Kyananaka 'Ʉtʉ wʉ moni
'Ʉtʉ wʉ moni
Ɨtaɓʉ ngiakɛ Luka a꞉ɨtɨndakɨa kʉmatɨa moni ngika a꞉tɨndakɨa amati ʉ ɨtaɓʉ yɨ Luka. Ɨtaɓʉ ngia yakʉngaka moni ekoo 'ʉkpanganɨa wʉ kanisa nʉ ijo yɨ 'Ʉtʉma wɔɔ Tu ngua Yeso a꞉panaka ɓakpataka. Kanisa a junikio yɨ ɓombi kʉ ɓuɓomu ɓʉ mababa kʉ di di di, iɓa ɓa Ɓayuda nʉ iɓa ɓambʉkɔmʉ Ɓayuda, amati ʉ baya ngia yɨ Yeso Klisito. Kanisa aamʉma ɓombi kʉ ɓuɓomu kʉka tiga anza mʉngana amati ʉ Asʉɓɨɨ.
Asʉɓɨɨ a꞉chiso mboi yɨ ɓombi ngiɓa ɓi꞉nye kʉbaya Yeso, ambʉchwa ɓatitima kuɓio ndʉ ɓatɛmʉ ɓangɔ. Mbise ʉ jʉkana akʉ ingyo, Yeso a꞉ɓʉtʉmɨa 'Ʉtʉma wɔɔ Tu naɓɔ kuijio, ambuɓunzo angu ɔɔ ɓiakɨɛ Ɨsaʉ yɛɛ Iɗo kʉʉngwa anʉ Yelusalɛma, anʉ Yudɛa, nʉ Samalɨa kʉɓʉya tʉkʉ akʉ miɓo wʉ ɨtaka.
Akʉ 'ʉkpanganɨa wʉ kuu ngiindaɓʉ, ɓakpataka ɓi꞉nye‑zʉ kʉɓɨakɨa Ɨsaʉ yɛɛ Iɗo pɛɛ tʉkʉ Ɓayuda. Ɨkyɛmɨngana, kʉʉngwa akʉ wagba ngua wʉ kumi wʉ ɨtaɓʉ ngiakɛ, Asʉɓɨɨ a꞉pana Pɛtɛlɔ ɓɔ ɓʉhɨa ɓa akʉ ɓombi kʉ ɓuɓomu. Ɨtaɓʉ ngiakɛ ya kʉ kʉngaka moni ekoo ʉ Saulo ngia i꞉nye makwa wʉ kanisa nʉ i꞉nye kufio ɓombi ɓʉ Asʉɓɨɨ nʉ naɓɔ kʉkyananaka. Ɨkyɛmɨngana, Asʉɓɨɨ ambunicho tiga ino ngiangɔ ɓɔ Pɔlɔ, ambʉmʉtʉma kʉɓɨakɨa Ɨsaʉ yɛɛ Iɗo.
Moni kɔɔ mʉkpɔkpɔ
Kʉtambanakɨa kuu ngia yɨ ɓakpataka kʉɓɨakɨa Ɨsaʉ yɨ moni ngika ɓa꞉na nʉ ika ɓa꞉kɔ 1:1-26
(1) Kʉkpatanakɨa nʉ ʉpanʉ ngua wʉ Yeso nʉ agɔmɔ ngiangɔ wʉ 'upipio 1:1-14
(2) Mombi ngia a꞉chɨka izi ngia yɨ Yuda 1:15-26
Ɓakpataka ɓʉɓɨakɨa Ɨsaʉ yɨ moni ngika ɓa꞉na nʉ ika ɓa꞉kɔ anʉ Yelusalɛma 2:1—8:3
Ɓakpataka ɓʉɓɨakɨa Ɨsaʉ yɨ moni ngika ɓa꞉na nʉ ika ɓa꞉kɔ anʉ Yudɛa nʉ anʉ Samalɨa 8:4—12:25
Kuu ngia yɨ Pɔlɔ 13:1—28:31
(1) Kɨnda ngia yɨ pɛɛ yɨ Pɔlɔ kʉɓɨakɨa Ɨsaʉ yɛɛ Iɗo 13:1—14:28
(2) Ubua ngua ɓa꞉soko anʉ Yelusalɛma 15:1-35
(3) Kɨnda ngia yɨ Pɔlɔ yɨ kapɨnɨ kʉɓɨakɨa Ɨsaʉ yɛɛ Iɗo 15:36—18:22
(4) Kɨnda ngia yɨ Pɔlɔ yɨ kaatʉ kʉɓɨakɨa Ɨsaʉ yɛɛ Iɗo 18:23—21:16
(5) Kumunio boloko ngia yɨ Pɔlɔ anʉ Yelusalɛma, mbise anʉ Kaisalia, nʉ tiga anʉ Lɔma 21:17—28:31
Currently Selected:
Kyananaka 'Ʉtʉ wʉ moni: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.