Kyananaka 8
8
Saulo ʉkyananaka kanisa
1Kʉ isiinanɨ, Saulo ambʉdʉɨa Sɨtɨfana litindi ɓɔ u꞉wo‑zʉ tʉkʉ iɗo, ɓambufaniso kʉkyananaka kanisa ngia wʉ Asʉɓɨɨ anʉ Yelusalɛma ɓʉmbʉmʉ. Ɓombi ngiɓa ɓa꞉baya Yeso kʉ ɓuɓomu ɓambʉnanzana akʉ gɨpa ʉ Yudɛa nʉ Samalɨa. Tʉkʉ ɓatitima ɓambutukuo. 2Ɓombi ɓɔɔ ɓukume Asʉɓɨɨ ɓambʉhʉna Sɨtɨfana, ɓambukumunio didima ɔɔ ʉja.
3Ɨkyɛmɨngana, Saulo ambufaniso hata nʉ angu kʉtambiso kanisa, i꞉nyeni kumunikio akʉ lɨkáa kʉfa ɓugue nʉ ɓoi, naɓɔ kungiso akʉ boloko.
Filipo akʉɓɨakɨa Ɨsaʉ yɛɛ iɗo akʉ gɨpa ʉ Samalɨa
4Kija ɓombi ngiɓa ɓa꞉ɓʉpanza, ɓa꞉kpata mɨngyɛndʉ yɨ ɨkʉmbʉ kʉɓɨakɨa Ɨsaʉ yɛɛ Iɗo. 5Filipo a꞉sa yangɔ akʉ gʉlʉ mʉngana ɔɔ ʉja iya wʉ Samalɨa. Nani ambʉɓɨakɨa ɓombi ɓʉ gʉlʉ ngiinanɨ Ɨsaʉ yɨ Masɨa. 6Ɓombi kʉ ɓuɓomu ɓi꞉nye kʉ kʉkɔ moni ngika Filipo i꞉nye kusigo nʉ kʉna moni kɔɔ mʉmbangɛ ngika i꞉nye kʉkyɨa engo. 7Mɨtʉma yɨ ɓabɨa ɨja ngia yi꞉nye amati ʉ ɓombi ya꞉ɓʉa nʉ ɨpʉmbʉ yɛɛ ɨja, ɓajakɛsɨ nʉ ɓombi ɓʉ mɨdɛɛ ɓaja ɓambʉhɨa tʉkʉ hɨaa. 8Kija gʉlʉ ngiinanɨ i꞉nye amati ʉ igyagya nadɨndɨ.
9Mombi ʉ nɔkɔ mʉngana ino ɓɔ Simoni i꞉nye amati ʉ gʉlʉ ngiinanɨ kʉʉngwa kʉpɛɛ. Nɔkɔ ngiangɔ i꞉nye mbangɨa ɓombi ɓʉ gʉlʉ ngia wʉ Samalɨa nadɨndɨ nʉ i꞉nye nana ndʉ mombi ɔɔ ʉja. 10Ɓombi kʉ ɓuɓomu kʉʉngwa tʉkʉ ɓana kʉɓʉya kʉ akʉ ɓʉkʉʉ ɓi꞉nye mʉkɔ nʉ taa yengo, ɓambusigo ɓɔ: « Gue ngiakɛ anʉ angu wʉ Asʉɓɨɨ, iya ɓaasoko ɓɔ ‹ angu ɔɔ ʉja › ». 11Ɓombi kʉ ɓuɓomu ɓi꞉nye mʉkɔ nadɨndɨ jʉ amati ʉ makwaa maja moni kʉ nɔkɔ ngika i꞉nye kyɨa ki꞉nye naɓɔ kʉmbangɨa nadɨndɨ. 12Ɨkyɛmɨngana, ati ngia ɓombi ngiɓʉnanɨ ɓa꞉baya‑ɔɔ Ɨsaʉ yɛɛ Iɗo ngia Filipo i꞉nye kʉɓɨakɨa ekoo Ɓʉngama ɓʉ Asʉɓɨɨ nʉ akʉ ino yɨ Yeso Klisito, kija ɓa꞉ɓatiso ɓugue nʉ ɓoi. 13Simoni ɛyɔ makʉɔngɔ a꞉baya kʉ bayaa, ɓambumuɓatiso. Ɓi꞉nye tii tʉkʉ ɨzɔ nʉ Filipo, yambʉɓʉmbangɨa nadɨndɨ kʉna moni kɔɔ mʉmbangɛ nʉ ɓakɔkɔ ngiɓa ɓi꞉nye kʉkyɨanɨa.
14Iya ɓatitima ngiɓa ɓi꞉nye anʉ Yelusalɛma ɓa꞉kɔ ɓɔ Ɓasamalɨa ɓʉ꞉baya ʉpanʉ wʉ Asʉɓɨɨ bayanɨ, kija ɓa꞉ɓʉtʉmɨa ɔɔ Pɛtɛlɔ nʉ Yʉanɨ. 15Ati ngia ɓa꞉ɓʉya‑ɔɔ anʉ Samalɨa, ɓambʉtɨa ɓombi ngiɓa ɓa꞉baya Asʉɓɨɨ ɓɔ ɓʉnyɨa nʉ 'Ʉtʉma wɔɔ Tu. 16Jʉ 'Ʉtʉma wɔɔ Tu wi꞉nye wambijienikɔmʉ mombi gʉkʉ mʉngana ati ʉ Ɓasamalɨa ngiɓʉnanɨ. Ɨkyɛmɨngana, ɓa꞉ɓuɓatiso tʉkʉ akʉ ino yɨ Makʉʉɓɨɨ Yeso. 17Kija ɔɔ Pɛtɛlɔ nʉ Yʉanɨ ɓa꞉napɨa lɨkɔndɔ ekoo ʉndaɓʉ, ɓambʉnyɨa nʉ 'Ʉtʉma wɔɔ Tu.
18Iya Simoni a꞉na ɓɔ ɓombi ɓʉ baya ɓʉ꞉nyɨa nʉ 'Ʉtʉma wɔɔ Tu jʉ ɓatitima ɓʉ꞉napɨa lɨkɔndɔ ekoo ʉndaɓʉ, Simoni ambunzo ɓatitima falanga. 19Ambuɓusigio ɓɔ: « Nanzeni ɛmɛ angu ngiinanɨ kʉ nzoni, ambʉ mombi ngia ma꞊mʉnapɨa lɨkɔndɔ ʉnyɨa nʉ 'Ʉtʉma wɔɔ Tu kʉ nyɨaa. » 20Pɛtɛlɔ ambumutisio ɓɔ: « Ambʉ́ wʉtambɨa gɔ nʉ falanga ngiasɔɔ kʉtaa. Ajʉ wakuyo ɓɔ ɓaanyɨa nʉ apɛpɛ ngia wʉ Asʉɓɨɨ 'upi akʉ falanga ɓiɛ?
21Iya yɨsɔɔ amati ʉ moni ngika yɨkwa tanɨ, jʉ wambʉkɔmʉ nʉ ɨkyɛmɛ gʉkʉ mɨngana amati ʉ moni ngika jʉ 'ʉtʉma nguʉsɔɔ wambʉkɔmʉ ngbingbii apɛɛ ʉ Asʉɓɨɨ. 22Kʉ ɓwanɨ, nicho itungwio yɛɛ ɓɨɓɨ ngiisɔɔ wambʉta Makʉʉɓɨɨ. Atiga a꞊napɨa gɔ ɨkanzi yɨ itungwio ngiinanɨ. 23Jʉ makʉna ndʉ 'ʉtʉma nguʉsɔɔ wa kɔɨ, nʉ wa ʉfanɨɛ amati ʉ boloko ʉ ɓʉɓɨɓɨ. » 24Kija Simoni a꞉tisio ɔɔ Pɛtɛlɔ nʉ Yʉanɨ ɓɔ: « Tʉkʉ inu Natɨeni Makʉʉɓɨɨ, ambʉ ikanzi yɨ moni ngikʉnanɨ nakʉyaka engo yɛɛnakyɨakɔmʉ gʉkʉ mɨngana. »
25Iya ɓa꞉panɨa nʉ ɓɨakɨa nayɔ Ɨsaʉ yɨ Makʉʉɓɨɨ, mbise ngiinanɨ ɓambʉtʉa anʉ Yelusalɛma. Nɨngbaa ɓambʉsɨnganaka nʉ ɓɨakɨa Ɨsaʉ yɛɛ Iɗo akʉ lɨkʉmbʉ lɨja ngila lʉ Ɓasamalɨa.
Filipo ɓujunikio nʉ 'ʉbʉla wʉ Etiopia
26Malaika mungono wʉ Makʉʉɓɨɨ wa꞉sigio Filipo ɓɔ: « Ʉngwɨa kɨnda kʉsa mesu nʉ ʉndʉʉ, nɨngbaa ngia yaaʉngwa anʉ Yelusalɛma kijo anʉ Gaja. Ɨngbaa ngiinanɨ yaaɓaa akʉ 'ukengu. » 27Tʉkʉ nɨma ngiinanɨ Filipo ambʉʉngwɨa kɨnda, ambʉsa. Nɨngbaa ambʉna gue mʉngana iya i꞉nye 'ʉbʉla wɔɔ ʉja wʉ Etiopia. Ɛyɔ kʉ i꞉nye kanga ɨngama kʉ iɓomu ngia yɨ Kandakɛ, ngama moi ɔngɔ ngia wʉ Etiopia. Gue ngiinanɨ i꞉nye ʉkeni anʉ Yelusalɛma kubibiso Asʉɓɨɨ. 28Iya i꞉nye tiga kʉtʉa andɔngɔ, ambuwulo amati ʉ matuka nguangɔ, ʉwa ɓanama ɓi꞉nye ɗuɗuo. Kija a꞉faniso popoko ɨtaɓʉ yɨ ɨgbɛ Ɨsaya.
29'Ʉtʉma wɔɔ Tu wambusigio Filipo ɓɔ: « Sa, wambʉɗʉana tinene nʉ masʉa ngua. » 30Kija a꞉sa bangʉ tinene nʉ masʉa, ambʉkɔ gue ngiinanɨ kupopoko ɨtaɓʉ yɨ ɨgbɛ Ɨsaya. Ambumuɓukuo ɓɔ: « Ajʉ wa kʉ kʉmbɨa inyi yɨ moni ngiinanɨ wakupopoko engo ɓiɛ? » 31Gue ngiinanɨ ambumutisio ɓɔ: « Mambɨa ti‑zʉ tanɨ mambikinye nʉ mombi ngia anapanɨa? » Kija a꞉soko Filipo ɓɔ ʉka kuwulo anambamba angɔ amati ʉ masʉa. 32Wagba wʉ mubio ngua i꞉nye kupopoko amati ʉ ɨtaɓʉ yɨ Ɨsaya wi꞉nye kusigo ɓɔ:
« Ɓa꞉sa nayɔ ngbanga ndʉ iya ɓaasa‑ɔɔ nʉ kɔndɔlɔ
akʉ izi ngia ɓaawa‑ɛɛ ɓanama.
Ɛyɔ i꞉nye ngbanga ndʉ mwana ʉ kɔndɔlɔ ngia
aakyɨa tʉkʉ 'ʉkatɛ ɓʉ nyɛ ati ngia ɓaakyɨa‑ɔɔ nayɔ kuhoo mata.
Kʉ ɓwanɨ, ɛyɔ a꞉samʉakɔmʉ.
33Ɓambʉmʉndapiso chʉkɔmʉ ɓambʉtɨna moni ngikangɔ ngbingbii.
Anɨ iya a꞊yaka moni kʉ ɓanɔnɔ ngiɓangɔ?
Jʉ ɓa꞉ʉngwiso ʉɓɨɨ nguangɔ akʉ ɨtaka ungwisoo. »
34'Ʉbʉla wɔɔ ʉja nguʉnanɨ wambuɓukuo Filipo ɓɔ: « Kikiliki! Naɓɨa ɓaka‑zʉ ɓɔ ɨgbɛ yɨ Asʉɓɨɨ yakʉyaka ekoo ʉ anɨ ɓʉ kpɛ? Ajʉ yakʉyaka ekoo angɔ makʉɔngɔ gʉ ɓɔ ekoo ʉ mombi nga kɔmɔ? »
35Kija Filipo a꞉faniso nayɔ ngakɨa Ɨsaʉ yɛɛ Iɗo ngia yɨ Yeso tʉkʉ akʉ Mubio ngikʉnanɨ. 36Ɛɓɔ tii tʉkʉ kʉsɨnganaka nʉ kɨnda ɓambuchwio yapuu. 'Ʉbʉla nguʉnanɨ wambusigio Filipo ɓɔ: « Ʉna, yapuu iya, ɨmanɨ tiga ɓata yɨtukuo ɓɔ ɓunaɓatiso? » 37[Filipo ambumutisio ɓɔ: « Ndʉ wabaya Yeso nʉ 'ʉtʉma nguʉsɔɔ kʉ uɓomu, ɓanaɓatiso ɓatisoo. » Ambusigio Filipo ɓɔ: « Mʉbaya bayanɨ ɓɔ Yeso Klisito a mwana ʉ Asʉɓɨɨ. »] 38Kija a꞉nzo ʉpanʉ ɓɔ matuka wʉmaa, ɛɓɔ nayɔ kʉ ɓuɓomu ɓambijo amati ʉ yapuu, Filipo ambumuɓatiso. 39Ati ngia ɓa꞉ɓʉa‑ɔɔ amati ʉ mepo, 'Ʉtʉma ngua wʉ Makʉʉɓɨɨ wambuungwiso Filipo. 'Ʉbʉla nguʉnanɨ wa꞉mʉnakɔmʉ tii ɓata, ɨkyɛmɨngana i꞉nye kʉ꞉sɨnganaka yangɔ tʉkʉ nʉ kɨnda nʉ ɨgyagya nadɨndɨ. 40Filipo ambʉjʉkanɨa inyeni tiga anʉ Ajɔtɨ. Tiga ananɨ ambufaniso ɓɨakɨa Ɨsaʉ yɛɛ Iɗo akʉ ɓagʉlʉ kʉ ɓuɓomu kʉɓʉya anʉ Kaisalia.
Currently Selected:
Kyananaka 8: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Kyananaka 8
8
Saulo ʉkyananaka kanisa
1Kʉ isiinanɨ, Saulo ambʉdʉɨa Sɨtɨfana litindi ɓɔ u꞉wo‑zʉ tʉkʉ iɗo, ɓambufaniso kʉkyananaka kanisa ngia wʉ Asʉɓɨɨ anʉ Yelusalɛma ɓʉmbʉmʉ. Ɓombi ngiɓa ɓa꞉baya Yeso kʉ ɓuɓomu ɓambʉnanzana akʉ gɨpa ʉ Yudɛa nʉ Samalɨa. Tʉkʉ ɓatitima ɓambutukuo. 2Ɓombi ɓɔɔ ɓukume Asʉɓɨɨ ɓambʉhʉna Sɨtɨfana, ɓambukumunio didima ɔɔ ʉja.
3Ɨkyɛmɨngana, Saulo ambufaniso hata nʉ angu kʉtambiso kanisa, i꞉nyeni kumunikio akʉ lɨkáa kʉfa ɓugue nʉ ɓoi, naɓɔ kungiso akʉ boloko.
Filipo akʉɓɨakɨa Ɨsaʉ yɛɛ iɗo akʉ gɨpa ʉ Samalɨa
4Kija ɓombi ngiɓa ɓa꞉ɓʉpanza, ɓa꞉kpata mɨngyɛndʉ yɨ ɨkʉmbʉ kʉɓɨakɨa Ɨsaʉ yɛɛ Iɗo. 5Filipo a꞉sa yangɔ akʉ gʉlʉ mʉngana ɔɔ ʉja iya wʉ Samalɨa. Nani ambʉɓɨakɨa ɓombi ɓʉ gʉlʉ ngiinanɨ Ɨsaʉ yɨ Masɨa. 6Ɓombi kʉ ɓuɓomu ɓi꞉nye kʉ kʉkɔ moni ngika Filipo i꞉nye kusigo nʉ kʉna moni kɔɔ mʉmbangɛ ngika i꞉nye kʉkyɨa engo. 7Mɨtʉma yɨ ɓabɨa ɨja ngia yi꞉nye amati ʉ ɓombi ya꞉ɓʉa nʉ ɨpʉmbʉ yɛɛ ɨja, ɓajakɛsɨ nʉ ɓombi ɓʉ mɨdɛɛ ɓaja ɓambʉhɨa tʉkʉ hɨaa. 8Kija gʉlʉ ngiinanɨ i꞉nye amati ʉ igyagya nadɨndɨ.
9Mombi ʉ nɔkɔ mʉngana ino ɓɔ Simoni i꞉nye amati ʉ gʉlʉ ngiinanɨ kʉʉngwa kʉpɛɛ. Nɔkɔ ngiangɔ i꞉nye mbangɨa ɓombi ɓʉ gʉlʉ ngia wʉ Samalɨa nadɨndɨ nʉ i꞉nye nana ndʉ mombi ɔɔ ʉja. 10Ɓombi kʉ ɓuɓomu kʉʉngwa tʉkʉ ɓana kʉɓʉya kʉ akʉ ɓʉkʉʉ ɓi꞉nye mʉkɔ nʉ taa yengo, ɓambusigo ɓɔ: « Gue ngiakɛ anʉ angu wʉ Asʉɓɨɨ, iya ɓaasoko ɓɔ ‹ angu ɔɔ ʉja › ». 11Ɓombi kʉ ɓuɓomu ɓi꞉nye mʉkɔ nadɨndɨ jʉ amati ʉ makwaa maja moni kʉ nɔkɔ ngika i꞉nye kyɨa ki꞉nye naɓɔ kʉmbangɨa nadɨndɨ. 12Ɨkyɛmɨngana, ati ngia ɓombi ngiɓʉnanɨ ɓa꞉baya‑ɔɔ Ɨsaʉ yɛɛ Iɗo ngia Filipo i꞉nye kʉɓɨakɨa ekoo Ɓʉngama ɓʉ Asʉɓɨɨ nʉ akʉ ino yɨ Yeso Klisito, kija ɓa꞉ɓatiso ɓugue nʉ ɓoi. 13Simoni ɛyɔ makʉɔngɔ a꞉baya kʉ bayaa, ɓambumuɓatiso. Ɓi꞉nye tii tʉkʉ ɨzɔ nʉ Filipo, yambʉɓʉmbangɨa nadɨndɨ kʉna moni kɔɔ mʉmbangɛ nʉ ɓakɔkɔ ngiɓa ɓi꞉nye kʉkyɨanɨa.
14Iya ɓatitima ngiɓa ɓi꞉nye anʉ Yelusalɛma ɓa꞉kɔ ɓɔ Ɓasamalɨa ɓʉ꞉baya ʉpanʉ wʉ Asʉɓɨɨ bayanɨ, kija ɓa꞉ɓʉtʉmɨa ɔɔ Pɛtɛlɔ nʉ Yʉanɨ. 15Ati ngia ɓa꞉ɓʉya‑ɔɔ anʉ Samalɨa, ɓambʉtɨa ɓombi ngiɓa ɓa꞉baya Asʉɓɨɨ ɓɔ ɓʉnyɨa nʉ 'Ʉtʉma wɔɔ Tu. 16Jʉ 'Ʉtʉma wɔɔ Tu wi꞉nye wambijienikɔmʉ mombi gʉkʉ mʉngana ati ʉ Ɓasamalɨa ngiɓʉnanɨ. Ɨkyɛmɨngana, ɓa꞉ɓuɓatiso tʉkʉ akʉ ino yɨ Makʉʉɓɨɨ Yeso. 17Kija ɔɔ Pɛtɛlɔ nʉ Yʉanɨ ɓa꞉napɨa lɨkɔndɔ ekoo ʉndaɓʉ, ɓambʉnyɨa nʉ 'Ʉtʉma wɔɔ Tu.
18Iya Simoni a꞉na ɓɔ ɓombi ɓʉ baya ɓʉ꞉nyɨa nʉ 'Ʉtʉma wɔɔ Tu jʉ ɓatitima ɓʉ꞉napɨa lɨkɔndɔ ekoo ʉndaɓʉ, Simoni ambunzo ɓatitima falanga. 19Ambuɓusigio ɓɔ: « Nanzeni ɛmɛ angu ngiinanɨ kʉ nzoni, ambʉ mombi ngia ma꞊mʉnapɨa lɨkɔndɔ ʉnyɨa nʉ 'Ʉtʉma wɔɔ Tu kʉ nyɨaa. » 20Pɛtɛlɔ ambumutisio ɓɔ: « Ambʉ́ wʉtambɨa gɔ nʉ falanga ngiasɔɔ kʉtaa. Ajʉ wakuyo ɓɔ ɓaanyɨa nʉ apɛpɛ ngia wʉ Asʉɓɨɨ 'upi akʉ falanga ɓiɛ?
21Iya yɨsɔɔ amati ʉ moni ngika yɨkwa tanɨ, jʉ wambʉkɔmʉ nʉ ɨkyɛmɛ gʉkʉ mɨngana amati ʉ moni ngika jʉ 'ʉtʉma nguʉsɔɔ wambʉkɔmʉ ngbingbii apɛɛ ʉ Asʉɓɨɨ. 22Kʉ ɓwanɨ, nicho itungwio yɛɛ ɓɨɓɨ ngiisɔɔ wambʉta Makʉʉɓɨɨ. Atiga a꞊napɨa gɔ ɨkanzi yɨ itungwio ngiinanɨ. 23Jʉ makʉna ndʉ 'ʉtʉma nguʉsɔɔ wa kɔɨ, nʉ wa ʉfanɨɛ amati ʉ boloko ʉ ɓʉɓɨɓɨ. » 24Kija Simoni a꞉tisio ɔɔ Pɛtɛlɔ nʉ Yʉanɨ ɓɔ: « Tʉkʉ inu Natɨeni Makʉʉɓɨɨ, ambʉ ikanzi yɨ moni ngikʉnanɨ nakʉyaka engo yɛɛnakyɨakɔmʉ gʉkʉ mɨngana. »
25Iya ɓa꞉panɨa nʉ ɓɨakɨa nayɔ Ɨsaʉ yɨ Makʉʉɓɨɨ, mbise ngiinanɨ ɓambʉtʉa anʉ Yelusalɛma. Nɨngbaa ɓambʉsɨnganaka nʉ ɓɨakɨa Ɨsaʉ yɛɛ Iɗo akʉ lɨkʉmbʉ lɨja ngila lʉ Ɓasamalɨa.
Filipo ɓujunikio nʉ 'ʉbʉla wʉ Etiopia
26Malaika mungono wʉ Makʉʉɓɨɨ wa꞉sigio Filipo ɓɔ: « Ʉngwɨa kɨnda kʉsa mesu nʉ ʉndʉʉ, nɨngbaa ngia yaaʉngwa anʉ Yelusalɛma kijo anʉ Gaja. Ɨngbaa ngiinanɨ yaaɓaa akʉ 'ukengu. » 27Tʉkʉ nɨma ngiinanɨ Filipo ambʉʉngwɨa kɨnda, ambʉsa. Nɨngbaa ambʉna gue mʉngana iya i꞉nye 'ʉbʉla wɔɔ ʉja wʉ Etiopia. Ɛyɔ kʉ i꞉nye kanga ɨngama kʉ iɓomu ngia yɨ Kandakɛ, ngama moi ɔngɔ ngia wʉ Etiopia. Gue ngiinanɨ i꞉nye ʉkeni anʉ Yelusalɛma kubibiso Asʉɓɨɨ. 28Iya i꞉nye tiga kʉtʉa andɔngɔ, ambuwulo amati ʉ matuka nguangɔ, ʉwa ɓanama ɓi꞉nye ɗuɗuo. Kija a꞉faniso popoko ɨtaɓʉ yɨ ɨgbɛ Ɨsaya.
29'Ʉtʉma wɔɔ Tu wambusigio Filipo ɓɔ: « Sa, wambʉɗʉana tinene nʉ masʉa ngua. » 30Kija a꞉sa bangʉ tinene nʉ masʉa, ambʉkɔ gue ngiinanɨ kupopoko ɨtaɓʉ yɨ ɨgbɛ Ɨsaya. Ambumuɓukuo ɓɔ: « Ajʉ wa kʉ kʉmbɨa inyi yɨ moni ngiinanɨ wakupopoko engo ɓiɛ? » 31Gue ngiinanɨ ambumutisio ɓɔ: « Mambɨa ti‑zʉ tanɨ mambikinye nʉ mombi ngia anapanɨa? » Kija a꞉soko Filipo ɓɔ ʉka kuwulo anambamba angɔ amati ʉ masʉa. 32Wagba wʉ mubio ngua i꞉nye kupopoko amati ʉ ɨtaɓʉ yɨ Ɨsaya wi꞉nye kusigo ɓɔ:
« Ɓa꞉sa nayɔ ngbanga ndʉ iya ɓaasa‑ɔɔ nʉ kɔndɔlɔ
akʉ izi ngia ɓaawa‑ɛɛ ɓanama.
Ɛyɔ i꞉nye ngbanga ndʉ mwana ʉ kɔndɔlɔ ngia
aakyɨa tʉkʉ 'ʉkatɛ ɓʉ nyɛ ati ngia ɓaakyɨa‑ɔɔ nayɔ kuhoo mata.
Kʉ ɓwanɨ, ɛyɔ a꞉samʉakɔmʉ.
33Ɓambʉmʉndapiso chʉkɔmʉ ɓambʉtɨna moni ngikangɔ ngbingbii.
Anɨ iya a꞊yaka moni kʉ ɓanɔnɔ ngiɓangɔ?
Jʉ ɓa꞉ʉngwiso ʉɓɨɨ nguangɔ akʉ ɨtaka ungwisoo. »
34'Ʉbʉla wɔɔ ʉja nguʉnanɨ wambuɓukuo Filipo ɓɔ: « Kikiliki! Naɓɨa ɓaka‑zʉ ɓɔ ɨgbɛ yɨ Asʉɓɨɨ yakʉyaka ekoo ʉ anɨ ɓʉ kpɛ? Ajʉ yakʉyaka ekoo angɔ makʉɔngɔ gʉ ɓɔ ekoo ʉ mombi nga kɔmɔ? »
35Kija Filipo a꞉faniso nayɔ ngakɨa Ɨsaʉ yɛɛ Iɗo ngia yɨ Yeso tʉkʉ akʉ Mubio ngikʉnanɨ. 36Ɛɓɔ tii tʉkʉ kʉsɨnganaka nʉ kɨnda ɓambuchwio yapuu. 'Ʉbʉla nguʉnanɨ wambusigio Filipo ɓɔ: « Ʉna, yapuu iya, ɨmanɨ tiga ɓata yɨtukuo ɓɔ ɓunaɓatiso? » 37[Filipo ambumutisio ɓɔ: « Ndʉ wabaya Yeso nʉ 'ʉtʉma nguʉsɔɔ kʉ uɓomu, ɓanaɓatiso ɓatisoo. » Ambusigio Filipo ɓɔ: « Mʉbaya bayanɨ ɓɔ Yeso Klisito a mwana ʉ Asʉɓɨɨ. »] 38Kija a꞉nzo ʉpanʉ ɓɔ matuka wʉmaa, ɛɓɔ nayɔ kʉ ɓuɓomu ɓambijo amati ʉ yapuu, Filipo ambumuɓatiso. 39Ati ngia ɓa꞉ɓʉa‑ɔɔ amati ʉ mepo, 'Ʉtʉma ngua wʉ Makʉʉɓɨɨ wambuungwiso Filipo. 'Ʉbʉla nguʉnanɨ wa꞉mʉnakɔmʉ tii ɓata, ɨkyɛmɨngana i꞉nye kʉ꞉sɨnganaka yangɔ tʉkʉ nʉ kɨnda nʉ ɨgyagya nadɨndɨ. 40Filipo ambʉjʉkanɨa inyeni tiga anʉ Ajɔtɨ. Tiga ananɨ ambufaniso ɓɨakɨa Ɨsaʉ yɛɛ Iɗo akʉ ɓagʉlʉ kʉ ɓuɓomu kʉɓʉya anʉ Kaisalia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.