यूह 21
21
येशू सात शिष्याका वाँ धेकिया
1यिन कुरणी पछा तिवेरियासको समुद्रको (गालीलको समुद्र) किनारमी येशूले आफलाइ आजी शिष्याका वाँ प्रकट इसेरि अर्यो कि 2ताँ सिमोन पत्रुस जइलाइ दिदुमस भणिन्या थोमा गालील जिल्लाको काना गाउँका नथानेल जब्दियाका शिष्या रे उनरा शिष्यामि हइ और दुइ जनासितथ्या। 3सिमोन पत्रुसले तिननलाइ भण्यो, “म त माछा माद्द जानउ।” तिनन गया रे छट्टाइ एक नामि चडया तर तइ रात तिननले कतिलगइ माछा पाएन।
4अर्खा दिन बिहान हुन्या बेला येशू किनारमी कल्लिया तर उन येशू हुन भणि शिष्याले पछेणेइन। 5तब येशूले तिननलाइ भण्यो, “हे बालक हो तमनसित केइ माछा छन?” तिननले उनलाइ जबाफ दियो, “आथिन। हामले एक माछा लगइ मार्या छैन।”
6पइ येशूले तिननलाइ भण्यो, “नाका दाइन तिर जाल हाण रे तमनले पाउन्या हौ।” पइ तिननले येशूले भण्या ठाउमि जाल हाण्यो रे इति माछा मिल्या कि जालै तान्न नसक्द्या भया।
7पइ तइ प्यारो शिष्य जइलाइ येशूले भौत प्रेम अरन्थ्या, उइले पत्रुसलाइ भण्यो, “उन प्रभु हुन।” जब सिमोन पत्रुसले उन प्रभु हुन भण्न्या सुण्यो, तब उइले काम अरन्ज्या निकाल्या लत्ता कम्मर मणि बेरीबर तालइनि फट्टक हाल्यो। 8और शिष्या नामि चडिबर माछाले भरिया जाल तान्ना तान्नाइ आया। तिनन किनार बठेइ लगभग सय मिटर दुर थ्या। 9तब तिन किनारमी ओल्नज्या कोइलाको आगो रे तइ मल्तिर माछा राख्या रोटा धेक्यो।
10येशूले तिननलाइ भण्यो, “तमनले अइल्लै समाया माछा बठेइ थोकाइ याँ ल्यास।”
11सिमोन पत्रुस नामि चडया पइ एक सय त्रिपन्न ठुला-ठुला माछा भया जाललाइ तानिबर किनारमी ल्यायो तति भौत माछा होइबरलै जाल फाटिन। 12येशूले तिननलाइ भण्यो, “आस खाना खा।” शिष्यामि हइ कसइले लगइ उनलाइ तम को हो भणि सोदेइन। क्याकि तिननले उन प्रभु हुन भणि चिन्याथ्यो। 13तब येशूले तिननलाइ रोटा दियो तसेरि माछा लगइ दियो। 14तब मर्या बठेइ जिउना भया पछा येशूले आफलाइ आफ्ना शिष्याका वाँ प्रकट अर्याको यो तेसर्या हो।
पत्रुसलाइ येशूको अन्तिम आदेस
15जब तिननले खाना खाइसक्यो पइ येशूले सिमोन पत्रुसलाइ भण्यो, “हे सिमोन यूहन्नाका चेला कि तु मलाइ साच्ची यिन भण्ना बड्ता प्रेम अरन्छै?”
उइले उनलाइ भण्यो, “हजुर प्रभु, तम जाणन्छौ कि म तमलाइ कति प्रेम अद्दउ।”
उनले भण्यो, “तसो भया मेरा पाठाको हेरबिचार अरेइ।”
16उनले आजी दोसर्या तइलाइ भण्यो, “यूहन्नाको चेला सिमोन, कि तु मलाइ प्रेम अरन्छइ?”
तइले उनलाइ भण्यो, “हजुर, प्रभु, तम जाँणन्छौ, म तमलाइ प्रेम अद्दउ।”
उनले तइलाइ भण्यो, “तसो भया मेरा भेडाको हेरबिचार अरेइ।”
17उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ। 18साँच्चि, म तमनलाइ भण्नउ पइ तमन जबान थ्या तमन आफइ कम्मर कसरन्थ्या पइ जा जान्या मन लागन्छ वाँ जान्थ्या घुमन्थ्या तर जब तमन बुढा हुन्छौ, पइ तमन आफ्ना हात फइलाउन्या हौ रे अर्खाले तमरो कम्मर कस्दिन्या छ रे जाँ तमन जान निको मान्नानौ वाँ लैजान्या हुन।” 19येशूले यो कुरणी यइ उइले भण्यो कि पत्रुस कसेरी मद्या छ रे परमेश्वरको महिमा अद्द्या छ। तइ पछा येशूले भण्यो, “शिष्य हुनाइलाइ मेरा पछा लाग।”
येशू रे उनरा भौत प्रेमिलो शिष्य
20पत्रुसले पछाडी फर्किबर हेर्नज्या एक जानो शिष्यालाइ पछाडी-पछाडी आउन्नार्या धेक्यो, जइलाइ येशूले प्रेम अरन्थ्या। यिनइले बसाइतकको खाना खान्या बेला येशूका छातिमि लधरिबर सोद्याथ्यो, “प्रभु, तमलाइ पकडाइ दिन्या को हो?” 21तिनलाइ धेकिबर पत्रुसले येशूलाइ भण्यो, “प्रभु यइलाइ कि होलो?” 22येशूले भण्यो, “म नआउनज्या जिउना रहिरहुन भण्न्या इच्छा मइले अरेले लगइ तुलाइ क्याको चासो? मेरो शिष्य हुनाइ तु मेरा पछा लाग।” 23तबइ यो दोस्रो शिष्य त मद्दैन भण्न्या कुरणी शिष्यामि फैलियो पइलगइ येशूले मद्द्या होइन भणि भण्या थेइन। तर “म नआउन्जया यिन जिउना रहिरहुन भण्न्या इच्छा मइले अरेले लगइ तुलाइ क्याको चासो?” भण्याथ्यो। 24यिन कुरणीको बिसयमि गवाही दिन्या शिष्य यिन हुन रे यि कुरणी लेख्यो, रे हाम जाण्नाउ यिनरो गवाही सत्य छ। 25येशूले अर्याका और लगइ भौत अचम्मका काम छन तिन एक-एक अरिबर लेखिया भएले मलाइ लागन्छ कि तिनरा बिसयमि लेखिएका किताब संसारमी लगइ अटाउनेइ थेइन। आमेन!
Currently Selected:
यूह 21: DTYNT
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
यूह 21
21
येशू सात शिष्याका वाँ धेकिया
1यिन कुरणी पछा तिवेरियासको समुद्रको (गालीलको समुद्र) किनारमी येशूले आफलाइ आजी शिष्याका वाँ प्रकट इसेरि अर्यो कि 2ताँ सिमोन पत्रुस जइलाइ दिदुमस भणिन्या थोमा गालील जिल्लाको काना गाउँका नथानेल जब्दियाका शिष्या रे उनरा शिष्यामि हइ और दुइ जनासितथ्या। 3सिमोन पत्रुसले तिननलाइ भण्यो, “म त माछा माद्द जानउ।” तिनन गया रे छट्टाइ एक नामि चडया तर तइ रात तिननले कतिलगइ माछा पाएन।
4अर्खा दिन बिहान हुन्या बेला येशू किनारमी कल्लिया तर उन येशू हुन भणि शिष्याले पछेणेइन। 5तब येशूले तिननलाइ भण्यो, “हे बालक हो तमनसित केइ माछा छन?” तिननले उनलाइ जबाफ दियो, “आथिन। हामले एक माछा लगइ मार्या छैन।”
6पइ येशूले तिननलाइ भण्यो, “नाका दाइन तिर जाल हाण रे तमनले पाउन्या हौ।” पइ तिननले येशूले भण्या ठाउमि जाल हाण्यो रे इति माछा मिल्या कि जालै तान्न नसक्द्या भया।
7पइ तइ प्यारो शिष्य जइलाइ येशूले भौत प्रेम अरन्थ्या, उइले पत्रुसलाइ भण्यो, “उन प्रभु हुन।” जब सिमोन पत्रुसले उन प्रभु हुन भण्न्या सुण्यो, तब उइले काम अरन्ज्या निकाल्या लत्ता कम्मर मणि बेरीबर तालइनि फट्टक हाल्यो। 8और शिष्या नामि चडिबर माछाले भरिया जाल तान्ना तान्नाइ आया। तिनन किनार बठेइ लगभग सय मिटर दुर थ्या। 9तब तिन किनारमी ओल्नज्या कोइलाको आगो रे तइ मल्तिर माछा राख्या रोटा धेक्यो।
10येशूले तिननलाइ भण्यो, “तमनले अइल्लै समाया माछा बठेइ थोकाइ याँ ल्यास।”
11सिमोन पत्रुस नामि चडया पइ एक सय त्रिपन्न ठुला-ठुला माछा भया जाललाइ तानिबर किनारमी ल्यायो तति भौत माछा होइबरलै जाल फाटिन। 12येशूले तिननलाइ भण्यो, “आस खाना खा।” शिष्यामि हइ कसइले लगइ उनलाइ तम को हो भणि सोदेइन। क्याकि तिननले उन प्रभु हुन भणि चिन्याथ्यो। 13तब येशूले तिननलाइ रोटा दियो तसेरि माछा लगइ दियो। 14तब मर्या बठेइ जिउना भया पछा येशूले आफलाइ आफ्ना शिष्याका वाँ प्रकट अर्याको यो तेसर्या हो।
पत्रुसलाइ येशूको अन्तिम आदेस
15जब तिननले खाना खाइसक्यो पइ येशूले सिमोन पत्रुसलाइ भण्यो, “हे सिमोन यूहन्नाका चेला कि तु मलाइ साच्ची यिन भण्ना बड्ता प्रेम अरन्छै?”
उइले उनलाइ भण्यो, “हजुर प्रभु, तम जाणन्छौ कि म तमलाइ कति प्रेम अद्दउ।”
उनले भण्यो, “तसो भया मेरा पाठाको हेरबिचार अरेइ।”
16उनले आजी दोसर्या तइलाइ भण्यो, “यूहन्नाको चेला सिमोन, कि तु मलाइ प्रेम अरन्छइ?”
तइले उनलाइ भण्यो, “हजुर, प्रभु, तम जाँणन्छौ, म तमलाइ प्रेम अद्दउ।”
उनले तइलाइ भण्यो, “तसो भया मेरा भेडाको हेरबिचार अरेइ।”
17उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ। 18साँच्चि, म तमनलाइ भण्नउ पइ तमन जबान थ्या तमन आफइ कम्मर कसरन्थ्या पइ जा जान्या मन लागन्छ वाँ जान्थ्या घुमन्थ्या तर जब तमन बुढा हुन्छौ, पइ तमन आफ्ना हात फइलाउन्या हौ रे अर्खाले तमरो कम्मर कस्दिन्या छ रे जाँ तमन जान निको मान्नानौ वाँ लैजान्या हुन।” 19येशूले यो कुरणी यइ उइले भण्यो कि पत्रुस कसेरी मद्या छ रे परमेश्वरको महिमा अद्द्या छ। तइ पछा येशूले भण्यो, “शिष्य हुनाइलाइ मेरा पछा लाग।”
येशू रे उनरा भौत प्रेमिलो शिष्य
20पत्रुसले पछाडी फर्किबर हेर्नज्या एक जानो शिष्यालाइ पछाडी-पछाडी आउन्नार्या धेक्यो, जइलाइ येशूले प्रेम अरन्थ्या। यिनइले बसाइतकको खाना खान्या बेला येशूका छातिमि लधरिबर सोद्याथ्यो, “प्रभु, तमलाइ पकडाइ दिन्या को हो?” 21तिनलाइ धेकिबर पत्रुसले येशूलाइ भण्यो, “प्रभु यइलाइ कि होलो?” 22येशूले भण्यो, “म नआउनज्या जिउना रहिरहुन भण्न्या इच्छा मइले अरेले लगइ तुलाइ क्याको चासो? मेरो शिष्य हुनाइ तु मेरा पछा लाग।” 23तबइ यो दोस्रो शिष्य त मद्दैन भण्न्या कुरणी शिष्यामि फैलियो पइलगइ येशूले मद्द्या होइन भणि भण्या थेइन। तर “म नआउन्जया यिन जिउना रहिरहुन भण्न्या इच्छा मइले अरेले लगइ तुलाइ क्याको चासो?” भण्याथ्यो। 24यिन कुरणीको बिसयमि गवाही दिन्या शिष्य यिन हुन रे यि कुरणी लेख्यो, रे हाम जाण्नाउ यिनरो गवाही सत्य छ। 25येशूले अर्याका और लगइ भौत अचम्मका काम छन तिन एक-एक अरिबर लेखिया भएले मलाइ लागन्छ कि तिनरा बिसयमि लेखिएका किताब संसारमी लगइ अटाउनेइ थेइन। आमेन!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.