनलाइ यो कुरणी भण्नाइलाइ पबित्र अगमबक्ता बठेइ इसो अद्दाइ बाचा अर्याथ्यो। 22मोशाले भण्याथ्यो, ‘परमप्रभु परमेश्वरले मलाइ खड़ा अर्या जसेरि तमरा दाइ भाइनका बिचइनि हइ एक अगमबक्ता तमरा निउति पठाउन्या हुन। उनले तमनलाइ जी भण्नाहान तिन सब कुरणी तमनले सुण्नु पणन्छ। 23यिसो हुन्या हो, कि तइ अगमबक्ताका कुरणी नसुण्न्या जति परमेश्वरका मान्सन होइन रे तिनन हरेक नास हुन्या हुन।’”
24“शमुएल अगमबक्ता रे तइ पछा आउन्या सब अगमबक्तान जतिले बोल्याथ्या, यिन सबले यिनइ दिनको घोषणा अर्या हो। 25तमन सब तिनै अगमबक्तानका रे तइ बाचाका सन्तान हौ, जइ बाचा परमेश्वरले तमरा पुर्खा अब्राहामसित यिसो भणबर बाचा अर्यो, ‘तेरा सन्तान बठेइ म धर्तीमि भया सब जातिलाइ आशिस दिन्या हु।’ 26परमेश्वरले आफ्नो सेबकलाइ मर्या बठेइ जिउना बनाइबर सबहइ पइल्ली तमरा वाँ पठायो, रे हाममि हइ हरेकलाइ आशिस दिनाइ आफ्ना पापमय जीवन बठेइ परमेश्वरतिर फर्किन सायता अर्यो।”
Currently Selected:
प्रेरित 3: DTYNT
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
प्रेरित 3
3
एक जाना डुणो मान्सलाइ निको भया
1पत्रुस रे यूहन्ना दिनको तीन बजे प्रार्थना अद्दाइ मन्दिरमि जान्नाथ्या। 2मन्दिर भितर पस्सयासित भिक माग्दाइ जन्मै बठेइको एक जाना डुणो मान्सलाइ बोकिबर ल्याउथ्या रे दिन दिनइ मन्दिरको सुन्दर नाउँ भया ढोकामी राख्दिन्थ्या। 3पत्रुस रे यूहन्नालाइ मन्दिर भितर जान्नारया धेकिबर तइले भिक माग्यो। 4यूहन्ना सितइ पत्रुसले तइलाइ सिदा हेरिबर भण्यो, “हामरा वाँ हेर।” 5तिनन बठेइ केइ पाउलो भण्न्या आसा अरिबर तइले ध्यान दिइबर तिननलाइ हेद्द पस्यो।
6तब पत्रुसले भण्यो, “सुन चाँदी मसित आथिन, तर जी मसित छ, तेइ म तुलाइ दिनउ। नासरत गाउँका येशू ख्रीष्टको नाउँमि उठ रे हिट।” 7पत्रुसले तइको दाइन हात समाइबर तइलाइ उठायो, रे उतन्जेइ तइका खुट्टा रे गोलीगाँठामि ताकत आयो। 8पइ उ जुडुक्क उठीबर कलियो रे हिट्ट लाग्यो। हिट्टोइ रे उफड्डोइ परमेश्वरको प्रसंसा अद्दोइ तिननसित मन्दिरका आगन भितर पस्यो। 9तब सब मान्सनले तइलाइ हिट्टारया रे परमेश्वरको प्रसंसा अद्दार्या धेक्यो। 10तिननले तइलाइ मन्दिरको सुन्दर नाउ भया ढोकामि भिक माग्दाइ बसिरन्या यइ हो भणबर पछेण्यो, रे तइमि भया कुरणीमि तिननले अचम्म माण्यो, रे छक्क पड्या।
11त्यो मान्स पत्रुस रे यूहन्नाका पछा-पछा लाग्या धेकिबर सब मान्सनले अचम्म माण्यो। रे सोलोमनको दलान भणन्या ठाउँमि दकुडिबर आया। 12यो धेकिबर पत्रुसले मान्सनलाइ भण्यो, “इस्राएल देशका मान्सन हो, यइ कुरणीमि तम क्याकि अचम्म माणन्छौ? कि हामरो आफनाइ सक्ति रे भक्ति बठेइ हामले यइलाइ हिट्या बनाया जसेरि घोरिबर हामलाइ क्याइ हेद्दाछौ? 13हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या। 14तर तमनले पबित्र रे धर्मि जनलाइ इन्कार अरिबर एक ज्यानमारालाइ तमरा निउति छाडिदिन्या माग अर्या। 15रे तमनले अनन्त जीवनको स्रोतलाइ मारिदिया, जइलाइ परमेश्वरले, मर्या बठेइ जिउना बनायो, हाम यइका गवाही हौ। 16येशू ख्रीष्टका नाउँमि बिश्वास अर्या हुनाले यो मान्स जइलाइ तमन जाण्न्छौ, जइ मान्सलाइ तमन बलियो बनाया धेक्दाछौ। यो मान्स येशूका नाउँमि रे येशू ख्रीष्टमी अर्या बिश्वास बठेइ पुराइ निको भयो, जसोकि तमन आफइ धेक्दाछौ।”
17“आब भाइन हो, मलाइ थाइछ, कि तमनले रे तमरा अगुवानले येशूलाइ अन्जानमि मार्या हौ, क्याकि उन ख्रीष्ट हुन भणन्या तमनलाइ था थेइन। 18ख्रीष्टले दु:ख भोग्दु पणन्छ, रे मद्दु पणन्छ भणबर परमेश्वरले सब अगमबक्ता बठेइ भौत पइल्ली भण्या भविष्यवाणी उनले यिसेरी साचो साबित अर्यो। 19तबइकिलाइ पाप अद्द छाडिबर परमेश्वरतिर फर्क, रे तमरा पाप क्षमा होउन, रे परमेश्वर बठेइ आत्मिक सामर्थको समय आउन्या छ। 20रे उनले तमरा निउति पइल्ली बठेइ नियुक्त भया ख्रीष्ट, अर्थात येशूलाइ पठाउन्या हुन। 21येशूलाइ स्वर्गमि तइ समय सम्म राख्दु जरुरी छ, कि जब परमेश्वर उन सब चीजलाइ नयाँ बनाउनाहान, जो उनले बनायाथ्यो, भौत समय पइल्ली परमेश्वरले मान्सनलाइ यो कुरणी भण्नाइलाइ पबित्र अगमबक्ता बठेइ इसो अद्दाइ बाचा अर्याथ्यो। 22मोशाले भण्याथ्यो, ‘परमप्रभु परमेश्वरले मलाइ खड़ा अर्या जसेरि तमरा दाइ भाइनका बिचइनि हइ एक अगमबक्ता तमरा निउति पठाउन्या हुन। उनले तमनलाइ जी भण्नाहान तिन सब कुरणी तमनले सुण्नु पणन्छ। 23यिसो हुन्या हो, कि तइ अगमबक्ताका कुरणी नसुण्न्या जति परमेश्वरका मान्सन होइन रे तिनन हरेक नास हुन्या हुन।’”
24“शमुएल अगमबक्ता रे तइ पछा आउन्या सब अगमबक्तान जतिले बोल्याथ्या, यिन सबले यिनइ दिनको घोषणा अर्या हो। 25तमन सब तिनै अगमबक्तानका रे तइ बाचाका सन्तान हौ, जइ बाचा परमेश्वरले तमरा पुर्खा अब्राहामसित यिसो भणबर बाचा अर्यो, ‘तेरा सन्तान बठेइ म धर्तीमि भया सब जातिलाइ आशिस दिन्या हु।’ 26परमेश्वरले आफ्नो सेबकलाइ मर्या बठेइ जिउना बनाइबर सबहइ पइल्ली तमरा वाँ पठायो, रे हाममि हइ हरेकलाइ आशिस दिनाइ आफ्ना पापमय जीवन बठेइ परमेश्वरतिर फर्किन सायता अर्यो।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.