Luka 3
3
Yʉanɨ ngia i꞉nye ɓatiso ɓombi akʉɓɨakɨa Ɨsaʉ yɛɛ Iɗo
(Mat 3:1-12; Mak 1:1-8; Yʉa 1:19-28)
1Tibelio, ngama ɔɔ ʉja wʉ Ɓalɔma, ambʉndaniso mugo kumi nʉ ɓɔkɔ akʉ ɓʉngama. Kʉ ati ngiinanɨ Pɔtiɔ Pilato i꞉nye ngama ʉ gɨpa wʉ Yudɛa, Ɛlɔdɛ i꞉nye ngama anʉ Galilaya. Manye Filipo i꞉nye ngama ʉ gɨpa wʉ Ɨtʉlɛa nʉ Talakoniti, nʉ Lisania i꞉nye ngama ʉ Abɨlɛnɛ. 2Ɔɔ Anasɨ nʉ Kayafa ɓi꞉nye ɓangama ɓʉ ɓakumu‑kumu anʉ Yelusalɛma. Kʉ ati ngiinanɨ Ɨsaʉ yɨ Asʉɓɨɨ yambijio Yʉanɨ, mwana ʉ Jakalɨa akʉ 'ukengu. 3Kija Yʉanɨ ngia i꞉nye ɓatiso ɓombi a꞉faniso ɓɨakɨa Ɨsaʉ yɨ Asʉɓɨɨ akʉ gɨpa ngia wʉ ɨtɛtɛtɛ yɨ ɗei ʉ Yɔlɔdanɨ kusigo ɓɔ: « Nicheni mɨtʉma ngiindɛnʉ, ɓambuniɓatiso, ambʉ Asʉɓɨɨ ʉnɨpɨa ɓʉɓɨɓɨ ngiɓʉndɛnʉ pɨaa. » 4Kʉndʉ ɓa꞉tɨndakɨa amati ʉ ɨtaɓʉ ngia yɨ ɨgbɛ Ɨsaya ɓɔ:
« Mombi akʉtʉɓɨa nani akʉ 'ukengu ɓɔ:
‹ Tambanakeni ɨngbaa ngia yɨ Makʉʉɓɨɨ,
yumokeni lɨngbaa ngila lɔɔ lipinginikie,
5Kutokeni libadu kʉ liɓomu,
kwaiseni lɨkpangba ngila lɔɔ lɨkpɔkpɔ, nʉ ila lɔɔ ɗɛ ɗɛ ɗɛ kʉ liɓomu kʉ ngbanga.
Yumokeni lɨngbaa ngila lɔɔ lipinginikie,
yɨndanakiseni lɨngbaa ngila lanʉ mapɨa.
6Kija ɓombi kʉ ɓuɓomu ɓa꞊na sina aka Asʉɓɨɨ a꞊hiiso‑ɔɔ ɓombi. › »#Popoko Ɨsa 40:3-5
7Ɓombi ɓaja ɓi꞉nye kʉka ɔɔ Yʉanɨ ɓɔ uɓuɓatiso. Kija a꞉ɓusigio ɓɔ: « Inu ɓazɨɨ ngiɓa! Anɨ ʉnɨpanɨa kʉchwɨa 'ʉnganga ngua wʉ Asʉɓɨɨ bangʉ, uwa wakʉka? 8Pananiseni tɔ ɨkyananakɨa ngia yambiiso kingono ɓɔ na꞉nicho mɨtʉma ngiindɛnʉ nichoo. Nɔɔɓiokɔmʉ kutunguo amati ʉ mɨtʉma ngiindɛnʉ ɓɔ isu ka yɨndɛsʉ ɓanɔnɔ ɓʉ Abalama. Jʉ maninu kʉɓɨa ɓɔ, Asʉɓɨɨ a tʉkʉ ikanzi ngia akwanana kʉnɨtanakiso mukopi ngikakɛ kʉka ɓanɔnɔ ɓʉ Abalama! 9Angbaka a tiga 'ʉnapɨɛ akʉ litindi‑tindi lʉ matɨ. Kʉ ɓwanɨ, ɓʉtɨ ngiɓa ɓambʉkʉmɔ lipumo lɔɔ manzanza, ɓa꞊ɓʉkwaka kwakaa ɓambuɓugiso akʉ dyaa. »
10Kija ungbutu wʉ ɓombi wa꞉ɓukuo Yʉanɨ ɓɔ: « Kʉkwanana tiga kʉkyɨa tanɨ? »
11Ambuɓutisio ɓɔ: « Mombi ngia anʉ lɨpʉkʉ dyepini, unzo mombi ngia ambʉkɔmʉ nayɔ, nʉ mombi ngia anʉ idyo ʉkyɨa kʉ ɓwanɨ. »
12Ɓandɔmbɛ ɓɔɔ ɓulipise manzanza ɛɓɔ ɓa꞉ka kʉ kanɨ ɓɔ uɓuɓatiso. Ɓambumuɓukuo ɓɔ: « Mʉpananakɨa, isu kʉkwanana kʉkyɨa tanɨ? »
13Ambuɓutisio ɓɔ: « Nɔɔtakɔmʉ ɓombi falanga kʉɓaa iya ʉpanʉ wakʉta engo. »
14Ɓasʉda ɓambumuɓukuo ɓɔ: « Andʉ tiga isu, kʉkwanana kʉkyɨa tanɨ? »
Kija a꞉ɓutisio ɓɔ: « Nɔɔhɨnɨakɔmʉ mombi ɨkyɛmɛ akʉ ɓukpita, nʉ nɔɔchwakɔmʉ mombi nʉ moni kʉɓʉʉ. Ɨkyɛmɨngana, kweni ɨgyagya tʉkʉ akʉ lipa ngia ɓaanilipa. » 15Ndʉ ɓombi ɓi꞉nye kusiɓo nʉ taa yengo nadɨndɨ, nʉ ɓukuono amati ʉ mɨtʉma ɓɔ: « Atiga Yʉanɨ a Klisito. »#3:15 Yɛmɔ ɓɔ: Masɨa. 16Kija Yʉanɨ a꞉ɓusigio ɛɓɔ kʉ ɓuɓomu ɓɔ: « Ɛmɛ maninu kuɓatiso nʉ mepo, ɨkyɛmɨngana mombi ngia akʉka, anʉ angu nɛmɛ kʉɓaa ɛmɛ. Mambʉkɔmʉ 'ʉkwananakɛ gʉkʉ ɗɛkɛkɛ kuɓono miki yɨ lɨkpakʉ ngilangɔ. Ɛyɔ a꞊niɓatiso ɓisi ongo nʉ 'Ʉtʉma wɔɔ Tu nʉ dyaa. 17Anʉ lunga akʉ lɨkɔndɔ ngilangɔ kʉpɨka nganʉ. A꞊mʉma nganʉ amati ʉ ɨkáa yɨ masɔɔ ngiangɔ, kija a꞊ya lɨpapɨ lɔngɔ akʉ dyaa ngia yambakaimunio. » 18Tiga kʉ ɓwanɨ, Yʉanɨ i꞉nye naɓɔ ɓʉngakɨa lɨngbaa lʉ moni lɨja, nʉ naɓɔ kʉɓɨakɨa Ɨsaʉ yɛɛ Iɗo.
19Kʉ ati ngiinanɨ, Yʉanɨ ambʉgʉmʉa ngama Ɛlɔdɛ jʉ a꞉chɨka tʉkʉ moi ʉ manye ngia i꞉nye ino ɓɔ Elodia, nʉ ekoo ʉ ɓamoni ɓaja nga ɓɔmɔ ɓɔɔ ɓɨɓɨ ɓɨɓɨ ngiɓa a꞉kyɨa. 20Ɨkyɛmɨngana, Ɛlɔdɛ a꞉matɨa ɓʉɓɨɓɨ ɓata kʉ aka ekoo ʉ ɓʉɓɨɓɨ, kugiso Yʉanɨ akʉ ɨkáa yɨ boloko.
Yʉanɨ uɓatiso Yeso
(Mat 3:13-17; Mak 1:9-11)
21Ati ngia Yʉanɨ a꞉ɓatiso‑ɔɔ ɓombi kʉ ɓuɓomu ngiɓa ɓi꞉nye ananɨ, a꞉ɓatiso Yeso kʉ ɓatisoo. Iya Yeso i꞉nye kʉta, ɓisi ekoo ɓambʉgananɨa. 22'Ʉtʉma wɔɔ Tu wambumijio ndʉ ɨvaka‑vaka, tʉkʉ ndʉ akʉ yaanyɨa‑ɔɔ. Kija iyo mɨngana ya꞉kɔnɨɔ ekoo ʉ ɓisi kusigo ɓɔ: « Ɔwɛ wa mwana ngiasɛmɛ wʉ ɓʉkʉnda, maakwa ɨgyagya ekoo asɔɔ nadɨndɨ. »
Ɨɓwanakɨa ngia yɨ Yeso
(Mat 1:1-17)
23Ati ngia Yeso a꞉kpanga‑ɔɔ kuu ngiangɔ, i꞉nye tiga nʉ mugo tine tine ndʉ makumi kaatʉ. Ɓombi ɓi꞉nye kuyo ɓɔ a mwana ʉ Yɨjɛfʉ, Yɨjɛfʉ i꞉nye mwana ʉ Eli, 24Eli mwana ʉ Matatɨ, Matatɨ mwana ʉ Lawi. Lawi mwana ʉ Meleki, Meleki mwana ʉ Yana, Yana mwana ʉ Yɨjɛfʉ, 25Yɨjɛfʉ mwana ʉ Matatɨa, Matatɨa mwana ʉ Amosi, Amosi mwana ʉ Naumu, Naumu mwana ʉ Esili, Esili mwana ʉ Nagai, 26Nagai mwana ʉ Matɨ, Matɨ mwana ʉ Matatɨa, Matatɨa mwana ʉ Simei, Simei mwana ʉ Yosei, Yosei mwana ʉ Yɔda, 27Yɔda mwana ʉ Yʉana, Yʉana mwana ʉ Lɛsa, Lɛsa mwana ʉ Jʉlʉbabɛlɛ, Jʉlʉbabɛlɛ mwana ʉ Salatieli, Salatieli mwana ʉ Neli, 28Neli mwana ʉ Meleki, Meleki, mwana ʉ Adi, Adi mwana ʉ Kɔsamʉ, Kɔsamʉ mwana ʉ Ɛlɨmadamʉ, Ɛlɨmadamʉ mwana ʉ Eli, 29Eli mwana ʉ Yosua, Yosua mwana ʉ Ɨlɨɛjɛlɨ, Ɨlɨɛjɛlɨ mwana ʉ Yɔlɨmʉ, Yɔlɨmʉ mwana ʉ Matatɨ, Matatɨ mwana ʉ Lawi, 30Lawi mwana ʉ Simioni, Simioni mwana ʉ Yuda, Yuda mwana ʉ Yɨjɛfʉ, Yɨjɛfʉ mwana ʉ Yɔnamʉ, Yɔnamʉ mwana ʉ Eliakimu, 31Eliakimu mwana ʉ Melea, Melea mwana ʉ Mɛna, Mɛna mwana ʉ Matata, Matata mwana ʉ Natanɨ, Natanɨ mwana ʉ Daudi, 32Daudi mwana ʉ Yɛsɛ, Yɛsɛ mwana ʉ Obedi, Obedi mwana ʉ Bɔajɨ, Bɔajɨ mwana ʉ Salamɔnɨ, Salamɔnɨ mwana ʉ Nasɔnɨ, 33Nasɔnɨ mwana ʉ Amɨnadabʉ, Amɨnadabʉ mwana ʉ Adimi, Adimi mwana ʉ Alini, Alini mwana ʉ Ɛsɨlɔnɨ, Ɛsɨlɔnɨ mwana ʉ Pelesi, Pelesi mwana ʉ Yuda, 34Yuda mwana ʉ Yakɔbɔ, Yakɔbɔ mwana ʉ Ɨsaka, Ɨsaka mwana ʉ Abalama, Abalama mwana ʉ Tela, Tela mwana ʉ Naoli, 35Naoli mwana ʉ Selugu, Selugu mwana ʉ Lagau, Lagau mwana ʉ Pelegi, Pelegi mwana ʉ Ɨbɛlɛ, Ɨbɛlɛ mwana ʉ Sɛla, 36Sɛla mwana ʉ Kenana, Kenana mwana ʉ Alufakisadi, Alufakisadi mwana ʉ Sɛmʉ, Sɛmʉ mwana ʉ Nʉa, Nʉa mwana ʉ Lameki, 37Lameki mwana ʉ Metusaeli, Metusaeli mwana ʉ Ɛnɔka, Ɛnɔka mwana ʉ Yaledi, Yaledi mwana ʉ Malaleli, Malaleli mwana ʉ Kenana, 38Kenana mwana ʉ Enosi, Enosi mwana ʉ Sɛtɨ, Sɛtɨ mwana ʉ Adamʉ, Adamʉ mwana ʉ Asʉɓɨɨ.
Currently Selected:
Luka 3: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Luka 3
3
Yʉanɨ ngia i꞉nye ɓatiso ɓombi akʉɓɨakɨa Ɨsaʉ yɛɛ Iɗo
(Mat 3:1-12; Mak 1:1-8; Yʉa 1:19-28)
1Tibelio, ngama ɔɔ ʉja wʉ Ɓalɔma, ambʉndaniso mugo kumi nʉ ɓɔkɔ akʉ ɓʉngama. Kʉ ati ngiinanɨ Pɔtiɔ Pilato i꞉nye ngama ʉ gɨpa wʉ Yudɛa, Ɛlɔdɛ i꞉nye ngama anʉ Galilaya. Manye Filipo i꞉nye ngama ʉ gɨpa wʉ Ɨtʉlɛa nʉ Talakoniti, nʉ Lisania i꞉nye ngama ʉ Abɨlɛnɛ. 2Ɔɔ Anasɨ nʉ Kayafa ɓi꞉nye ɓangama ɓʉ ɓakumu‑kumu anʉ Yelusalɛma. Kʉ ati ngiinanɨ Ɨsaʉ yɨ Asʉɓɨɨ yambijio Yʉanɨ, mwana ʉ Jakalɨa akʉ 'ukengu. 3Kija Yʉanɨ ngia i꞉nye ɓatiso ɓombi a꞉faniso ɓɨakɨa Ɨsaʉ yɨ Asʉɓɨɨ akʉ gɨpa ngia wʉ ɨtɛtɛtɛ yɨ ɗei ʉ Yɔlɔdanɨ kusigo ɓɔ: « Nicheni mɨtʉma ngiindɛnʉ, ɓambuniɓatiso, ambʉ Asʉɓɨɨ ʉnɨpɨa ɓʉɓɨɓɨ ngiɓʉndɛnʉ pɨaa. » 4Kʉndʉ ɓa꞉tɨndakɨa amati ʉ ɨtaɓʉ ngia yɨ ɨgbɛ Ɨsaya ɓɔ:
« Mombi akʉtʉɓɨa nani akʉ 'ukengu ɓɔ:
‹ Tambanakeni ɨngbaa ngia yɨ Makʉʉɓɨɨ,
yumokeni lɨngbaa ngila lɔɔ lipinginikie,
5Kutokeni libadu kʉ liɓomu,
kwaiseni lɨkpangba ngila lɔɔ lɨkpɔkpɔ, nʉ ila lɔɔ ɗɛ ɗɛ ɗɛ kʉ liɓomu kʉ ngbanga.
Yumokeni lɨngbaa ngila lɔɔ lipinginikie,
yɨndanakiseni lɨngbaa ngila lanʉ mapɨa.
6Kija ɓombi kʉ ɓuɓomu ɓa꞊na sina aka Asʉɓɨɨ a꞊hiiso‑ɔɔ ɓombi. › »#Popoko Ɨsa 40:3-5
7Ɓombi ɓaja ɓi꞉nye kʉka ɔɔ Yʉanɨ ɓɔ uɓuɓatiso. Kija a꞉ɓusigio ɓɔ: « Inu ɓazɨɨ ngiɓa! Anɨ ʉnɨpanɨa kʉchwɨa 'ʉnganga ngua wʉ Asʉɓɨɨ bangʉ, uwa wakʉka? 8Pananiseni tɔ ɨkyananakɨa ngia yambiiso kingono ɓɔ na꞉nicho mɨtʉma ngiindɛnʉ nichoo. Nɔɔɓiokɔmʉ kutunguo amati ʉ mɨtʉma ngiindɛnʉ ɓɔ isu ka yɨndɛsʉ ɓanɔnɔ ɓʉ Abalama. Jʉ maninu kʉɓɨa ɓɔ, Asʉɓɨɨ a tʉkʉ ikanzi ngia akwanana kʉnɨtanakiso mukopi ngikakɛ kʉka ɓanɔnɔ ɓʉ Abalama! 9Angbaka a tiga 'ʉnapɨɛ akʉ litindi‑tindi lʉ matɨ. Kʉ ɓwanɨ, ɓʉtɨ ngiɓa ɓambʉkʉmɔ lipumo lɔɔ manzanza, ɓa꞊ɓʉkwaka kwakaa ɓambuɓugiso akʉ dyaa. »
10Kija ungbutu wʉ ɓombi wa꞉ɓukuo Yʉanɨ ɓɔ: « Kʉkwanana tiga kʉkyɨa tanɨ? »
11Ambuɓutisio ɓɔ: « Mombi ngia anʉ lɨpʉkʉ dyepini, unzo mombi ngia ambʉkɔmʉ nayɔ, nʉ mombi ngia anʉ idyo ʉkyɨa kʉ ɓwanɨ. »
12Ɓandɔmbɛ ɓɔɔ ɓulipise manzanza ɛɓɔ ɓa꞉ka kʉ kanɨ ɓɔ uɓuɓatiso. Ɓambumuɓukuo ɓɔ: « Mʉpananakɨa, isu kʉkwanana kʉkyɨa tanɨ? »
13Ambuɓutisio ɓɔ: « Nɔɔtakɔmʉ ɓombi falanga kʉɓaa iya ʉpanʉ wakʉta engo. »
14Ɓasʉda ɓambumuɓukuo ɓɔ: « Andʉ tiga isu, kʉkwanana kʉkyɨa tanɨ? »
Kija a꞉ɓutisio ɓɔ: « Nɔɔhɨnɨakɔmʉ mombi ɨkyɛmɛ akʉ ɓukpita, nʉ nɔɔchwakɔmʉ mombi nʉ moni kʉɓʉʉ. Ɨkyɛmɨngana, kweni ɨgyagya tʉkʉ akʉ lipa ngia ɓaanilipa. » 15Ndʉ ɓombi ɓi꞉nye kusiɓo nʉ taa yengo nadɨndɨ, nʉ ɓukuono amati ʉ mɨtʉma ɓɔ: « Atiga Yʉanɨ a Klisito. »#3:15 Yɛmɔ ɓɔ: Masɨa. 16Kija Yʉanɨ a꞉ɓusigio ɛɓɔ kʉ ɓuɓomu ɓɔ: « Ɛmɛ maninu kuɓatiso nʉ mepo, ɨkyɛmɨngana mombi ngia akʉka, anʉ angu nɛmɛ kʉɓaa ɛmɛ. Mambʉkɔmʉ 'ʉkwananakɛ gʉkʉ ɗɛkɛkɛ kuɓono miki yɨ lɨkpakʉ ngilangɔ. Ɛyɔ a꞊niɓatiso ɓisi ongo nʉ 'Ʉtʉma wɔɔ Tu nʉ dyaa. 17Anʉ lunga akʉ lɨkɔndɔ ngilangɔ kʉpɨka nganʉ. A꞊mʉma nganʉ amati ʉ ɨkáa yɨ masɔɔ ngiangɔ, kija a꞊ya lɨpapɨ lɔngɔ akʉ dyaa ngia yambakaimunio. » 18Tiga kʉ ɓwanɨ, Yʉanɨ i꞉nye naɓɔ ɓʉngakɨa lɨngbaa lʉ moni lɨja, nʉ naɓɔ kʉɓɨakɨa Ɨsaʉ yɛɛ Iɗo.
19Kʉ ati ngiinanɨ, Yʉanɨ ambʉgʉmʉa ngama Ɛlɔdɛ jʉ a꞉chɨka tʉkʉ moi ʉ manye ngia i꞉nye ino ɓɔ Elodia, nʉ ekoo ʉ ɓamoni ɓaja nga ɓɔmɔ ɓɔɔ ɓɨɓɨ ɓɨɓɨ ngiɓa a꞉kyɨa. 20Ɨkyɛmɨngana, Ɛlɔdɛ a꞉matɨa ɓʉɓɨɓɨ ɓata kʉ aka ekoo ʉ ɓʉɓɨɓɨ, kugiso Yʉanɨ akʉ ɨkáa yɨ boloko.
Yʉanɨ uɓatiso Yeso
(Mat 3:13-17; Mak 1:9-11)
21Ati ngia Yʉanɨ a꞉ɓatiso‑ɔɔ ɓombi kʉ ɓuɓomu ngiɓa ɓi꞉nye ananɨ, a꞉ɓatiso Yeso kʉ ɓatisoo. Iya Yeso i꞉nye kʉta, ɓisi ekoo ɓambʉgananɨa. 22'Ʉtʉma wɔɔ Tu wambumijio ndʉ ɨvaka‑vaka, tʉkʉ ndʉ akʉ yaanyɨa‑ɔɔ. Kija iyo mɨngana ya꞉kɔnɨɔ ekoo ʉ ɓisi kusigo ɓɔ: « Ɔwɛ wa mwana ngiasɛmɛ wʉ ɓʉkʉnda, maakwa ɨgyagya ekoo asɔɔ nadɨndɨ. »
Ɨɓwanakɨa ngia yɨ Yeso
(Mat 1:1-17)
23Ati ngia Yeso a꞉kpanga‑ɔɔ kuu ngiangɔ, i꞉nye tiga nʉ mugo tine tine ndʉ makumi kaatʉ. Ɓombi ɓi꞉nye kuyo ɓɔ a mwana ʉ Yɨjɛfʉ, Yɨjɛfʉ i꞉nye mwana ʉ Eli, 24Eli mwana ʉ Matatɨ, Matatɨ mwana ʉ Lawi. Lawi mwana ʉ Meleki, Meleki mwana ʉ Yana, Yana mwana ʉ Yɨjɛfʉ, 25Yɨjɛfʉ mwana ʉ Matatɨa, Matatɨa mwana ʉ Amosi, Amosi mwana ʉ Naumu, Naumu mwana ʉ Esili, Esili mwana ʉ Nagai, 26Nagai mwana ʉ Matɨ, Matɨ mwana ʉ Matatɨa, Matatɨa mwana ʉ Simei, Simei mwana ʉ Yosei, Yosei mwana ʉ Yɔda, 27Yɔda mwana ʉ Yʉana, Yʉana mwana ʉ Lɛsa, Lɛsa mwana ʉ Jʉlʉbabɛlɛ, Jʉlʉbabɛlɛ mwana ʉ Salatieli, Salatieli mwana ʉ Neli, 28Neli mwana ʉ Meleki, Meleki, mwana ʉ Adi, Adi mwana ʉ Kɔsamʉ, Kɔsamʉ mwana ʉ Ɛlɨmadamʉ, Ɛlɨmadamʉ mwana ʉ Eli, 29Eli mwana ʉ Yosua, Yosua mwana ʉ Ɨlɨɛjɛlɨ, Ɨlɨɛjɛlɨ mwana ʉ Yɔlɨmʉ, Yɔlɨmʉ mwana ʉ Matatɨ, Matatɨ mwana ʉ Lawi, 30Lawi mwana ʉ Simioni, Simioni mwana ʉ Yuda, Yuda mwana ʉ Yɨjɛfʉ, Yɨjɛfʉ mwana ʉ Yɔnamʉ, Yɔnamʉ mwana ʉ Eliakimu, 31Eliakimu mwana ʉ Melea, Melea mwana ʉ Mɛna, Mɛna mwana ʉ Matata, Matata mwana ʉ Natanɨ, Natanɨ mwana ʉ Daudi, 32Daudi mwana ʉ Yɛsɛ, Yɛsɛ mwana ʉ Obedi, Obedi mwana ʉ Bɔajɨ, Bɔajɨ mwana ʉ Salamɔnɨ, Salamɔnɨ mwana ʉ Nasɔnɨ, 33Nasɔnɨ mwana ʉ Amɨnadabʉ, Amɨnadabʉ mwana ʉ Adimi, Adimi mwana ʉ Alini, Alini mwana ʉ Ɛsɨlɔnɨ, Ɛsɨlɔnɨ mwana ʉ Pelesi, Pelesi mwana ʉ Yuda, 34Yuda mwana ʉ Yakɔbɔ, Yakɔbɔ mwana ʉ Ɨsaka, Ɨsaka mwana ʉ Abalama, Abalama mwana ʉ Tela, Tela mwana ʉ Naoli, 35Naoli mwana ʉ Selugu, Selugu mwana ʉ Lagau, Lagau mwana ʉ Pelegi, Pelegi mwana ʉ Ɨbɛlɛ, Ɨbɛlɛ mwana ʉ Sɛla, 36Sɛla mwana ʉ Kenana, Kenana mwana ʉ Alufakisadi, Alufakisadi mwana ʉ Sɛmʉ, Sɛmʉ mwana ʉ Nʉa, Nʉa mwana ʉ Lameki, 37Lameki mwana ʉ Metusaeli, Metusaeli mwana ʉ Ɛnɔka, Ɛnɔka mwana ʉ Yaledi, Yaledi mwana ʉ Malaleli, Malaleli mwana ʉ Kenana, 38Kenana mwana ʉ Enosi, Enosi mwana ʉ Sɛtɨ, Sɛtɨ mwana ʉ Adamʉ, Adamʉ mwana ʉ Asʉɓɨɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.