Kyananaka 2
2
'Ʉtʉma wɔɔ Tu wuijio ɓombi ɓʉ baya
1Iya ɓisi ɓʉ Patɛkɔtɛ ɓaka‑ɔɔ, ɓombi ɓʉ baya ɓi꞉nye kʉ ɓuɓomu ɓʉmʉmanɨɛ tii tʉkʉ izi mɨngana. 2Tʉkʉ nɨma ngiinanɨ ungito mungono wa꞉ʉngwa ekoo ʉ ɓisi, ndʉ mahuo wɔɔ ʉja wakʉpɨka, wambuhuo amati ʉ ɨkáa kʉ iɓomu ngia ɓi꞉nye‑ɛɛ ɓuwei. 3Kija ɨkyɛmɛ mɨngana ya꞉ɓʉa ndʉ magou kʉ dyaa. Maɗaɗa kɔngɔ kambʉnanzana, kambʉnapɨanɨa ekoo ʉ ʉndaɓʉ kʉ nangana nangana. 4Ɛɓɔ kʉ ɓuɓomu ɓambuhuo nʉ 'Ʉtʉma wɔɔ Tu, ɓambufaniso yaka nʉ maɗaɗa nga kɔmɔ ngbanga kʉndʉ aka 'Ʉtʉma wi꞉nye‑ɔɔ naɓɔ kutitio kʉyaka.
5Ʉna tɔ, anʉ Yelusalɛma amati ʉ makwaa ngikʉnanɨ, yi꞉nye nʉ Ɓayuda ɓʉ kɛkɛɛ akʉ moni kʉ Asʉɓɨɨ iɓa ɓa꞉ʉngwa akʉ mababa kʉ ɓombi kʉ muɓomu ngika kʉ ɨtaka. 6Ati ngia ungito nguʉnanɨ wa꞉kɔnɨɔ‑ɔɔ, kija ɓa꞉mʉmanɨa, ɓambuhuo izi mɨngana ɓʉ ngu. Moni ngikʉnanɨ kambʉɓʉmbangɨa nadɨndɨ jʉ mombi kʉ nangana nangana i꞉nye naɓɔ kʉkɔ kʉyaka tʉkʉ nʉ ʉɗaɗa nguangɔ makʉɔngɔ. 7Moni ngikʉnanɨ ka꞉ɓumbambaniso, nʉ naɓɔ kʉmbangɨa, ɓambusigo ɓɔ: « Ɓombi ngiɓa ɓakʉyaka kʉ ɓuɓomu akɛ ajʉ ɓambʉkɔmʉ‑zʉ tʉkʉ ɓombi ɓʉ Galilaya ɓiɛ? 8Ɨkyɛkyɛɓʉmʉ tanɨ iya mombi kʉ nangana nangana ati ʉndɛsʉ a‑ɔɔ naɓɔ kʉkɔ tʉkʉ nʉ ʉɗaɗa nguangɔ ɓʉ kpɛ?
9Ɓombi kʉ di di di ɓa ati ʉndɛsʉ aka. Ɓɔmɔ ɓa꞉ʉngwa anʉ Palatɨ, anʉ Medi, nʉ anʉ Ɛlamʉ. Nʉ ɓiga ngiɓa ɓa꞉wulo ɨkʉmbʉ anʉ Mesopotamia, nʉ Yudɛa, nʉ Kapadokia, nʉ Pɔtɔ, nʉ Azia, 10nʉ Filigia nʉ Pafilia, nʉ Misili, nʉ gɨpa ngia ʉ Kulɛnɛ amati ʉ Libia. Yi꞉nye kʉ nʉ iɓa ɓa꞉ʉngwa anʉ Lɔma, 11anʉ Kɛlɛtɛ nʉ Alabia, ati ʉndaɓʉ yi꞉nye Ɓayuda nʉ ɓombi ngiɓa ɓambikinye Ɓayuda, iɓa ɓa꞉nicho mɨtʉma akʉ ɨtanda ngia yɨ Ɓayuda. Isu kʉ ɓuɓomu kanaɓɔ kʉkɔ ɓinyeni kʉɓɨakɨa moni kɔɔ mʉmbangɛ ngika kʉ Asʉɓɨɨ tʉkʉ nʉ maɗaɗa ngikʉndɛsʉ ɓʉ kpɛ! » 12Moni ngikʉnanɨ ka꞉ɓumbambaniso, chʉkɔmʉ ɓambʉmbɨa ɓata ɓɔ ɓasigo tanɨ. Ɓambufaniso yakanaka ati ʉndaɓʉ ɓɔ: « Inyɨ yɨ moni ngia ya‑zʉ tanɨ? » 13Ɨkyɛmɨngana, ɓombi nga ɓɔmɔ ɓambuɓio tʉkʉ kʉndapakiso moni kɔngɔ, kusigo ɓɔ: « Ɓugue ngiɓa ɓʉdamʉa vinyo kingono. »
Pɛtɛlɔ ʉngakɨa ungbutu wʉ ɓombi moni
14Kija Pɛtɛlɔ a꞉ʉngwa ɨkʉʉ ɛyɔ ɨzɔ nʉ ɓatitima kumi nʉ mʉngana, ambufaniso ngakɨa ungbutu wʉ ɓombi moni nʉ iyo yɛɛ ɓʉmʉ kusigo ɓɔ: « Inu Ɓayuda, nʉ inu ɓombi kʉ ɓuɓomu ngiɓa na anʉ Yelusalɛma aka, ukeni nʉ pimiseni moni ngika maninu kusigio tʉkʉ iɗo. 15Ɓugue ngiɓa ɓambʉkɔmʉ nʉ ɨdamʉ ndʉ akʉ na‑ɔɔ kutunguo, jʉ ya‑zʉ tʉkʉ saa ʉ ɓeetu ngia wʉ kʉɓa! 16Ɨkyɛmɨngana, moni ngika ɨgbɛ yɨ Asʉɓɨɨ Yʉɛlɛ a꞉ngaka jɛnɛ ɨkɔ ɨkʉnanɨ kakʉkyananakɨa.
17Asʉɓɨɨ akusigo ɓɔ:
‹ Ʉneni moni ngika ka꞊kyɨanɨa sina akʉ maɓisi kʉ 'upipio:
Ma꞊ijiso 'Ʉtʉma wɔɔ Tu nguʉsɛmɛ ekoo ʉ ɓombi kʉ ɓuɓomu.
Ɓana ngiɓʉndɛnʉ ɓɔɔ gue nʉ iɓa ɓɔɔ ɓoi
ɓa꞊kwa sina ɨgbɛ kʉngaka moni ngika kakʉʉngwa ɔɔ Asʉɓɨɨ.
Ɓandambʉ ngiɓʉndɛnʉ ɓa꞊na sina moni ndʉ ʉtakanaka.
Likwei‑kwei ngilʉndɛnʉ la꞊ʉtakanaka sina ʉtakanakaa.
18Ya ɓwanɨ, akʉ maɓisi ngikʉnanɨ
ma꞊ijiso sina 'Ʉtʉma nguʉsɛmɛ
ekoo ʉ ɓombi ɓʉ kuu ngiɓʉsɛmɛ ɓugue nʉ ɓoi kʉtaa,
kija ɓa꞊kwa sina ɨgbɛ kʉngaka moni ngika kakʉʉngwa ɔɔ Asʉɓɨɨ.
19Ma꞊kyɨa sina moni kɔɔ mʉmbangɛ ekoo ʉ ɓisi
nʉ ɓakɔkɔ yɛsɨ akʉ ɨtaka.
Ɓakɔkɔ ɓɔngɔ yaɓio sina miniki, dyaa, nʉ lɨkʉɓa lʉ umweu.
20Ɨpá ya꞊nɨtanaka sina umomo
nʉ uyi ɓʉ ngboo ndʉ miniki.
Mbise ɔngɔ, kija ɓisi ɓɔɔ ɓaja ngiɓa ɓʉ Makʉʉɓɨɨ
iɓa ɓʉ ɨbɨba ɓa꞊ka tiga.
21Kija mombi kʉ 'uɓomu ngia a꞊soko ino yɨ Makʉʉɓɨɨ
a꞊nyɨa nʉ ɓʉhɨa. › »
22« Inu ɓombi ɓʉ Ɨsalaɛlɛ, keni moni ngika maninu kusigio tʉkʉ iɗo. Maninu kʉngakɨa moni ekoo ʉ Yeso ngia ʉ Najalɛtɛ. Asʉɓɨɨ a꞉pananiso ɓɔ ɛyɔ kʉ a꞉tʉma Yeso ya akʉ ɨtaka, kʉkyɨa ɓamoni ɓɔɔ ɓʉmbangɛ, nʉ ɓakɔkɔ nʉ ɓamoni ɓɔɔ ɓʉkyakɛ ati ʉndɛnʉ, kʉndʉ inu ɓakʉɓɔngɔ nakʉmbɨa. 23Mombi ngiinanɨ ɓa꞉munzo akʉ lɨkɔndɔ lʉndɛnʉ kʉkpatanakɨa nʉ ʉpanʉ ngua Asʉɓɨɨ a꞉maiso uwa a꞉ʉmbɨa jɛnɛ kʉpɛɛ. Inu na꞉mʉwa ingbaa nayɔ kunzo akʉ lɨkɔndɔ lʉ ɓombi ngiɓa ɓambʉkɔmʉ Ɓayuda nayɔ kʉɓakaka ekoo ʉ mʉsalaba. 24Ɨkyɛmɨngana, Asʉɓɨɨ a꞉mʉjʉkaniso akʉ ingyo, ambʉmʉɓwanakiso akʉ ɓʉka‑ɓʉkaɨ ɓɔngɔ. Jʉ ingyo ya꞉mbikinye ikanzi ngia yamʉfa ɛsɨ ʉ ʉpanʉ nguangɔ. 25Daudi a꞉sigo ekoo ʉ Yeso ɓɔ:
‹ Mi꞉nye na Makʉʉɓɨɨ ati kʉ uɓomu apɛɛ asɛmɛ
akʉ ɨkɔndɔ yɨ guɔngɔ ngiisɛmɛ ambʉ mɔɔkwakɔmʉ akʉ baya.
26Iikwa 'ʉtʉma nguʉsɛmɛ wa‑ɔɔ kʉkwa ɨgyagya
ati ngia ma‑ɔɔ kʉyaka, ma'uhue nʉ ɨgyagya.
Nʉ ndʉtʉ ngiisɛmɛ kingono
yaɓio tʉkʉ nʉ itungwio
yɛɛ nyɨɛ nʉ ɨkyɛmɛ.
27Jʉ ɔwɛ Makʉʉɓɨɨ wambʉkʉsɨa sina
ʉɓɨɨ nguʉsɛmɛ kʉsa ɓabɨa.
Wambʉkʉnasɨa ɛmɛ Bayo asɔɔ ɔɔ tu kʉpʉa amati ʉ ɓʉnzaʉ.
28Ɔwɛ wa꞉napana ɨngbaa yɛɛ nyɨɛ nʉ ʉɓɨɨ.
Wa꞊nahuiso nʉ ɨgyagya ati ngia kaɓio‑ɔɔ ɨzɔ nɔwɛ. › »
29« Inu ɓayoo, napɨeni tʉkʉ pɨaa ndʉ manɨngakɨa moni ngika kʉ kuku Daudi tʉkʉ akʉ ɓʉmba. Ɛyɔ a꞉wo, ɓambʉmʉhʉna. Ɓʉnzaʉ ngiɓangɔ ɓa‑zʉ ɓʉɓʉnɨ kuɓioni aka andɛsʉ aka. 30Ɨkyɛmɨngana, ɛyɔ i꞉nye ɨgbɛ yɨ Asʉɓɨɨ nʉ i꞉nye kʉmbɨa ɓɔ Asʉɓɨɨ a꞉simio nʉ a꞉tɨna silika ɓɔ mombi ʉ ɨkáa yɨ anza ngiangɔ iya a꞉ɓʉa akʉ ɓʉa ngiɓangɔ a꞊dya sina ɓʉngama mbise angɔ. 31Daudi a꞉na kʉpɛɛ moni ngika kaɓio sina kʉkyananakɨa. Kʉ ɓwanɨ, a꞉sigo ekoo ʉ Masɨa ɓɔ a꞊jʉkana sina akʉ ingyo ati ngia a꞉yaka‑ɔɔ ɓɔ:
‹ Ɓa꞉mʉsɨakɔmʉ kʉsa ɓabɨa, nʉ ndʉtʉ ngiangɔ ya꞉pʉakɔmʉ akʉ ɓʉnzaʉ. ›
32Asʉɓɨɨ a꞉jʉkaniso Yeso ngiinanɨ akʉ ingyo, nʉ isu kʉ ɓuɓomu ka ɓatɛmʉ ɓɔngɔ. 33Ɨsɛ Asʉɓɨɨ a꞉muzono nɨkʉʉ, ambumuwuliso akʉ ɨkɔndɔ yɨ guɔngɔ ngiangɔ. Ambumunzo 'Ʉtʉma wɔɔ Tu ngua a꞉mʉpanaka nʉ ɛyɔ ambutitio tiga isu. Iinanɨ ya moni ngika nakʉnɨna nʉ nakʉkɔ ɨtakɨ‑takɨ ngiakɛ. 34Daudi a꞉sakɔmʉ yangɔ ekoo ʉ ɓisi, ɨkyɛmɨngana a꞉sigo ɓɔ:
‹ Asʉɓɨɨ Makʉʉɓɨɨ a꞉sigio Makʉasɛmɛ ɓɔ:
Ɨka kuwulo akʉ ɨkɔndɔ yɨ guɔngɔ ngiisɛmɛ,
35kʉɓʉya aka ma꞊napɨa‑ɔɔ ɓakwa ngiɓʉsɔɔ
kuɓio ɛsɨ ʉ mɨtɨndɨ ngiisɔɔ. ›
36Ɨkáa yɨ anza ngia yɨ Ɓaɨsalaɛlɛ kʉ iɓomu yɨkwanana piɛ kʉmbɨa iɗo nadɨndɨ ɓɔ, Yeso ngiinanɨ na꞉mʉɓakaka ekoo ʉ mʉsalaba, iiya Asʉɓɨɨ a꞉mʉnapɨa kuɓio Makʉʉɓɨɨ nʉ Masɨa. »
Ɓombi ɓaja ɓʉbaya Yeso
37Ati ngia ɓombi ɓa꞉kɔ‑ɔɔ moni ngikʉnanɨ, kambuɓuɓoto akʉ 'ʉtʉma, ɓambuɓukuo ɔɔ Pɛtɛlɔ nʉ ɓatitima ngiɓɔmɔ ɓɔ: « Inu ɓayoo, kʉkwanana kʉkyɨa tanɨ? » 38Kija Pɛtɛlɔ a꞉ɓutisio ɓɔ: « Nicheni mɨtʉma ngiindɛnʉ, nambʉkwa uɓatiso akʉ ino yɨ Yeso Klisito, ambʉ Asʉɓɨɨ ʉnɨpɨa ɓʉɓɨɓɨ ngiɓʉndɛnʉ, ambuninzo apɛpɛ wʉ 'Ʉtʉma wɔɔ Tu. 39Asʉɓɨɨ Makʉʉɓɨɨ ngiʉndɛsʉ a꞉panaka ɓombi kʉ ɓuɓomu ngiɓa a꞊ɓusoko sina 'Ʉtʉma wɔɔ Tu nguangɔ. Moni ngikʉnanɨ ka aka ekoo ʉndɛnʉ, ekoo ɨɓwanakɨa ngiindɛnʉ nʉ ekoo ʉ ɓombi kʉ ɓuɓomu ngiɓa ɓa danga. »
40Pɛtɛlɔ ambʉɓʉngakɨa ɓata moni nga kɔmɔ maja, naɓɔ kunzo ʉpanʉ nʉ naɓɔ kunzo igue‑gue kusigo ɓɔ: « Ɗʉkaneni nʉ ɓombi ɓʉ ambɛlɛ‑mbɛlɛ ngiɓa ɓʉ ɓʉɓʉnɨ, ambʉ Asʉɓɨɨ unihiiso hiisoo. » 41Ɓombi ɓaja ngiɓa ɓa꞉baya mapanʉ ngika Pɛtɛlɔ a꞉ɓunzo, ɓambuɓuɓatiso. Isiinanɨ ɓombi tine tine ndʉ ɛlɛfʉ ɓeetu ɓambʉka kʉmatanɨa ekoo mboi yɨ ɓombi ngiɓa ɓi꞉nye ɓubayeni Yeso pɛɛ.
Ɓombi ngiɓa ɓa꞉baya ɓa ɨkyɛmɛ mɨngana
42Wati kʉ uɓomu ɓombi ngiɓʉnanɨ ɓi꞉nye kʉkɔ mapanʉ ngika kʉ ɓatitima nʉ taa yengo. Ɛɓɔ kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ɓi꞉nye dyakaka tʉkʉ#2:42 Yɛmɔ, Idyo ngia yɨ Makʉʉɓɨɨ. ɨzɔ, nʉ kʉta kʉ ɨzɔ. 43Mombi kʉ nangana nangana i꞉nye nʉ ʉɓa jʉ Asʉɓɨɨ i꞉nye kʉkyɨa moni kɔɔ mʉmbangɛ nʉ ɓakɔkɔ ɓaja 'upi akʉ ɓatitima. 44Ɓombi ngiɓa ɓa꞉baya kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ati ʉndaɓʉ ɓi꞉nye ɨpakana kumbo kʉ 'uɓomu ngia ɓi꞉nye nayɔ ati ʉndaɓʉ. 45Ɓi꞉nye gabiso ɓagɨpa nʉ kumbo ngiʉndaɓʉ. Kija ɓi꞉nye ɨpakana falanga ɔngɔ ati ʉndaɓʉ kʉ ɓuɓomu kʉkpatanakɨa tʉkʉ nʉ ɓanangyɨa ngiɓa mombi i꞉nye kyɨa naɓɔ. 46Makwaa kʉ muɓomu, ɓi꞉nye junikio kʉ gagaa amati ʉ ɨkáa yɨ Asʉɓɨɨ nʉ 'ʉtʉma mungono. Ɓi꞉nye dyakaka amati ʉ lɨkáa ngilʉndaɓʉ, nʉ dyakaka nʉ ɨgyagya nʉ 'ʉtʉma wɔɔ ijisinise nɨsɨ. 47Ɓi꞉nye bibiso Asʉɓɨɨ nʉ ɓombi kʉ ɓuɓomu ɓi꞉nye nʉ ɨgyagya ekoo ʉndaɓʉ. Makwaa kʉ muɓomu Makʉʉɓɨɨ i꞉nye matɨa mboi yɨ ɓombi ngiɓa ɓa꞉nyɨa nʉ ɓʉhɨa amati ʉ ndiba ngiʉndaɓʉ.
Currently Selected:
Kyananaka 2: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Kyananaka 2
2
'Ʉtʉma wɔɔ Tu wuijio ɓombi ɓʉ baya
1Iya ɓisi ɓʉ Patɛkɔtɛ ɓaka‑ɔɔ, ɓombi ɓʉ baya ɓi꞉nye kʉ ɓuɓomu ɓʉmʉmanɨɛ tii tʉkʉ izi mɨngana. 2Tʉkʉ nɨma ngiinanɨ ungito mungono wa꞉ʉngwa ekoo ʉ ɓisi, ndʉ mahuo wɔɔ ʉja wakʉpɨka, wambuhuo amati ʉ ɨkáa kʉ iɓomu ngia ɓi꞉nye‑ɛɛ ɓuwei. 3Kija ɨkyɛmɛ mɨngana ya꞉ɓʉa ndʉ magou kʉ dyaa. Maɗaɗa kɔngɔ kambʉnanzana, kambʉnapɨanɨa ekoo ʉ ʉndaɓʉ kʉ nangana nangana. 4Ɛɓɔ kʉ ɓuɓomu ɓambuhuo nʉ 'Ʉtʉma wɔɔ Tu, ɓambufaniso yaka nʉ maɗaɗa nga kɔmɔ ngbanga kʉndʉ aka 'Ʉtʉma wi꞉nye‑ɔɔ naɓɔ kutitio kʉyaka.
5Ʉna tɔ, anʉ Yelusalɛma amati ʉ makwaa ngikʉnanɨ, yi꞉nye nʉ Ɓayuda ɓʉ kɛkɛɛ akʉ moni kʉ Asʉɓɨɨ iɓa ɓa꞉ʉngwa akʉ mababa kʉ ɓombi kʉ muɓomu ngika kʉ ɨtaka. 6Ati ngia ungito nguʉnanɨ wa꞉kɔnɨɔ‑ɔɔ, kija ɓa꞉mʉmanɨa, ɓambuhuo izi mɨngana ɓʉ ngu. Moni ngikʉnanɨ kambʉɓʉmbangɨa nadɨndɨ jʉ mombi kʉ nangana nangana i꞉nye naɓɔ kʉkɔ kʉyaka tʉkʉ nʉ ʉɗaɗa nguangɔ makʉɔngɔ. 7Moni ngikʉnanɨ ka꞉ɓumbambaniso, nʉ naɓɔ kʉmbangɨa, ɓambusigo ɓɔ: « Ɓombi ngiɓa ɓakʉyaka kʉ ɓuɓomu akɛ ajʉ ɓambʉkɔmʉ‑zʉ tʉkʉ ɓombi ɓʉ Galilaya ɓiɛ? 8Ɨkyɛkyɛɓʉmʉ tanɨ iya mombi kʉ nangana nangana ati ʉndɛsʉ a‑ɔɔ naɓɔ kʉkɔ tʉkʉ nʉ ʉɗaɗa nguangɔ ɓʉ kpɛ?
9Ɓombi kʉ di di di ɓa ati ʉndɛsʉ aka. Ɓɔmɔ ɓa꞉ʉngwa anʉ Palatɨ, anʉ Medi, nʉ anʉ Ɛlamʉ. Nʉ ɓiga ngiɓa ɓa꞉wulo ɨkʉmbʉ anʉ Mesopotamia, nʉ Yudɛa, nʉ Kapadokia, nʉ Pɔtɔ, nʉ Azia, 10nʉ Filigia nʉ Pafilia, nʉ Misili, nʉ gɨpa ngia ʉ Kulɛnɛ amati ʉ Libia. Yi꞉nye kʉ nʉ iɓa ɓa꞉ʉngwa anʉ Lɔma, 11anʉ Kɛlɛtɛ nʉ Alabia, ati ʉndaɓʉ yi꞉nye Ɓayuda nʉ ɓombi ngiɓa ɓambikinye Ɓayuda, iɓa ɓa꞉nicho mɨtʉma akʉ ɨtanda ngia yɨ Ɓayuda. Isu kʉ ɓuɓomu kanaɓɔ kʉkɔ ɓinyeni kʉɓɨakɨa moni kɔɔ mʉmbangɛ ngika kʉ Asʉɓɨɨ tʉkʉ nʉ maɗaɗa ngikʉndɛsʉ ɓʉ kpɛ! » 12Moni ngikʉnanɨ ka꞉ɓumbambaniso, chʉkɔmʉ ɓambʉmbɨa ɓata ɓɔ ɓasigo tanɨ. Ɓambufaniso yakanaka ati ʉndaɓʉ ɓɔ: « Inyɨ yɨ moni ngia ya‑zʉ tanɨ? » 13Ɨkyɛmɨngana, ɓombi nga ɓɔmɔ ɓambuɓio tʉkʉ kʉndapakiso moni kɔngɔ, kusigo ɓɔ: « Ɓugue ngiɓa ɓʉdamʉa vinyo kingono. »
Pɛtɛlɔ ʉngakɨa ungbutu wʉ ɓombi moni
14Kija Pɛtɛlɔ a꞉ʉngwa ɨkʉʉ ɛyɔ ɨzɔ nʉ ɓatitima kumi nʉ mʉngana, ambufaniso ngakɨa ungbutu wʉ ɓombi moni nʉ iyo yɛɛ ɓʉmʉ kusigo ɓɔ: « Inu Ɓayuda, nʉ inu ɓombi kʉ ɓuɓomu ngiɓa na anʉ Yelusalɛma aka, ukeni nʉ pimiseni moni ngika maninu kusigio tʉkʉ iɗo. 15Ɓugue ngiɓa ɓambʉkɔmʉ nʉ ɨdamʉ ndʉ akʉ na‑ɔɔ kutunguo, jʉ ya‑zʉ tʉkʉ saa ʉ ɓeetu ngia wʉ kʉɓa! 16Ɨkyɛmɨngana, moni ngika ɨgbɛ yɨ Asʉɓɨɨ Yʉɛlɛ a꞉ngaka jɛnɛ ɨkɔ ɨkʉnanɨ kakʉkyananakɨa.
17Asʉɓɨɨ akusigo ɓɔ:
‹ Ʉneni moni ngika ka꞊kyɨanɨa sina akʉ maɓisi kʉ 'upipio:
Ma꞊ijiso 'Ʉtʉma wɔɔ Tu nguʉsɛmɛ ekoo ʉ ɓombi kʉ ɓuɓomu.
Ɓana ngiɓʉndɛnʉ ɓɔɔ gue nʉ iɓa ɓɔɔ ɓoi
ɓa꞊kwa sina ɨgbɛ kʉngaka moni ngika kakʉʉngwa ɔɔ Asʉɓɨɨ.
Ɓandambʉ ngiɓʉndɛnʉ ɓa꞊na sina moni ndʉ ʉtakanaka.
Likwei‑kwei ngilʉndɛnʉ la꞊ʉtakanaka sina ʉtakanakaa.
18Ya ɓwanɨ, akʉ maɓisi ngikʉnanɨ
ma꞊ijiso sina 'Ʉtʉma nguʉsɛmɛ
ekoo ʉ ɓombi ɓʉ kuu ngiɓʉsɛmɛ ɓugue nʉ ɓoi kʉtaa,
kija ɓa꞊kwa sina ɨgbɛ kʉngaka moni ngika kakʉʉngwa ɔɔ Asʉɓɨɨ.
19Ma꞊kyɨa sina moni kɔɔ mʉmbangɛ ekoo ʉ ɓisi
nʉ ɓakɔkɔ yɛsɨ akʉ ɨtaka.
Ɓakɔkɔ ɓɔngɔ yaɓio sina miniki, dyaa, nʉ lɨkʉɓa lʉ umweu.
20Ɨpá ya꞊nɨtanaka sina umomo
nʉ uyi ɓʉ ngboo ndʉ miniki.
Mbise ɔngɔ, kija ɓisi ɓɔɔ ɓaja ngiɓa ɓʉ Makʉʉɓɨɨ
iɓa ɓʉ ɨbɨba ɓa꞊ka tiga.
21Kija mombi kʉ 'uɓomu ngia a꞊soko ino yɨ Makʉʉɓɨɨ
a꞊nyɨa nʉ ɓʉhɨa. › »
22« Inu ɓombi ɓʉ Ɨsalaɛlɛ, keni moni ngika maninu kusigio tʉkʉ iɗo. Maninu kʉngakɨa moni ekoo ʉ Yeso ngia ʉ Najalɛtɛ. Asʉɓɨɨ a꞉pananiso ɓɔ ɛyɔ kʉ a꞉tʉma Yeso ya akʉ ɨtaka, kʉkyɨa ɓamoni ɓɔɔ ɓʉmbangɛ, nʉ ɓakɔkɔ nʉ ɓamoni ɓɔɔ ɓʉkyakɛ ati ʉndɛnʉ, kʉndʉ inu ɓakʉɓɔngɔ nakʉmbɨa. 23Mombi ngiinanɨ ɓa꞉munzo akʉ lɨkɔndɔ lʉndɛnʉ kʉkpatanakɨa nʉ ʉpanʉ ngua Asʉɓɨɨ a꞉maiso uwa a꞉ʉmbɨa jɛnɛ kʉpɛɛ. Inu na꞉mʉwa ingbaa nayɔ kunzo akʉ lɨkɔndɔ lʉ ɓombi ngiɓa ɓambʉkɔmʉ Ɓayuda nayɔ kʉɓakaka ekoo ʉ mʉsalaba. 24Ɨkyɛmɨngana, Asʉɓɨɨ a꞉mʉjʉkaniso akʉ ingyo, ambʉmʉɓwanakiso akʉ ɓʉka‑ɓʉkaɨ ɓɔngɔ. Jʉ ingyo ya꞉mbikinye ikanzi ngia yamʉfa ɛsɨ ʉ ʉpanʉ nguangɔ. 25Daudi a꞉sigo ekoo ʉ Yeso ɓɔ:
‹ Mi꞉nye na Makʉʉɓɨɨ ati kʉ uɓomu apɛɛ asɛmɛ
akʉ ɨkɔndɔ yɨ guɔngɔ ngiisɛmɛ ambʉ mɔɔkwakɔmʉ akʉ baya.
26Iikwa 'ʉtʉma nguʉsɛmɛ wa‑ɔɔ kʉkwa ɨgyagya
ati ngia ma‑ɔɔ kʉyaka, ma'uhue nʉ ɨgyagya.
Nʉ ndʉtʉ ngiisɛmɛ kingono
yaɓio tʉkʉ nʉ itungwio
yɛɛ nyɨɛ nʉ ɨkyɛmɛ.
27Jʉ ɔwɛ Makʉʉɓɨɨ wambʉkʉsɨa sina
ʉɓɨɨ nguʉsɛmɛ kʉsa ɓabɨa.
Wambʉkʉnasɨa ɛmɛ Bayo asɔɔ ɔɔ tu kʉpʉa amati ʉ ɓʉnzaʉ.
28Ɔwɛ wa꞉napana ɨngbaa yɛɛ nyɨɛ nʉ ʉɓɨɨ.
Wa꞊nahuiso nʉ ɨgyagya ati ngia kaɓio‑ɔɔ ɨzɔ nɔwɛ. › »
29« Inu ɓayoo, napɨeni tʉkʉ pɨaa ndʉ manɨngakɨa moni ngika kʉ kuku Daudi tʉkʉ akʉ ɓʉmba. Ɛyɔ a꞉wo, ɓambʉmʉhʉna. Ɓʉnzaʉ ngiɓangɔ ɓa‑zʉ ɓʉɓʉnɨ kuɓioni aka andɛsʉ aka. 30Ɨkyɛmɨngana, ɛyɔ i꞉nye ɨgbɛ yɨ Asʉɓɨɨ nʉ i꞉nye kʉmbɨa ɓɔ Asʉɓɨɨ a꞉simio nʉ a꞉tɨna silika ɓɔ mombi ʉ ɨkáa yɨ anza ngiangɔ iya a꞉ɓʉa akʉ ɓʉa ngiɓangɔ a꞊dya sina ɓʉngama mbise angɔ. 31Daudi a꞉na kʉpɛɛ moni ngika kaɓio sina kʉkyananakɨa. Kʉ ɓwanɨ, a꞉sigo ekoo ʉ Masɨa ɓɔ a꞊jʉkana sina akʉ ingyo ati ngia a꞉yaka‑ɔɔ ɓɔ:
‹ Ɓa꞉mʉsɨakɔmʉ kʉsa ɓabɨa, nʉ ndʉtʉ ngiangɔ ya꞉pʉakɔmʉ akʉ ɓʉnzaʉ. ›
32Asʉɓɨɨ a꞉jʉkaniso Yeso ngiinanɨ akʉ ingyo, nʉ isu kʉ ɓuɓomu ka ɓatɛmʉ ɓɔngɔ. 33Ɨsɛ Asʉɓɨɨ a꞉muzono nɨkʉʉ, ambumuwuliso akʉ ɨkɔndɔ yɨ guɔngɔ ngiangɔ. Ambumunzo 'Ʉtʉma wɔɔ Tu ngua a꞉mʉpanaka nʉ ɛyɔ ambutitio tiga isu. Iinanɨ ya moni ngika nakʉnɨna nʉ nakʉkɔ ɨtakɨ‑takɨ ngiakɛ. 34Daudi a꞉sakɔmʉ yangɔ ekoo ʉ ɓisi, ɨkyɛmɨngana a꞉sigo ɓɔ:
‹ Asʉɓɨɨ Makʉʉɓɨɨ a꞉sigio Makʉasɛmɛ ɓɔ:
Ɨka kuwulo akʉ ɨkɔndɔ yɨ guɔngɔ ngiisɛmɛ,
35kʉɓʉya aka ma꞊napɨa‑ɔɔ ɓakwa ngiɓʉsɔɔ
kuɓio ɛsɨ ʉ mɨtɨndɨ ngiisɔɔ. ›
36Ɨkáa yɨ anza ngia yɨ Ɓaɨsalaɛlɛ kʉ iɓomu yɨkwanana piɛ kʉmbɨa iɗo nadɨndɨ ɓɔ, Yeso ngiinanɨ na꞉mʉɓakaka ekoo ʉ mʉsalaba, iiya Asʉɓɨɨ a꞉mʉnapɨa kuɓio Makʉʉɓɨɨ nʉ Masɨa. »
Ɓombi ɓaja ɓʉbaya Yeso
37Ati ngia ɓombi ɓa꞉kɔ‑ɔɔ moni ngikʉnanɨ, kambuɓuɓoto akʉ 'ʉtʉma, ɓambuɓukuo ɔɔ Pɛtɛlɔ nʉ ɓatitima ngiɓɔmɔ ɓɔ: « Inu ɓayoo, kʉkwanana kʉkyɨa tanɨ? » 38Kija Pɛtɛlɔ a꞉ɓutisio ɓɔ: « Nicheni mɨtʉma ngiindɛnʉ, nambʉkwa uɓatiso akʉ ino yɨ Yeso Klisito, ambʉ Asʉɓɨɨ ʉnɨpɨa ɓʉɓɨɓɨ ngiɓʉndɛnʉ, ambuninzo apɛpɛ wʉ 'Ʉtʉma wɔɔ Tu. 39Asʉɓɨɨ Makʉʉɓɨɨ ngiʉndɛsʉ a꞉panaka ɓombi kʉ ɓuɓomu ngiɓa a꞊ɓusoko sina 'Ʉtʉma wɔɔ Tu nguangɔ. Moni ngikʉnanɨ ka aka ekoo ʉndɛnʉ, ekoo ɨɓwanakɨa ngiindɛnʉ nʉ ekoo ʉ ɓombi kʉ ɓuɓomu ngiɓa ɓa danga. »
40Pɛtɛlɔ ambʉɓʉngakɨa ɓata moni nga kɔmɔ maja, naɓɔ kunzo ʉpanʉ nʉ naɓɔ kunzo igue‑gue kusigo ɓɔ: « Ɗʉkaneni nʉ ɓombi ɓʉ ambɛlɛ‑mbɛlɛ ngiɓa ɓʉ ɓʉɓʉnɨ, ambʉ Asʉɓɨɨ unihiiso hiisoo. » 41Ɓombi ɓaja ngiɓa ɓa꞉baya mapanʉ ngika Pɛtɛlɔ a꞉ɓunzo, ɓambuɓuɓatiso. Isiinanɨ ɓombi tine tine ndʉ ɛlɛfʉ ɓeetu ɓambʉka kʉmatanɨa ekoo mboi yɨ ɓombi ngiɓa ɓi꞉nye ɓubayeni Yeso pɛɛ.
Ɓombi ngiɓa ɓa꞉baya ɓa ɨkyɛmɛ mɨngana
42Wati kʉ uɓomu ɓombi ngiɓʉnanɨ ɓi꞉nye kʉkɔ mapanʉ ngika kʉ ɓatitima nʉ taa yengo. Ɛɓɔ kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ɓi꞉nye dyakaka tʉkʉ#2:42 Yɛmɔ, Idyo ngia yɨ Makʉʉɓɨɨ. ɨzɔ, nʉ kʉta kʉ ɨzɔ. 43Mombi kʉ nangana nangana i꞉nye nʉ ʉɓa jʉ Asʉɓɨɨ i꞉nye kʉkyɨa moni kɔɔ mʉmbangɛ nʉ ɓakɔkɔ ɓaja 'upi akʉ ɓatitima. 44Ɓombi ngiɓa ɓa꞉baya kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ati ʉndaɓʉ ɓi꞉nye ɨpakana kumbo kʉ 'uɓomu ngia ɓi꞉nye nayɔ ati ʉndaɓʉ. 45Ɓi꞉nye gabiso ɓagɨpa nʉ kumbo ngiʉndaɓʉ. Kija ɓi꞉nye ɨpakana falanga ɔngɔ ati ʉndaɓʉ kʉ ɓuɓomu kʉkpatanakɨa tʉkʉ nʉ ɓanangyɨa ngiɓa mombi i꞉nye kyɨa naɓɔ. 46Makwaa kʉ muɓomu, ɓi꞉nye junikio kʉ gagaa amati ʉ ɨkáa yɨ Asʉɓɨɨ nʉ 'ʉtʉma mungono. Ɓi꞉nye dyakaka amati ʉ lɨkáa ngilʉndaɓʉ, nʉ dyakaka nʉ ɨgyagya nʉ 'ʉtʉma wɔɔ ijisinise nɨsɨ. 47Ɓi꞉nye bibiso Asʉɓɨɨ nʉ ɓombi kʉ ɓuɓomu ɓi꞉nye nʉ ɨgyagya ekoo ʉndaɓʉ. Makwaa kʉ muɓomu Makʉʉɓɨɨ i꞉nye matɨa mboi yɨ ɓombi ngiɓa ɓa꞉nyɨa nʉ ɓʉhɨa amati ʉ ndiba ngiʉndaɓʉ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.