चुन्ल आर भेज्ल चेलासब 1
1
परिचय
1प्रिय थियोफिलस, येशू काम करैले आर सिखाबैले शुरु कैल समयसे ऊ स्वर्ग नैजैतक भेल सभे बात हमे तोरा हमर पहेलाके किताबमे लिख्लियै छे। 2मगर येशू परमेश्वरद्वारा स्वर्गमे उठ्याके लजैलसे पहेला ऊ आपनद्वारा चुन्ल आर भेज्ल चेलासिके पवित्र आत्माके शक्तिसे आदेश देल्कै। 3आपन दु:ख भोग्ल आर मर्लके बाद बहुते पक्का सबूतद्वारा ओकरसिके समनामे ऊ अपने आपके जिन्दा देखैल्कै। ऊ चालीस दिनतक चेलासिके लगत दिखाई पड्लै आर परमेश्वरके राज्यके विषयमे ओकरासिके बतैल्कै।
4एकबेर जब चेलासब संगहैं रहै, येशू ओकरसिके संगे भोजन करैले बैठ्लै आर ऊ ओकरासिके एरं आज्ञा देल्कै, “तुहेंसब यरूशलेम सहरसे कथौ नैजो, मगर हमर पिता तोरा दियैले प्रतिज्ञा कैल उपहारके लिए इन्तजार कर, जकर विषयमे तुहेंसब हमरसे सुन्बे कैल्हैं छे। 5कहिनेकी बप्तिस्मा दिएवाला यूहन्ना ते पानीके बप्तिस्मा देल्कै, मगर आबके कुछु दिनके बाद परमेश्वर तोरसिके संगे रहैके लिए पवित्र आत्माके भेज्तौ।”
येशू स्वर्ग गेलै
6सेल्याके पाछु जब चुन्ल आर भेज्ल चेलासब येशूके फेर भेट कैल्कै, ऊसब ओकरा पुछल्कै, “हे प्रभु, कि इस्राएल देशके आजाद करैके लिए आर हमरसिके राज्य फेर स्थापित करैके तोर समय ऐल छै?” 7येशू ओकरासिके जबाब देल्कै, “तोरासिके यी बातसब कहिया हैतै कहिके जानैके जरुरत नैछै। यी बातके निर्णय करैके अधिकार खाली हमर पिताके लगत छै। 8मगर तोरासिमे पवित्र आत्मा ऐलके बाद तुहेंसब शक्ति पैभैं, आर तुहेंसब यरूशलेम सहरमे, सारा यहूदिया प्रदेशमे, सामरिया प्रदेशमे आर धर्तीके अन्तिम छोरतक आदमीसिके बीचमे हमर गवाह हैभैं।”
9एतनें कहेलके बाद ओकरसिके समनामे देख्ते-देख्ते परमेश्वर येशूके स्वर्गमहर उठ्याके ल्यागेलै, आर बादलके कारणसे ऊसब येशूके देखे नैसकल्कै। 10जब ऊ आकाशमहर जैते रहै, तब ऊसब एकटक लग्याके देख्ते रहै, तब अचानक उजरा कपडा पिन्हल दीटा आदमी ओकरलगत खडा भेलै। 11ऊसब कहैल्कै, “हे गालील जिलाके रहेवाला आदमीसब, तुहेंसब खडा भ्याके आकाशमहर कहिने देखैछैं? इहे येशू जकरा परमेश्वर तोरसिके लगतसे स्वर्गमे ल्यागेलै, एखन जेरं तुहेंसब ओकरा स्वर्गमे गेल देख्लहैं छे, ओहिने करिके ऊ फेर वापस ऐतै।”
यरूशलेम सहरके मण्डली
12जब स्वर्गदूत चल गेलै तब जैतुन नामके पहाडसे जे यरूशलेम सहरके लगभग एक किलोमिटर दूर रहै चेलासब यरूशलेम सहरमहर घुम्लै। 13ऊसब सहरके भितर गेलके बाद ओकरसिके रहेवाला उप्परके कोठामे गेलै आर ओत्ते पत्रुस, यूहन्ना, याकूब, अन्द्रियास, फिलिप, थोमा, बारथोलोमाइ, मत्ती, अल्फयसके बेटा याकूब आर उग्रपन्थी दलके सिमोन आर याकूबके बेटा यहूदा रहै। 14ऊसब अक्सर जमा है आर एक मनके भ्याके प्रार्थना करै। ओत्ते ओकरसिके संगे येशूके सहायता करेवाला दोसर जनानीसब, येशूके मयाँ मरियम आर येशूके भ्यासब भी रहै।
यहूदा स्करियोतके जगहमे मतियासके नियुक्ति
15उटा समयमे ओत्ते एक स बीस झन विश्वासीसब जमा भेलै रहे, ऊ सभैके बीचमे पत्रुस खडा भ्याके कहे लाग्लै, 16“हे भ्या-बहिनसब, पवित्र आत्मा बहुते समय पहेला ही दाऊद राजाके द्वारा यहूदाके विषयमे बतैल्कै रहे जे कि येशूके धोखा द्याके गिरफ्तार कराबेवाला आदमीसिके अगुवा बनी गेलै। यी जरुरी रहै कि यहूदाके विषयमे धरमशास्त्रमे लिख्ल बात सच साबित है।
17ऊ हमरसिमेसे एकटा रहै आर इहे सेवामे ऊ हिस्सा पैल्कै रहे। 18जेरं कि तुहेंसब जानैछ कि ऊ यहूदी अगुवासब यहूदाके पैसा देल्कै रहे, जब ऊ येशूके गिरफ्तार करवाबैले वादा कैल्कै रहे। पाछु यहूदा ओकरासिके पैसा घुम्याके द्या देल्कै। आर जब यहूदा खुदके फाँसी लग्या लेल्कै तब ओकर शरीर जमिनमे गिरिके ओकर पेट फुट्लै आर ओकर भोटीलारा निकल्लै। सेल्याके यहूदी अगुवासब ऊ पैसासे एकटा खेत किनल्कै। 19आर यी बात यरूशलेम सहरके आदमीसिके मालुम भेलै। सेल्याके ऊ जमिनके नाम ऊसब आपन भाषामे ओखेल्दामा राखल्कै यानिकी खूनके खेत।”
20पत्रुस कहैल्कै, “दाऊद राजा भजन संग्रहके किताबमे लिखल्कै छे, ‘ओकर घर उजाड है, आर ओत्ते ककरो बास नैहै’ आर दाऊद राजा दोसर जगहमे एरं भी कहैछै कि, ‘कोय दोसर आदमी ओकर कामके पद लै।’
21-22सेल्याके यी जरुरी छै कि एकटा एरं आदमीके चुन्ल जै, जे प्रभु येशूके कामके सभे समयके गवाह रहै। प्रभु येशूके बप्तिस्मा दिएवाला यूहन्नाद्वारा बप्तिस्मा दियैके समयसे ल्याके ओकरा स्वर्गमे स्वीकार करै तक, ऊ आदमी हमरसिके संगमे प्रभु येशूके मुर्दासे जिन्दा हुऐ तकके गवाह बनै।” 23तब ऊसब दीटा आदमीके बारेमे सुझाव देल्कै, एक बारसाबास कहलाबेवाला योसेफ, जकर दोसर नाम युस्तस रहै, आर दोसर मतियास।
24आर ऊसब एरं कहिके प्रार्थना कैल्कै, “सभैके हृदयके बात जानेवाला प्रभु, यी दीटा आदमीसिमेसे तुहें ककरा चुन्लह छे से देखाब। 25आर ऊसब यी सेवाके काम आर चुन्ल आर भेज्ल चेलाके उटा खाली जगह लिए सकै, जे सेवासे मुक्त भ्याके यहूदा आपन ठहरैल जगहमे गेलै।” 26तब ऊसब ऊ दोनो आदमीके बीचमे गोला राखल्कै, आर मतियासके नाममे गोला पड्लै आर एगारटा चुन्ल आर भेज्ल चेलासिके संगे ओकर गिन्ती भेलै।
Currently Selected:
चुन्ल आर भेज्ल चेलासब 1: KYVNT
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.
चुन्ल आर भेज्ल चेलासब 1
1
परिचय
1प्रिय थियोफिलस, येशू काम करैले आर सिखाबैले शुरु कैल समयसे ऊ स्वर्ग नैजैतक भेल सभे बात हमे तोरा हमर पहेलाके किताबमे लिख्लियै छे। 2मगर येशू परमेश्वरद्वारा स्वर्गमे उठ्याके लजैलसे पहेला ऊ आपनद्वारा चुन्ल आर भेज्ल चेलासिके पवित्र आत्माके शक्तिसे आदेश देल्कै। 3आपन दु:ख भोग्ल आर मर्लके बाद बहुते पक्का सबूतद्वारा ओकरसिके समनामे ऊ अपने आपके जिन्दा देखैल्कै। ऊ चालीस दिनतक चेलासिके लगत दिखाई पड्लै आर परमेश्वरके राज्यके विषयमे ओकरासिके बतैल्कै।
4एकबेर जब चेलासब संगहैं रहै, येशू ओकरसिके संगे भोजन करैले बैठ्लै आर ऊ ओकरासिके एरं आज्ञा देल्कै, “तुहेंसब यरूशलेम सहरसे कथौ नैजो, मगर हमर पिता तोरा दियैले प्रतिज्ञा कैल उपहारके लिए इन्तजार कर, जकर विषयमे तुहेंसब हमरसे सुन्बे कैल्हैं छे। 5कहिनेकी बप्तिस्मा दिएवाला यूहन्ना ते पानीके बप्तिस्मा देल्कै, मगर आबके कुछु दिनके बाद परमेश्वर तोरसिके संगे रहैके लिए पवित्र आत्माके भेज्तौ।”
येशू स्वर्ग गेलै
6सेल्याके पाछु जब चुन्ल आर भेज्ल चेलासब येशूके फेर भेट कैल्कै, ऊसब ओकरा पुछल्कै, “हे प्रभु, कि इस्राएल देशके आजाद करैके लिए आर हमरसिके राज्य फेर स्थापित करैके तोर समय ऐल छै?” 7येशू ओकरासिके जबाब देल्कै, “तोरासिके यी बातसब कहिया हैतै कहिके जानैके जरुरत नैछै। यी बातके निर्णय करैके अधिकार खाली हमर पिताके लगत छै। 8मगर तोरासिमे पवित्र आत्मा ऐलके बाद तुहेंसब शक्ति पैभैं, आर तुहेंसब यरूशलेम सहरमे, सारा यहूदिया प्रदेशमे, सामरिया प्रदेशमे आर धर्तीके अन्तिम छोरतक आदमीसिके बीचमे हमर गवाह हैभैं।”
9एतनें कहेलके बाद ओकरसिके समनामे देख्ते-देख्ते परमेश्वर येशूके स्वर्गमहर उठ्याके ल्यागेलै, आर बादलके कारणसे ऊसब येशूके देखे नैसकल्कै। 10जब ऊ आकाशमहर जैते रहै, तब ऊसब एकटक लग्याके देख्ते रहै, तब अचानक उजरा कपडा पिन्हल दीटा आदमी ओकरलगत खडा भेलै। 11ऊसब कहैल्कै, “हे गालील जिलाके रहेवाला आदमीसब, तुहेंसब खडा भ्याके आकाशमहर कहिने देखैछैं? इहे येशू जकरा परमेश्वर तोरसिके लगतसे स्वर्गमे ल्यागेलै, एखन जेरं तुहेंसब ओकरा स्वर्गमे गेल देख्लहैं छे, ओहिने करिके ऊ फेर वापस ऐतै।”
यरूशलेम सहरके मण्डली
12जब स्वर्गदूत चल गेलै तब जैतुन नामके पहाडसे जे यरूशलेम सहरके लगभग एक किलोमिटर दूर रहै चेलासब यरूशलेम सहरमहर घुम्लै। 13ऊसब सहरके भितर गेलके बाद ओकरसिके रहेवाला उप्परके कोठामे गेलै आर ओत्ते पत्रुस, यूहन्ना, याकूब, अन्द्रियास, फिलिप, थोमा, बारथोलोमाइ, मत्ती, अल्फयसके बेटा याकूब आर उग्रपन्थी दलके सिमोन आर याकूबके बेटा यहूदा रहै। 14ऊसब अक्सर जमा है आर एक मनके भ्याके प्रार्थना करै। ओत्ते ओकरसिके संगे येशूके सहायता करेवाला दोसर जनानीसब, येशूके मयाँ मरियम आर येशूके भ्यासब भी रहै।
यहूदा स्करियोतके जगहमे मतियासके नियुक्ति
15उटा समयमे ओत्ते एक स बीस झन विश्वासीसब जमा भेलै रहे, ऊ सभैके बीचमे पत्रुस खडा भ्याके कहे लाग्लै, 16“हे भ्या-बहिनसब, पवित्र आत्मा बहुते समय पहेला ही दाऊद राजाके द्वारा यहूदाके विषयमे बतैल्कै रहे जे कि येशूके धोखा द्याके गिरफ्तार कराबेवाला आदमीसिके अगुवा बनी गेलै। यी जरुरी रहै कि यहूदाके विषयमे धरमशास्त्रमे लिख्ल बात सच साबित है।
17ऊ हमरसिमेसे एकटा रहै आर इहे सेवामे ऊ हिस्सा पैल्कै रहे। 18जेरं कि तुहेंसब जानैछ कि ऊ यहूदी अगुवासब यहूदाके पैसा देल्कै रहे, जब ऊ येशूके गिरफ्तार करवाबैले वादा कैल्कै रहे। पाछु यहूदा ओकरासिके पैसा घुम्याके द्या देल्कै। आर जब यहूदा खुदके फाँसी लग्या लेल्कै तब ओकर शरीर जमिनमे गिरिके ओकर पेट फुट्लै आर ओकर भोटीलारा निकल्लै। सेल्याके यहूदी अगुवासब ऊ पैसासे एकटा खेत किनल्कै। 19आर यी बात यरूशलेम सहरके आदमीसिके मालुम भेलै। सेल्याके ऊ जमिनके नाम ऊसब आपन भाषामे ओखेल्दामा राखल्कै यानिकी खूनके खेत।”
20पत्रुस कहैल्कै, “दाऊद राजा भजन संग्रहके किताबमे लिखल्कै छे, ‘ओकर घर उजाड है, आर ओत्ते ककरो बास नैहै’ आर दाऊद राजा दोसर जगहमे एरं भी कहैछै कि, ‘कोय दोसर आदमी ओकर कामके पद लै।’
21-22सेल्याके यी जरुरी छै कि एकटा एरं आदमीके चुन्ल जै, जे प्रभु येशूके कामके सभे समयके गवाह रहै। प्रभु येशूके बप्तिस्मा दिएवाला यूहन्नाद्वारा बप्तिस्मा दियैके समयसे ल्याके ओकरा स्वर्गमे स्वीकार करै तक, ऊ आदमी हमरसिके संगमे प्रभु येशूके मुर्दासे जिन्दा हुऐ तकके गवाह बनै।” 23तब ऊसब दीटा आदमीके बारेमे सुझाव देल्कै, एक बारसाबास कहलाबेवाला योसेफ, जकर दोसर नाम युस्तस रहै, आर दोसर मतियास।
24आर ऊसब एरं कहिके प्रार्थना कैल्कै, “सभैके हृदयके बात जानेवाला प्रभु, यी दीटा आदमीसिमेसे तुहें ककरा चुन्लह छे से देखाब। 25आर ऊसब यी सेवाके काम आर चुन्ल आर भेज्ल चेलाके उटा खाली जगह लिए सकै, जे सेवासे मुक्त भ्याके यहूदा आपन ठहरैल जगहमे गेलै।” 26तब ऊसब ऊ दोनो आदमीके बीचमे गोला राखल्कै, आर मतियासके नाममे गोला पड्लै आर एगारटा चुन्ल आर भेज्ल चेलासिके संगे ओकर गिन्ती भेलै।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.