Kyananaka 11
11
Pɛtɛlɔ ʉngaka moni ngika ka꞉ɓaa ɔɔ Kolonelio
1Ɓatitima nʉ ɓombi ɓʉ baya, iɓa ɓi꞉nye anʉ Yudɛa, ɓambʉkɔ ɓɔ ɓombi ngiɓa ɓambʉkɔmʉ Ɓayuda ɓʉ꞉baya tiga ɨsaʉ yɨ Asʉɓɨɨ kʉ bayanɨ. 2Ati ngia Pɛtɛlɔ a꞉tʉa‑ɔɔ anʉ Yelusalɛma, Ɓayuda ngiɓa ɓi꞉nye ɓʉbayeni Yeso ɓambufaniso ngbanganakiso moni naɓɔ. 3Kusigo ɓɔ: « Wukumunio‑zʉ ati ʉ ɓugue ngiɓa ɓa꞉tinisokɔmʉ ganza jʉtanɨ,#11:3 Gʉ ɓɔ, ɓombi ngiɓa ɓa aɓei ʉ ɨkáa yɨ anza ngia yɨ Ɓayuda nambuɓio kʉdyakaka kʉ ɨzɔ naɓɔ. »
4Kija Pɛtɛlɔ a꞉faniso naɓɔ kʉngakanakisio moni ngika ka꞉ɓaa kʉ tine tine kusigo ɓɔ: 5« Mi꞉nye pongo akʉ gʉlʉ ngia ʉnʉ ɓɔ Yɔpa, nʉ mi꞉nye kʉta Asʉɓɨɨ. Kija ma꞉papanɨa, ɨkyɛmɛ yambʉnɨkyɨa ndʉ ʉtakanaka. Kija ma꞉na ɨkyɛmɛ kijo ekoo ʉ ɓisi ndʉ ɨbabaɨ yɛɛ ɨja iɓote akʉ mɨtʉ ɓʉgɨna, yinyeni kʉsɨngana tinene nɛmɛ. 6Mambʉkanga ɨbabaɨ ngiinanɨ ɓʉ gbɔɔ, mambʉna ekoo ɔngɔ ɓanama ɓʉ mɨtɨndɨ ɓʉgɨna ɓʉgɨna ɓʉ ɨtaka kʉ iɓomu, ɓanama ɓʉ 'ututu, ɓanama ngiɓa ɓaaɗuɗono mamaa akɛsɨ, nʉ ɓunoi ngiɓa ɓaabʉmbʉa akʉ maba kʉ ɓisi. 7Mambʉkɔ tiga kʉ iyo nɛmɛ kusigio ɓɔ: ‹ Pɛtɛlɔ, ʉngwa ɨkʉʉ, wa, wambʉdya! › 8Ɨkyɛmɨngana, mambutisio ɓɔ: ‹ Gʉkʉ ɗɛkɛkɛ Makʉasɛmɛ, jʉ ɛmɛ mambʉdyakɔmʉ sina ɨkyɛmɛ yɨ ɔpɛ, nʉ iya yɨ 'ʉsʉgʉ! › 9Iyo ngiinanɨ yambʉkɔnɨɔ ɓata nɨsɨ kapɨnɨ kʉʉngwa ekoo ʉ ɓisi ɓɔ: ‹ Wɔɔchɨkakɔmʉ ɨkyɛmɛ ngia Asʉɓɨɨ a꞉ɨjaɓaka jaɓakaa ndʉ ɨkyɛmɛ yɨ 'ʉsʉgʉ. › 10Moni ngikʉnanɨ ka꞉kyɨanɨa nɨsɨ kaatʉ mbise ngiinanɨ, kumbo ngiinanɨ kʉ uɓomu ambuɗito kʉsa ekoo ʉ ɓisi.
11Ʉna tɔ, tʉkʉ ati ngiinanɨ, ɓugue ɓaatʉ ngiɓa ɓa꞉natʉmɨa ɛɓɔ kʉʉngwa anʉ Kaisalia, ɓambʉɓʉya akʉ ɨkáa ngia ki꞉nye‑ɛɛ. 12'Ʉtʉma wɔɔ Tu wambunasigio ɓɔ kʉsa ɨzɔ naɓɔ chʉkɔmʉ nʉ dindikio. Ɓayoo ʉmalɨa iɓa kʉ꞉ka naɓɔ aka, ɓa꞉sa nɛmɛ kʉnapɨa anʉ Kaisalia. Kija isu kʉ ɓuɓomu ka꞉kumunio amati ʉ ɨkáa ngia yɨ Kolonelio. 13Ɛyɔ Kolonelio ambʉtɨngakɨa aka a꞉na‑ɔɔ Malaika ʉmaɨ andɔngɔ nayɔ kusigio ɓɔ: ‹ Tʉma ɓombi anʉ Yɔpa kusoko Simoni ngia ʉnʉ ɓɔ Pɛtɛlɔ. 14Ɛyɔ a꞊nangakɨa moni ngika ka꞊nahiiso ɔwɛ nʉ ɨkáa ngiisɔɔ kʉ iɓomu. ›
15Ɛmɛ tʉkʉ kufaniso yaka ɓɔmʉ, 'Ʉtʉma wɔɔ Tu wambuɓijio kʉndʉ iya wa꞉tijio jɛnɛ isu pɛɛ. 16Kija ma꞉tunguo moni ngika Makʉʉɓɨɨ a꞉sigo jɛnɛ ɓɔ: ‹ Yʉanɨ a꞉ɓatiso ɓombi nʉ mepo, ɨkyɛmɨngana ɓa꞊niɓatiso ɓisi tiga inu nʉ 'Ʉtʉma wɔɔ Tu. › 17Asʉɓɨɨ ambuɓunzo tiga apɛpɛ ngbanga kʉndʉ iya a꞉tɨkyɨa‑ɔɔ isu ati ngia ka꞉baya‑ɔɔ Makʉʉɓɨɨ Yeso Klisito. Ʉna tɔ, ɛmɛ tiga anɨ kʉchwa wai nʉ Asʉɓɨɨ. »
18Mbise ngia Ɓayuda ngiɓa ɓa꞉baya ɓa꞉kɔ‑ɔɔ moni ngikʉnanɨ, ɓa꞉kata tʉkʉ ɓʉ nyɛ, ɓambubibiso Asʉɓɨɨ kusigo ɓɔ: « Asʉɓɨɨ ʉ꞉ganɨa ɓombi ngiɓa ɓambikinye Ɓayuda ɨngbaa kunicho 'ʉtʉma nʉ kʉnyɨa nʉ ʉɓɨɨ ganɨaa! »
'Ʉkpanganɨa wʉ kanisa wʉ Atiokia
19Ɓʉka‑ɓʉkaɨ ngiɓa ɓa꞉ɓʉa ati ngia ɓa꞉wa‑ɔɔ Sɨtɨfana, ɓa꞉panza ɓombi ɓʉ baya. Ɓɔmɔ ati ʉ ʉndaɓʉ, ɓa꞉sa kʉɓʉya tʉkʉ anʉ Foenikɛ, nʉ anʉ Kipulio nʉ anʉ Atiokia. Ɛɓɔ ɓi꞉nye‑zʉ kʉɓɨakɨa tʉkʉ Ɓayuda ʉpanʉ wʉ Asʉɓɨɨ. 20Ɨkyɛmɨngana, ɓɔmɔ ɓata iɓa ɓi꞉nye ɓombi ɓʉ Kipulio nʉ Kulɛnɛ, ɓa꞉sa anʉ Atiokia ɓambʉɓɨakɨa ɓombi ngiɓa ɓambikinye Ɓayuda Ɨsaʉ yɛɛ Iɗo ngia yɨ Makʉʉɓɨɨ Yeso. 21Angu ʉ Makʉʉɓɨɨ i꞉nye ɨzɔ naɓɔ. Ɓombi ɓaja ɓambʉbaya, ɓambʉnɨtana ɔɔ Makʉʉɓɨɨ.
22Ɓombi ɓʉ kanisa wʉ Yelusalɛma ɓambʉkɔ moni ngikʉnanɨ, ɓambʉtʉma Balanaba kʉsa anʉ Atiokia. 23Iya a꞉ɓʉya nanɨ, ambʉna aka Asʉɓɨɨ ambuiso‑ɔɔ ɓombi, ambʉkwa ɨgyagya nadɨndɨ. Kija a꞉ɓunzo ɛɓɔ kʉ ɓuɓomu igue‑gue kuɓio ngbingbii kʉkpata mapanʉ kʉ Makʉʉɓɨɨ nʉ 'ʉtʉma mungono. 24Balanaba i꞉nye mombi ɔɔ iɗo, 'uhue nʉ 'Ʉtʉma wɔɔ Tu nʉ baya. Kʉ ɓwanɨ, ɓombi ɓaja ɓambʉbaya Makʉʉɓɨɨ.
25Mbise ngiinanɨ, Balanaba ambʉsa kʉhata Saulo anʉ Talasɔ. 26Iya Balanaba a꞉mʉna, ɓambʉtʉa nayɔ anʉ Atiokia. Ɛɓɔ ɓapɨnɨ kʉ ɓuɓomu ɓa꞉kwaa akʉ kanisa ngiinanɨ igo kʉ iti, ɓambʉpanɨa ungbutu wʉ ɓombi ɓaja nadɨndɨ. 'Ʉkpanganɨa wɔɔ soke ɓakpataka ino ɓɔ Ɓaklisito wi꞉nye nanɨ anʉ Atɨɔkɨa.
27Ati ngiinanɨ, lɨgbɛ lʉ Asʉɓɨɨ ngana ngana la꞉ʉngwa anʉ Yelusalɛma kʉsa anʉ Atiokia. 28Mʉngana ati ʉ ʉndaɓʉ iya i꞉nye ino ɓɔ Agabɔ, ambʉmaa ɓʉ gba, akʉ angu ʉ 'Ʉtʉma wɔɔ Tu, ambʉkwa ɨgbɛ kusigo ɓɔ taa yɛɛ ɨja ya ɓisi kʉkwa akʉ ɨtaka kʉ iɓomu. Taa yɛɛ ɨja ngiinanɨ ya꞉kwa tiga ati ngia Kolodia i꞉nye‑ɔɔ ngama ɔɔ 'ʉja wʉ Ɓalɔma. 29Ɓakpataka ɓambumaiso ʉpanʉ ɓɔ mombi kʉ nangana nangana ati ʉndaɓʉ, kʉkpatanakɨa nʉ angu ngia i꞉nye nayɔ, ʉtʉma kumbo kʉsalɨa ɓayoo ngiɓa ɓa꞉baya Yeso ɓi꞉nye anʉ Yudɛa. 30Kija ɓa꞉kyɨa tʉkʉ ndʉ ananɨ, ɓambusisio ɓʉkʉʉ ɓʉ kanisa apɛpɛ ngiinanɨ akʉ lɨkɔndɔ lʉ ɔɔ Balanaba nʉ Saulo.
Currently Selected:
Kyananaka 11: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Kyananaka 11
11
Pɛtɛlɔ ʉngaka moni ngika ka꞉ɓaa ɔɔ Kolonelio
1Ɓatitima nʉ ɓombi ɓʉ baya, iɓa ɓi꞉nye anʉ Yudɛa, ɓambʉkɔ ɓɔ ɓombi ngiɓa ɓambʉkɔmʉ Ɓayuda ɓʉ꞉baya tiga ɨsaʉ yɨ Asʉɓɨɨ kʉ bayanɨ. 2Ati ngia Pɛtɛlɔ a꞉tʉa‑ɔɔ anʉ Yelusalɛma, Ɓayuda ngiɓa ɓi꞉nye ɓʉbayeni Yeso ɓambufaniso ngbanganakiso moni naɓɔ. 3Kusigo ɓɔ: « Wukumunio‑zʉ ati ʉ ɓugue ngiɓa ɓa꞉tinisokɔmʉ ganza jʉtanɨ,#11:3 Gʉ ɓɔ, ɓombi ngiɓa ɓa aɓei ʉ ɨkáa yɨ anza ngia yɨ Ɓayuda nambuɓio kʉdyakaka kʉ ɨzɔ naɓɔ. »
4Kija Pɛtɛlɔ a꞉faniso naɓɔ kʉngakanakisio moni ngika ka꞉ɓaa kʉ tine tine kusigo ɓɔ: 5« Mi꞉nye pongo akʉ gʉlʉ ngia ʉnʉ ɓɔ Yɔpa, nʉ mi꞉nye kʉta Asʉɓɨɨ. Kija ma꞉papanɨa, ɨkyɛmɛ yambʉnɨkyɨa ndʉ ʉtakanaka. Kija ma꞉na ɨkyɛmɛ kijo ekoo ʉ ɓisi ndʉ ɨbabaɨ yɛɛ ɨja iɓote akʉ mɨtʉ ɓʉgɨna, yinyeni kʉsɨngana tinene nɛmɛ. 6Mambʉkanga ɨbabaɨ ngiinanɨ ɓʉ gbɔɔ, mambʉna ekoo ɔngɔ ɓanama ɓʉ mɨtɨndɨ ɓʉgɨna ɓʉgɨna ɓʉ ɨtaka kʉ iɓomu, ɓanama ɓʉ 'ututu, ɓanama ngiɓa ɓaaɗuɗono mamaa akɛsɨ, nʉ ɓunoi ngiɓa ɓaabʉmbʉa akʉ maba kʉ ɓisi. 7Mambʉkɔ tiga kʉ iyo nɛmɛ kusigio ɓɔ: ‹ Pɛtɛlɔ, ʉngwa ɨkʉʉ, wa, wambʉdya! › 8Ɨkyɛmɨngana, mambutisio ɓɔ: ‹ Gʉkʉ ɗɛkɛkɛ Makʉasɛmɛ, jʉ ɛmɛ mambʉdyakɔmʉ sina ɨkyɛmɛ yɨ ɔpɛ, nʉ iya yɨ 'ʉsʉgʉ! › 9Iyo ngiinanɨ yambʉkɔnɨɔ ɓata nɨsɨ kapɨnɨ kʉʉngwa ekoo ʉ ɓisi ɓɔ: ‹ Wɔɔchɨkakɔmʉ ɨkyɛmɛ ngia Asʉɓɨɨ a꞉ɨjaɓaka jaɓakaa ndʉ ɨkyɛmɛ yɨ 'ʉsʉgʉ. › 10Moni ngikʉnanɨ ka꞉kyɨanɨa nɨsɨ kaatʉ mbise ngiinanɨ, kumbo ngiinanɨ kʉ uɓomu ambuɗito kʉsa ekoo ʉ ɓisi.
11Ʉna tɔ, tʉkʉ ati ngiinanɨ, ɓugue ɓaatʉ ngiɓa ɓa꞉natʉmɨa ɛɓɔ kʉʉngwa anʉ Kaisalia, ɓambʉɓʉya akʉ ɨkáa ngia ki꞉nye‑ɛɛ. 12'Ʉtʉma wɔɔ Tu wambunasigio ɓɔ kʉsa ɨzɔ naɓɔ chʉkɔmʉ nʉ dindikio. Ɓayoo ʉmalɨa iɓa kʉ꞉ka naɓɔ aka, ɓa꞉sa nɛmɛ kʉnapɨa anʉ Kaisalia. Kija isu kʉ ɓuɓomu ka꞉kumunio amati ʉ ɨkáa ngia yɨ Kolonelio. 13Ɛyɔ Kolonelio ambʉtɨngakɨa aka a꞉na‑ɔɔ Malaika ʉmaɨ andɔngɔ nayɔ kusigio ɓɔ: ‹ Tʉma ɓombi anʉ Yɔpa kusoko Simoni ngia ʉnʉ ɓɔ Pɛtɛlɔ. 14Ɛyɔ a꞊nangakɨa moni ngika ka꞊nahiiso ɔwɛ nʉ ɨkáa ngiisɔɔ kʉ iɓomu. ›
15Ɛmɛ tʉkʉ kufaniso yaka ɓɔmʉ, 'Ʉtʉma wɔɔ Tu wambuɓijio kʉndʉ iya wa꞉tijio jɛnɛ isu pɛɛ. 16Kija ma꞉tunguo moni ngika Makʉʉɓɨɨ a꞉sigo jɛnɛ ɓɔ: ‹ Yʉanɨ a꞉ɓatiso ɓombi nʉ mepo, ɨkyɛmɨngana ɓa꞊niɓatiso ɓisi tiga inu nʉ 'Ʉtʉma wɔɔ Tu. › 17Asʉɓɨɨ ambuɓunzo tiga apɛpɛ ngbanga kʉndʉ iya a꞉tɨkyɨa‑ɔɔ isu ati ngia ka꞉baya‑ɔɔ Makʉʉɓɨɨ Yeso Klisito. Ʉna tɔ, ɛmɛ tiga anɨ kʉchwa wai nʉ Asʉɓɨɨ. »
18Mbise ngia Ɓayuda ngiɓa ɓa꞉baya ɓa꞉kɔ‑ɔɔ moni ngikʉnanɨ, ɓa꞉kata tʉkʉ ɓʉ nyɛ, ɓambubibiso Asʉɓɨɨ kusigo ɓɔ: « Asʉɓɨɨ ʉ꞉ganɨa ɓombi ngiɓa ɓambikinye Ɓayuda ɨngbaa kunicho 'ʉtʉma nʉ kʉnyɨa nʉ ʉɓɨɨ ganɨaa! »
'Ʉkpanganɨa wʉ kanisa wʉ Atiokia
19Ɓʉka‑ɓʉkaɨ ngiɓa ɓa꞉ɓʉa ati ngia ɓa꞉wa‑ɔɔ Sɨtɨfana, ɓa꞉panza ɓombi ɓʉ baya. Ɓɔmɔ ati ʉ ʉndaɓʉ, ɓa꞉sa kʉɓʉya tʉkʉ anʉ Foenikɛ, nʉ anʉ Kipulio nʉ anʉ Atiokia. Ɛɓɔ ɓi꞉nye‑zʉ kʉɓɨakɨa tʉkʉ Ɓayuda ʉpanʉ wʉ Asʉɓɨɨ. 20Ɨkyɛmɨngana, ɓɔmɔ ɓata iɓa ɓi꞉nye ɓombi ɓʉ Kipulio nʉ Kulɛnɛ, ɓa꞉sa anʉ Atiokia ɓambʉɓɨakɨa ɓombi ngiɓa ɓambikinye Ɓayuda Ɨsaʉ yɛɛ Iɗo ngia yɨ Makʉʉɓɨɨ Yeso. 21Angu ʉ Makʉʉɓɨɨ i꞉nye ɨzɔ naɓɔ. Ɓombi ɓaja ɓambʉbaya, ɓambʉnɨtana ɔɔ Makʉʉɓɨɨ.
22Ɓombi ɓʉ kanisa wʉ Yelusalɛma ɓambʉkɔ moni ngikʉnanɨ, ɓambʉtʉma Balanaba kʉsa anʉ Atiokia. 23Iya a꞉ɓʉya nanɨ, ambʉna aka Asʉɓɨɨ ambuiso‑ɔɔ ɓombi, ambʉkwa ɨgyagya nadɨndɨ. Kija a꞉ɓunzo ɛɓɔ kʉ ɓuɓomu igue‑gue kuɓio ngbingbii kʉkpata mapanʉ kʉ Makʉʉɓɨɨ nʉ 'ʉtʉma mungono. 24Balanaba i꞉nye mombi ɔɔ iɗo, 'uhue nʉ 'Ʉtʉma wɔɔ Tu nʉ baya. Kʉ ɓwanɨ, ɓombi ɓaja ɓambʉbaya Makʉʉɓɨɨ.
25Mbise ngiinanɨ, Balanaba ambʉsa kʉhata Saulo anʉ Talasɔ. 26Iya Balanaba a꞉mʉna, ɓambʉtʉa nayɔ anʉ Atiokia. Ɛɓɔ ɓapɨnɨ kʉ ɓuɓomu ɓa꞉kwaa akʉ kanisa ngiinanɨ igo kʉ iti, ɓambʉpanɨa ungbutu wʉ ɓombi ɓaja nadɨndɨ. 'Ʉkpanganɨa wɔɔ soke ɓakpataka ino ɓɔ Ɓaklisito wi꞉nye nanɨ anʉ Atɨɔkɨa.
27Ati ngiinanɨ, lɨgbɛ lʉ Asʉɓɨɨ ngana ngana la꞉ʉngwa anʉ Yelusalɛma kʉsa anʉ Atiokia. 28Mʉngana ati ʉ ʉndaɓʉ iya i꞉nye ino ɓɔ Agabɔ, ambʉmaa ɓʉ gba, akʉ angu ʉ 'Ʉtʉma wɔɔ Tu, ambʉkwa ɨgbɛ kusigo ɓɔ taa yɛɛ ɨja ya ɓisi kʉkwa akʉ ɨtaka kʉ iɓomu. Taa yɛɛ ɨja ngiinanɨ ya꞉kwa tiga ati ngia Kolodia i꞉nye‑ɔɔ ngama ɔɔ 'ʉja wʉ Ɓalɔma. 29Ɓakpataka ɓambumaiso ʉpanʉ ɓɔ mombi kʉ nangana nangana ati ʉndaɓʉ, kʉkpatanakɨa nʉ angu ngia i꞉nye nayɔ, ʉtʉma kumbo kʉsalɨa ɓayoo ngiɓa ɓa꞉baya Yeso ɓi꞉nye anʉ Yudɛa. 30Kija ɓa꞉kyɨa tʉkʉ ndʉ ananɨ, ɓambusisio ɓʉkʉʉ ɓʉ kanisa apɛpɛ ngiinanɨ akʉ lɨkɔndɔ lʉ ɔɔ Balanaba nʉ Saulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.