यूह 20
20
खाली चिहान
(मत्ती २८:१-८; मर्क १६:१-८; लूका २४:१-१२)
1हप्ताको पइलो दिन बिहान अनारो छनाइ मग्दला गाउँकी मरियम और स्वानिन लागइ गुफामि आइन रे तिननले गुफाको मुख बठेइ ढुङो हटाइया धेक्यो। 2तबइकिलाइ उन सिमोन पत्रुस रे येशूलाइ प्रेम अद्द्या अर्खो शिष्याका वाँ दौडिबर गइन, रे तिननलाइ भणिन कि, “प्रभु येशूको लासलाइ त लैजाइ सक्या रैछ उनलाइ काँ ब लैया। उनलाइ काँ लैया हामलाइ था आथिन।” 3पइ पत्रुस रे अर्खा शिष्य चिहानतिर गया। 4दौडिबर तिन दुइसित आया पत्रुस हइ पइल्ली अर्खो शिष्य युहुन्ना पुग्यो। 5उनले निउणिबर हेरन्ज्या, पइल्ली लपेटिया सुति लत्ता मान्तर धेक्यो तर उन भित्तर पसेइन। 6तब उनलाइ पछाइनि आउन्या सिमोन पत्रुस सिदाइ चिहान भित्तर पस्यो रे उइले लगइ लपेटिया सुति लत्ता मान्तर धेक्यो। 7रे उनरा मुन्टामि बाद्या रुमाल सुति लत्तासित पड्या थेइन तर अलग्गै एक ठाउँमि लपेटिया धेक्यो। 8तब चिहानमि पइल्ली आउन्या शिष्य लगइ भित्तर पस्यो रे धेक्यो रे येशू मर्या बठेइ जिउना भया हुन भणि बिश्वास अर्यो। 9पबित्र सास्त्रमि येशूका बारेमि यो पक्का रुपले लेखियाथ्यो कि उन आफ्ना मृत्यु बठेइ आजी जिउना हुन्या छन, तर तिननले अइल सम्म बुज्या थेइन।
येशू मरियम मग्दलनिका वाँ धेकिया
(मत्ती २८:९-१०; मर्क १६:९-११)
10तइ पछा तिनन दुइ शिष्या आ-आफ्ना घर गया। 11तर मरियम भण्या चिहानका बाइर तिर रोइबर कल्लिरइ, रुना रुनै चिहानतिर निउणिबर तक्द पसि। 12जाँ येशूको लास राख्याथ्यो ताँ तिनले सेता लत्ता लाया दुइ स्वर्गदुत एक मुन्टाइतिर रे एक खुट्टाइतीर बस्या धेक्यो।
13रे उननले तिनलाइ भण्यो, “हे नारी तु क्याइ रुन्छेइ?”
तिनले उलाइ भण्यो, “तिननले मेरा प्रभु येशूको लासलाइ लैया छन रे काँ राख्या छ म जाण्नैन।” 14इसो भणबर तिन पछाडी फर्किन रे येशूलाइ कल्लिया धेक्यो रे उन येशू हुन भणि चिनेइन।
15येशूले तिनलाइ भण्यो, “हे नारी तु क्याकि रुन्छेइ? कै खोज्जाछेइ?”
उइले तिनलाइ मालि हुन भणि सुचिबर उनलाइ भण्यो, “हजुर तमले येशूको लासलाइ या बठेइ लैजाइराइछ भण्या, मलाइ भणिदिय काँ राख्याछौ म वाँइ बठेइ उनलाइ लैजानउ।”
16येशूले तिनलाइ भण्यो, “मरियम!”
तिन पछा फर्किन रे उनलाइ हिब्रु भासामि भण्यो, “रब्बोनी”, अर्थात “गुरुज्यू”
17येशूले तिनलाइ भण्यो, “मलाइ समाइ जन राख, क्याकि म अइल सम्म मल्तिर मेरा पिताका वाँ गया आथिन; तर तम मेरा शिष्याका वाँ जा रे उनलाइ भण्दिय, म मल्तिर मेरा पिता रे तमनका पिता मेरा परमेश्वरका वाँ जान्ना छु।”
18मग्दला गाउँकी मरियम आइबर मइले प्रभुलाइ धेक्या भणबर शिष्यासित भणि रे उनले यिन कुरणी लगइ भण्या छ भण्यो।
येशू शिष्याका वाँ धेकिया
(मत्ती २८:१६-२०; मर्क १६:१४-१८; लूका २४:३६-३९)
19तसइ आइतबारका दिन बसाइतक यहुदि अगुवानका डरले शिष्या जम्माइ एक ठाउँमि जम्मा भया रे ढोका बन्द अर्या बेला येशू तिनरा बिचमि प्रकट भया रे भण्यो, “तमनलाइ सान्ति होउ।” 20इसो भणबर उनले तिननलाइ आफना हात रे कोखीको घा धेकायो रे प्रभुलाइ धेकिबर शिष्या खुशी भया। 21पइ येशूले तिननलाइ आजी भण्यो, “तमनलाइ सान्ति होउ जसेरि मेरा पिताले मलाइ यइ संसारमी पठाया छ तसेरि म लगइ तमनलाइ यइ संसारमी पठाउन्या हु।” 22इसो भणबर येशूले तिननमि सास फुकिदियो रे भण्यो, “पबित्र आत्मा लिय। 23जइ जइका पाप तमन क्षमा अरन्छौ तइका पाप क्षमा हुन्ना, तमन जइका पाप क्षमा अद्दानौ तइका पाप रन्ना।”
येशू थोमाका वाँ धेकिया
24येशू प्रकट हुइय्याँ दिदुमस भण्न्या थोमा जो बार शिष्यामि हइ एक थ्यो, ताँ उ थेइन। 25तबइकिलाइ और शिष्याले तइलाइ भण्यो, “हामले प्रभुलाइ धेक्या।” तर तिनले उनलाइ भण्यो, “जबसम्म म उनरा किला ठोक्या हात रे कोखिका घामि औला हाल्लइन तब सम्म उन मर्या बठेइ जिउना भया छन भणी म बिश्वास अद्दैन।” 26एक हप्ता पछा उनरा शिष्या आजी घर भित्तर थ्या। उनसित थोमा लगइ थ्यो तब ढोका बन्द थ्या, येशू आजी तिनरा बिचइनि प्रकट भया रे भण्यो, “तमनलाइ सान्ति होउ।” 27तब उनले थोमालाइ भण्यो, “तेरा औला याँ राख, रे मेरा हात हेर तेरा हात याँ राख, रे मेरा कोखि समा पइ संका अद्द बन्द अर, रे बिश्वास अर कि म जिउनो छु।” 28थोमाले उनलाइ भण्यो, “हे मेरा प्रभु हे मेरा परमेश्वर!” 29येशूले तइलाइ भण्यो, “थोमा तुइले मलाइ धेक्या हुनाले बिश्वास अर्या हइ तर तिनन धन्य हुन जइले मलाइ नधेकेइ बिश्वास अद्दाहान।”
यइ किताबको उदेश्य
30साँच्चि येशूले आफना शिष्याका अगाडी भौत अचम्मका चिन्ह धेकायो जो यइ किताबमी लेखिया आथिन। 31तर इसो लेखिया छ, कि येशूइ परमेश्वरको चेलो ख्रीष्ट हुन भणबर तमन उनमी बिश्वास अद्द सक रे बिश्वास अरिबर उनरा नाउँमि अनन्त जीवन पाओस।
Currently Selected:
यूह 20: DTYNT
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
यूह 20
20
खाली चिहान
(मत्ती २८:१-८; मर्क १६:१-८; लूका २४:१-१२)
1हप्ताको पइलो दिन बिहान अनारो छनाइ मग्दला गाउँकी मरियम और स्वानिन लागइ गुफामि आइन रे तिननले गुफाको मुख बठेइ ढुङो हटाइया धेक्यो। 2तबइकिलाइ उन सिमोन पत्रुस रे येशूलाइ प्रेम अद्द्या अर्खो शिष्याका वाँ दौडिबर गइन, रे तिननलाइ भणिन कि, “प्रभु येशूको लासलाइ त लैजाइ सक्या रैछ उनलाइ काँ ब लैया। उनलाइ काँ लैया हामलाइ था आथिन।” 3पइ पत्रुस रे अर्खा शिष्य चिहानतिर गया। 4दौडिबर तिन दुइसित आया पत्रुस हइ पइल्ली अर्खो शिष्य युहुन्ना पुग्यो। 5उनले निउणिबर हेरन्ज्या, पइल्ली लपेटिया सुति लत्ता मान्तर धेक्यो तर उन भित्तर पसेइन। 6तब उनलाइ पछाइनि आउन्या सिमोन पत्रुस सिदाइ चिहान भित्तर पस्यो रे उइले लगइ लपेटिया सुति लत्ता मान्तर धेक्यो। 7रे उनरा मुन्टामि बाद्या रुमाल सुति लत्तासित पड्या थेइन तर अलग्गै एक ठाउँमि लपेटिया धेक्यो। 8तब चिहानमि पइल्ली आउन्या शिष्य लगइ भित्तर पस्यो रे धेक्यो रे येशू मर्या बठेइ जिउना भया हुन भणि बिश्वास अर्यो। 9पबित्र सास्त्रमि येशूका बारेमि यो पक्का रुपले लेखियाथ्यो कि उन आफ्ना मृत्यु बठेइ आजी जिउना हुन्या छन, तर तिननले अइल सम्म बुज्या थेइन।
येशू मरियम मग्दलनिका वाँ धेकिया
(मत्ती २८:९-१०; मर्क १६:९-११)
10तइ पछा तिनन दुइ शिष्या आ-आफ्ना घर गया। 11तर मरियम भण्या चिहानका बाइर तिर रोइबर कल्लिरइ, रुना रुनै चिहानतिर निउणिबर तक्द पसि। 12जाँ येशूको लास राख्याथ्यो ताँ तिनले सेता लत्ता लाया दुइ स्वर्गदुत एक मुन्टाइतिर रे एक खुट्टाइतीर बस्या धेक्यो।
13रे उननले तिनलाइ भण्यो, “हे नारी तु क्याइ रुन्छेइ?”
तिनले उलाइ भण्यो, “तिननले मेरा प्रभु येशूको लासलाइ लैया छन रे काँ राख्या छ म जाण्नैन।” 14इसो भणबर तिन पछाडी फर्किन रे येशूलाइ कल्लिया धेक्यो रे उन येशू हुन भणि चिनेइन।
15येशूले तिनलाइ भण्यो, “हे नारी तु क्याकि रुन्छेइ? कै खोज्जाछेइ?”
उइले तिनलाइ मालि हुन भणि सुचिबर उनलाइ भण्यो, “हजुर तमले येशूको लासलाइ या बठेइ लैजाइराइछ भण्या, मलाइ भणिदिय काँ राख्याछौ म वाँइ बठेइ उनलाइ लैजानउ।”
16येशूले तिनलाइ भण्यो, “मरियम!”
तिन पछा फर्किन रे उनलाइ हिब्रु भासामि भण्यो, “रब्बोनी”, अर्थात “गुरुज्यू”
17येशूले तिनलाइ भण्यो, “मलाइ समाइ जन राख, क्याकि म अइल सम्म मल्तिर मेरा पिताका वाँ गया आथिन; तर तम मेरा शिष्याका वाँ जा रे उनलाइ भण्दिय, म मल्तिर मेरा पिता रे तमनका पिता मेरा परमेश्वरका वाँ जान्ना छु।”
18मग्दला गाउँकी मरियम आइबर मइले प्रभुलाइ धेक्या भणबर शिष्यासित भणि रे उनले यिन कुरणी लगइ भण्या छ भण्यो।
येशू शिष्याका वाँ धेकिया
(मत्ती २८:१६-२०; मर्क १६:१४-१८; लूका २४:३६-३९)
19तसइ आइतबारका दिन बसाइतक यहुदि अगुवानका डरले शिष्या जम्माइ एक ठाउँमि जम्मा भया रे ढोका बन्द अर्या बेला येशू तिनरा बिचमि प्रकट भया रे भण्यो, “तमनलाइ सान्ति होउ।” 20इसो भणबर उनले तिननलाइ आफना हात रे कोखीको घा धेकायो रे प्रभुलाइ धेकिबर शिष्या खुशी भया। 21पइ येशूले तिननलाइ आजी भण्यो, “तमनलाइ सान्ति होउ जसेरि मेरा पिताले मलाइ यइ संसारमी पठाया छ तसेरि म लगइ तमनलाइ यइ संसारमी पठाउन्या हु।” 22इसो भणबर येशूले तिननमि सास फुकिदियो रे भण्यो, “पबित्र आत्मा लिय। 23जइ जइका पाप तमन क्षमा अरन्छौ तइका पाप क्षमा हुन्ना, तमन जइका पाप क्षमा अद्दानौ तइका पाप रन्ना।”
येशू थोमाका वाँ धेकिया
24येशू प्रकट हुइय्याँ दिदुमस भण्न्या थोमा जो बार शिष्यामि हइ एक थ्यो, ताँ उ थेइन। 25तबइकिलाइ और शिष्याले तइलाइ भण्यो, “हामले प्रभुलाइ धेक्या।” तर तिनले उनलाइ भण्यो, “जबसम्म म उनरा किला ठोक्या हात रे कोखिका घामि औला हाल्लइन तब सम्म उन मर्या बठेइ जिउना भया छन भणी म बिश्वास अद्दैन।” 26एक हप्ता पछा उनरा शिष्या आजी घर भित्तर थ्या। उनसित थोमा लगइ थ्यो तब ढोका बन्द थ्या, येशू आजी तिनरा बिचइनि प्रकट भया रे भण्यो, “तमनलाइ सान्ति होउ।” 27तब उनले थोमालाइ भण्यो, “तेरा औला याँ राख, रे मेरा हात हेर तेरा हात याँ राख, रे मेरा कोखि समा पइ संका अद्द बन्द अर, रे बिश्वास अर कि म जिउनो छु।” 28थोमाले उनलाइ भण्यो, “हे मेरा प्रभु हे मेरा परमेश्वर!” 29येशूले तइलाइ भण्यो, “थोमा तुइले मलाइ धेक्या हुनाले बिश्वास अर्या हइ तर तिनन धन्य हुन जइले मलाइ नधेकेइ बिश्वास अद्दाहान।”
यइ किताबको उदेश्य
30साँच्चि येशूले आफना शिष्याका अगाडी भौत अचम्मका चिन्ह धेकायो जो यइ किताबमी लेखिया आथिन। 31तर इसो लेखिया छ, कि येशूइ परमेश्वरको चेलो ख्रीष्ट हुन भणबर तमन उनमी बिश्वास अद्द सक रे बिश्वास अरिबर उनरा नाउँमि अनन्त जीवन पाओस।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.